ജമ്മു കശ്മീരില് പട്രോളിങ്ങിനിടെ അപകടത്തില് മരിച്ച മലപ്പുറം സ്വദേശിയായ സൈനികന് സുബേദാര് കെ. സജീഷിന് വിട നല്കി നാട്. പതിവ് പരിശോധനയ്ക്കിടെ കാല്വഴുതി കൊക്കയിലേക്ക് വീണായിരുന്നു സൈനികന് അപകടം. വീടിനോട് ചേര്ന്ന കുടുംബ ശ്മശാനത്തില് ഔദ്യോഗിക ബഹുമതികളുടെ മൃതദേഹം സംസ്കരിച്ചു.
പ്രത്യേക വിമാനത്തില് ഇന്നലെ രാത്രി കോഴിക്കോട് അന്താരാഷ്ട്ര വിമാനത്താവളത്തില് എത്തിച്ച മൃതദേഹം….സൈനിക ഉദ്യോഗസ്ഥര് ഏറ്റുവാങ്ങി. തുടര്ന്ന് രാത്രി പത്തോടെ ഒതുക്കുങ്ങല് ചെറുകുന്നിലെ വീട്ടില് എത്തിച്ചു. വീട്ടിലെത്തിയും ചെറുകുന്ന് ബാലപ്രബോധനി സ്കൂളിലെ പൊതുദര്ശനത്തിലുമായി പ്രമുഖര് ഉള്പ്പെടെ നൂറുകണക്കിനാളുകള് അന്തിമോപചാരം അര്പ്പിച്ചു.