Connect with us

kerala

ദക്ഷിണ കൊറിയന്‍ വിമാനത്താവളത്തില്‍ മലയാളി വിദ്യാര്‍ത്ഥിനി കുഴഞ്ഞു വീണു മരിച്ചു

നാലു വര്‍ഷമായി ദക്ഷിണ കൊറിയയിലാണ് ഇവര്‍.

Published

on

ചെറുതോണി: ദക്ഷിണ കൊറിയയില്‍ മലയാളി ഗവേഷക വിദ്യാര്‍ത്ഥിനി വിമാനത്താവളത്തില്‍ കുഴഞ്ഞുവീണു മരിച്ചു. ഇടുക്കി വാഴത്തോപ്പ് മണിമലയില്‍ ജോസിന്റെയും ഷെര്‍ലിയുടെ മകള്‍ ലീജ ജോസ് (28) ആണ് മരിച്ചത്. നാലു വര്‍ഷമായി ദക്ഷിണ കൊറിയയിലാണ് ഇവര്‍.

ഫെബ്രുവരിയില്‍ അവധിക്ക് നാട്ടില്‍ വന്നിരുന്നു. എന്നാല്‍ കോവിഡ് വ്യാപകമായതിനാല്‍ നിശ്ചയിച്ചിരുന്ന സമയത്ത് തിരിച്ചു പോകാന്‍ ആയില്ല. ഓഗസ്റ്റ് ആറിനാണ് തിരിച്ചുപോയത്. സെപ്റ്റംബറില്‍ വിസാ കാലാവധി തീരുന്നതിനാല്‍ കോഴ്‌സ് പൂര്‍ത്തിയാക്കുന്നതിനു വേണ്ടിയായിരുന്നു മടക്കം. കൊറിയയില്‍ എത്തി 14 ദിവസം ക്വാറന്റീനില്‍ കഴിയേണ്ടി വന്നിരുന്നു.

അതിനിടെ ശാരീരിക അസ്വസ്ഥകള്‍ ഇവരെ അലട്ടിയിരുന്നു. ആശുപത്രിയിലെ ചികിത്സയ്ക്കു ശേഷവും അസുഖം ഭേദമാകാത്തതിനാല്‍ നാട്ടിലേക്ക തിരിച്ചു പോരാന്‍ തീരുമാനിക്കുകയായിരുന്നു. വ്യാഴാഴ്ച വിമാനത്താവളത്തില്‍ എത്തിയ ഇവര്‍ കുഴഞ്ഞു വീഴുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സഹോദരങ്ങള്‍ ലീജോ, ലീനോ. മൃതദേഹം നാട്ടിലെത്തിക്കാനുള്ള ശ്രമങ്ങള്‍ നടന്നു കൊണ്ടിരിക്കുകയാണ്. ഇതിനായി എംപിമാരായ ഡീന്‍ കുര്യാക്കോസ്, അല്‍ഫോണ്‍സ് കണ്ണന്താനം, റോഷി അഗസ്റ്റിന്‍ എം.എല്‍.എ എന്നിവര്‍ വിദേശകാര്യ സഹമന്ത്രി വി മുരളീധരനുമായി ആശയവിനിമയം നടത്തിയിട്ടുണ്ട്.

kerala

വ്യവസായ പ്രമുഖന്‍ കൊളക്കാടൻ മൂസഹാജി അന്തരിച്ചു

മയ്യത്ത് നമസ്കാര സമയം ഇന്ന് വൈകു ന്നേരം 4.30 ന് ചെറുവാടി പുതിയോത്ത് ജുമാ മസ്ജിദിൽ

Published

on

കുന്ദമംഗലം : ചെറുവാടിയിലെ വ്യവസായ പ്രമുഖനും കൊളക്കാടൻ ബസുകളുടെ ഉടമയുമായ കൊളക്കാടൻ മൂസഹാജി (85)മരണപെട്ടു . മയ്യത്ത് നമസ്കാര സമയം ഇന്ന് വൈകുന്നേരം 4.30 ന് ചെറുവാടി പുതിയോത്ത് ജുമാ മസ്ജിദിൽ. ഭാര്യ: ഇത്തിരുമ്മ അരിക്കാട് (നെടിയിരുപ്പ്‌).
മക്കള്‍ : അബൂബക്കർ, നൗഷാദ്, ലിസിജ, പരേതനായ സക്കീർ ഹുസൈൻ. മരുമക്കൾ: അഷ്റഫ് (നരിക്കുനി), സലീന, ഹുസിന, സബീന.ജെ.ഡിറ്റി ഹസ്സൻ ഹാജിക്കെതിരെയും 1991-ൽ നടന്ന പാലക്കാട് പോലീസ് വെടിവെപ്പിൽ സിറാജുന്നീസ എന്ന കുട്ടി മരിച്ച കേസടക്കം നിരവധി പൊതുതാൽപര്യ കേസുകളിലെ ഹർജിക്കാരനും നിയമവിദഗനുമായിരുന്നു.

Continue Reading

india

അർജുനെ കണ്ടെത്താന്‍ തീവ്രശ്രമം, ദൗത്യം ഒമ്പതാം നാള്‍; സോണാർ സിഗ്നല്‍ ലഭിച്ച പ്രദേശത്ത് തിരച്ചില്‍

ഇന്നത്തെ തിരച്ചില്‍ ഇത് നിര്‍ണായകമാകും.

Published

on

കര്‍ണാടകയിലെ ഷിരൂരില്‍ മണ്ണിടിച്ചിലില്‍ പെട്ട് കാണാതായ കോഴിക്കോട് സ്വദേശി അര്‍ജുനായുള്ള തിരച്ചില്‍ ഇന്ന് ഒമ്പതാം ദിവസം. ഗംഗാവാലിപ്പുഴയില്‍ റഡാര്‍ സിഗ്‌നല്‍ ലഭിച്ച അതേ ഇടത്തുനിന്നു തന്നെ കഴിഞ്ഞ ദിവസം സോണാര്‍ സിഗ്‌നലും ലഭിച്ചിരുന്നു. ഇന്നത്തെ തിരച്ചില്‍ ഇത് നിര്‍ണായകമാകും. നാവികസേന നടത്തിയ തിരച്ചിലിലാണ് സോണാര്‍ സിഗ്‌നല്‍ ലഭിച്ചത്. ഇടവിട്ട് പെയ്യുന്ന ശക്തമായ മഴ തിരച്ചിലിന് ഇപ്പോഴും പ്രതിസന്ധി സൃഷ്ടിക്കുന്നുണ്ട്.

വെള്ളത്തിനടിയിലുള്ള വസ്തുക്കളെ കണ്ടെത്തുന്നതിനും അവയുടെ സഞ്ചാരദിശ, വേഗം തുടങ്ങിയവ മനസ്സിലാക്കുന്നതിനും ഉപയോഗിക്കുന്ന ശബ്ദശാസ്ത്ര സംവിധാനമാണു സോണാര്‍. കണ്ടെത്തിയ രണ്ടു സിഗ്‌നലുകളും വലിയ വസ്തുവിന്റെ സാന്നിധ്യം സൂചിപ്പിക്കുന്നതിനാല്‍ ഇവിടം കേന്ദ്രീകരിച്ചാകും പ്രധാനമായും ഇന്ന് തിരച്ചില്‍ നടത്തുക. ഇന്ന് കൂടുതല്‍ ഉപകരണങ്ങള്‍ എത്തിച്ച് സൈന്യം പരിശോധന തുടരും.

ഇക്കഴിഞ്ഞ ചൊവ്വാഴ്ചയാണ് കോഴിക്കോട് കണ്ണാടിക്കല്‍ സ്വദേശി അര്‍ജുനെ കര്‍ണാടക അങ്കോല-ഷിരൂര്‍ ദേശീയപാതയിലുണ്ടായ മണ്ണിടിച്ചിലിനെ തുടര്‍ന്ന് കാണാതായത്. കര്‍ണാടക മുഖ്യമന്ത്രി സിദ്ധരാമയ്യയുടെ നിര്‍ദ്ദേശത്തെ തുടര്‍ന്ന് അര്‍ജുനെ കണ്ടെത്താനായി ഊര്‍ജ്ജിതമായ രക്ഷാപ്രവര്‍ത്തനമാണ് പുരോഗമിക്കുന്നത്. പ്രദേശത്ത് കനത്ത മഴ തുടരുന്നതാണ് രക്ഷാപ്രവര്‍ത്തനത്തിന് വെല്ലുവിളി. ഗംഗാവാലി പുഴ നിറഞ്ഞൊഴുകിയതും പ്രതിസന്ധി സൃഷ്ടിച്ചു. ജീവന്‍ പണയപ്പെടുത്തിയുള്ള രക്ഷാദൗത്യമാണ് കഴിഞ്ഞ ദിവസങ്ങളിലായി പുരോഗമിക്കുന്നത്.

Continue Reading

india

അങ്കോല മണ്ണിടിച്ചിൽ: അർജുനെ കണ്ടെത്താനുള്ള ഇന്നത്തെ തിരച്ചിൽ അവസാനിപ്പിച്ചു

ശക്തമായ മഴയും പുഴയുടെ ഒഴുക്ക് വർധിച്ചതിനാലുമാണ് ഇന്നത്തെ തിരച്ചിൽ അവസാനിപ്പിച്ചത്

Published

on

അർജുന് വേണ്ടിയുള്ള തെരച്ചിൽ എട്ടാം ദിവസവും വിഫലം. ഗാംഗാവതി പുഴയിലെ തെരച്ചിൽ അവസാനിപ്പിച്ചു. ഗം​ഗാവലി പുഴയിൽ സിഗ്നൽ കിട്ടിയ സ്ഥലത്താണ് പരിശോധന നടത്തുന്നത്. രക്ഷാദൗത്യം സൈന്യം താൽക്കാലികമായി നിർത്തിവെച്ചിരിക്കുകയാണ്.

കര- നാവികസേനകൾ നടത്തിവന്ന തിരച്ചിലാണ് അവസാനിപ്പിച്ചത്. ഡിങ്കി ബോട്ടുകൾ ഉപയോഗിച്ചായിരുന്നു ഇന്നത്തെ തിരച്ചിൽ നടന്നത്. കാലാവസ്ഥ അനുകൂലമല്ലാത്തതിനാൽ പല സമയത്തും ഇന്ന് തിരച്ചിൽ നിർത്തിവയ്ക്കേണ്ട സാഹചര്യമുണ്ടായിരുന്നു. ശക്തമായ മഴയും പുഴയുടെ ഒഴുക്ക് വർധിച്ചതിനാലുമാണ് ഇന്നത്തെ തിരച്ചിൽ അവസാനിപ്പിച്ചത്. നാളെ കൂടുതൽ ആധുനിക യന്ത്രങ്ങൾ ഉപയോ​ഗിച്ച് തിരച്ചിൽ ശക്തിപ്പെടുത്തുമെന്ന് കർവാർ എം.എൽ.എ സതീഷ് കൃഷ്ണ സെയ്ൽ അറിയിച്ചു.

ഷിരൂരിലെ മണ്ണിടിച്ചിലില്‍ അര്‍ജുന്‍ ഉള്‍പ്പടെയുള്ളവരെ കാണാതായ സംഭവത്തില്‍ ഇടപെട്ട് കര്‍ണാടക ഹൈക്കോടതി. അപകടം ഗൗരവമേറിയതെന്ന് കര്‍ണാടക ഹൈക്കോടതി പറഞ്ഞു. കേന്ദ്ര സര്‍ക്കാരിനോടും കര്‍ണാടക സര്‍ക്കാരിനോടും ഹൈക്കോടതി റിപ്പോര്‍ട്ട് തേടി.

Continue Reading

Trending