Connect with us

News

മറഡോണയുടെ ക്ലബ് കോഴിക്കോട്ട്‌

കാല്‍പന്ത് നഗരമായ കോഴിക്കോട് കേന്ദ്രമായി ഫുട്‌ബോള്‍ അക്കാദമി വരുന്നു.

Published

on

കോഴിക്കോട്: കാല്‍പന്ത് നഗരമായ കോഴിക്കോട് കേന്ദ്രമായി ഫുട്‌ബോള്‍ അക്കാദമി വരുന്നു. അന്താരാഷ്ട്ര നിലവാരമുള്ള ഫുട്‌ബോള്‍ അക്കാദമിയായ മലബാര്‍ സ്‌പോര്‍ട്‌സ് ആന്റ് റിക്രിയേഷന്‍ ഫൗണ്ടേഷന്‍ (എം.എസ്.ആര്‍.എഫ്) ലോകത്തെ പ്രമുഖ ഫുട്‌ബോള്‍ അക്കാദമിയായ അര്‍ജന്റീനോസ് ജൂനിയേഴ്‌സുമായി കരാര്‍ ഒപ്പുവച്ചു. എംഎസ്ആര്‍എഫിന്റെ ഫുട്‌ബോള്‍ ക്ലബ്ബായ മലബാര്‍ ചാലഞ്ചേഴിസിന്റെ പേര് പ്രഖ്യാപിക്കലും ലോഗോ പ്രകാശനവും വെബ്‌സൈറ്റ് ലോഞ്ചിംഗും ഇതോടൊപ്പം നടന്നു.

മറഡോണ ഉള്‍പ്പെടെ പ്രമുഖ ഫുട്‌ബോള്‍ താരങ്ങളെ വാര്‍ത്തെടുത്ത ലോകത്തെ തന്നെ മുന്‍നിര ഫുട്‌ബോള്‍ അക്കാദമിയാണ് അര്‍ജന്റീനോ ജൂനിയേഴ്‌സ്. ഇവരുമായി രണ്ടു വര്‍ഷത്തേക്കാണ് എം.എസ്.ആര്‍.എഫ് കരാറിലെത്തിയത്. കരാര്‍ പ്രകാരം അര്‍ജന്റീനോ ജൂനിയേഴ്‌സിന്റെ രണ്ട് കണ്‍സല്‍ട്ടന്റ് കോച്ചുകള്‍ എം.എസ്.ആര്‍.എഫിലെ കുട്ടികള്‍ക്കും കോച്ചുകള്‍ക്കും പരിശീലനം നല്‍കും. അര്‍ജന്റീനോ ജൂനിയേഴ്‌സ് വൈസ് പ്രസിഡന്റ് ഹാവിയര്‍ പെഡര്‍സോളി, എം.എസ.്ആര്‍.എഫ് ചെയര്‍മാന്‍ മുന്‍ ഗോവന്‍ ചീഫ് സെക്രട്ടറി ബി. വിജയന്‍ എന്നിവരാണ് കരാറില്‍ ഒപ്പുവച്ചത്. മുന്‍ ഇന്ത്യന്‍ ഇന്റര്‍നാഷണല്‍ ഗോള്‍കീപ്പര്‍ വിക്ടര്‍ മഞ്ഞില, എംഎസ്ആര്‍എഫ് ഡയറക്ടര്‍മാരായ മുന്‍ തമിഴ്‌നാട് അഡീഷണല്‍ ചീഫ്‌സെക്രട്ടറി സ്‌കന്ദന്‍ കൃഷ്ണന്‍, ഇന്‍കം ടാക്‌സ് മുന്‍ കമ്മീഷണര്‍ പോള്‍ ജോര്‍ജ്ജ്്,മുന്‍ ഇന്ത്യന്‍ ക്യാപ്റ്റനും ഗോള്‍ കീപ്പറും നിലവില്‍ ഗോവ ഫുട്‌ബോള്‍ ഡെവലപ്പ്‌മെന്റ് കൗണ്‍സില്‍ ചെയര്‍മാനുമായ ബ്രഹ്മാനന്ദ സങ്‌വാക്കര്‍, ചെന്നൈ അവലോണ്‍ ടെക്‌നോളജീസ് സിഎംഡി ഇമ്പിച്ചഹമ്മദ്, ഡോ. മനോജ് കാളൂര്‍, എംഎസ്ആര്‍എഫ് എംഡിയും സി.ഇ.ഒയുമായ സജീവ് ബാബു കുറുപ്പ് എന്നിവര്‍ പങ്കെടുത്തു.

സെപ്തംബറില്‍ എംഎസ്ആര്‍എഫിന്റെ ലോകോത്തര നിലവാരമുള്ള ഫുട്‌ബോള്‍ അക്കാദമി കോഴിക്കോട്ട് പ്രവര്‍ത്തനമാരംഭിക്കും. ദേശീയ ഫുട്‌ബോള്‍ലീഗില്‍ പങ്കെടുക്കുന്ന യഥാര്‍ത്ഥ പ്രൊഫണല്‍ സീനിയര്‍ ടീം രൂപീകരിക്കുകയാണ് തങ്ങളുടെ ലക്ഷ്യമെന്ന് എംഎസ്ആര്‍എഫ് ചെയര്‍മാന്‍ ബി. വിജയന്‍ പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

‘ഭാരത് ജോഡോ യാത്ര പോലും നിർത്തിവച്ചാണ് കാട്ടാന ആക്രമണത്തിൽ കൊല്ലപ്പെട്ട അജീഷിന്റെ വീട്ടിൽ രാഹുൽ ഗാന്ധി എത്തിയത്’: ടി സിദ്ദിഖ്

Published

on

രാഹുൽ ഗാന്ധി വയനാട്ടിൽ എത്താറില്ലെന്ന് പരിഹസിച്ച എൻഡിഎ സ്ഥാനാർത്ഥി കെ സുരേന്ദ്രന് മറുപടിയുമായി ടി സിദ്ദിഖ് എംഎൽഎ. ഭാരത് ജോഡോ യാത്ര പോലും നിർത്തിവച്ചാണ് കാട്ടാന ആക്രമണത്തിൽ കൊല്ലപ്പെട്ട അജീഷിന്റെ വീട്ടിൽ രാഹുൽ ഗാന്ധി എത്തിയത്.

രാഹുൽ ഗാന്ധിയുടെ ഇടപെടലിൽ കർണാടക സർക്കാർ ധനസഹായം പ്രഖ്യാപിച്ചതിനെ ബിജെപി എതിർത്തിരുന്നു. അതിന് കെ സുരേന്ദ്രൻ ക്ഷമ ചോദിക്കണമെന്നും ടി സിദ്ദിക്ക് എംഎൽഎ വ്യക്തമാക്കി.

 

Continue Reading

EDUCATION

തുല്യതാ പരീക്ഷ മാർച്ച്‌ 30 വരെ അപേക്ഷിക്കാം

പത്താം തരം തുല്യതാ പരീക്ഷയിലേക്ക് അപേക്ഷിക്കുന്നതിന് 1950 രൂപയും ഹയർ സെക്കന്ററിക്ക് 2,600 രൂപയുമാണ് ഫീസ്

Published

on

സംസ്ഥാന സാക്ഷരതാ മിഷൻ നടത്തുന്ന പത്താംതരം, ഹയർ സെക്കൻഡറി തുല്യതാ കോഴ്‌സുകളിലേക്ക് മാർച്ച്‌ 30 വരെ അപേക്ഷിക്കാം. 17 വയസ് പൂർത്തിയായ ഏഴാംതരം വിജയിച്ചവർ, 8, 9 ക്ലാസുകളില്‍ പഠനം നിർത്തിയവർ, പത്താംതരം തോറ്റവർ എന്നിവർക്ക് പത്താം തരത്തിലേക്ക് അപേക്ഷിക്കാം.

22 വയസ് പൂർത്തിയായ പത്താംതരം വിജയിച്ചവർ, പത്താംതരം തുല്യത കോഴ്‌സ് വിജയിച്ചവർ, പ്ലസ് വണ്‍, പ്ലസ് ടു ക്ലാസുകളില്‍ പഠനം നിർത്തിയവർ,തോറ്റവർ എന്നിവർക്ക് ഹയർ സെക്കൻഡറി തലത്തിലേക്ക് അപേക്ഷിക്കാം. പത്താം തരം തുല്യതാ പരീക്ഷയിലേക്ക് അപേക്ഷിക്കുന്നതിന് 1950 രൂപയും ഹയർ സെക്കന്ററിക്ക് 2,600 രൂപയുമാണ് ഫീസ്.

Continue Reading

india

‘സാമ്പത്തികമായി കോൺഗ്രസിനെ തകർക്കാന്‍ ശ്രമം, ‘നികുതി ഭീകരത’ അവസാനിപ്പിക്കണം’: കോണ്‍ഗ്രസ്

ബി.ജെ.പിയില്‍ നിന്ന് ആദായനികുതി വകുപ്പ് 4600 കോടി രൂപ പിരിച്ചെടുക്കാനുണ്ട്

Published

on

ഇന്ത്യയില്‍ ബിജെപി നടത്തുന്നത് നികുതി ഭീകരതയെന്ന് കോണ്‍ഗ്രസ്. തെരഞ്ഞെടുപ്പ് മുന്നില്‍ കണ്ട് കോണ്‍ഗ്രസിനെ സാമ്പത്തികമായി തകര്‍ക്കുകയാണ്. ബി.ജെ.പിയില്‍ നിന്ന് ആദായനികുതി വകുപ്പ് 4600 കോടി രൂപ പിരിച്ചെടുക്കാനുണ്ട്. ആദായ നികുതി നിയമങ്ങളും ജനപ്രാതിനിധ്യ നിയമങ്ങളും ബി.ജെ.പി ലംഘിക്കുകയാണ്. ഇതിനെതിരെ അടുത്തയാഴ്ച സുപ്രിംകോടതിയെ സമീപിക്കുമെന്നും കോണ്‍ഗ്രസ് നേതാക്കള്‍ അറിയിച്ചു.

Continue Reading

Trending