More
നോട്ട് നിരോധനം: വ്യാജ കണക്കുകള് നല്കാന് മോദി സര്ക്കാര് സി.എസ്.ഒക്കു മേല് സമ്മര്ദ്ദം ചെലുത്തിയെന്ന് സുബ്രഹ്മണ്യന് സ്വാമി

ന്യൂഡല്ഹി: നോട്ട് നിരോധനം മൂലമുണ്ടായ പ്രശ്നങ്ങള് സമ്പദ് വ്യവസ്ഥയേയും ജി.ഡി.പിയേയും ബാധിച്ചിട്ടില്ലെന്ന തരത്തില് വ്യാജ കണക്കുകള് നല്കാന് മോദി സര്ക്കാര് കേന്ദ്ര സ്റ്റാസ്റ്റിക്കല് ഓര്ഗനൈസേഷനു (സി.എസ്.ഒ) മേല് സമ്മര്ദ്ദം ചെലുത്തിയെന്ന് ബി.ജെ.പി എം.പി സുബ്രഹ്മണ്യന് സ്വാമി. അഹമ്മദാബാദില് ചാര്ട്ടേഡ് അക്കൗണ്ടന്റുമാരുടെ യോഗത്തില് സംസാരിക്കുവെയാണ് കേന്ദ്ര സര്ക്കാറിനെതിരെ ഗുരുതരമായ വെളിപ്പെടുത്തലുമായി സ്വാമി രംഗത്തെത്തിയത്. ജി.ഡി.പിയുടെ (മൊത്ത ആഭ്യന്തര ഉല്പാദനം) ത്രൈമാസ വിവരങ്ങള് കണക്കിലെടുക്കരുത്. അതെല്ലാം വ്യാജമാണ്. എന്റെ പിതാവാണ് സ്റ്റാസ്റ്റിക്കല് ഓര്ഗനൈസേഷന്റെ സ്ഥാപകന്. അടുത്തിടെ മന്ത്രി സദാനന്ത ഗൗഡക്കൊപ്പം അവിടെ പോയിരുന്നു. അവിടെ അദ്ദേഹം സി.എസ്.ഒയുടെ ചുമതലയുള്ളയാളെ വിളിച്ചു വരുത്തി. നോട്ട് നിരോധനം സംബന്ധിച്ച വിവരങ്ങളില് കൃത്രിമം കാണിക്കാന് സമ്മര്ദ്ദം ചെലുത്താനായിരുന്നു ഇത്. അതിനാലാണ് ജി.ഡി.പിയില് നോട്ട് നിരോധനം പ്രതിഫലനമുണ്ടാക്കിയില്ലെന്ന് അവര് പറയുന്നതെന്നും സ്വാമി കൂട്ടിച്ചേര്ത്തു. നോട്ട് നിരോധനം എങ്ങിനെയാണ് സമ്പദ് വ്യവസ്ഥയെ ബാധിച്ചിട്ടില്ലെന്ന് പറയാന് സാധിക്കുകയെന്ന് ഞാന് അവരോട് ചോദിച്ചു. എന്നാല് ഞങ്ങള്ക്കു മേല് വലിയ സമ്മര്ദ്ദമാണുള്ളതെന്നും അതിനാലാണ് ഇത്തരത്തില് വിവരങ്ങള് നല്കുന്നതെന്നുമായിരുന്നു സി.എസ്.ഒ ഉദ്യോഗസ്ഥരുടെ മറുപടി. മൂഡീസ്, ഫിച്ചെസ് ഏജന്സികളുടെ റേറ്റിങ് വിശ്വസിക്കരുതെന്നും പണം നല്കിയാല് അവരെക്കൊണ്ട് എന്തു റിപ്പോര്ട്ടു വേണമെങ്കിലും ഏര്പ്പാടാക്കാന് കഴിയുമെന്നും സ്വാമി പറഞ്ഞു. ഒരു മാസം മുമ്പ് മൂഡീസ് ഇന്ത്യയുടെ വളര്ച്ച നിരക്ക് ഉയര്ത്തിയിരുന്നു.
GULF
ചങ്ങരംകുളം സ്വദേശി റാസൽഖൈമയിൽ നിര്യാതനായി

റാസൽഖൈമ: മലപ്പുറം ചങ്ങരംകുളം സ്വദേശി മജീദ് കിഴക്കേതിൽ (52) റാസൽഖൈമയിൽ നിര്യാതനായി. നന്നംമുക്ക് കിഴക്കേതിൽ വീട്ടിൽ സൈദ് (മൊനുട്ടി) – ആമിനു ദമ്പതികളുടെ മകനാണ്. ദീർഘനാളായി യുഎഇയിലുള്ള മജീദ് ആഭ്യന്തരമന്ത്രാലയം ജീവനക്കാരനായി സേവനമനുഷ്ഠിച്ച് വരികയായിരുന്നു. ഹൃദയാഘാതത്തെ തുടർന്ന് വ്യാഴാഴ്ച രാത്രിയായിരുന്നു അന്ത്യം.
നടപടികൾ പൂർത്തിയാക്കി മോർച്ചറിയിൽ സൂക്ഷിച്ചിരിക്കുന്ന മൃതദേഹം വെള്ളിയാഴ്ച രാത്രി നാട്ടിലേക്ക് കൊണ്ടുപോകുമെന്ന് സുഹൃത്തുക്കൾ പറഞ്ഞു. ഭാര്യ: റസിയ തരിയത്ത്. മക്കൾ: അസ്ലം, ഫൈസാൻ, അമീൻ. സഹോദരങ്ങൾ: റുഖിയ, ജമീല, ഷാഫി.
kerala
പത്തനംതിട്ടയില് 17 വയസുകാരിയെ പെട്രോള് ഒഴിച്ച് കത്തിച്ചു കൊലപ്പെടുത്തിയ സംഭവം: കാമുകന് കുറ്റക്കാരന്
നാളെയാണ് ശിക്ഷാവിധി

പത്തനംതിട്ട: പത്തനംതിട്ട കടമ്മനിട്ടയില് 17 കാരിയെ പെട്രോളൊഴിച്ച് തീകൊളുത്തിക്കൊന്ന കേസില് പ്രതി കുറ്റക്കാരനെന്ന് കോടതി. പത്തനംതിട്ട അഡീഷണൽ ജില്ലാ കോടതി ഒന്നാണ് പ്രതി സജിൻ കുറ്റക്കാരനെന്ന് കണ്ടെത്തിയത്. നാളെയാണ് ശിക്ഷാവിധി.
2017 ജൂലൈ 14 നാണ് കേസിനാസ്പദമായ സംഭവം നടന്നത്. ശാരിക എന്ന പെൺകുട്ടിയേയായിരുന്നു ഇയാൾ ക്രൂരമായി കൊലപ്പെടുത്തിയത്. സംഭവ ദിവസം മുത്തച്ഛന്റെ വീട്ടിലായിരുന്നു ശാരിക. വൈകിട്ട് ആറരയോടെ പ്രതി സജിന് പെട്രോളുമായി പെണ്കുട്ടി ഉണ്ടായിരുന്ന മുത്തച്ഛന്റെ വീട്ടിലേക്ക് എത്തി. വീട്ടില് വൈദ്യുതി കണക്ഷന് ഉണ്ടായിരുന്നില്ല. വീടിന്റെ മുന്ഭാഗത്ത് മെഴുകുതിരി കത്തിച്ചുവെച്ചിരുന്നു. ശാരികയുടെ ദേഹത്തേക്ക് പെട്രോള് ഒഴിച്ച ശേഷം മെഴുകുതിരി സജിന് ശാരികയുടെ ദേഹത്തേയ്ക്ക് ഇടുകയായിരുന്നു.
അറുപത് ശതമാനത്തിലധികം പൊള്ളലേറ്റ ശാരികയെ ആദ്യം പത്തനംതിട്ട ജനറല് ആശുപത്രിയിലും പിന്നീട് കോട്ടയം മെഡിക്കല് കോളേജ് ആശുപത്രിയിലേക്കും മാറ്റി. വിദഗ്ധ ചികിത്സയ്ക്കായി പിന്നീട് ഹെലികോപ്റ്റര് മാര്ഗ്ഗം കോയമ്പത്തൂരിലെ സ്വകാര്യ ആശുപത്രിയിലേക്ക് മാറ്റി. ജൂലൈ 22ന് മരണം സംഭവിച്ചു. സജിനാണ് തീ കൊളുത്തിയതെന്ന് ശാരിക മരണമൊഴി നല്കിയിരുന്നു. കോടതിയില് ഈ തെളിവ് നിര്ണായകമായി. കൂടാതെ പ്രതി സജിന് മുപ്പത് ശതമാനത്തോളം പൊള്ളലേറ്റിരുന്നു. തീ കൊളുത്തിയ ശേഷം പ്രതി ഓടി രക്ഷപ്പെടുന്നതിന് സാക്ഷികള് ഉണ്ടായിരുന്നു. കൂടെ വരണം എന്ന ആവശ്യം പെണ്കുട്ടി നിരാകരിച്ചതിനെ തുടര്ന്നാണ് പ്രതി പെണ്കുട്ടിയെ തീ കൊളുത്തിയത്. സജിനിന്റെ നിരന്തരമായ ഉപദ്രവം മൂലമാണ് സ്വന്തം വീടിന്റെ സമീപത്തുള്ള മുത്തച്ഛന്റെ വീട്ടിലേക്ക് ശാരിക പോയത്.
kerala
താമരശ്ശേരിയിൽ ബൈക്ക് യാത്രികനെ ആക്രമിച്ച സിപിഎം പ്രവര്ത്തകര്ക്കെതിരെ കേസ്
സിപിഎം പുതുപ്പാടി മുൻ ലോക്കൽ സെക്രട്ടറി ഷൈജൽ, കണ്ടാലറിയുന്ന മൂന്ന് സിപിഎം പ്രവർത്തകർ എന്നിവർക്കെതിരെ നൽകിയ പരാതിയിൽ പൊലീസ് കേസെടുത്തു

കോഴിക്കോട്: താമരശ്ശേരിയിൽ ബൈക്ക് യാത്രികനെ ആക്രമിച്ചതായി പരാതി. കാറിന് സൈഡ് നൽകുന്നതുമായി ബന്ധപ്പെട്ടാണ് തർക്കമുണ്ടായത്. സിപിഎം പുതുപ്പാടി മുൻ ലോക്കൽ സെക്രട്ടറി ഷൈജൽ, കണ്ടാലറിയുന്ന മൂന്ന് സിപിഎം പ്രവർത്തകർ എന്നിവർക്കെതിരെ നൽകിയ പരാതിയിൽ പൊലീസ് കേസെടുത്തു.
കൊടുവള്ളി സ്വദേശിയാണ് പരാതി നല്കിയത്. കാർ ഓടിച്ചിരുന്ന ഷൈജലും ബൈക്ക് യാത്രികനും തമ്മിലാണ് തർക്കം ഉണ്ടായത്. ഷൈജലും സംഘവും പൊലീസിനെ കയ്യേറ്റം ചെയ്തതിനും താമരശ്ശേരി പൊലീസ് കേസെടുത്തിട്ടുണ്ട്. നേരത്തെ ഫേസ്ബുക്ക് പോസ്റ്റിന്റെ പേരില് പാര്ട്ടി അച്ചടക്ക നടപടി നേരിട്ടയാളാണ് ഷൈജല്.ബൈക്ക് യാത്രക്കാരെ ആക്രമിച്ചവര് സജീവ പാര്ട്ടിക്കാരാണെന്നാണ് പൊലീസ് നല്കുന്ന വിവരം.
-
kerala2 days ago
സഊദി ഗവ. അതിഥിയായി സാദിഖലി തങ്ങള് ഹജ്ജിന്
-
india3 days ago
ഐഎസ്ഐ ഏജന്റുമായി രഹസ്യ ചാറ്റ്; ഓപ്പറേഷന് സിന്ദൂറിന്റെ നിര്ണ്ണായക വിവരങ്ങള് കൈമാറി’; ജ്യോതി മല്ഹോത്രയ്ക്കെതിരെ ഗുരുതര കണ്ടെത്തല്
-
kerala3 days ago
പിണറായിയുടെ കൂറ്റന് ഫ്ളക്സിന് 15 കോടി; ധൂര്ത്ത് കൊണ്ട് ആറാടി സര്ക്കാര് വാര്ഷികാഘോഷം
-
india3 days ago
വഖഫ് പ്രക്ഷോഭം; തെലങ്കാനയിലെ വാറങ്കലില് വഖഫ് ഭേദഗതി നിയമത്തിനെതിരെ അണിനിരന്ന് ആയിരങ്ങള്
-
kerala3 days ago
ചാവക്കാടും ആറുവരി പാതയില് വിള്ളല് രൂപപ്പെട്ടു
-
kerala3 days ago
ദേശീയപാത തകര്ച്ച: ഗഡ്കരിയെ നേരില് കണ്ട് ഇ.ടി. മുഹമ്മദ് ബഷീര് എം.പി
-
kerala3 days ago
റാപ്പ് സംഗീതത്തിന് പട്ടിക ജാതി പട്ടിക വര്ഗ വിഭാഗവുമായി പുലബന്ധമില്ല; വേടനെതിരെ വിവാദ പ്രസ്താവനയുമായി കെ.പി ശശികല
-
india3 days ago
കന്നഡ എഴുത്തുക്കാരി ബാനു മുഷ്താഖിന് ബുക്കര് സമ്മാനം; ഇന്ത്യയിലേക്ക് രണ്ടാം തവണ