More
മഞ്ഞ ജേഴ്സിയോടുള്ള കൂറ് തുറന്ന് കാട്ടി ധോനി; തിരിച്ചുവരവ് പോസ്റ്റെന്ന് ആരാധകര്
ചെന്നൈ: ഐപിഎല്ലില് ആരാധകരേറെയുളള ചെന്നൈ സൂപ്പര് കിംഗ്സ് ടീം തിരിച്ചെത്തുന്ന സന്തോഷത്തിലാണ് ആരാധകരുടെ ഇഷ്ടതാരം കൂടിയായ എംഎസ് ധോണിയും. കോടതി വിലക്ക് നീങ്ങിയതോടെ തിരിച്ചുവരവ് ഉറപ്പാക്കിയ ടീമിനായി തെല്ലും മടിക്കാതെയാണ് ടീമിന്റെ മുന് നായകന് കൂടിയായ ധോനി തന്റെ സന്തോഷം പ്രകടിപ്പിച്ചത്.
ചെന്നൈ സൂപ്പര് കിങ്സിന്റെ മഞ്ഞക്കുപ്പായത്തില് വീടിന് മുന്നില് നില്ക്കുന്ന ചിത്രം ഇന്സ്റ്റഗ്രാമില് പോസ്റ്റ് ചെയ്തുകൊണ്ടായിരുന്നു ധോനിയുടെ വേറിട്ട ആഘോഷം. തമിഴില് നായകന് എന്നര്ത്ഥം വരുന്ന ‘തല’ എന്നെഴുതിയ ഏഴാം നമ്പറില് ജെഴ്സിയില് തന്റെ പട്ടിക്ക് മുന്നില് നില്ക്കുന്ന പടം, പലതും അര്ത്ഥം വെക്കുന്നതായാണ് വിലയിരുത്തല്. ചിത്രത്തില് പട്ടി ധോനിയുടെ ആജ്ഞ കേട്ട് രണ്ടു കാലിലാണ് ഇരിക്കുന്നത്. കുറിപ്പുകളൊന്നുമില്ലാത്ത പോസ്റ്റ് സമൂഹ്യ മാധ്യമങ്ങളില് ഇതിനകം വലിയ ചര്ച്ചയായിരിക്കുകയണ്.
ഐ.പി.എല്ലില് ചെന്നൈ സൂപ്പര് കിങ്സിന്റെ വിലക്ക് മാറിയതാണ് വേറിട്ട രീതിയില് ധോനി ആഘോഷിച്ചത്. കഴിഞ്ഞ രണ്ടു വര്ഷമായി റൈസിങ് പുണെ സൂപ്പര് ജയന്റിനായായാണ് കളിക്കുന്നതെങ്കിലും തന്റെ ഇഷ്ടം ചെന്നൈയോടാണ് എന്ന് മറ നീക്കി പുറത്തുവരുന്നതായി പോസ്റ്റ്.
Lions, start the whistles… Guess who’s back! #whistlepodu #CSKReturns pic.twitter.com/5eVUZSEBKa
— Chennai Super Kings (@ChennaiIPL) July 15, 2017
ഒത്തുകളി ആരോപണത്തെ തുടര്ന്ന് ചെന്നൈ സൂപ്പര് കിംഗ്സിനേയും രാജസ്ഥാന് റോയല്സിനേയും ഐ.പി.എല്ലില് നിന്ന് രണ്ട് വര്ഷത്തേക്ക് വിലക്കിയത് ക്രിക്കറ്റ് ആരാധകരെ നടുക്കിയ വാര്ത്തയായിരുന്നു. സുപ്രീം കോടതി നിയോഗിച്ച ജസ്റ്റിസ് ലോധ കമ്മിറ്റി ചെന്നൈ ടീമിന് വിലക്ക് ഏര്പ്പെടുത്തിയതോടെയാണ് പുതിയ ടീമായ പൂനെ സൂപ്പര് ജയന്റിലേക്ക് പോവുകയാണ് ധോണി ചെയ്തത്.
എന്നാല് ആദ്യ ഐ.പി.എല് ടീമായ ചെന്നൈ സൂപ്പര് കിങ്സിനോട് ഒരു പ്രത്യേക ഇഷ്ടം മനസ്സില് സൂക്ഷിക്കുകയായ്ിരുന്നു ക്യാപ്റ്റന് കൂള്.
ഐ.പി.എല് ആദ്യ സീസണില് ടീമിനെ നയിച്ച മുന് ഇന്ത്യന് നായകന് കൂടിയായ ധോനിക്ക്, എന്നാല് രണ്ടാം സീസണില് പൂനെയുടെ ക്യാപ്റ്റന് സ്ഥാനം നഷ്ടപ്പെടുകയായിരുന്നു. ഇതിന് പുറമെ പൂനെ ടീമിന്റെ സഹ ഉടമ ഹര്ഷ ഗോയങ്ക ധോനിക്കെതിരെ പരസ്യമായി ഉടക്കുകയും ചെയ്തു. ഇതിനിടെയാണ് ചെന്നൈ ടീമിന്റെ തിരിച്ചുവരവ് ധോനിടെ സന്തോഷിപ്പിക്കുന്നത്.
നേരത്തെ പൂനെ ടീമുമായുള്ള അസ്വാരസ്യങ്ങള്ക്കിയടില് ധോനിയുടെ ഭാര്യ സാക്ഷി ഇന്സ്റ്റഗ്രാമില് പ്രതികരിച്ചിരുന്നു. ചെന്നൈയുടെ ജെഴ്സിയും ഹെല്മെറ്റുമെല്ലാമുള്ള ഒരു സെല്ഫി ഇന്സ്റ്റഗ്രാമില് പോസ്റ്റ് ചെയ്തുകൊണ്ടായിരുന്നു സാക്ഷിയുടെ പരിഹാസം. തങ്ങളുടെ ഹൃദയം ഇപ്പോഴും ചെന്നൈയില് തന്നെയാണെന്ന് ആ പോസ്റ്റിലൂടെ പറയാതെ പറയുകയായിരുന്നു സാക്ഷി. ഇതിനുശേഷമാണ് ഇപ്പോള് ധോനിയുടെ വേറിട്ട ചെന്നൈ ഭ്രമത്തിന്റെ പോസ്റ്റ്.
More
പുരുഷന്മാര് മാത്രമുള്ള എല്ഡിഎഫ് പ്രകടനപത്രിക പ്രകാശനം; രൂക്ഷ വിമര്ശനവുമായി ഇടത് അനുഭാവികൾ
പുരുഷ മാനിഫെസ്റ്റോ…പുരുഷന്മാരില് എഴുതപ്പെട്ട് പുരുഷന്മാര് പ്രകാശനം ചെയ്ത ഫെസ്റ്റോ…ഇതിനപ്പുറം ഒന്നും പ്രതീക്ഷിക്കണ്ടല്ലോ എന്നാണ് ഒരു കമന്റ്
എല്ഡിഎഫ് പ്രകടനപത്രികയുടെ പ്രകാശനത്തില് സ്ത്രീകളെ പങ്കെടുപ്പിക്കാതെ പാര്ട്ടി. സംഭവത്തില് ഇടത് പക്ഷക്കാരുള്പ്പടെ നിരവധിപേര് വിമര്ശനവുമായി രംഗത്തെത്തി. മാധ്യമപ്രവര്ത്തകയായ കെ.കെ ഷാഹിന അടക്കമുള്ളവര് വിമര്ശിച്ചു. ”എല്ഡിഎഫ് മാനിഫെസ്റ്റോ റിലീസ് ആണ്. ഇടത് പക്ഷക്കാരായ സുഹൃത്തുക്കള്ക്ക് ഇത് കണ്ടിട്ട് എന്ത് തോന്നുന്നു എന്നറിയാന് താത്പര്യമുണ്ട്” എന്നാണ് ഷാഹിനയുടെ ഫേസ്ബുക്ക് പോസ്റ്റ്.
വിമര്ശനം ശരിവെച്ചുകൊണ്ട് നിരവധിപേര് കമന്റ് ബോക്സില് അഭിപ്രായം പറയുന്നുണ്ട്. പുരുഷ മാനിഫെസ്റ്റോ…പുരുഷന്മാരില് എഴുതപ്പെട്ട് പുരുഷന്മാര് പ്രകാശനം ചെയ്ത ഫെസ്റ്റോ…ഇതിനപ്പുറം ഒന്നും പ്രതീക്ഷിക്കണ്ടല്ലോ എന്നാണ് ഒരു കമന്റ്
സിപിഎം സംസ്ഥാന സെക്രട്ടറി എം.വി ഗോവിന്ദന്, എല്ഡിഎഫ് കണ്വീനര് ടി.പി രാമകൃഷ്ണന്, ആന്റണി രാജു, അഹമ്മദ് ദേവര്കോവില്, മാത്യു ടി തോമസ് തുടങ്ങിയ നേതാക്കളാണ് പ്രകാശന ചടങ്ങില് പങ്കെടുത്തത്.
More
സുഹൃത്തുക്കള് തമ്മില് വാക്ക് തര്ക്കം; തിരുവനന്തപുരത്ത് 18 കാരന് കുത്തേറ്റ് മരിച്ചു
സുഹൃത്തുക്കള് തമ്മിലുള്ള വാക്ക് തര്ക്കമാണ് കൊലപാതകത്തില് കലാശിച്ചത്.
തിരുവനന്തപുരത്ത് 18 കാരന് കുത്തേറ്റ് മരിച്ചു. സുഹൃത്തുക്കള് തമ്മിലുള്ള വാക്ക് തര്ക്കത്തെ തുടര്ന്ന് ചെങ്കല്ചൂള രാജാജി നഗര് സ്വദേശി അലന് ആണ് മരിച്ചത്. ഇന്ന് വൈകീട്ട് ആറുമണിയോടെയാണ് സംഭവം. സുഹൃത്തുക്കള് തമ്മിലുള്ള വാക്ക് തര്ക്കമാണ് കൊലപാതകത്തില് കലാശിച്ചത്. തിരുവന്തപുരം മോഡല് സ്കൂളില് നടന്ന ഫുട്ബോള് മത്സരത്തെ തുടര്ന്നുള്ള തകര്ക്കമാണ് അലന്റെ കൊലപാതകത്തില് എത്തിയത്.
More
രണ്ട് ഘട്ടമായി പരീക്ഷ; ഹയര് സെക്കന്ഡറി ക്രിസ്മസ് പരീക്ഷ ടൈം ടേബിള് പ്രസിദ്ധീകരിച്ചു
അവധിക്കുശേഷം ജനുവരി ആറിനാണ് അവസാന പരീക്ഷ.
സംസ്ഥാനത്ത് ഹയര് സെക്കന്ഡറി ക്രിസ്മസ് പരീക്ഷ ടൈം ടേബിള് പ്രസിദ്ധീകരിച്ചു. രണ്ട് ഘട്ടമായാണ് ഇത്തവണ പരീക്ഷ നടക്കുന്നത്. ഡിസംബര് 15 മുതല് 23 വരെയാണ് ആദ്യഘട്ടം. അവധിക്കുശേഷം ജനുവരി ആറിനാണ് അവസാന പരീക്ഷ.
ഡിസംബര് 24 മുതല് ജനുവരി നാലുവരെയാണ് ക്രിസ്മസ് അവധി. നേരത്തെ ക്രിസ്മസ് അവധിക്ക് മുമ്പ് മുഴുവന് പരീക്ഷകളും നടത്താനായിരുന്നു തീരുമാനം. തദ്ദേശ തെരഞ്ഞെടുപ്പ് നടക്കുന്ന പശ്ചാത്തലത്തിലാണ് മാറ്റം.
-
india13 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News14 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala3 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?