Culture
ഫാസിസത്തെ ചെറുക്കാന് ശക്തമായ ഇടപെടല് നടത്തും: മുസ്ലിംലീഗ്
മലപ്പുറം: രാജ്യത്തിന് തന്നെ ഏറെ നിര്ണായകമായ ലോക്സഭ തെരഞ്ഞെടുപ്പില് ഫാസിസ്റ്റ് ശക്തികളെ ഭരണത്തില് നിന്നും അകറ്റിനിര്ത്താന് മുസ്ലിംലീഗ് ശക്തമായ ജനാധിപത്യ ഇടപെടല് നടത്താനും ദേശീയ തലത്തില് മികച്ച പ്രകടനം നടത്താന് പ്രത്യേക പദ്ധതികള് ആവിഷ്കരിക്കാനും സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള് വിളിച്ചു ചേര്ത്ത എം.പിമാരുടേയും എം.എല്.എമാരുടേയും പ്രത്യേക യോഗത്തില് തീരുമാനം. മുസ്ലിംലീഗ് ദേശീയ കമ്മിറ്റി യോഗം ഡല്ഹിയില് ചേര്ന്നിരുന്നു. ഇതിലെ ചര്ച്ചകളും തീരുമാനങ്ങളുമടങ്ങുന്ന റിപ്പോര്ട്ട് ദേശീയ പ്രസിഡന്റ് പ്രഫ. ഖാദര് മൊയ്തീന് പാണക്കാട് സയ്യിദ് ഹൈദരലി ശിഹാബ് തങ്ങള്ക്ക് മുന്നില് അവതരിപ്പിക്കുകയും ഇതിന്മേല് ചര്ച്ച നടത്തുകയും ചെയ്തിരുന്നു. ഇതിന്റെ തുടര്ച്ചയായി ദേശീയ കമ്മിറ്റി തീരുമാനങ്ങള് ഇന്നലെ ചേര്ന്ന എം.പിമാരുടേയും എം.എല്.എമാരുടേയും യോഗത്തില് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി എം.പിയും വിശദീകരിച്ചു.
ദേശീയ തലത്തില് തന്നെ മികച്ച പ്രകടനം നടത്താന് പാര്ട്ടിക്ക് കഴിയും. കേരളത്തിന് പുറമെ തമിഴ്നാട്ടിലും ബംഗാളിലും മറ്റു ചില സംസ്ഥാനങ്ങളിലും പാര്ട്ടി ശക്തമാണെന്നും ബി.ജെ.പിയെ താഴെയിറക്കാന് കോണ്ഗ്രസ് നേതൃത്വം നല്കുന്ന മുന്നണിയെ വിജയത്തിലെത്തിക്കാന് മുസ്ലിംലീഗ് പോരാടുമെന്നും യോഗ തീരുമാനം വിശദീകരിച്ചുകൊണ്ട് പി.കെ കുഞ്ഞാലിക്കുട്ടി എം.പി പറഞ്ഞു. നിലവിലെ രാഷ്ട്രീയ സാഹചര്യമാണ് ചര്ച്ച ചെയ്തത്. യു.പി.എക്കും യു.ഡി.എഫിനും നല്ല സാഹചര്യമാണുള്ളതെന്ന വിലയിരുത്തലാണ് യോഗത്തില് ഉയര്ന്നുവന്നത്. തെരഞ്ഞെടുപ്പിനെ നേരിടുന്നതിനെ കുറിച്ച് പാര്ട്ടി കമ്മിറ്റികളും ഉന്നതാധികാര സമിതിയും ചേര്ന്ന് വിശദമായി ചര്ച്ച ചെയ്യും.
മുസ്ലിംലീഗിന് കൂടുതല് സീറ്റുകള് കിട്ടാനുള്ള ശ്രമത്തില് തന്നെയാണുള്ളത്. അഖിലേന്ത്യാ തലത്തിലടക്കം ശക്തമായ പ്രാതിനിധ്യം മുസ്ലിംലീഗ് പാര്ട്ടിക്ക് ഉണ്ടാകും. യു.പി.എക്കും യു.ഡി.എഫിനും വലിയ മുന്നേറ്റം ഉണ്ടാകും. അതില് മുസ്ലിംലീഗിന്റെ പങ്ക് വളരെ വലുതാകും. അത്രയും പ്രാധാന്യമുള്ള ഒരു രാഷ്ട്രീയ കാലമായതുകൊണ്ടാണ് ഇങ്ങനെ ഒരു പ്രത്യേക യോഗം മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള് വിളിച്ചു ചേര്ത്തതെന്നും പി.കെ കുഞ്ഞാലിക്കുട്ടി പറഞ്ഞു.
മുസ്ലിംലീഗിനുള്ള ശക്തി എല്ലാ തലത്തിലും ഫാസിസ്റ്റ് ശക്തികള്ക്കെതിരായി ഉപയോഗപ്പെടുത്തുക എന്ന ആഹ്വാനമാണ് പാര്ട്ടി നല്കുന്നതെന്ന് ദേശീയ ഓര്ഗനൈസിങ് സെക്രട്ടറി ഇ.ടി മുഹമ്മദ് ബഷീര് എം.പി പറഞ്ഞു. ബി.ജെ.പി ഭരണത്തിന്റെ ദുഷ്ചെയ്തികള് രാജ്യം അനുഭവിച്ചുകഴിഞ്ഞു. മുസ്ലിംലീഗിന്റെ സകല ശക്തിയും കേന്ദ്രത്തിലുള്ള ഫാസിസ്റ്റ് ഭരണത്തിന് എതിരായി ഉപയോഗപ്പെടുത്തും. മുസ്ലിംലീഗിന്റെ നയം എന്നത് ഫാസിസ്റ്റ് ശക്തികള്ക്കോ അവരുമായി ചങ്ങാത്തമുള്ളവരുമായോ ഒരു ബന്ധവും പാടില്ല എന്നതാണ്. ഇന്ത്യയില് ജനാധിപത്യ രംഗത്ത് പ്രതീക്ഷയുള്ളത് കോണ്ഗ്രസിന്റെ നേതൃത്വത്തിലുള്ള മുന്നേറ്റത്തിനാണ്. കോണ്ഗ്രസിന്റെ സ്ഥാനാര്ത്ഥികളും മുന്നണിയുടെ സ്ഥാനാര്ത്ഥികളും മത്സരിക്കുന്നിടത്ത് ഏതെങ്കിലും തരത്തില് അകല്ച്ച ഉണ്ടാക്കി കോണ്ഗ്രസിന്റെ ഭരണത്തിന് ഭംഗം വരുത്തുന്ന തരത്തില് ഇടപെടല് പാടില്ലെന്ന കര്ശന നിര്ദേശം നല്കാനും യോഗത്തില് തീരുമാനിച്ചതായി ഇ.ടി പറഞ്ഞു.
കേരളത്തില് യു.ഡി.എഫിന്റെ വിജയമാണ് ഏറ്റവും പ്രധാനമെന്ന് സംസ്ഥാന ജനറല് സെക്രട്ടറി കെ.പി.എ മജീദ് പറഞ്ഞു. യു.ഡി.എഫിനെ കെട്ടുറപ്പോടെ മുന്നോട്ടുകൊണ്ടുപോകുന്നതിനോടൊപ്പം വിജയം സുഖകരമാകുന്നതിനുള്ള പ്രവര്ത്തനങ്ങള്ക്കാണ് പാര്ട്ടി നേതൃത്വം നല്കുക. തെരഞ്ഞെടുപ്പ് അടുക്കുമ്പോള് ഓരോ പാര്ട്ടികളും അവരുടെ ആവശ്യങ്ങള് ഉന്നയിക്കും. സീറ്റ് മാറുന്നതിനെക്കുറിച്ചും പുതിയ സീറ്റിനെ കുറിച്ചുമെല്ലാം ചര്ച്ച നടക്കുന്നത് സ്വാഭാവികമാണ്. അതെല്ലാം യു.ഡി.എഫ് യോഗം ചേര്ന്നിരുന്ന് പരിഹരിക്കാവുന്ന കാര്യങ്ങളെയുള്ളു. 18ന് ഉഭയകക്ഷി ചര്ച്ച നടക്കുന്നുണ്ട്. മുസ്ലിംലീഗിന് ഒരു സീറ്റ് കൂടി വേണമെന്ന അഭിപ്രായമുണ്ട്. സ്ഥാനാര്ത്ഥി നിര്ണയവുമായി ബന്ധപ്പെട്ട ചര്ച്ചകള് പാര്ട്ടി യോഗങ്ങളില് നടക്കും. തീരുമാനം സംസ്ഥാന പ്രസിഡന്റ് പ്രഖ്യാപിക്കുമെന്നും കെ.പി.എ മജീദ് പറഞ്ഞു. മുസ്ലിംലീഗ് ദേശീയ ട്രഷറര് പി.വി അബ്ദുല് വഹാബ് എംപി, എം.എല്.എമാരായ എം.കെ മുനീര്, വി.കെ ഇബ്രാഹിംകുഞ്ഞ്, പി.കെ അബ്ദുറബ്ബ്, മഞ്ഞളാംകുഴി അലി, ടി.എ അഹമ്മദ് കബീര്, കെ.എം ഷാജി, കെ.എന്.എ ഖാദര്, പി ഉബൈദുല്ല, എം ഉമ്മര്, എന്.എ നെല്ലിക്കുന്ന്, എന്. ഷംസുദ്ദീന്, സി മമ്മൂട്ടി, പി അബ്ദുല്ഹമീദ്, പി.കെ ബഷീര്, ടി.വി ഇബ്രാഹീം, പാറക്കല് അബ്ദുല്ല പങ്കെടുത്തു.
Film
സുബോധ് ഖാനോൽക്കർ – ദിലീപ് പ്രഭാവൽക്കർ ചിത്രം “ദശാവതാരം”; ‘രംഗപൂജ’ ഗാനം പുറത്ത്, ചിത്രം ഡിസംബർ 12 ന്
മറാത്തിയിലെ ബ്ലോക്ക്ബസ്റ്റർ ആയി മാറിയ ഈ ചിത്രത്തിന്റെ മലയാളം പതിപ്പ് 2025 ഡിസംബർ 12 ന് കേരളത്തിൽ റിലീസ് ചെയ്യും.
സീ സ്റ്റുഡിയോയുമായി സഹകരിച്ച് മാക്സ് മാർക്കറ്റിംഗ് അവതരിപ്പിക്കുന്ന “ദശാവതാരം” മലയാളം പതിപ്പിലെ “രംഗപൂജ” ഗാനം പുറത്ത്. മറാത്തിയിലെ ബ്ലോക്ക്ബസ്റ്റർ ആയി മാറിയ ഈ ചിത്രത്തിന്റെ മലയാളം പതിപ്പ് 2025 ഡിസംബർ 12 ന് കേരളത്തിൽ റിലീസ് ചെയ്യും. എ വി.പ്രഫുൽചന്ദ്ര സംഗീതമൊരുക്കിയ ഗാനത്തിന് വരികൾ രചിച്ചത് ഗുരു താക്കൂർ. അജയ് ഗോഗവാലെ മറാത്തിയിൽ ആലപിച്ച ഈ ഗാനത്തിന്, വിവേക് നായിക്, സന്തോഷ് ബോട്ടെ, മങ്കേഷ് ഷിർക്കെ, ശിശിർ സപ്ലെ, ജനാർദൻ ധത്രക്, ഉമേഷ് ജോഷി എന്നിവരാണ് പിന്നണിയിൽ ശബ്ദം നൽകിയിരിക്കുന്നത്.
സുബോധ് ഖാനോൽക്കർ രചിച്ചു സംവിധാനം ചെയ്ത ചിത്രം നിർമ്മിച്ചത് ഓഷ്യൻ ഫിലിം കമ്പനി, ഓഷ്യൻ ആർട്ട് ഹൌസ് പ്രൊഡക്ഷൻ എന്നീ ബാനറുകളിൽ സുജയ് ഹാൻഡെ, ഓങ്കാർ കേറ്റ്, സുബോധ് ഖനോൽക്കർ, അശോക് ഹാൻഡെ, ആദിത്യ ജോഷി, നിതിൻ സഹസ്രബുധെ, മൃണാൾ സഹസ്രബുധെ, സഞ്ജയ് ദുബെ, വിനായക് ജോഷി എന്നിവർ ചേർന്നാണ്. ചിത്രം മലയാളത്തിൽ അവതരിപ്പിക്കുന്നത് മാക്സ് മാർക്കറ്റിംഗ് ബാനറിൽ ഉമേഷ് കുമാർ ബൻസാൽ, ബവേഷ് ജനവ്ലേക്കർ, വരുൺ ഗുപ്ത. ചരിത്രത്തിൽ ആദ്യമായാണ് ഒരു മറാത്തി ചിത്രത്തിന്റെ മലയാളം പതിപ്പ് കേരളത്തിൽ തീയേറ്റർ റിലീസായെത്തുന്നത്.
ദിലീപ് പ്രഭാവൽക്കർ, മഹേഷ് മഞ്ജരേക്കർ, ഭരത് ജാദവ്, സിദ്ധാർത്ഥ് മേനോൻ, പ്രിയദർശിനി ഇൻഡാൽക്കർ, വിജയ് കെങ്കറെ, രവി കാലെ, അഭിനയ് ബെർഡെ, സുനിൽ തവാഡെ, ആരതി വഡഗ്ബാൽക്കർ, ലോകേഷ് മിത്തൽ എന്നിവരാണ് ചിത്രത്തിലെ പ്രധാന താരങ്ങൾ. ഏതു ഭാഷയിലെയും മികച്ച ചിത്രങ്ങളെ ഒരേ മനസ്സോടെ സ്വീകരിക്കുന്നവരാണ് മലയാളി പ്രേക്ഷകർ എന്നത് കൊണ്ടാണ് ഈ ചിത്രത്തിന്റെ മലയാളം പതിപ്പ് അവർക്കു മുന്നിലേക്ക് എത്തിക്കുന്നതെന്ന് വരുൺ ഗുപ്ത വെളിപ്പെടുത്തിയിരുന്നു. “ദശാവതാരം” എന്ന ചിത്രത്തിലെ ദൃശ്യങ്ങളും ഈ ചിത്രം പങ്ക് വെക്കുന്ന വികാരവും തന്നെ അമ്പരപ്പിച്ചു എന്നും, ഇത്തരമൊരു മികച്ച ചിത്രം ഭാഷയുടെ അതിർവരമ്പുകൾക്കുള്ളിൽ ഒതുങ്ങി പോകരുത് എന്ന ആഗ്രഹമാണ് ഇത് മലയാളത്തിൽ എത്തിക്കാൻ തന്നെ പ്രേരിപ്പിച്ചത് എന്നും അദ്ദേഹം വിശദീകരിച്ചു.
ക്രിയേറ്റീവ് പ്രൊഡ്യൂസർ-അജിത് ഭുരെ, ഛായാഗ്രഹണം-ദേവേന്ദ്ര ഗോലത്കർ, സംഗീതം, പശ്ചാത്തല സംഗീതം- എ വി.പ്രഫുൽചന്ദ്ര, എഡിറ്റർ-ഫൈസൽ മഹാദിക്, ഗാനരചന, സംഭാഷണം-ഗുരു താക്കൂർ, ഓൺ സെറ്റ് എഡിറ്റർ-സുദർശൻ സത്പുതേ, സൌണ്ട് ഡിസൈൻ-ശിശിർ ചൌസാൽക്കർ, അക്ഷയ് വൈദ്യ, പ്രൊഡക്ഷൻ ഡിസൈൻ-സഞ്ജീവ് റാണെ, കോസ്റ്റ്യൂം ഡിസൈൻ-സച്ചിൻ ലോവലേക്കർ, മേക്കപ്പ് ഡിസൈൻ-രോഹിത് മഹാദിക്, എക്സിക്യൂട്ടീവ് പ്രൊഡ്യൂസർ-ചന്ദ്രശേഖർ നന്നവെയർ, നൃത്തസംവിധായക-സോണിയ പാർച്ചൂരെ, പൂജ കാലെ, പോസ്റ്റ് പ്രൊഡക്ഷൻ സൂപ്പർവൈസർ-സിദ്ധാന്ത് പാട്ടീൽ, കൺസെപ്റ്റ് ആർട്ട്-ആശിഷ് ബോയാനെ, നിർമ്മാണ ടീം- വിക്രാന്ത് ഷിൻഡെ, അക്ഷയ് കോലാപൂർക്കർ, സിദ്ധാർത്ഥ ശങ്കര, നരേന്ദ്ര റാസൽ, സംവിധാന ടീം- മോഹിത് കുണ്ടെ, സിദ്ധാന്ത് പാട്ടീൽ, ഹൃതുജ വാസൈകർ, ആശിഷ് മോറെ, റീ-റെക്കോർഡിംഗ്-വിത്തൽ ഗോർ, ആക്ഷൻ-ബികാഷ് കുമാർ സിംഗ്, ഡിഐ & വിഎഫ്എക്സ്-ന്യൂബ് സിറസ്, കളറിസ്റ്റ്-ഹാനി ഹാലിം, ചീഫ് അസിസ്റ്റന്റ് ഡയറക്ടർ-സേജൽ രൺദീവ്, അനികേത് സാനെ, പിആർഒ- ശബരി
Film
ഗോവ അന്താരാഷ്ട്ര ചലച്ചിത്രമേളയില് ‘കിരീടം’ 4K പ്രീമിയര്; ‘ഇത് ഒരു ബഹുമതിയെന്ന് മോഹന്ലാല്
മോഹന്ലാല്-തിലകന് താരജോഡി അമരക്കാരാക്കിയ ഈ സിനിമയുടെ സ്ക്രീനിങ്, പ്രത്യേക പ്രദര്ശനങ്ങളുടെ ഭാഗമായി ലോക പ്രീമിയറായാണ് നടന്നത്.
ഗോവ: മലയാളത്തിന്റെ ക്ലാസിക് ചിത്രമായ ‘കിരീടം’ 56ാമത് ഗോവ അന്താരാഷ്ട്ര ചലച്ചിത്രമേളയില് (IFFI) 4k ദൃശ്യഗുണത്തോടെ പ്രദര്ശിപ്പിച്ചു. മോഹന്ലാല്-തിലകന് താരജോഡി അമരക്കാരാക്കിയ ഈ സിനിമയുടെ സ്ക്രീനിങ്, പ്രത്യേക പ്രദര്ശനങ്ങളുടെ ഭാഗമായി ലോക പ്രീമിയറായാണ് നടന്നത്. നാഷണല് ഫിലിം ആര്ക്കൈവ് ഓഫ് ഇന്ത്യ (NFAI) 35mm റിലീസ് പ്രിന്റില് നിന്നാണ് ചിത്രം സൂക്ഷ്മതയോടെ പുനഃസ്ഥാപിച്ചത്. യഥാര്ത്ഥ ക്യാമറ നെഗറ്റീവ് ജീര്ണ്ണിച്ചിരുന്നുവെങ്കിലും, പതിറ്റാണ്ടുകളായി ആര്ക്കൈവ് അത് സംരക്ഷിച്ചുവെന്നാണ് വിവരം. ചിത്രത്തിന് അന്തിമ ഗ്രേഡിങ് നിര്വഹിച്ചത് ഇതിന്റെ ഛായാഗ്രാഹകനായ എസ്. കുമാറിന്റെ മേല്നോട്ടത്തിലായിരുന്നു.
ചിത്രം വീണ്ടും ബിഗ് സ്ക്രീനിലേക്ക് തിരിച്ചെത്തിയതിനെക്കുറിച്ച് മോഹന്ലാല് പ്രതികരിച്ചു. ‘കിരീടം പുനഃസ്ഥാപിച്ച് ലോകപ്രീമിയര് കാണാന് കഴിയുന്നത് ഒരു ബഹുമതിയാണ്, ഇന്ത്യയുടെ സിനിമാറ്റിക് പൈതൃകം ഭാവി തലമുറകള്ക്കായി സംരക്ഷിക്കുന്ന NFAIക്ക് അഭിനന്ദനങ്ങള്’ എന്നാണ് അദ്ദേഹം കുറിച്ചത്. മോഹന്ലാല്-തിലകന് വികാരാധിഷ്ഠിതമായി അവതരിപ്പിച്ച അച്ഛന്-മകന് ബന്ധം, പ്രത്യേകിച്ച് ‘കത്തി താഴെയിടെടാ’ എന്ന ഐക്കോണിക് രംഗം, ഇന്നും മലയാളസിനിമയിലെ ഏറ്റവും ശക്തമായ നിമിഷങ്ങളിലൊന്നായി കണക്കാക്കപ്പെടുന്നു.
ചിത്രത്തിന്റെ നിര്മാതാക്കളായ എന്. ഉണ്ണിക്കൃഷ്ണനും ദിനേഷ് പണിക്കറും നല്കിയ പഴയ അഭിമുഖത്തില്, ‘കിരീടത്തിന് ജനങ്ങളില് നിന്ന് ലഭിച്ച സ്വീകാര്യത, പിന്നീടുണ്ടാക്കിയ സിനിമകള്ക്കുപോലും ലഭിച്ചിട്ടില്ല. കഥയുടെ ആഴമാണ് അതിന്റെ ശക്തി’ എന്ന് വ്യക്തമാക്കിയിരുന്നു. കിരീടത്തിന്റെ തുടര്ച്ചയായിരുന്ന ചെങ്കോല് ഈ സ്വീകാര്യതയിലേക്കുയര്ന്നില്ല എന്നും അവര് പറഞ്ഞിരുന്നു. ലോഹിതദാസിന്റെ തിരക്കഥയും സിബി മലയില് സംവിധാനം ചെയ്ത സംവിധാന മികവും ഒന്നിച്ചെത്തി 1989 ജൂലൈ ഏഴിന് പുറത്തിറങ്ങിയ കിരീടം, ഒരു യുവാവിന്റെ ജീവിതം സാഹചര്യങ്ങള് എങ്ങനെ വഴിമാറിക്കുന്നു എന്നതിന്റെ കടുത്ത സാമൂഹിക-വൈകാരിക അവതരണമാണ്. ഈ ചിത്രത്തിലെ അഭിനയത്തിന് മോഹന്ലാലിന് ദേശീയ ചലച്ചിത്ര പുരസ്കാരത്തില് പ്രത്യേക പരാമര്ശം ലഭിച്ചിരുന്നു. മോഹന്ലാല് അഭിനയിച്ച ‘ഭരതം’ ഉള്പ്പെടെ നിരവധി ക്ലാസിക് സിനിമകളുടെ റെസ്റ്ററേഷന് നടപടികളും ഇപ്പോള് അവസാനഘട്ടത്തിലാണ്.
entertainment
ദുല്ഖര് സല്മാന് ചിത്രം ‘ ഐ ആം ഗെയിം’ ഫസ്റ്റ് ലുക്ക് റിലീസ് നവംബര് 28ന്
വൈകുന്നേരം 6 മണിക്കാണ് ചിത്രത്തിന്റെ ഫസ്റ്റ് ലുക്ക് പുറത്ത് വിടുക.
ദുല്ഖര് സല്മാന് നായകനാവുന്ന ‘ഐ ആം ഗെയിം’ ഫസ്റ്റ് ലുക്ക് റിലീസ് തീയതി പുറത്ത്. നവംബര് 28 വെള്ളിയാഴ്ച, വൈകുന്നേരം 6 മണിക്കാണ് ചിത്രത്തിന്റെ ഫസ്റ്റ് ലുക്ക് പുറത്ത് വിടുക. നഹാസ് ഹിദായത്ത് സംവിധാനം ചെയ്യുന്ന ചിത്രം, വേഫെറര് ഫിലിംസിന്റെ ബാനറില് ദുല്ഖര് സല്മാന്, ജോം വര്ഗീസ് എന്നിവര് ചേര്ന്നാണ് നിര്മ്മിക്കുന്നത്. സജീര് ബാബ, ഇസ്മായില് അബൂബക്കര്, ബിലാല് മൊയ്തു എന്നിവര് തിരക്കഥ രചിച്ച ചിത്രത്തിന്റെ സംഭാഷണങ്ങള് ഒരുക്കിയത് ആദര്ശ് സുകുമാരനും ഷഹബാസ് റഷീദുമാണ്. ആര്ഡിഎക്സ് എന്ന സൂപ്പര് ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ചിത്രമാണ് ‘ഐ ആം ഗെയിം’.
ഇപ്പൊള് ഈ ബിഗ് ബഡ്ജറ്റ് ആക്ഷന് ത്രില്ലര് ചിത്രത്തിന്റെ ചിത്രീകരണം പുരോഗമിക്കുകയാണ്. ദുല്ഖര് സല്മാന്റെ നാല്പതാം ചിത്രമായി ഒരുക്കുന്ന ‘ഐ ആം ഗെയിം’ ല് ദുല്ഖര് സല്മാനൊപ്പം ആന്റണി വര്ഗീസ്, തമിഴ് നടനും സംവിധായകനുമായ മിഷ്കിന്, കതിര്, പാര്ത്ഥ് തിവാരി, തമിഴ് നായികാ താരം സംയുക്ത വിശ്വനാഥന് എന്നിവരും വേഷമിടുന്നുണ്ട്. കബാലി, കെജിഎഫ് സീരിസ്, കൈതി, വിക്രം, ലിയോ, സലാര് എന്നീ പാന് ഇന്ത്യന് ചിത്രങ്ങളുടെ സംഘട്ടന സംവിധാനം നിര്വഹിച്ചിട്ടുള്ള അന്പറിവ് മാസ്റ്റേഴ്സ് ‘ആര്ഡിഎക്സ്’ എന്ന ചിത്രത്തിന് ശേഷം വീണ്ടും നഹാസ് ഹിദായത്തുമായി കൈകോര്ക്കുന്ന ചിത്രം കൂടിയാണ് ‘ഐ ആം ഗെയിം’.
ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമന് ചാക്കോ, പ്രൊഡക്ഷന് ഡിസൈനര്- അജയന് ചാലിശ്ശേരി, മേക്കപ്പ് – റോണക്സ് സേവ്യര്. കോസ്റ്റ്യൂം- മഷര് ഹംസ, പ്രൊഡക്ഷന് കണ്ട്രോളര്- ദീപക് പരമേശ്വരന്, അസോസിയേറ്റ് ഡയറക്ടര്- രോഹിത് ചന്ദ്രശേഖര്. ഗാനരചന- മനു മഞ്ജിത്ത്, വിനായക് ശശികുമാര്, VFX – തൗഫീഖ് – എഗ്വൈറ്റ്, പോസ്റ്റര് ഡിസൈന്- ടെന് പോയിന്റ്, സൗണ്ട് ഡിസൈന്- സിങ്ക് സിനിമ, സൗണ്ട് മിക്സ് – കണ്ണന് ഗണപത്, സ്റ്റില്സ്- എസ് ബി കെ, പിആര്ഒ- ശബരി
-
News3 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
News18 hours agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala3 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
kerala3 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala19 hours agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala3 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf3 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു