Connect with us

kerala

മുസ്‌ലിം യൂത്ത് ലീഗ് സേവ് കേരള മാര്‍ച്ച് ജനുവരി 18ന് തിരുവനന്തപുരത്ത്

മാര്‍ച്ചിന് മുന്നോടിയായി ഇടത് സര്‍ക്കാരിന്റെ ജനവിരുദ്ധ നയങ്ങള്‍ വിശദീകരിക്കുന്നതിനായി നിയോജക മണ്ഡലം തലത്തില്‍ ജനുവരി ആദ്യവാരം വാഹന പ്രചാരണ ജാഥ സംഘടിപ്പിക്കും.

Published

on

ജനവിരുദ്ധ ഇടത് സര്‍ക്കാരിനെതിരെ പ്രക്ഷോഭം ശക്തമാക്കുന്നതിന്റെ ഭാഗമായി മുസ്‌ലിം യൂത്ത് ലീഗ് ജനുവരി 18ന് കാല്‍ലക്ഷം പ്രവര്‍ത്തകരെ അണിനിരത്തി സെക്രട്ടറിയേറ്റിലേക്ക് സേവ് കേരള മാര്‍ച്ച് സംഘടിപ്പിക്കുമെന്ന് മുസ്ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ് കോഴിക്കോട് വാര്‍ത്താ സമ്മേളനത്തില്‍ അറിയിച്ചു.

മാര്‍ച്ചിന് മുന്നോടിയായി ഇടത് സര്‍ക്കാരിന്റെ ജനവിരുദ്ധ നയങ്ങള്‍ വിശദീകരിക്കുന്നതിനായി നിയോജക മണ്ഡലം തലത്തില്‍ ജനുവരി ആദ്യവാരം വാഹന പ്രചാരണ ജാഥ സംഘടിപ്പിക്കും. യൂണിറ്റ് തലത്തില്‍ ഇടത്പക്ഷ സര്‍ക്കാരിന്റെ ജനവിരുദ്ധ നയങ്ങള്‍ വിശദീകരിച്ച് കൊണ്ട് വിചാരണ ബോര്‍ഡുകള്‍ സ്ഥാപിക്കും. ഗൃഹ സമ്പര്‍ക്ക പരിപാടിയും സംഘടിപ്പിക്കും.

യൂത്ത് ലീഗിന്റെ പ്രഥമ സംസ്ഥാന കമ്മറ്റി നിലവില്‍ വന്നിട്ട് 2023 ജനുവരി 1ലേക്ക് 50 വര്‍ഷം പൂര്‍ത്തിയാകുകയാണ്. അടുത്ത ഒരു വര്‍ഷം സംഘടനയുടെ ഗോള്‍ഡന്‍ ജൂബിലി വര്‍ഷമായി വിവിധ പരിപാടികളോടെ സംഘടിപ്പിക്കാന്‍ തീരുമാനിച്ചു. ജനുവരി 2ന് കോഴിക്കോട് കടപ്പുറത്ത് അമ്പത് പതാകള്‍ ഉയര്‍ത്തി ഗോള്‍ഡന്‍ ജൂബിലി പരിപാടികള്‍ക്ക് തുടക്കമാവും. സംസ്ഥാനത്തെ മുഴുവന്‍ വൈറ്റ് ഗാര്‍ഡ് അംഗങ്ങളും പതാകക്ക് സല്യൂട്ട് നല്‍കും. ജൂബിലി ആഘോഷങ്ങളുടെ ഭാഗമായി യുവോത്സവം എന്ന പേരില്‍ ഫുട്ബോള്‍ മത്സരങ്ങളും പ്രസംഗം, പ്രബന്ധം, കവിത, വീഡിയോ എഡിറ്റിഗ്, ഡിസൈനിംഗ് തുടങ്ങിയ വിഷയങ്ങളില്‍ താഴെതട്ട് മുതല്‍ സംസ്ഥാനതല വരെ മത്സരങ്ങള്‍ സംഘടിപ്പിക്കും. സുവര്‍ണ്ണ ജൂബിലി ക്യാഷ് പ്രൈസിനായി യൂത്ത് ടെസ്റ്റ് എന്ന പേരില്‍ ജനറല്‍ നോളേജ് പരീക്ഷയും സംഘടിപ്പിക്കും. 2023 നവംബര്‍ മാസം ജില്ല കമ്മറ്റിയുടെ നേതൃത്വത്തില്‍ സുവര്‍ണ്ണ ജൂബിലി പ്രചാരണ പദയാത്ര സംഘടിപ്പിക്കും. 2023 ഡിസംബര്‍ 28,29,30 തിയ്യതികളില്‍ സുവര്‍ണ്ണ ജൂബിലി സമ്മേളനം എറണാകുളത്ത് സംഘടിപ്പിക്കും.സീതി സാഹിബ് അക്കാദമിയ എന്ന പേരില്‍ പാഠശാല നടത്തി വരികയാണ്. പാഠാശാല പഠിതാക്കളുടെ കോണ്‍വൊക്കേഷന്‍ പ്രോഗ്രാം മാര്‍ച്ച് ആദ്യവാരം സംഘടിപ്പിക്കും.

സംസ്ഥാന വൈസ് പ്രസിഡന്റ് ഫൈസല്‍ ബാഫഖി തങ്ങളും പത്ര സമ്മേളനത്തില്‍ പങ്കെടുത്തു.

 

kerala

‘മനുഷ്യരാണ്, മറക്കരുത്’, വിരമിച്ച കെഎസ്ആര്‍ടിസി ജീവനക്കാര്‍ക്ക് ആനുകൂല്യം വൈകരുതെന്ന് ഹൈക്കോടതി

കെഎസ്ആര്‍ടിസി ജീവനക്കാര്‍ മനുഷ്യരാണെന്ന് മറക്കരുതെ്ന്ന് ഹൈക്കോടതി ഓര്‍മിപ്പിച്ചു.

Published

on

വിരമിച്ച കെഎസ്ആര്‍ടിസി ജീവനക്കാര്‍ക്ക് ആനുകൂല്യം വൈകരുതെന്ന് ഹൈക്കോടതി. കെഎസ്ആര്‍ടിസി ജീവനക്കാര്‍ മനുഷ്യരാണെന്ന് മറക്കരുതെ്ന്ന് ഹൈക്കോടതി ഓര്‍മിപ്പിച്ചു.

വിരമിച്ച ജീവനക്കാര്‍ക്കുള്ള പെന്‍ഷന്‍ ആനുകൂല്യങ്ങള്‍ നാലു മാസത്തിനകം നല്‍കണമെന്ന സിംഗിള്‍ ബെഞ്ചിന്റെ ഉത്തരവ് പുനര്‍ പരിശോധിക്കണമെന്ന് ആവശ്യപ്പെട്ട് കെഎസ്ആര്‍ടിസി നല്‍കിയ ഹര്‍ജികള്‍ പരിശോധിക്കുന്നതിനിടയാണ് കോടതിയുടെ പ്രതികരണം. വിരമിച്ചവര്‍ക്ക് ആനുകൂല്യം നല്‍കാന്‍ രണ്ടുവര്‍ഷം സാവകാശം അനുവദിക്കാനാവില്ല. കുറച്ചെങ്കിലും ആനുകൂല്യം നല്‍കിയിട്ട് സാവകാശം തേടാനും കോടതി നിര്‍ദേശം. എല്ലാ മാസവും കൃത്യമായി ഒരു തുക പെന്‍ഷന് വേണ്ടി മാറ്റിവെക്കാതെ വേറെ നിവൃത്തിയില്ലെന്നും കോടതി പറഞ്ഞു.

Continue Reading

kerala

നായക്കുട്ടിയെ മോഷ്ടിച്ച എഞ്ചിനീയറിങ് വിദ്യാര്‍ത്ഥികള്‍ക്ക് ജാമ്യം; കേസ് തുടരാന്‍ താല്‍പ്പര്യമില്ലെന്ന് ഉടമ

കഴിഞ്ഞ ദിവസമാണ് പ്രതികളെ പൊലീസ് പിടികൂടിയത്.

Published

on

കൊച്ചിയിലെ പെറ്റ് ഷോപ്പില്‍ നിന്ന് നായ്ക്കുട്ടിയെ മോഷ്ട്ടിച്ച കേസിലെ പ്രതികള്‍ക്ക് ജാമ്യം. എന്‍ജിനിയറിങ് വിദ്യാര്‍ത്ഥികളായ നിഖില്‍, ശ്രേയ എന്നിവര്‍ക്കാണ് ജാമ്യം ലഭിച്ചിരിക്കുന്നത്. മോഷണം പോയ നായ്ക്കുട്ടിയെ കടയുടമ ബാസിതിന് തിരികെ കോടതി നല്‍കി.

എറണാകുളം ജൂഡിഷ്യല്‍ ഫസ്റ്റ് ക്ലാസ് കോടതിയാണ് ഇരുവര്‍ക്കും ജാമ്യം നല്‍കിയത്. പ്രതികളെ രണ്ടുപേരെയും കോടതിയില്‍ ഹാജരക്കിയിരുന്നു. എന്നാല്‍ അതേസമയം കേസുമായി മുന്നോട്ട് പോകാന്‍ താല്‍പര്യമില്ലെന്ന് ഷോപ്പുടമ മുഹമ്മദ് ബാസിത് കോടതിയെ അറിയിച്ചു.

കഴിഞ്ഞ ദിവസമാണ് പ്രതികളെ പൊലീസ് പിടികൂടിയത്. പ്രതികള്‍ ഹെല്‍മറ്റിന് ഉള്ളില്‍ ഒളിച്ച് കടത്തിയാണ് നായ്ക്കുട്ടിയെ മോഷ്ടിച്ചത്.

Continue Reading

crime

കുളിമുറി ദൃശ്യം പകര്‍ത്തി ഭീഷണി: മുങ്ങിയ പ്രതി വീണ്ടും പിടിയില്‍

വീഡിയോ പകര്‍ത്തിയ ശേഷം സമൂഹ മാധ്യമങ്ങളില്‍ പ്രചരിപ്പിക്കുമെന്ന് യുവതിയെ ഭീഷണിപ്പെടുത്തി

Published

on

പേരാവൂര്‍: യുവതിയുടെ കുളിമുറി ദൃശ്യങ്ങള്‍ പകര്‍ത്തി ഭീഷണിപ്പെടുത്തിയ കേസില്‍ യുവാവ് അറസ്റ്റില്‍. വീഡിയോ പകര്‍ത്തിയ ശേഷം സമൂഹ മാധ്യമങ്ങളില്‍ പ്രചരിപ്പിക്കുമെന്ന് യുവതിയെ ഭീഷണിപ്പെടുത്തിയിരുന്നു. കോളയാട് സ്വദേശി കെ. ഹരീഷാണ് പേരാവൂര്‍ പൊലീസിന്റെ പിടിയിലായത്.

ഇക്കഴിഞ്ഞ 11നായിരുന്നു സംഭവം. യുവതിയുടെ പരാതിയെ തുടര്‍ന്നാണ നടപടി. ഞായറാഴ്ച രാത്രി കസ്റ്റഡിയിലെടുത്ത പ്രതിയെ പേരാവൂര്‍ പൊലീസ് കോവിഡ് പരിശോധനയ്ക്കായി കണ്ണൂര്‍ ജില്ലാ ആശുപത്രിയില്‍ എത്തിച്ചിരുന്നു. എന്നാല്‍ യുവാവ് കണ്ണുവെട്ടിച്ച് മുങ്ങുകയായിരുന്നു. തുടര്‍ന്ന് പൊലീസ് നടത്തിയ തിരച്ചിലില്‍ തായത്തെരുവില്‍ നിന്ന് പിടികൂടുകയായിരുന്നു. പ്രതിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.

Continue Reading

Trending