മാഡ്രിഡ്: സാവി ഹെര്‍ണാണ്ടസ് ലക്ഷ്യമിട്ടത് ഒരേ ഒരാളെ മാത്രം- സാക്ഷാല്‍ ലിയോ മെസിയെ. എന്നാല്‍ അദ്ദേഹത്തെ അവസാന നിമിഷം കൈവിട്ടുപോയി. സാമ്പത്തിക വിഷയങ്ങളില്‍ മെസി അകന്നത് സാവിയെ മാത്രമല്ല ബാര്‍സാ ആരാധകരെയും നിരാശയിലാക്കിയിട്ടുണ്ട്. കഴിഞ്ഞ ദിവസം മെസി തന്നെയാണ് ഔദ്യോഗികമായി താന്‍ ബാര്‍സയിലേക്കില്ല എന്ന് വ്യക്തമാക്കിയത്. ഇന്നലെ മാധ്യമങ്ങളെ കാണവെ സാവിയോട് ഒരു ചോദ്യം- നെയ്മര്‍ തിരിച്ച് വരുന്നുണ്ടോ ബാര്‍സയിലേക്ക്. ചിരിയോടെ അദ്ദേഹം പറഞ്ഞു-നെയ്മറെ വേണ്ട.
നിലവില്‍ പി.എസ്.ജി താരമാണ് ബ്രസീലുകാരന്‍. പക്ഷേ ഈ സീസണോടെ താന്‍ പി.എസ്.ജി വിടുമെന്ന് അദ്ദേഹം തന്നെ വ്യക്തമാക്കിയിരുന്നു. ഇംഗ്ലീഷ് പ്രീമിയര്‍ ലീഗിലേക്കാണ് നെയ്മറിന്റെ വരവ്. മാഞ്ചസ്റ്റര്‍ യുനൈറ്റഡ് ഉള്‍പ്പെടെ വിവിധ ക്ലബുകള്‍ അദ്ദേഹത്തിനായി രംഗത്തുണ്ട്.