തിരുവനന്തപുരം: നിയമസഭ തെരഞ്ഞെടുപ്പ് അവസാനിക്കാന്‍ ഒരു മണിക്കൂര്‍ മാത്രം അവശേഷിക്കേ, സംസ്ഥാനത്ത് കനത്ത പോളിങ്. ആറുമണി വരെയുള്ള സമയത്ത് പോളിങ് 71 ശതമാനം കടന്നു. കോഴിക്കോടും കണ്ണൂരും പാലക്കാടുമാണ് മികച്ച പോളിങ്. കണ്ണൂരും കോഴിക്കോടും 70 ശതമാനം പിന്നിട്ടു.

ഉച്ചയ്ക്ക് ഒരു മണിയോട് കൂടി തന്നെ പോളിങ് 50 ശതമാനം കടന്നിരുന്നു. കോഴിക്കോട്, കണ്ണൂര്‍, പാലക്കാട് എന്നി ജില്ലകള്‍ക്ക് പുറമേ വയനാട്, കാസര്‍കോട്, തൃശൂര്‍, ആലപ്പുഴ, എറണാകുളം എന്നി ജില്ലകളിലും 65ന് മുകളിലാണ് പോളിങ് ശതമാനം. പത്തനംതിട്ടയിലാണ് ഏറ്റവും കുറഞ്ഞ പോളിങ്. അവിടെ പോളിങ് ശതമാനം 56 കടന്നിട്ടുള്ളൂ.

പോളിങ് ശതമാനം

പുരുഷന്‍മാര്‍ 71.26%
സ്ത്രീകള്‍ 71.35%
ട്രാന്‍സ് ജെന്‍ഡര്‍ 36.33%