Connect with us

Video Stories

അഫ്ഗാന്‍ റോബോട്ടിക് ടീം ക്യാപ്റ്റന്റെ പിതാവ് കൊല്ലപ്പെട്ടു

Published

on

 

കാബൂള്‍: അമേരിക്കയിലെ അന്താരാഷ്ട്ര റോബോട്ടിക് മത്സരത്തില്‍ പങ്കെടുത്ത് ലോകശ്രദ്ധ പിടിച്ചുപറ്റിയ അഫ്ഗാന്‍ പെണ്‍കുട്ടികളില്‍ ഒരാളുടെ പിതാവും ഹെരാത്തിലെ ശിയാ പള്ളിയിലുണ്ടായ ചാവേറാക്രമണത്തില്‍ കൊല്ലപ്പെട്ടതായി റിപ്പോര്‍ട്ട്. ടീം ക്യാപ്റ്റന്‍ ഫാത്വിമ ഖാദറിയാന്‍ എന്ന പതിനാലുകാരിയുടെ പിതാവാണ് കൊല്ലപ്പെട്ടതെന്ന് ടീം കോച്ച് അലി റസ മഹര്‍ബാന്‍ പറഞ്ഞു.
ശിയാപള്ളിയില്‍ പ്രാര്‍ത്ഥനക്കെത്തിയവരെ ലക്ഷ്യമിട്ട് ഇസ്്‌ലാമിക് സ്റ്റേറ്റ്(ഐ.എസ്) ഭീകരര്‍ നടത്തിയ ആക്രമണത്തില്‍ 33 പേര്‍ കൊല്ലപ്പെടുകയും അറുപതിലേറെ പേര്‍ക്ക് പരിക്കേല്‍ക്കുകയും ചെയ്തിരുന്നു. പിതാവിനെ നഷ്ടപ്പെട്ട ഫാത്വിമ ഏറെ ദു:ഖിതയാണെന്നും ഭക്ഷണം കഴിക്കുകയോ സംസാരിക്കുകയോ ചെയ്യുന്നില്ലെന്നും മഹര്‍ബാന്‍ അറിയിച്ചു.
ഫാത്വിമക്കും കുടുംബത്തിനും ലോകത്തിന്റെ വിവിധ ഭാഗങ്ങളില്‍നിന്ന് അനുശോചനങ്ങള്‍ പ്രവഹിക്കുകയാണ്. 150ലേറെ രാജ്യങ്ങളില്‍നിന്നുള്ള സംഘങ്ങള്‍ പങ്കെടുത്ത റോബോട്ടിക്ക് മത്സരത്തില്‍ ധീരോധാത്തമായ നേട്ടത്തിന് വെള്ളി മെഡല്‍ നേടിയ അഫ്ഗാന്‍ പെണ്‍കുട്ടികള്‍ ജഡ്ജിമാരുടെ പ്രത്യേകം പ്രശംസക്കും പാത്രമായിരുന്നു.
മത്സരത്തില്‍ പങ്കെടുക്കുന്നതിന് ഏറെ പ്രയാസപ്പെട്ടാണ് സംഘം അമേരിക്കയിലേക്കുള്ള യാത്ര തരപ്പെടുത്തിയത്. സംഘത്തിന് അമേരിക്ക രണ്ടു തവണ യാത്രാനുമതി നിഷേധിച്ചിരുന്നു.
യാത്രാനുമതിക്കുവേണ്ടി കാബൂളിലെ അമേരിക്കന്‍ എംബസിയില്‍ കയറി ഇറങ്ങുന്ന പെണ്‍കുട്ടികളെക്കുറിച്ച് അന്താരാഷ്ട്ര മാധ്യമങ്ങളില്‍ വാര്‍ത്ത വന്നതോടെയാണ് യു.എസ് ഭരണകൂടം വിസ അനുവദിച്ചത്.
താലിബാനും ഐ.എസും ആക്രമണം ശക്തമാക്കിയതോടെ അഫ്ഗാന്‍ ഭരണകൂടത്തില്‍ ജനങ്ങള്‍ക്കുള്ള വിശ്വാസം തകര്‍ന്നുകൊണ്ടിരിക്കുകയാണ്.

Video Stories

കാന്‍സര്‍ രോഗിയെ വിമാനത്തില്‍ നിന്ന് ഇറക്കിവിട്ട് അമേരിക്കന്‍ വിമാന കമ്പനി

ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

Published

on

കാന്‍സര്‍ രോഗിയായ യുവതിയെ വിമാനത്തില്‍ നിന്ന് ഇറക്കിവിട്ടു. ഡല്‍ഹിയില്‍ നിന്ന് ന്യൂയോര്‍ക്കിലേക്ക് പോകേണ്ട അമേരിക്കന്‍ കമ്പനിയുടെ വിമാനത്തില്‍ നിന്നാണ് മീനാക്ഷി സെന്‍ ഗുപ്ത എന്ന യുവതിയെ വിമാന അധികൃതര്‍ ഇറക്കിവിട്ടത്.

വിമാനത്തിലേക്ക് കയറിയപ്പോള്‍ കയ്യിലുള്ള ബാഗ് മുകളിലേക്ക് എടുത്തുവെക്കാന്‍ അധികൃതര്‍ ആവശ്യപ്പെട്ടു. എന്നാല്‍ കുറച്ചുനാളുകള്‍ക്കു മുമ്പ് ശാസ്ത്രക്രിയ കഴിഞ്ഞതിനാല്‍ ഒറ്റയ്ക്ക് അത് ചെയ്യാന്‍ സാധിക്കില്ലെന്നും ബാഗ് മുകളില്‍ വയ്ക്കാന്‍ സഹായിക്കണമെന്ന് യുവതി അഭ്യര്‍ത്ഥിച്ചു. എന്നാല്‍ ഇത് തന്റെ ജോലി അല്ലെന്നായിരുന്നു വിമാനം അധികൃതരുടെ മറുപടി. ശേഷം യുവതിയോട് വിമാനത്തില്‍ നിന്ന് ഇറങ്ങാന്‍ ആവശ്യപ്പെടുകയും ചെയ്തു.

സംഭവത്തില്‍ വിശദമായ അന്വേഷണം ആരംഭിച്ചതായി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ ഡിജി അരുണ്‍കുമാര്‍ വ്യക്തമാക്കി.

Continue Reading

News

വിന്‍ഡോ സീറ്റിന്റെ പേരില്‍ വിമാനത്തില്‍ കൂട്ടത്തല്ല്; 2 മണിക്കൂര്‍ വൈകി

15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Published

on

വിമാനത്തിലെ വിന്‍ഡോ സീറ്റിന് വേണ്ടി യാത്രക്കാര്‍ തമ്മില്‍ കൂട്ടത്തല്ല്. ഇതേതുടര്‍ന്ന് പുറപ്പെടാന്‍ രണ്ട് മണിക്കൂര്‍ വൈകി. ബ്രസീലിലാണ് സംഭവം. സാല്‍വദോറില്‍നിന്ന് സാവേ പോളോയിലേക്ക് പോകാനിരുന്ന വിമാനത്തിലാണ്‌സംഭവം. ഭിന്നശേഷിക്കാരനായ കുട്ടിയുമൊത്ത് വന്ന യാത്രക്കാരി അരികിലെ സീറ്റ് ആവശ്യപ്പെട്ടെങ്കിലും സഹയാത്രക്കാരി അത് നല്‍കാന്‍ തയ്യാറായില്ല. തുടര്‍ന്ന് വാഗ്വാദത്തിനിടയിലാണ് ഇരുവരും തല്ല് തുടങ്ങിയത്. യാത്രക്കാരും ഇടപെട്ടതോടെ കൂട്ടത്തല്ലായി. കാബിന്‍ ക്രൂവ് എത്തി ശാന്തമാക്കാന്‍ ശ്രമിച്ചെങ്കിലും മണിക്കൂറോളം തല്ല് തുടര്‍ന്നു. 15 ഓളം പേര്‍ക്കെതിരെകേസെടുത്തു. ഇവരെ യാത്രയില്‍നിന്ന് ഒഴിവാക്കിയശേഷമാണ് യാത്ര ആരംഭിച്ചത്.

video

Continue Reading

Celebrity

ഗായിക വാണി ജയറാം അന്തരിച്ചു

മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ

Published

on

പ്രശസ്ത പിന്നണി ഗായികയും പദ്മഭൂഷണ്‍ ജേതാവുമായ വാണി ജയറാം (77) അന്തരിച്ചു. ചെന്നൈയിലെ വസതിയിലായിരുന്നു അന്ത്യം.

തമിഴ്, തെലുഗു, കന്നട, മലയാളം, മറാത്തി, ഹിന്ദി എന്നീ ഭാഷകളിലായി നൂറുകണക്കിന് ഗാനങ്ങള്‍ ആലപിച്ചിട്ടുണ്ട്. മികച്ച ഗായികക്കുള്ള ദേശീയ ചലച്ചിത്രപുരസ്കാരം മൂന്നു തവണ നേടിയിട്ടുണ്ട്.

ഇക്കഴിഞ്ഞ റിപബ്ലിക് ദിനത്തിലാണ് പദ്മഭൂഷണ്‍ പുരസ്കാരം തേടിയെത്തിയത്.

Continue Reading

Trending