kerala
ശബരിമല വിഷയത്തില് നിര്ണായക നിലപാട് മാറ്റം; പുതിയ സത്യവാങ്മൂലം നല്കാന് തയ്യാറെന്ന് സിപിഎം

തിരുവനന്തപുരം: ശബരിമലയില് സര്ക്കാരിന്റെ നിര്ണായക നിലപാട് മാറ്റം. സ്ത്രീപ്രവേശനവുമായി ബന്ധപ്പെട്ട പുനഃപരിശോധനാ ഹര്ജികളില് വാദം വരുന്ന സമയത്ത് ആവശ്യമെങ്കില് പുതിയ സത്യവാങ്മൂലം നല്കാന് തയ്യാറെന്ന് സിപിഎം പി.ബി അംഗം എം.എ.ബേബി വ്യക്തമാക്കി .
സുപ്രീംകോടതി ആവശ്യപ്പെട്ടാല് സര്ക്കാര് പുതിയ സത്യവാങ്മൂലം നല്കും. എല്ലാവരുമായും ചര്ച്ച ചെയ്ത ശേഷം മാത്രമായിരിക്കും സത്യവാങ്മൂലം നല്കുകയെന്നും എം.എ.ബേബി പറഞ്ഞതായി മാതൃഭൂമി ന്യൂസ് റിപ്പോര്ട്ട് ചെയ്തു.
2007-ല് വി.എസ്. അച്യുതാനന്ദന് സര്ക്കാര് യുവതീപ്രവേശനത്തിന് അനുകൂലനിലപാടുമായി സത്യവാങ്മൂലം നല്കിയതാണ് ശബരിമല കേസിലെ ആദ്യ വഴിത്തിരിവ്. ഒരേമതത്തില് വിശ്വസിക്കുന്ന എല്ലാവര്ക്കും തുല്യ ആരാധനാസ്വാതന്ത്ര്യം ഭരണഘടന അനുശാസിക്കുന്നുണ്ടെന്ന് സത്യവാങ്മൂലത്തില് പറഞ്ഞു. ഈ വിഷയം പഠിക്കാന് കമ്മിഷനെ വെക്കണമെന്നും യുവതികള്ക്ക് മാത്രമായി പ്രത്യേക സീസണ് അനുവദിക്കുന്നതിനെക്കുറിച്ച് ആലോചിക്കണമെന്നും അതില് വ്യക്തമാക്കി. 2016-ല് കേസ് സുപ്രീംകോടതിയിലെ ജസ്റ്റിസ് ദീപക് മിശ്ര അധ്യക്ഷനായ മൂന്നംഗ ബെഞ്ചിനുമുന്നിലെത്തി.
2016-ല് സുപ്രീംകോടതിയില് ഉമ്മന്ചാണ്ടി സര്ക്കാര് വി.എസ്. സര്ക്കാരിന്റെ നിലപാടില്നിന്ന് പിന്വാങ്ങി. ശബരിമലയില് യുവതീപ്രവേശം ആവശ്യമില്ലെന്നും തല്സ്ഥിതി തുടരണമെന്നുമാവശ്യപ്പെട്ട് യു.ഡി.എഫ്. സര്ക്കാര് സത്യവാങ്മൂലം നല്കിയിരുന്നു. എന്നാല് കേസ് ഭരണഘടനാ ബെഞ്ചിലെത്തിയപ്പോള് കേരളത്തില് പിണറായി വിജയന്റെ ഇടതുസര്ക്കാര് അധികാരത്തിലെത്തിയിരുന്നു. ഇതോടെ, സംസ്ഥാനസര്ക്കാര് വീണ്ടും നിലപാട് മാറ്റി. യുവതീപ്രവേശത്തെ അനുകൂലിക്കുന്നുവെന്ന് സര്ക്കാര് അറിയിച്ചു. എന്നാല്, ദേവസ്വംബോര്ഡ് പഴയ നിലപാടില് തുടര്ന്നു.
കക്ഷിചേരാനെത്തിയവരെയെല്ലാം കേട്ടശേഷം ബെഞ്ച് യുവതീപ്രവേശത്തെ അനുകൂലിച്ച് 2018 സെപ്റ്റംബര് 28-ന് വിധിയെഴുതി. ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ എ.എം. ഖന്വില്കര്, ഡി.വൈ.ചന്ദ്രചൂഢ്, ആര്.എഫ്. നരിമാന് എന്നിവര് അനുകൂലിച്ചും ജസ്റ്റിസ് ഇന്ദു മല്ഹോത്ര എതിര്ത്തും വിധിയെഴുതി.

തിരുവനന്തപുരം: തിരുവനന്തപുരം മുതലപ്പൊഴിയിൽ വള്ളം മറിഞ്ഞ് രണ്ടുപേർ മരിച്ചു. അഞ്ചു തെങ്ങ് സ്വദേശി മൈക്കിൾ, ജോസഫ് എന്നിവരാണ് മരിച്ചത്. അഞ്ചു പേരാണ് വള്ളത്തിലുണ്ടായിരുന്നത്. മൂന്നു പേരെ രക്ഷപ്പെടുത്തി. മത്സ്യബന്ധനത്തിനായി പോയ ബോട്ടാണ് അപകടത്തിൽ പെട്ടത്.
kerala
‘രാജിവെക്കുന്നതിനെ പറ്റി സുരേഷ് ഗോപി ആലോചിക്കണം’; കെ. സുധാകരൻ
നാണംകെട്ട വഴിയിലൂടെ എം പിയാവുന്നതിലും നല്ലത് കഴുത്തിന് കയറ് തൂക്കുന്നതാണെന്നും കെ സുധാകരന് പറഞ്ഞു

തൃശ്ശൂര്: തൃശ്ശൂര് ലോക്സഭാ മണ്ഡലത്തിലെ വ്യാജ വോട്ട് ആരോപണത്തില് പ്രതികരിച്ച് കോണ്ഗ്രസ് നേതാവ് കെ സുധാകരന്. നാണംകെട്ട വഴിയിലൂടെ എംപിയാകുന്നതിലും നല്ലത് കഴുത്തിന് കയറ് തൂക്കുന്നതാണെന്ന് കെ സുധാകരന് സുരേഷ് ഗോപിയെ കപറഞ്ഞു. ‘കള്ളവോട്ട് ചെയ്യുന്നത് കേരളത്തിലും ഇന്ത്യയിലും നേരത്തെയുണ്ട്. പക്ഷെ പരിമിതിയുണ്ട്. പൂട്ടിയിട്ട വീട്ടില് വരെ വോട്ട് ചേര്ത്തിരിക്കുകയാണ്. എന്ത് ജനാധിപത്യമാണിത്. കള്ളവോട്ട് ചെയ്യുന്നതിന്റെ ഉത്തരവാദിത്തം ഭരണകക്ഷി മനസ്സുകൊണ്ട് ഏറ്റെടുക്കേണ്ടി വരികയാണ്. നിഷേധിക്കാന് സാധിക്കുന്നില്ല അവര്ക്ക്’, കെ സുധാകരന് പറഞ്ഞു.
രാഹുല് ഗാന്ധിയുടെ ആരോപണങ്ങള് തെറ്റാണെന്ന് നെഞ്ചത്ത് കൈവെച്ചു പറയാന് ഏതെങ്കിലും ബിജെപി നേതാവിന് സാധിക്കുന്നുണ്ടോ? കള്ളവോട്ടിൻ്റെ ഭാഗികമായ രക്തസാക്ഷിയായിരുന്നു താനെന്നും കെ സുധാകരൻ പറഞ്ഞു. 1991 ലെ എടക്കാട് നിയമസഭാ മണ്ഡലത്തിലെ തിരഞ്ഞെടുപ്പ് ഫലം ചൂണ്ടിക്കാട്ടിയായിരുന്നു കെപിസിസി മുന് അധ്യക്ഷൻ്റെ പരാമര്ശം. തെളിവ് സഹിതം ആക്ഷേപം ഉന്നയിക്കുമ്പോള് അത് ഉള്ക്കൊള്ളാന് സാധിക്കുന്ന വലിയ മനസ്സിൻ്റെ ഉടമസ്ഥനാകാന് സുരേഷ് ഗോപിക്ക് സാധിക്കണം. നാണംകെട്ട വഴിയിലൂടെ എം പിയാവുന്നതിലും നല്ലത് കഴുത്തിന് കയറ് തൂക്കുന്നതാണെന്നും കെ സുധാകരന് പറഞ്ഞു. പുറത്ത് നിന്നുള്ള ഒരാള്ക്ക് തൃശ്ശൂരില് ഇത്രയേറെ വോട്ട് കിട്ടുന്നത് അസാധ്യമാണെന്നും കെ സുധാകരന് കൂട്ടിച്ചേര്ത്തു.
തൃശ്ശൂര് ലോക്സഭാ മണ്ഡലത്തില് സ്ഥിരതാമസക്കാരല്ലാത്തവരെ വോട്ടര് പട്ടികയില് ചേര്ത്തുവെന്നായിരുന്നു കോണ്ഗ്രസും എല്ഡിഎഫ് സ്ഥാനാര്ത്ഥിയായിരുന്ന വി എസ് സുനില് കുമാറും രംഗത്തെത്തിയിരുന്നു. വിജയിച്ച സ്ഥാനാര്ത്ഥി സുരേഷ് ഗോപിയുടെ സഹോദരന് ഉള്പ്പെടെ 11 പേരെ ബൂത്ത് നമ്പര് 116ല് 1016 മുതല് 1026 വരെ ക്രമനമ്പറില് ചേര്ത്തുതായി ഡിസിസി പ്രസിഡന്റ് ജോസഫ് ടാജറ്റ് ആരോപിച്ചിരുന്നു. ഇപ്പോള് പുറത്തുവന്ന പട്ടികയില് ഇവരുടെ പേരുകളില്ല.
kerala
കാര് ഫുട്പാത്തിലേക്ക് ഇടിച്ചു കയറിയുണ്ടായ അപകടം: ലൈസന്സ് സസ്പെന്ഡ് ചെയ്തു

തിരുവനന്തപുരം ∙ ജനറല് ആശുപത്രിക്കു മുന്നില് തിരക്കേറിയ റോഡിലൂടെ യുവാവ് ഡ്രൈവിങ് പരിശീലനം നടത്തുന്നതിനിടെ കാര് നിയന്ത്രണം വിട്ട് നടപ്പാതയിലേക്ക് ഇടിച്ചുകയറി രോഗിയടക്കം 5 പേര്ക്ക് ഗുരുതരമായി പരുക്കേറ്റ സംഭവത്തില് ഡ്രൈവറുടെ ലൈസന്സ് സസ്പെൻഡ് ചെയ്തു. കാര് ഓടിച്ച വട്ടിയൂര്ക്കാവ് വലിയവിള സ്വദേശി എ.കെ. വിഷ്ണുനാഥിന്റെ (25) ലൈസന്സാണ് ഒരു വര്ഷത്തേക്ക് സസ്പെൻഡ് ചെയ്തത്. തിരുവനന്തപുരം ആര്ടിഒയുടേതാണ് നടപടി.
ഞായറാഴ്ച ഉച്ചയ്ക്കു 12.15ന് ജനറല് ആശുപത്രി കവാടത്തോടു ചേര്ന്നുള്ള ഫുട്പാത്തിലായിരുന്നു അപകടം. പേട്ട-പാറ്റൂര് റോഡിലൂടെ ജനറല് ആശുപത്രി ഭാഗത്തേക്ക് അമിത വേഗത്തില് വന്ന കാര് നടപ്പാതയിലെ ഇരുമ്പ് വേലിയും തകര്ത്തിരുന്നു. അപകടത്തില് ഗുരുതര പരുക്കേറ്റ കൊല്ലം ശാസ്താംകോട്ട സ്വദേശിയും ഈഞ്ചയ്ക്കല് എസ്പി ഫോര്ട്ട് ആശുപത്രിയിലെ ഹൗസ്കീപ്പിങ് വിഭാഗം ജീവനക്കാരനുമായ ആഞ്ജനേയന് (38), സുഹൃത്തും മുട്ടത്തറ സ്വദേശിയുമായ ശിവപ്രിയ (32), ജനറല് ആശുപത്രി ജംക്ഷന് ഓട്ടോ സ്റ്റാന്ഡിലെ ഡ്രൈവര്മാരായ കരകുളം സ്വദേശി ഷാഫി (42), കണ്ണമ്മൂല സ്വദേശി സുരേന്ദ്രന് (46) എന്നിവരെ മെഡിക്കല്കോളജ് ആശുപത്രി വെന്റിലേറ്ററില് പ്രവേശിപ്പിച്ചു. ഷാഫിയുടെയും ശിവപ്രിയയുടെയും നില അതീവഗുരുതരമാണ്.
ബ്രേക്കിനു പകരം ആക്സിലേറ്റര് ചവിട്ടിയതാണ് അപകടത്തിനു കാരണമായതെന്നും കാറിനു സാങ്കേതിക തകരാര് ഇല്ലെന്നും വാഹനം പരിശോധിച്ച ആര്ടിഒ അജിത്കുമാര് പറഞ്ഞിരുന്നു. 2019ല് ലൈസന്സ് എടുത്ത വിഷ്ണുനാഥിനു വേണ്ടത്ര ഡ്രൈവിങ് വൈദഗ്ധ്യമില്ലെന്ന് പൊലീസ് പറഞ്ഞു. അമ്മാവനൊപ്പമാണ് വിഷ്ണുനാഥ് ഡ്രൈവിങ് പരിശീലനം നടത്തിയത്.
-
india3 days ago
ഉദ്ഘാടനത്തിന് ഒരുങ്ങി ഖാഇദെ മില്ലത്ത് സെന്റര്; അന്തിമ ഒരുക്കങ്ങള് നേരിട്ട് വിലയിരുത്തി നേതാക്കള്
-
kerala3 days ago
‘മെസ്സി ഈസ് മിസ്സിംഗ്; കായിക മന്ത്രി മറുപടി പറയണം’; സണ്ണി ജോസഫ്
-
kerala2 days ago
‘തെരഞ്ഞെടുപ്പിനായി സുരേഷ് ഗോപി തൃശൂരില് വോട്ട് ചേര്ത്തു’; ആരോപണവുമായി തൃശൂര് ഡിസിസി പ്രസിഡന്റ്
-
film2 days ago
ലാലേട്ടനെ തൊടാന് ആയിട്ടില്ല, കൂലി രണ്ടാം സ്ഥാനത്ത് തന്നെ
-
india3 days ago
ചെന്നൈ സൂപ്പര് കിങ്സ് വിടാനൊരുങ്ങി അശ്വിന്
-
kerala2 days ago
ഷാര്ജയിലെ അതുല്യയുടെ മരണം; ഭര്ത്താവ് സതീഷ് അറസ്റ്റില്
-
kerala2 days ago
നിമിഷപ്രിയക്കേസ്; വധശിക്ഷയ്ക്ക് പുതിയ തീയതി നിശ്ചയിക്കണം: തലാലിന്റെ സഹോദരന്
-
india2 days ago
കന്നുകാലികളെ കൊണ്ടുപോകുന്നുവെന്ന് സംശയം; യുപിയില് മുസ്ലിം ഡ്രൈവറെ കാവഡ് യാത്രികര് തല്ലിക്കൊന്നു