ലണ്ടന്‍: ഇംഗ്ലീഷ് പ്രീമിയര്‍ ലീഗ് ഫുട്‌ബോളിലിന്ന് കനപ്പെട്ട ലിവര്‍പൂള്‍-ടോട്ടനം വാര്‍. നോര്‍ത്ത് ലണ്ടനിലെ ടോട്ടനത്തിന്റെ ആസ്ഥാനത്താണ് തുല്യശക്തികളുടെ കിടിലനങ്കം. ഇതുള്‍പ്പെടെ എട്ട് മല്‍സരങ്ങളാണ് ഇന്ന് നടക്കുന്നത്. തപ്പിത്തടയുന്ന മാഞ്ചസ്റ്റര്‍ യുനൈറ്റഡ് തിരിച്ചുവരാനുള്ള ശ്രമത്തില്‍ സ്വന്തം വേദിയിലിന്ന് കൃസ്റ്റല്‍ പാലസിനെ നേരിടും. നിലവില്‍ പോയിന്റ് ടേബിളില്‍ അഞ്ചാമതുള്ള ആഴ്‌സനല്‍ എവേ അങ്കത്തില്‍ ഏ.എഫ്.സി ബോണ്‍മൗത്തുമായി കളിക്കും. ഇത് വരെ കളിച്ച എല്ലാ മല്‍സരങ്ങളിലും തകര്‍പ്പന്‍ വിജയം സ്വന്തമാക്കിയ സിറ്റിക്ക് മുന്നില്‍ ഇന്ന് വോള്‍വ്‌സാണ്. ലിവര്‍ ഇതിനകം കളിച്ച ആറ് മല്‍സരങ്ങളില്‍ അഞ്ചിലും വിജയിച്ചവരാണ്. ഒരു സമനിലയില്‍ കുരുങ്ങിയത് വഴി ആകെ സമ്പാദ്യം 16 പോയിന്റ. ടോട്ടനവും സീസണില്‍ തോറ്റിട്ടില്ല. കളിച്ച ആറ് മല്‍സരങ്ങളില്‍ നാലിലും ജയിച്ച ടീം രണ്ട് കളികളില്‍ സമനില വഴങ്ങി. പതിനാല് പോയിന്റാണ് അവരുടെ സമ്പാദ്യം.

ഏഷ്യന്‍ ഗെയിംസ് അത്ലറ്റിക്‌സില്‍ ആദ്യമെഡല്‍ സ്വന്തമാക്കി ഇന്ത്യ.വനിതകളുടെ ഷോട്ട്പുട്ടില്‍ കിരണ്‍ ബലിയന്‍ ആണ് വെങ്കല മെഡല്‍ സ്വന്തമാക്കിയത്.72 വര്‍ഷത്തിനുശേഷമാണ് ഇന്ത്യ ഈ ഇനത്തില്‍ മെഡല്‍ നേടുന്നത്. സ്വര്‍ണ്ണവും വെള്ളിയും ചൈന തന്നെ സ്വന്തമാക്കി.

ഇതോടെ മെഡല്‍ പട്ടികയില്‍ ഇന്ത്യ 8 സ്വര്‍ണവും 12 വെള്ളിയും 13 വെങ്കലവുമടക്കം 33 മെഡലുകളുമായി ഇന്ത്യ നാലാം സ്ഥാനത്ത് എത്തി.

ഇന്ത്യയെ ശത്രുരാജ്യമെന്ന് വിശേഷിപ്പിച്ച് പാക്കിസ്ഥാന്‍ ക്രിക്കറ്റ് ബോര്‍ഡ് തലവന്‍ സകാ അഷ്‌റഫ്. ക്രിക്കറ്റ് ലോകകപ്പിനായി പാക്ക് ക്രിക്കറ്റ് ടീം അംഗങ്ങള്‍ ഇന്ത്യയിലേക്ക് തിരിച്ചതിന് പിറകെയാണ് ഇദ്ദേഹത്തിന്റെ വിവാദ പരാമര്‍ശം. സോഷ്യല്‍ മീഡിയ വഴി പ്രചരിക്കുന്ന വീഡിയോയില്‍ ഇത് കൃത്യമായി പ്രതിപാദിക്കുന്നുണ്ട്.

അതേസമയം ലോകകപ്പിനായി ഇന്ത്യയില്‍ എത്തിയ പാക് ക്രിക്കറ്റ് ടീമിന് ഉജ്വലമായ സ്വീകരണമാണ് കഴിഞ്ഞ ദിവസം ലഭിച്ചത്. കനത്ത സുരക്ഷയില്‍ ആണ് ടീം എത്തിയത്.