Connect with us

gulf

യുഎന്നില്‍ ഖത്തറിന് പുതിയ റോള്‍; നായകത്വം വഹിക്കാന്‍ ശൈഖ അല്‍യ

ആഗോള നയതന്ത്ര തലത്തില്‍ ഖത്തറിന്റെ വിഷയങ്ങള്‍ ചര്‍ച്ച ചെയ്യുന്നതില്‍ മികവു പ്രകടിപ്പിച്ച വിദേശകാര്യ പ്രതിനിധിയാണ് ശൈഖ അല്‍യ

Published

on

യുണൈറ്റഡ് നാഷണ്‍സ്: ഐക്യരാഷ്ട്ര സഭയിലെ ഖത്തര്‍ സ്ഥിരം പ്രതിനിധി ശൈഖ അല്‍യ മുഹമ്മദ് ബിന്‍ സെയ്ഫ് അല്‍ഥാനിക്ക് ചരിത്രനേട്ടം. യുഎസ് സുരക്ഷാ കൗണ്‍സിലിലെ പരിഷ്‌കരണങ്ങള്‍ക്ക് ചുക്കാന്‍ പിടിക്കാനുള്ള നിയോഗമാണ് അല്‍യയില്‍ വന്നു ചേര്‍ന്നത്.

പരിഷ്‌കരണ ചര്‍ച്ചകള്‍ക്ക് നേതൃത്വം നല്‍കാനുള്ള സമിതിയെയാണ് ഇവര്‍ നയിക്കുക. യുഎന്നിന്റെ 75-ാം ജനറല്‍ അസംബ്ലി പ്രസിഡണ്ട് വോള്‍ക്കന്‍ ബോസ്‌കിനാണ് അല്‍യയ്ക്ക് ഈ പദവി നല്‍കിയത്. പോളണ്ട് അംബാസഡര്‍ യോഹന്ന റൊണേക്കയും ഇവര്‍ക്കൊപ്പമുണ്ട്. യുഎന്നിന്റെ ഖത്തറിന്റെ സജീവ പങ്കാളിത്തത്തിനുള്ള അംഗീകാരം കൂടിയാണ് ഇവരുടെ നിയമനം.

ആഗോള നയതന്ത്ര തലത്തില്‍ ഖത്തറിന്റെ വിഷയങ്ങള്‍ ചര്‍ച്ച ചെയ്യുന്നതില്‍ മികവു പ്രകടിപ്പിച്ച വിദേശകാര്യ പ്രതിനിധിയാണ് ശൈഖ അല്‍യ. ഈയിടെ ഫലസ്തീന്‍ വിഷയത്തില്‍ അടക്കം അവര്‍ എടുത്ത നിലപാടുകള്‍ ആഗോള ശ്രദ്ധയാകര്‍ഷിച്ചിരുന്നു.

അധികാരം ഉപയോഗിച്ച് ഫലസ്തീന്‍ ജനതയെ അടിച്ചമര്‍ത്തുന്നത് അംഗീകരിക്കാനാവില്ല എന്നും ഫലസ്തീനോട് ഐക്യപ്പെടേണ്ടത് ആവശ്യകതയാണ് എന്നും അവര്‍ വ്യക്തമാക്കിയിരുന്നു. ഒക്ടോബറില്‍ ചേര്‍ന്ന യുഎന്‍ രക്ഷാ കൗണ്‍സിലിന്റെ വിര്‍ച്വല്‍ യോഗത്തിലും അവര്‍ ഇക്കാര്യം ശക്തമായി ഉന്നയിച്ചിരുന്നു.

സമാധാനത്തിന് ചര്‍ച്ചകളല്ലാത്ത ബദല്‍ മാര്‍ഗങ്ങളില്ല. അന്താരാഷ്ട്ര പ്രമേയങ്ങള്‍ക്ക് അനുസൃതമായാണ് ഈ ചര്‍ച്ചകള്‍ നടക്കേണ്ടത്. വെസ്റ്റ് ബാങ്കില്‍ ഇസ്രയേലിന്റെ അനധികൃത കുടിയേറ്റം നിര്‍ത്തേണ്ടതുണ്ട്. എന്നാല്‍ മാത്രമേ സമാധാനം സാധ്യമാകൂ എന്നും അവര്‍ വ്യക്തമാക്കിയിരുന്നു.

യുഎഇ അടക്കമുള്ള അറബ് രാജ്യങ്ങള്‍ ഇസ്രയേലുമായി നയതന്ത്ര ബന്ധം സ്ഥാപിച്ച സാഹചര്യത്തിലാണ് ഖത്തര്‍ യുഎന്നില്‍ നിലപാടു വ്യക്തമാക്കിയിരുന്നത്. ദ്വിരാഷ്ട്ര പ്രഖ്യാപനമല്ലാതെ സമാധാനത്തിന് മറ്റു വഴികളില്ല എന്നാണ് ഖത്തറിന്റെ നിലപാട്.

 

gulf

കൊണ്ടോട്ടിയൻസ്@ദമ്മാം ഇഫ്താർ സംഗമം

ഫൈസലിയയിലെ ശാലിഹാത് ഇസ്‌തിറാഹയിൽ വെച്ചു നടന്ന നോമ്പുതുറയിൽ സൗദി കിഴക്കൻ പ്രവിശ്യയുടെ വിവിധ ഭാഗങ്ങളിൽ നിന്നെത്തിയ കൊണ്ടോട്ടി സ്വദേശികളായ സ്ത്രീകളും കുട്ടികളുമടക്കം 200ലേറെ പേർ പങ്കെടുത്തു.

Published

on

ദമ്മാം : സൗദി കിഴക്കൻ പ്രവിശ്യയിലെ കൊണ്ടോട്ടികാരുടെ കൂട്ടായ്മയായ കൊണ്ടോട്ടിയൻസ്@ദമ്മാം വിപുലമായ ഇഫ്താർ സംഗമം സംഘടിപ്പിച്ചു. ഫൈസലിയയിലെ ശാലിഹാത് ഇസ്‌തിറാഹയിൽ വെച്ചു നടന്ന നോമ്പുതുറയിൽ സൗദി കിഴക്കൻ പ്രവിശ്യയുടെ വിവിധ ഭാഗങ്ങളിൽ നിന്നെത്തിയ കൊണ്ടോട്ടി സ്വദേശികളായ സ്ത്രീകളും കുട്ടികളുമടക്കം 200ലേറെ പേർ പങ്കെടുത്തു.

സംഘാടക മികവ് കൊണ്ടും പങ്കാളിത്തം കൊണ്ടും ശ്രദ്ധേയമായ സംഗമത്തിന്റെ ഔപചാരിക ഉദ്ഘാടനം ഉപദേശക സമിതി അംഗം സി. അബ്ദുൽ ഹമീദ് നിർവഹിച്ചു.

ആലിക്കുട്ടി ഒളവട്ടൂർ, അഷ്റഫ് കൊണ്ടോട്ടി , സിദ്ധിക്ക് ആനപ്ര, ഷമീർ വി.പി, റിയാസ് മരക്കാട്ടുതൊടിക, ആസിഫ് മേലങ്ങാടി, റസാഖ് ബാബു, സൈനുദ്ദീൻ വലിയപറമ്പ്, ജുസൈർ കൊണ്ടോട്ടി, സുഹൈൽ ഹമീദ്, സഹീർ മജ്ദാൽ, ഇഎം മുഹമ്മദ് കുട്ടി,സലീം പള്ളിക്കൽ ബസാർ,മുസ്തഫ പള്ളിക്കൽ ബസാർ , അബ്ബാസ് പറമ്പാടൻ, ഇസ്മായിൽ കൊണ്ടോട്ടി, നിയാസ് ബിനു, അലി കരിപ്പൂർ, അനീസ് കൊട്ടപ്പുറം, ബുഷ്റ റിയാസ്, നൗഷിദ ഷമീർ തുടങ്ങിയവർ നേതൃത്വം നൽകി.

Continue Reading

gulf

രാജ്യം അപകടകരമായ പ്രതിസന്ധിഘട്ടത്തില്‍: കെഎംസിസി ഇഫ്താർ സംഗമം

Published

on

ദമ്മാം: രാജ്യം അപകടകരമായ പ്രതിസന്ധിയിലൂടെയാണ് കടന്ന് പോകുന്നതെന്ന് ദമ്മാം കെഎംസിസി സെന്‍ട്രല്‍ കമ്മറ്റി പ്രസിഡന്‍റ് ഹമീദ് വടകര അഭിപ്രായപ്പെട്ടു.കെഎംസിസി ഖൊദരിയ യൂണിറ്റ് ഇഫ്താര്‍ സംഗമവും കമ്മറ്റി പുനർസഘനയും ഉല്‍ഘാടനം ചെയ്ത് സംസാരിക്കുകയായിരുന്നു അദ്ദേഹം.രാജ്യത്തിന്‍റെ ഭാവി നിര്‍ണ്ണയിക്കുന്ന പൊതുതെരഞ്ഞെടുപ്പ് ആസന്നമായിരിക്കുന്നു.

ജനാധിപത്യ ഇന്ത്യയെ കാര്‍ന്നുതിന്നുകൊണ്ടിരിക്കുന്ന ഫാസിസത്തെ തകര്‍ക്കാന്‍,മതേതര ഇന്ത്യയെ നിലനിര്‍ത്താന്‍ നാം ഓരോരുത്തരും ഉണര്‍ന്ന് പ്രവര്‍ത്തിക്കേണ്ടതുണ്ട്.രാജ്യത്തിന്റെ നിലനില്‍പിനായി പ്രവാസമണ്ണില്‍ നിന്ന് യുഡിഎഫിന്റെ കൃത്യമായ തെരഞ്ഞെടുപ്പ് വിജയത്തിന് പ്രവാസി സമൂഹത്തിന് വലിയ പങ്ക് വഹിക്കാനാകും.

ഇന്ത്യയുടെ ഭരണഘട പൊളിച്ചെഴുതാന്‍ ഫാസിസ്റ്റ് ഭീകരര്‍ അണിയറയില്‍ ഒളിഞ്ഞും തെളിഞ്ഞും നിറഞ്ഞാടുമ്പോള്‍ അതിന് തടയിടാന്‍ ജനാധിപത്യവിശ്വാസികളുടെ വോട്ടുകള്‍ യുഡിഎഫ് മുന്നണിക്കായി വിനിയോഗിക്കാന്‍ പ്രചരണപ്രവര്‍ത്തനങ്ങളില്‍ പങ്കാളികളാകണമെന്നും അദ്ധേഹം ഓര്‍മപ്പെടുത്തി.വര്‍ഗ്ഗീയത മാത്രം ആയുധമാക്കി കേന്ദ്രത്തില്‍ ബിജെപിയും,അതിന് കുഴലൂതുന്ന പിണറായി സര്‍ക്കാര്‍ കേരളത്തിലും ഭരണം കയ്യാളുമ്പോള്‍ ഇതിനെതിരെയുളള വിധിയെഴുത്തിന് കേരളം സാക്ഷിയാകുമെന്നും അദ്ദേഹം കൂട്ടിച്ചേര്‍ത്തു.

ദമ്മാം സെന്‍ട്രല്‍ കമ്മറ്റി സെക്രട്ടറി അഫ്സല്‍ വടക്കേകാട് അദ്ധ്യക്ഷനായിരുന്നു.റിട്ടേണിംഗ് ഓഫീസര്‍ ദമ്മാം സെന്‍ട്രല്‍ കമ്മറ്റി വൈസ് പ്രസിഡന്റ് ഖാദര്‍ അണങ്കൂര്‍ തെരഞ്ഞെടുപ്പ് നിയന്ത്രിച്ചു.ദമ്മാം സെന്‍ട്രല്‍ കമ്മറ്റി സെക്രട്ടറി സലാഹുദ്ധീന്‍ വേങ്ങര മുഖ്യഅതിഥിയായിരുന്നു.ഷൗക്കത്ത് ഒറ്റപ്പാലം, സഹീര്‍ മുസ്ല്യാരങ്ങാടി,ത്വാഹ പട്ടാമ്പി,സല്‍മാന്‍ കണ്ണൂര്‍,നൗഫല്‍ മാറഞ്ചേരി,അലി വളാഞ്ചേരി എന്നിവര്‍ സംസാരിച്ചു.അബ്ദുല്‍ മജീദ് പി സി സ്വാഗതവും,ജംഷീദ് കൈപ്പുഴ നന്ദിയും പറഞ്ഞു.

ഭാരവാഹികള്‍ചെയര്‍മാന്‍: അഫ്സല്‍ വടക്കേകാട്വൈസ് ചെയര്‍മാന്‍: സഹീര്‍ മജ്ദാല്‍ പ്രസിഡന്‍റ്: ഷൗക്കത്ത് ഒറ്റപ്പാലം
സീനിയര്‍ വൈസ് പ്രസിഡന്റ് : അബ്ദുല്‍ വഹാബ് കൊല്ലം
വൈസ് പ്രസിഡന്റ്: അബ്ദുല്‍ മജീദ് പി സിജനറല്‍ സെക്രട്ടറി : സല്‍മാന്‍ കണ്ണൂര്‍ഓര്‍ഗനൈസിംഗ് സെക്രട്ടറി: താഹ പട്ടാമ്പിജോ: സെക്രട്ടറിമാർ : അലി വളാഞ്ചേരി ,നൗഫല്‍ മാറഞ്ചേരിട്രഷറര്‍ : ജംഷീദ് കൈപ്പുഴ

Continue Reading

FOREIGN

ദുബൈ-മലപ്പുറം ജില്ലാ കെഎംസിസി ‘നഷ്‌വ 2024’ സംഘടിപ്പിച്ചു

Published

on

ദുബൈ: ദുബൈ-മലപ്പുറം ജില്ലാ കെഎംസിസി ആഭിമുഖ്യത്തില്‍ ഇഫ്താര്‍ സംഗമം ‘നഷ്‌വ 2024’ സംഘടിപ്പിച്ചു. സമസ്ത മലപ്പുറം ജില്ലാ ജന.സെക്രട്ടറി മൊയ്തീന്‍ കുട്ടി ഫൈസി പുത്തനഴി ഉദ്‌ബോധനം നടത്തി. ജില്ലാ കെഎംസിസി നടപ്പാക്കുന്ന സമൂഹ വിവാഹ പദ്ധതിയുടെ പ്രഖ്യാപനവും ബ്രോഷര്‍ പ്രകാശനവും മുനവ്വറലി തങ്ങള്‍ നിര്‍വഹിച്ചു. പദ്ധതിയുടെ വിഭവ സമാഹരണത്തിന് സി.പി ശിഹാബ് തുടക്കം കുറിച്ചു.

സയ്യിദ് അസീല്‍ അലി ശിഹാബ് തങ്ങള്‍, പി.ഉബൈദുല്ല എംഎല്‍എ, ഡോ. അന്‍വര്‍ അമീന്‍, പി.കെ അന്‍വര്‍ നഹ, യഹ്‌യ തളങ്കര, മുസ്തഫ തിരൂര്‍, ആര്‍.ഷുക്കൂര്‍, കെ.പി.എ സലാം, ചെമ്മുക്കന്‍ യാഹുമോന്‍, പി.വി നാസര്‍, കെഎംസിസി സംസ്ഥാനജില്ലാ, മണ്ഡലം നേതാക്കള്‍, ഡോ. കെ.പി ഹുസൈന്‍, ബഷീര്‍ പടിയത്ത്, ഷംസുദ്ദീന്‍ നെല്ലറ, ബാബു എടക്കുളം, ഒ.പി ഷാജി, എം.സി അലവിക്കുട്ടി ഹാജി, മൊയ്തീന്‍ കുട്ടി ഗുരുക്കള്‍, നാസര്‍ റെഡ് പെപ്പര്‍, ത്വല്‍ഹത്ത്, സുബ്ഹാന്‍ ബിന്‍ ഷംസുദ്ദീന്‍, മുഹമ്മദ് ബിന്‍ അസ്‌ലം, സഫീര്‍, മൊയ്തുട്ടി ഹാജി ഉള്‍പ്പെടെ നിരവധി വ്യവസായ പ്രമുഖരും ചടങ്ങില്‍ സംബന്ധിച്ചു. എംബിബിഎസ്സില്‍ ഉന്നത വിജയം നേടിയ എ.സി ഇജാസ് ഇസ്മാഈലിനെ വേദിയില്‍ ആദരിച്ചു.

ഒ.ടി സലാം, കരീം കാലടി, സക്കീര്‍ പാലത്തിങ്ങല്‍, മുജീബ് കോട്ടക്കല്‍, അമീന്‍ കരുവാരകുണ്ട്,നാസര്‍ കുറുമ്പത്തൂര്‍, മുസ്തഫ ആട്ടീരി, ടി.പി സൈതലവി, ലത്തീഫ് തെക്കഞ്ചേരി, മുഹമ്മദ് കമ്മിളി, ഫഖ്‌റുദ്ദീന്‍ മാറാക്കര, നജ്മുദ്ദീന്‍ തറയില്‍, സിനാല്‍ മഞ്ചേരി, ശരീഫ് അയ്യായ, നാസര്‍ എടപ്പറ്റ, ഇബ്രാഹിം വട്ടംകുളം, അശ്‌റഫ് കുണ്ടോട്ടി ചടങ്ങിന് നേതൃത്വം നല്‍കി. സിദ്ദീഖ് കാലൊടി അധ്യക്ഷത വഹിച്ചു, എ.പി നൗഫല്‍ സ്വാഗതവും സി.വി അശ്‌റഫ് നന്ദിയും പറഞ്ഞു.

Continue Reading

Trending