കശ്മീരില് ഭീകരരുമായുള്ള ഏറ്റുമുട്ടലില് വീരമൃത്യൂ വരിച്ച മലയാളി ജവാന് വൈശാഖിന്റെ സംസ്കാരം ഔദ്യോഗിക ബഹുമതികളോടെ നടന്നു. കൊല്ലം കുടവട്ടൂരിലെ വൈശാഖിന്റെ വീട്ടുവളപ്പിലാണ് സംസ്കാര ചടങ്ങുകള് നടന്നത്.
ഇന്നലെ തിരുവനന്തപുരത്ത് എത്തിച്ച ഭൗതിക ശരീരം ഇന്ന് കുടവട്ടൂര് എല്പി സ്കൂളിലും വൈശാഖിന്റെ വീട്ടിലും പൊതുദര്ശനത്തിന് വച്ച ശേഷമാണ് സംസ്കാരം നടത്തിയത്.
കൊല്ലം ഓടനാവട്ടം സ്വദേശി എച്ച്. വൈശാഖ് കഴിഞ്ഞ ദിവസമാണ് ഭീകരരുമായുള്ള ഏറ്റുമുട്ടലില് വീരമൃത്യു വരിച്ചത്. മറ്റ് മൂന്ന് പേര് പഞ്ചാബ് സ്വദേശികളും ഒരാള് ഉത്തര്പ്രദേശ് സ്വദേശിയുമാണ്. പൂഞ്ച് ജില്ലയിലെ സുരന്കോട്ടില് ഭീകരവിരുദ്ധ ഓപ്പറേഷന് എത്തിയ സുരക്ഷാ സേനയിലെ അഞ്ച് സൈനികരാണ് ഭീകരവാദികളും ആയുള്ള ഏറ്റുമുട്ടലില് വീരമൃത്യു വരിച്ചത്.