Connect with us

india

രാജ്യത്തെ ജനാധിപത്യം കടന്നു പോകുന്നത് ഏറ്റവും മോശം ഘട്ടത്തിലൂടെ; സോണിയാ ഗാന്ധി

‘ജനങ്ങളെ സേവിക്കുക എന്നുളളതാണ് നമ്മുടെ മൂലമന്ത്രം. ‘ഇന്ന്, ജനാധിപത്യം ഏറ്റവും മോശമായ ഘട്ടത്തിലൂടെയാണ് കടന്നു പോയിക്കൊണ്ടിരിക്കുകയാണ്, ഇരയുടെ ശബ്ദം അടിച്ചമര്‍ത്തപ്പെടുന്നു’

Published

on

ന്യൂഡല്‍ഹി: രാജ്യത്തെ ജനാധിപത്യം കടന്നു പോകുന്നത് ഏറ്റവും മോശമായ ഘട്ടത്തിലൂടെയാണെന്ന് കോണ്‍ഗ്രസ് അധ്യക്ഷ സോണിയാഗാന്ധി. പാര്‍ട്ടി ജനറല്‍ സെക്രട്ടറിമാരും സംസ്ഥാന ചുമതലയുളള നേതാക്കളും പങ്കെടുത്ത യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അവര്‍.

രാജ്യത്തിന് വേണ്ടി പോരാടുകയാണ് തന്റെ ലക്ഷ്യമെന്നും സോണിയ പറഞ്ഞു. ‘ജനങ്ങളെ സേവിക്കുക എന്നുളളതാണ് നമ്മുടെ മൂലമന്ത്രം. ‘ഇന്ന്, ജനാധിപത്യം ഏറ്റവും മോശമായ ഘട്ടത്തിലൂടെയാണ് കടന്നു പോയിക്കൊണ്ടിരിക്കുകയാണ്, ഇരയുടെ ശബ്ദം അടിച്ചമര്‍ത്തപ്പെടുന്നു.’ സോണിയ പറയുന്നു. ജനങ്ങളുടെ പ്രശ്‌നങ്ങള്‍ക്കായി സമരം നടത്തണമെന്നും അവര്‍ ആഹ്വാനം ചെയ്തു.

കര്‍ഷക ബില്ലുകള്‍, ഹാഥ്‌റസ് കൂട്ടബലാത്സംഗം,ഉത്തര്‍പ്രദേശിലെ ക്രമസമാധാന നില, രാജ്യത്തിന്റെ സമ്പദ്ഘടന, കേന്ദ്രസര്‍ക്കാര്‍ അത് കൈകാര്യം ചെയ്യുന്നരീതി തുടങ്ങിയ വിഷയങ്ങളും കോണ്‍ഗ്രസ് ശക്തമായി ഉന്നയിച്ചു. കാര്‍ഷിക ബില്ലുകള്‍ക്കെതിരായി ശക്തമായ പ്രതിഷേധമാണ് രാജവ്യാപകമായി കോണ്‍ഗ്രസ് ഉയര്‍ത്തിയിരിക്കുന്നത്.

 

Continue Reading
Advertisement
Click to comment

Leave a Reply

Your email address will not be published. Required fields are marked *

india

അധ്യാപകനുനേരെ വെടിയുതിര്‍ത്ത് 10ാം ക്ലാസുകാരന്‍

ഉത്തര്‍പ്രദേശിലെ സീതാപൂരില്‍ 10ാം ക്ലാസുകാരന്‍ അധ്യാപകനു നേരെ വെടിയുതിര്‍ത്തു.

Published

on

ലക്‌നോ; ഉത്തര്‍പ്രദേശിലെ സീതാപൂരില്‍ 10ാം ക്ലാസുകാരന്‍ അധ്യാപകനു നേരെ വെടിയുതിര്‍ത്തു. നടു റോഡിലിട്ട് ആളുകള്‍ നോക്കി നില്‍ക്കെയായിരുന്നു അക്രമം. മൂന്നു തവണയാണ് വെടിയുതിര്‍ത്തത്. കണ്ടു നിന്നവര്‍ വിദ്യാര്‍ത്ഥിയെ പിടികൂടി തടഞ്ഞുവെക്കാന്‍ ശ്രമിച്ചെങ്കിലും രക്ഷപ്പെട്ടു. സംഭവത്തില്‍ കേസ് രജിസ്റ്റര്‍ ചെയ്തയായും പ്രതിക്കു വേണ്ടി തിരച്ചില്‍ തുടരുകയാണെന്നും പൊലീസ് പറഞ്ഞു.

ഗുരുതരമായി പരിക്കേറ്റ അധ്യാപകനെ ആദ്യം സീതാപൂരിലേയും പിന്നീട് ലക്‌നോവിലേയും ആശുപത്രിയില്‍ പ്രവേശിപ്പിച്ചു. സ്‌കൂളില്‍ വിദ്യാര്‍ത്ഥികള്‍ തമ്മിലുണ്ടായ തര്‍ക്കം പരിഹരിക്കാനെത്തിയ അധ്യാപകന്‍ പക്ഷം ചേര്‍ന്നതില്‍ പ്രകോപിതനായാണ് ആക്രമണം നടത്തിയതെന്നാണ് സൂചന.

 

Continue Reading

india

രൂപയുടെ മൂല്യം റെക്കോര്‍ഡ് താഴ്ചയില്‍; ഡോളറിനെതിരെ 81 കടന്നു

ഇന്നലെ വിനിമയം അവസാനിക്കുമ്പോള്‍ രൂപയുടെ മൂല്യം 80.86 ആയിരുന്നു.

Published

on

ന്യൂഡല്‍ഹി: ഡോളറുമായുള്ള വിനിമയത്തില്‍ രൂപയുടെ മൂല്യത്തകര്‍ച്ച തുടരുന്നു. ഡോളറിനെതിരെ രൂപയുടെ മൂല്യം ആദ്യമായി 81 രൂപ കടന്നു. വിനിമയത്തിന്റെ തുടക്കത്തില്‍ 39 പൈസയുടെ നഷ്ടം രേഖപ്പെടുത്തിയതോടെയാണ് മൂല്യം 81 കടന്നത്.

പണപ്പെരുപ്പ നിരക്ക് പിടിച്ചു നിര്‍ത്തുന്നതിന് യു.എസ് ഫെഡറല്‍ റിസര്‍വ് പലിശ നിരക്ക് വീണ്ടും ഉയര്‍ത്തിയതാണ് രൂപയുടെ മൂല്യത്തകര്‍ച്ചക്ക് കാരണമായി ചൂണ്ടിക്കാട്ടുന്നത്. ഇന്നലെ വിനിമയം അവസാനിക്കുമ്പോള്‍ രൂപയുടെ മൂല്യം 80.86 ആയിരുന്നു.

Continue Reading

india

കോയമ്പത്തൂരിലെ ബിജെപി ഓഫീസിന് നേര്‍ക്ക് പെട്രോള്‍ ബോംബേറ്

Published

on

കോയമ്പത്തൂരിലെ ബിജെപി ഓഫീസിന് നേര്‍ക്ക് പെട്രോള്‍ ബോംബ് ആക്രമണം. കഴിഞ്ഞ ദിവസം രാത്രിയോടെയാണ് ആക്രമണമുണ്ടായത്.ബോംബെറിഞ്ഞ ആളെ തിരിച്ചറിഞ്ഞിട്ടില്ല. സംഭവത്തിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്.സംഭവത്തില്‍ പൊലീസ് എത്തി പ്രാഥമിക പരിശോധന നടത്തി.

Continue Reading

Trending