ന്യൂഡല്ഹി: ഇലക്ട്രിക്, ഹൈബ്രിഡ് വാഹനങ്ങളില് ശബ്ദമില്ലാതിരിക്കുന്നത് അപകടസാധ്യത കൂടുന്നുവെന്ന റിപ്പോര്ട്ടിനെ തുടര്ന്ന്, കേന്ദ്ര റോഡ് ഗതാഗത, ഹൈവേ മന്ത്രാലയം പുതിയ തീരുമാനം പ്രഖ്യാപിച്ചു.
ഇതിനുസരിച്ച്, പുതിയ വാഹനങ്ങളില് സഞ്ചാരത്തിനിടെ നിശ്ചിത ശബ്ദം പുറപ്പെടുവിക്കുന്ന അക്കൂസ്റ്റിക് വെഹിക്കിള് അലര്ട്ടിങ് സിസ്റ്റം (എവിഎഎസ്) ഉള്പ്പെടുത്താന് നിര്ദ്ദേശം ഉണ്ട്. 2026 ഒക്ടോബര് 1 മുതല് വിപണിയില് ഇറങ്ങുന്ന പുതിയ മോഡലുകള്ക്ക് ഇത് നിര്ബന്ധമായിരിക്കും, 2027 ഒക്ടോബര് 1 മുതല് എല്ലാ മോഡലുകളിലേക്കും വ്യാപിപ്പിക്കേണ്ടതാണ്.
ചില കമ്പനികളുടെ ചില മോഡലുകളില് ഇതിനകം എവിഎഎസ് സജ്ജീകരിച്ചിരിക്കുന്നു. യൂറോപ്യന് യൂണിയന്, യുഎസ്, ജപ്പാന്, ചൈന തുടങ്ങിയ രാജ്യങ്ങളിലും ഈ സാങ്കേതികവിദ്യ നടപ്പിലാക്കിയിട്ടുണ്ട്. കരട് ഭേദഗതിയെക്കുറിച്ച് അഭിപ്രായങ്ങള്, കേന്ദ്ര സര്ക്കാരിന്റെ നല്കിയ ഇ-മെയില് വിലാസത്തില് 30 ദിവസത്തിനുള്ളില് അറിയിക്കാം.