തിരുവനന്തപുരം: സംസ്ഥാനത്ത് സിബിഐയെ വിലക്കാന്‍ നീക്കം. സര്‍ക്കാരിന്റെ മുന്‍കൂര്‍ അനുമതിയില്ലാതെ സിബിഐക്ക് കേസ് എറ്റെടുക്കാന്‍ പറ്റാത്ത വിധത്തിലുള്ള നിയമ നിര്‍മാണമാണത്തിനാണ് ഒരുങ്ങുന്നത്. രാഷ്ട്രീയ ആയുധമായി സിബിഐ മാറുന്നുവെന്ന് ആരോപിച്ചാണ് നടപടി. ഇതിന്റെ സാധ്യത വിശദീകരിച്ച് നിയമമന്ത്രി എ. കെ ബാലന്‍ രംഗത്തെത്തി.
അതേസമയം സര്‍ക്കാരിന്റെ നീക്കത്തിനെതിരെ പ്രതിപക്ഷ നേതാവ് രമേശ് ചെന്നിത്തല ശക്തമായി രംഗത്തെത്തി. സംസ്ഥാനത്ത് സിബിഐയുടെ പ്രവര്‍ത്തനാനുമതി തടയരുതെന്ന് ചെന്നിത്തല ആവശ്യപ്പെട്ടു. മുഖ്യമന്ത്രിയെ സിബിഐ ചോദ്യം ചെയ്യുമെന്ന് വന്നപ്പോള്‍ സിപിഎമ്മിന് ഹാലിളകിയെന്നും ചെന്നിത്തല ആരോപിച്ചു. അഴിമതിക്കേസുകള്‍ അന്വേഷിക്കേണ്ട എന്ന സിപിഎമ്മിന്റെ നിലപാട് ആത്മഹത്യാപരമാണെന്നും ചെന്നിത്തല വ്യക്തമാക്കി.
സിബിഐയെ വിലക്കാനുള്ള നീക്കത്തെ സിപിഐയും പിന്തുണച്ചു. രാഷ്ട്രീയ താല്‍പര്യങ്ങള്‍ക്കായി കേനദ്്ര ഏജന്‍സികളെ ഉപയോഗിക്കുകയാണെന്ന് കാനം രാജേന്ദ്രന്‍ പറഞ്ഞു.
Be the first to write a comment.