Connect with us

crime

ഗവര്‍ണറുടെ വാഹനം തടഞ്ഞ് പ്രതിഷേധിച്ച കേസ്: പ്രതികളായ എസ്.എഫ്.ഐ പ്രവര്‍ത്തകര്‍ക്ക് ജാമ്യമില്ല

7 വര്‍ഷം വരെ തടവ് ശിക്ഷ ലഭിക്കാവുന്ന കുറ്റമാണ് പൊലീസ് ചുമത്തിയിരിക്കുന്നത്.

Published

on

ഗവര്‍ണര്‍ ആരിഫ് മുഹമ്മദ് ഖാന്റെ വാഹനം തടഞ്ഞ് പ്രതിഷേധിച്ച കേസില്‍ പ്രതികളായ 7 എസ്.എഫ്.ഐ പ്രവര്‍ത്തകര്‍ക്ക് ജാമ്യമില്ല. തിരുവനന്തപുരം മജിസ്‌ട്രേറ്റ് കോടതിയാണ് 7 പ്രതികളുടെയും ജാമ്യാപേക്ഷ തള്ളിയത്. പ്രതികള്‍ക്കെതിരായി ചുമത്തിയിരിക്കുന്ന കുറ്റങ്ങള്‍ നിലനില്‍ക്കുമെന്നും കോടതി വ്യക്തമാക്കി.

നേരത്തെ ഗവര്‍ണറുടെ വാഹനം തടഞ്ഞ കേസില്‍ 6 പ്രതികളെ കോടതി രണ്ടാഴ്ചത്തേയ്ക്ക് റിമാന്‍ഡ് ചെയ്തിരുന്നു. കേസിലെ ആറാം പ്രതി അമല്‍ ഗഫൂറിന് കോടതി ഇടക്കാല ജാമ്യം അനുവദിച്ചു. പിറ്റേന്ന് പരീക്ഷ നടക്കുന്ന സാഹചര്യത്തിലാണ് ഇടക്കാല ജാമ്യം അനുവദിച്ചത്. കണ്‍ന്റോണ്‍മെന്റ് പൊലീസ് രജിസ്റ്റര്‍ ചെയ്ത കേസിലാണ് നടപടി.

കേസില്‍ പ്രതികള്‍ക്കെതിരെ 124 ചുമത്തിയതുമായി ബന്ധപെട്ട് വാദത്തിനിടെ കോടതി വിശദീകരണം ആവശ്യപ്പെട്ടിരുന്നു. ഗവര്‍ണറുടെ ഔദ്യോഗിക ചുമതല തടസ്സപ്പെടുത്തിയോ എന്നായിരുന്നു കോടതി ആരാഞ്ഞിരുന്നത്. ഇത് സംബന്ധിച്ച വിവരങ്ങള്‍ റിമാന്‍ഡ് റിപ്പോര്‍ട്ടില്‍ ഇല്ലാത്തതും കോടതി ചൂണ്ടിക്കാട്ടിയിരുന്നു.

ഗവര്‍ണറുടെ എന്ത് ഒഫീഷ്യല്‍ ഡ്യൂട്ടിയാണ് തടസ്സപ്പെട്ടതെന്ന് വിശദമാക്കാനും പ്രോസിക്യൂഷനോട് കോടതി ആവശ്യപ്പെട്ടിരുന്നു. പ്രതികള്‍ക്കെതിരെ ചുമത്തിയ ഐപിസി 124 നിലനില്‍ക്കുമോ ഇല്ലയോ എന്ന വിഷയത്തില്‍ കൂടിയാണ് പ്രതികള്‍ക്ക് ജാമ്യം നിഷേധിച്ചതിലൂടെ കോടതി വ്യക്തത വരുത്തിയിരിക്കുന്നത്.

എസ്.എഫ്.ഐ പ്രവര്‍ത്തകര്‍ക്കെതിരെ ഐ.പി.സി 124 ചുമത്തി കണ്‍ന്റോണ്‍മെന്റ് പൊലീസ് നേരത്തെ കേസ് എടുത്തിരുന്നു. രാഷ്ട്രപതി, ഗവര്‍ണര്‍ തുടങ്ങിയ വ്യക്തികളെ ആക്രമിക്കുകയോ തടയുകയോ ചെയ്യുന്നതിനെതിരെ ചുമത്തുന്നതാണ് ഈ വകുപ്പ്. 7 വര്‍ഷം വരെ തടവ് ശിക്ഷ ലഭിക്കാവുന്ന കുറ്റമാണ് പൊലീസ് ചുമത്തിയിരിക്കുന്നത്.

 

Continue Reading
Advertisement
Click to comment

Leave a Reply

Your email address will not be published. Required fields are marked *

crime

വഴി ചോദിച്ച സ്ത്രീകളുടെ കാറിൽ അതിക്രമിച്ച് കയറി; 18 കാരിയെ കടന്നുപിടിച്ചു

ബഹളം കേട്ടെത്തിയ നാട്ടുകാരാണ് മൂന്നുപേരയും രക്ഷപ്പെടുത്തിയത്.

Published

on

തിരുവനന്തപുരം കല്ലറയിൽ നടുറോഡിൽ സ്ത്രീകൾക്കെതിരെ അതിക്രമം. വഴി ചോദിച്ച സ്ത്രീകളുടെ കാറിൽ രണ്ടുപേർ അതിക്രമിച്ച് കയറി ശരീരത്തിൽ കടന്നുപിടിച്ചു, വിഡിയോ എടുത്തെന്നുമാണ് പരാതി. ബഹളം കേട്ടെത്തിയ നാട്ടുകാരാണ് മൂന്നുപേരയും രക്ഷപ്പെടുത്തിയത്.

Continue Reading

crime

കണ്ണൂരില്‍ എംഡിഎംഎയുമായി യുവാവ് അറസ്റ്റിൽ

3.88 ഗ്രാം മയക്കു മരുന്നാണ് സാന്‍ലിത്തില്‍ നിന്നും പോലീസ് പിടികൂടിയത്.

Published

on

കണ്ണൂരില്‍ എംഡിഎംഎയുമായി യുവാവ് അറസ്റ്റിൽ. മാവിലായി മുണ്ടല്ലൂർ സ്വദേശി സി.കെ. സാൻലിത്താണ് പിടിയിലായത്. ടൗൺ എസ്ഐ സവ്യസാചിയുടെ നേതൃത്വത്തിലായിരുന്നു പ്രതിയെ പിടികൂടിയത്. 3.88 ഗ്രാം മയക്കു മരുന്നാണ് സാന്‍ലിത്തില്‍ നിന്നും പോലീസ് പിടികൂടിയത്. റെയിൽവേ സ്റ്റേഷന് സമീപത്തെ ടൂറിസ്റ്റ് ഹോമിൽ നിന്നാണ് പ്രതിയെ പിടികൂടിയത്.

Continue Reading

crime

കെഎസ്‌യു നേതാവിന് നേരെ ആക്രമണം; സിപിഎം പ്രവർത്തകര്‍ക്കെതിരെ കേസെടുത്ത് പൊലീസ്‌

സിപിഎം ബ്രാഞ്ച് സെക്രട്ടറി ജീവൻ ജ്യോതി, പാട്യം പഞ്ചായത്ത്‌ പ്രസിഡന്‍റിന്‍റെ മകൻ നന്ദകിഷോർ, സിപിഎം ബ്രാഞ്ച് കമ്മിറ്റി അംഗം വിബിൽ എന്നിവരുടെ നേതൃത്വത്തിലായിരുന്നു ആക്രണം.

Published

on

ചെറുവാഞ്ചേരിയിൽ കെഎസ്‌യു നേതാവിന് നേരെ ആക്രമണം. കെഎസ്‌യു കണ്ണൂർ എസ്എൻ കോളേജ് യൂണിറ്റ് സെക്രട്ടറി ചെറുവാഞ്ചേരിയിലെ ഗോകുൽ രാജിനെ സിപിഎം പ്രവർത്തകർ ആക്രമിച്ചു. പരിക്കേറ്റ ഗോകുലിനെ തലശേരി ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു. ചെറുവാഞ്ചേരി കണ്ണാടിച്ചാലിൽ വെച്ച് ഇന്നലെ രാത്രി 10 മണിയോടെയാണ് സംഭവം.

സിപിഎം ബ്രാഞ്ച് സെക്രട്ടറി ജീവൻ ജ്യോതി, പാട്യം പഞ്ചായത്ത്‌ പ്രസിഡന്‍റിന്‍റെ മകൻ നന്ദകിഷോർ, സിപിഎം ബ്രാഞ്ച് കമ്മിറ്റി അംഗം വിബിൽ എന്നിവരുടെ നേതൃത്വത്തിലായിരുന്നു ആക്രണം. അക്രമികളുടെ സിസിടിവി ദൃശ്യം ജയ്ഹിന്ദ് ന്യൂസിന്. കണ്ണവം പൊലീസ്‌ കേസെടുത്ത് അന്വേഷണം ആരംഭിച്ചു.

Continue Reading

Trending