india
വര്ഗീയ സംഘര്ഷത്തില് കൊല്ലപ്പെട്ടവരുടെ കുടുംബങ്ങള്ക്ക് കര്ണാടക സര്ക്കാര് 25 ലക്ഷത്തിന്റെ ധനസഹായം കൈമാറി
ബെംഗളൂരു: 2018 മുതല് വര്ഗീയ സംഘര്ഷങ്ങളില് കൊല്ലപ്പെട്ടവരുടെ കുടുംബങ്ങള്ക്ക് 25 ലക്ഷം രൂപ വീതം ധനസഹായം കൈമാറി കര്ണാടകയിലെ കോണ്ഗ്രസ് സര്ക്കാര്. കൊല്ലപ്പെട്ട ആറുപേരുടെ കുടുംബങ്ങള്ക്കാണ് സഹായം നല്കിയത്. ഇവരുടെ ബന്ധുക്കളില് ഒരാള്ക്ക് സര്ക്കാര് ജോലി നല്കുമെന്നും മേലില് ഇത്തരം കൊലപാതകങ്ങള് സംസ്ഥാനത്ത് ആവര്ത്തിക്കില്ലെന്ന് ഉറപ്പാക്കുമെന്നും മുഖ്യമന്ത്രി സിദ്ധരാമയ്യ പറഞ്ഞു. ദക്ഷിണ കന്നഡ ജില്ലക്കാരായ ദീപക് റാവു (2018 ജനുവരി മൂന്ന്), മസൂദ് 2022 ജൂലൈ 19), മുഹമ്മദ് ഫാസില് (2022 ജൂലൈ 28), അബ്ദുല് ജലീല് (2022 ഡിസംബര് 24), മാണ്ഡ്യ ജില്ലക്കാരനായ ഇദ്രീസ് പാഷ (2023 മാര്ച്ച് 31) ഗാദക് ജില്ലക്കാരനായ ഷമീര് (2022 ജനുവരി 17) എന്നിവരാണ് കൊല്ലപ്പെട്ടിരുന്നത്.
ഇതില് ദീപക് റാവു കുത്തേറ്റ് മരിച്ചത് തൊട്ടു മുമ്പത്തെ സിദ്ധരാമയ്യ സര്ക്കാറിന്റെ അവസാന കാലത്തായിരുന്നു. മറ്റ് അഞ്ചുപേരും കൊല്ലപ്പെട്ടത് ബി.ജെ.പി ഭരിക്കുന്ന കാലയളവിലാണ്. വര്ഗീയ സംഘര്ഷങ്ങളില് കൊല്ലപ്പെട്ടവര്ക്ക് ബി.ജെ.പി അധികാരത്തിലിരിക്കെ ധനസഹായം നല്കിയിരുന്നെങ്കിലും ഒരു പ്രത്യേക മത വിഭാഗത്തില് പെട്ടവര്ക്ക് മാത്രമാണ് ആനുകൂല്യങ്ങള് നല്കിയത്.
ബി.ജെ.പി നേതാവ് പ്രവീണ് നെട്ടാര് (ദക്ഷിണ കന്നഡ), ബജ്റംഗദള് പ്രവര്ത്തകര് ഹര്ഷ (ശിവമൊഗ്ഗ) എന്നിവരുടെ കുടുംബങ്ങള്ക്കാണ് ബി.ജെ.പി സര്ക്കാര് ധനസഹായം നല്കിയത്. എന്നാല് ഇതേ കാലയളവില് കൊല്ലപ്പെട്ട മസൂദ്, ഫാസില് എന്നിവരുടെ കുടുംബത്തെ മുഖ്യമന്ത്രി തിരിഞ്ഞു നോക്കിയിരുന്നില്ലെന്ന് സിദ്ധരാമയ്യ ആരോപിച്ചു. പ്രവീണ് നെട്ടാറിന്റെയും ഹര്ഷയുടേയും കുടുംബത്തിന് പിന്നീട് സര്ക്കാര് ജോലി നല്കി. അപ്പോഴും മറ്റുള്ളവരോട് വേര്തിരിവു കാണിച്ചു. ഇത്തരം വേര്തിരിവ് പാടില്ലെന്ന് പ്രതിപക്ഷ നേതാവ് എന്ന നിലയില് നിയമസഭയില് താന് അന്നുതന്നെ ചൂണ്ടിക്കാട്ടിയിരുന്നു. എന്നാല് ബി.ജെ.പി സര്ക്കാര് അതിന് ചെവികൊടുത്തില്ല. അന്ന് നീതി നിഷേധിക്കപ്പെട്ട കുടുംബങ്ങള്ക്ക് ഇന്ന് ഞങ്ങളത് നല്കിയിരിക്കുന്നു- സിദ്ധരാമയ്യ പറഞ്ഞു. സദാചാര പൊലീസിങുമായി ബന്ധപ്പെട്ട കുറ്റകൃത്യങ്ങളില് ഏര്പ്പെടുന്നവരോട് ഒരു ദയയും സര്ക്കാര് കാണിക്കില്ലെന്നും അദ്ദേഹം കൂട്ടിച്ചേര്ത്തു.
india
ചെങ്കോട്ട സ്ഫോടനം; മരണം 15 ആയി
ഗുരുതരമായി പരുക്കേറ്റ് ചികിത്സയിലായിരുന്ന ലുക്മാൻ, വിനയ് പഥക് എന്നിവരാണ് മരിച്ചത്
ഡൽഹി ചെങ്കോട്ട സ്ഫോടനത്തിൽ മരിച്ചവരുടെ എണ്ണം 15 ആയി. ഗുരുതരമായി പരുക്കേറ്റ് ചികിത്സയിലായിരുന്ന ലുക്മാൻ, വിനയ് പഥക് എന്നിവരാണ് മരിച്ചത്.അതിനിടെ സ്ഫോടനവുമായി ബന്ധപ്പെട്ട് ശ്രീനഗറിൽ നിന്ന് ഒരാളെ കൂടി എൻഐഎ അറസ്റ്റ് ചെയ്തു.
കേസിൽ എൻഐഎ നടത്തുന്ന രണ്ടാമത്തെ അറസ്റ്റ് ആണ് ഇത്. ജാസിർ ബിലാൽ വാനി എന്ന ഡാനിഷ് ആണ് അറസ്റ്റിലായത്. ഭീകരാക്രമണത്തിന് സാങ്കേതിക സഹായം നൽകിയതിനാണ് ഇയാളെ അറസ്റ്റ് ചെയ്തിരിക്കുന്നത്. ഇയാൾ ഡ്രോണുകളും റോക്കറ്റുകളും ഉപയോഗിച്ച് ആക്രമണം നടത്താൻ പദ്ധതി തയ്യാറാക്കിയതായി എൻഐഎ അന്വേഷണത്തിൽ കണ്ടെത്തിയിരുന്നു.
india
മദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
മരിച്ച ഓരോ തീര്ഥാടകരുടെയും കുടുംബത്തില് നിന്ന് രണ്ട് അംഗങ്ങളെ വീതം തെലങ്കാന സര്ക്കാറിന്റെ ചെലവില് സൗദിയിലേക്ക് കൊണ്ടുപോകുന്നതിനുള്ള ക്രമീകരണങ്ങളും ഒരുക്കുന്നുണ്ട്.
മദീനക്കടുത്ത് ഉംറ തീര്ഥാടകര് സഞ്ചരിച്ച ബസപകടത്തില് പെട്ട് മരിച്ച സംഭവത്തില് ഹൈദരാബാദ് സ്വദേശികളുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം പ്രഖ്യാപിച്ച് തെലങ്കാന സര്ക്കാര്. തിങ്കളാഴ്ച സെക്രട്ടേറിയറ്റില് ചേര്ന്ന സംസ്ഥാന മന്ത്രിസഭ യോഗത്തിലാണ് തീരുമാനം. ഹൈദരാബാദിലെ ആസിഫ് നഗര്, ഝിറ, മെഹദിപട്ടണം, ടോളിചൗക്കി പ്രദേശങ്ങളിലെ താമസക്കാരായ 17 പുരുഷന്മാരും 18 സ്ത്രീകളും 10 കുട്ടികളുമാണ് അപകടത്തില് മരിച്ചത്. അപകടത്തില് ഒരു കുടുംബത്തിലെ 18 അംഗങ്ങളെയാണ് ഒറ്റയടിക്ക് നഷ്ടപ്പെട്ടത്.
ദുരിതാശ്വാസ പ്രവര്ത്തനങ്ങള് ഏകോപിപ്പിക്കുന്നതിനും കുടുംബാംഗങ്ങളെ സഹായിക്കുന്നതിനുമായി തെലങ്കാന സംസ്ഥാന ന്യൂനപക്ഷ ക്ഷേമ മന്ത്രി മുഹമ്മദ് അസ്ഹറുദ്ദീന്റെ നേതൃത്വത്തില് സര്ക്കാര് സംഘം സൗദിയിലേക്ക് തിരിക്കും. സംഘത്തില് എം.എല്.എമാരും, ന്യൂനപക്ഷ സമുദായത്തില് നിന്നുള്ള ഒരു മുതിര്ന്ന ഉദ്യോഗസ്ഥനും ഉള്പ്പെടും. കൂടാതെ, മരിച്ച ഓരോ തീര്ഥാടകരുടെയും കുടുംബത്തില് നിന്ന് രണ്ട് അംഗങ്ങളെ വീതം തെലങ്കാന സര്ക്കാറിന്റെ ചെലവില് സൗദിയിലേക്ക് കൊണ്ടുപോകുന്നതിനുള്ള ക്രമീകരണങ്ങളും ഒരുക്കുന്നുണ്ട്.
india
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം
റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു
ഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം. റോഹ്തക് ജില്ലയില് നിര്ബന്ധിച്ച് ബൈബിളും ഖുര്ആനും കത്തിക്കുകയും വിശ്വാസികളെ അസഭ്യം പറയുകയും ചെയ്തു. വടക്കേ ഇന്ത്യയില് ന്യൂനപക്ഷ വിഭാഗങ്ങള്ക്ക് നേരെയുള്ള ഹിന്ദുത്വവാദികളുടെ അതിക്രമങ്ങള് ദിനേന വര്ധിച്ചുവരികയാണ്. ക്രിസ്ത്യാനികള് ഒറ്റുകാരാണെന്നും അവരുടെ പുസ്തകങ്ങള് വൃത്തിക്കെട്ടതാണെന്നും വിശ്വാസത്തെ തള്ളിപ്പറയാനും നിര്ബന്ധിക്കുന്ന വിഡിയോ സോഷ്യല് മീഡിയയില് വ്യാപകമായി പ്രചരിക്കുന്നു.
‘ജയ് ശ്രീറാം’, ‘ഭാരത് മാതാ കീ ജയ്’ എന്ന് ആക്രോശിച്ച് വിശ്വാസികളെ കൊണ്ടുതന്നെയാണ് പെട്രോള് ഒഴിച്ച് ബൈബിളും ഖുര്ആനും കത്തിക്കാന് നിര്ബന്ധിച്ചത്. വിശ്വാസികള് പ്രാര്ഥിക്കുന്ന ഇടങ്ങള് ആക്രമിക്കുകയും അതിക്രമ വാര്ത്തകളുടെ ദൃശ്യങ്ങള് സോഷ്യല് മീഡിയയില് പ്രചരിപ്പിക്കുകയും ചെയ്യുന്നു.
-
india15 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF1 day agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News16 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india3 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala3 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala3 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala3 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
india2 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?