ഹാസന് ജില്ലയില് റീല്സ് ചിത്രീകരിക്കുന്നതിനിടെ ട്രാക്ടര് മറിഞ്ഞ് യുവാവ് മരിച്ചു. അരക്കല്ഗുഡു താലൂക്കിലെ കൊണാനുരു ഹോബ്ലി കബ്ബാലിഗെരെ ബേട്ടക്ക് സമീപമാണ് അപകടം നടന്നത്. വി.ജി കൊപ്പല് സ്വദേശി കിരണ് (19) ആണ് മരിച്ചത്.
കിരണ് കബ്ബാലിഗെരെക്ക് സമീപമുള്ള വയലില് ഉഴുതുമറിക്കാന് പോയിരുന്നതായും പിന്നീട് ജോലി പൂര്ത്തിയാക്കിയ ശേഷം മിനി ട്രാക്ടര് കബ്ബാലിഗെരെ ബെട്ടയിലേക്ക് കൊണ്ടുപോവുകയുമായിരുന്നു. തിരികെ വരുമ്പോള് കുത്തനെയുള്ള വളവില് റീല് പകര്ത്താന് ശ്രമിച്ചപ്പോള് ട്രാക്ടറിന്റെ നിയന്ത്രണം നഷ്ടപ്പെട്ട് മറിയുകയായിരുന്നുവെന്ന് പൊലീസ് പറഞ്ഞു. കിരണ് സംഭവസ്ഥലത്ത് വെച്ച് തന്നെ മരിച്ചു.