gulf

ഇന്ന് ഈദുല്‍ ഇത്തിഹാദ്; ആഘോഷങ്ങളില്‍ മുഴുകി യുഎഇ

കോര്‍ണീഷുകളിലും മറ്റും നടക്കുന്ന ആഘോഷങ്ങളില്‍ പങ്കാളികളാവാന്‍ ആയിരക്കണക്കിനുപേരാണ് എത്തിച്ചേരുക

Published

2 months ago

December 2, 2024

webdesk17

റസാഖ് ഒരുമനയൂര്‍

അബുദാബി: യുഎഇ ഇന്ന് 53-ാം ഈദുല്‍ ഇത്തിഹാദ് (ഐക്യത്തിന്റെ പെരുന്നാള്‍) സാഘോഷം കൊണ്ടാടുന്നു. 1971 ഡിസംബര്‍ രണ്ടിന് രൂപംകൊണ്ട കൊച്ചുരാജ്യം വിസ്മയകരമായ പുരോഗതിയിലൂടെ ലോകത്തിലെ മികച്ച രാജ്യങ്ങളിലൊന്നായി മാറി. പ്രധാന ദിനം ഇന്നാണെങ്കിലും കഴിഞ്ഞ ഏതാനും ദിവസങ്ങളായി വൈവിധ്യമാര്‍ന്ന പരിപാടികളാണ് രാജ്യത്തിന്റെ വിവിധ ഭാഗങ്ങളില്‍ നടന്നുകൊണ്ടിരിക്കുന്നത്.

1966 ആഗസ്റ്റ് 6ന് അബുദാബി ഭരണാധികാരിയായി അധികാരമേറ്റ ശൈഖ് സായിദ് ബിന്‍ സുല്‍ത്താന്‍ അല്‍നഹ്യാന്റെ ദീര്‍ഘവീക്ഷണത്തോടെയുള്ള ശ്രമങ്ങള്‍ക്ക് ദുബൈ ഭരണാധികാരിയായിരുന്ന ശൈഖ് മഖ്തൂം ബിന്‍ റാഷിദ് അല്‍മഖ്തൂമിന്റെ പിന്തുണകൂടി ഉണ്ടായതിന്റെ ശ്രമഫലമായാണ് യുഎഇ രൂപംകൊണ്ടത്.

യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാന്റെ നേതൃത്വത്തില്‍ യുഎഇ ലോകതലത്തിലെത്തന്നെ ശ്രദ്ധേയമായ രാജ്യങ്ങളിലൊന്നായി മുന്നേറിക്കെണ്ടിരിക്കുന്നു. തങ്ങളുടെ ജന്മനാടിന്റെ ഓരോ പിറന്നാളും അത്യധികം ആഹ്ലാദത്തോടെയാണ് ഓരോ പൗരനും കൊണ്ടാടുന്നത്. പ്രായഭേദ വ്യത്യസമില്ലാതെ സര്‍വ്വരും ആഘോഷങ്ങളില്‍ വ്യാപൃതരാണ്. നഗരങ്ങളിലും മറ്റും നടക്കുന്ന ആഘോഷങ്ങള്‍ക്കുപുറമെ വീടുകള്‍ അലങ്കരിച്ചും പൈതൃക കലകളില്‍ മുഴുകിയും സ്വദേശികള്‍ ഓരോ പ്രദേശങ്ങ ളിലും ആഘോഷങ്ങളില്‍ വ്യാപൃതരാണ്.

തലസ്ഥാന നഗരിയായ അബുദാബിയില്‍ വിവിധ സര്‍ക്കാര്‍ ആസ്ഥാനങ്ങളിലെല്ലാം കഴിഞ്ഞ ദിവസങ്ങളില്‍ ഉന്നത ഉദ്യോഗസ്ഥരുടെ നേതൃത്വത്തില്‍ മുഴുന്‍ ജീവനക്കാരുടെയും സാന്നിധ്യത്തില്‍ ആഘോഷങ്ങള്‍ സംഘടിപ്പിച്ചിരുന്നു. മുഴുവന്‍ എമിറേറ്റുകളിലും കെട്ടിടങ്ങളും പാതയോരങ്ങളും പൊതുസ്ഥലങ്ങളും വാണിജ്യ സ്ഥാപനങ്ങളുമെല്ലാം മനോഹരമായി അലങ്കരിച്ചിട്ടുണ്ട്.

രാജ്യം 53 വയസ്സ് പിന്നിടുമ്പോള്‍ പിറന്നുവീണ കാലത്തെ അനുഭവങ്ങളും തുടര്‍ന്നുള്ള മാറ്റങ്ങളും സ്വപ്‌നംപോലെയാണ് മുതര്‍ന്ന പൗരന്മാര്‍ ഇന്നും ഓര്‍ത്തെടുക്കുന്നത്. ഇല്ലായ്മയില്‍നിന്നും ലോകത്തിന്റെ നെറുകയിലെത്തിയ യുഎഇയെ ഓരോ പൗരന്റെയും ഇഷ്ടാനിഷ്ടങ്ങളിലൂടെയാണ് ഭരണകര്‍ത്താക്കള്‍ മുന്നോട്ട് നയിച്ചുകൊണ്ടിരിക്കുന്നത്.

രാജ്യം നേടിയെടുത്ത പുരോഗതികളെല്ലാം സ്വന്തം പൗരന്മാരുടെ സന്തോഷത്തിലൂന്നിയുള്ളതാണ്. അതുകൊണ്ടുതന്നെ ഭരണകര്‍ത്താക്കളും പൗരന്മാരും തമ്മിലുള്ള സ്നേഹവും അടുപ്പവും നാള്‍ക്കുനാള്‍ വര്‍ധിച്ചുകൊണ്ടിരിക്കുന്നു. അതെല്ലാം ആഘോഷങ്ങള്‍ക്ക് കൂടുതല്‍ വര്‍ണ്ണപ്പൊലിമയുണ്ടാക്കുന്നുണ്ട്. സ്വദേശികളോടൊപ്പം വിദേശികളും ഏറെ ആഹ്ലാദത്തോടെയാണ് ഇന്നത്തെ സുദിനത്തെ വരവേല്‍ക്കുന്നത്.

കോര്‍ണീഷുകളും പാര്‍ക്കുകളും മറ്റുവിനോദകേന്ദ്രങ്ങളുമെല്ലാം ഇന്ന് നിറഞ്ഞൊഴുകും. കോര്‍ണീഷുകളിലും മറ്റും നടക്കുന്ന ആഘോഷങ്ങളില്‍ പങ്കാളികളാവാന്‍ ആയിരക്കണക്കിനുപേരാണ് എത്തിച്ചേരുക. വൈകുന്നേരം നാലോടെത്തന്നെ കോര്‍ണീഷിലേക്കുള്ള എല്ലാ റോഡുകളും നിറഞ്ഞൊഴുകും.

ആകാശത്ത് വര്‍ണ്ണങ്ങള്‍ പെയ്യിക്കുന്ന കരിമരുന്ന് പ്രയോഗം ആയിരങ്ങളെ ആകര്‍ഷിക്കും. അല്‍വത്ബയില്‍ നടക്കുന്ന ശൈഖ് സായിദ് ഫെസ്റ്റിവെലില്‍ അഭൂതപൂര്‍വ്വമായ തിരക്കാണ് അനുഭവപ്പെടുക. ഗതാഗതകുരുക്ക് ഇല്ലാതാക്കാനും ആഘോഷങ്ങള്‍ സുഗമമാക്കുവാവാനും പൊലീസ് വിപുലമായ സംവിധാനങ്ങളാണ് ഒരുക്കിയിട്ടുള്ളത.്

Related Topics:53rdeidaletihad dubai eid al etihad

Up Next

യുഎഇ ഈദുല്‍ ഇത്തിഹാദ് ആഘോഷങ്ങളില്‍ പങ്കാളികളാവാന്‍ വിനോദസഞ്ചാരികളും

Don't Miss

മാധ്യമപ്രവര്‍ത്തകന്‍ കെ.എം ബഷിറിന്റെ മരണം; ശ്രീറാം വെങ്കിട്ടരാമന്‍ പ്രതിയായ കേസിന്റ വിചാരണ നിര്‍ത്തി

Click to comment

gulf

കുവൈത്ത് കെ.എം.സി.സി പാലക്കാട്‌ ജില്ല കമ്മിറ്റിയുടെ സമൂഹ വിവാഹ ബ്രോഷർ പ്രകാശനം നടന്നു

Published

2 days ago

January 19, 2025

webdesk13

കുവൈത്ത് കെ.എം.സി.സി പാലക്കാട്‌ ജില്ല കമ്മിറ്റി ഒരുക്കം 2024 -2025 സമൂഹ വിവാഹത്തിന്റെ ബ്രോഷർ പ്രകാശനവും ഫുട്ബാൾ മേള സീസൺ 2. റാഫിൾ കൂപ്പൺ വിതരണോദ്ഘാടനവും കെ.എം.സി.സി സംസ്ഥാന പ്രസിഡന്റ് നാസർ അൽ മശ്ഹൂർ തങ്ങൾ, ജനറൽ സെക്രട്ടറി മുസ്തഫ ഖാരിക്ക് നൽകി നിർവഹിച്ചു.

ജില്ല പ്രസിഡന്റ് അഷറഫ് അപ്പക്കാടൻ, സെക്രട്ടറി ബഷീർ തെങ്കര, ട്രഷർ അബ്ദുറസാഖ് കുമരനെല്ലൂർ, വൈസ് പ്രസിഡന്റുമാരായ ഷിഹാബ് പൂവക്കോട്, മമ്മുണ്ണി, സെക്രട്ടറിമാരായ നിസാർ പുളിക്കൽ, സൈദലവി വിളയൂർ, സുലൈമാൻ പിലാത്തറ, ജില്ലാ സ്പോർട്സ് കൺവീനർ കെ.വി. അൻസാർ, മണ്ഡലം ഭാരവഹികളായ ബഷീർ വജിദാൻ, വീരാൻ കൊപ്പം, നാസർ പറമ്പിൽ എന്നിവർ സന്നിഹിതരായിരുന്നു.

gulf

ബഹ്‌റൈന്‍-കോഴിക്കോട് ഗള്‍ഫ് എയര്‍ സര്‍വിസ് നിര്‍ത്തലാക്കുന്നു; കൊച്ചിയിലേക്കുള്ള സര്‍വിസ് വെട്ടിക്കുറച്ചു

ബഹ്‌റൈനില്‍ നിന്ന് കൊച്ചിയിലേക്കും കോഴിക്കോടിനുള്ള സര്‍വിസ് 4 ദിവസമാക്കികുറച്ചത് യാത്രക്കാര്‍ക്ക് വലിയ ബീന്ധിമുട്ട് സൃഷ്‌ച്ചിരുന്നു.

Published

6 days ago

January 15, 2025

webdesk13

കരിപ്പൂരിലേക്കുള്ള ഗള്‍ഫ് എയര്‍ സര്‍വിസ് നിര്‍ത്തുന്നു. ഏപ്രില്‍ മുതലാണ് ഇത് നടപ്പില്‍ വരുക. ഔദ്യോഗികമായി അറിയിച്ചിട്ടില്ലെങ്കിലും മാര്‍ച്ച് 29 വരെ മാത്രമേ ഈ റൂട്ടില്‍ ബുക്കിങുകള്‍ സ്വീകരിക്കുന്നുള്ളു. കൊച്ചിയിലേക്ക് നാലുദിവസം ഉണ്ടായിരുന്ന ഗള്‍ഫ് എയര്‍ സര്‍വിസ് ഏപ്രില്‍ 6 മുതല്‍ പ്രതിവാരം മൂന്നുദിവസമാക്കി കുറച്ചു.

കേരളത്തിലേക്ക് ദിവസേന ഉണ്ടായിരുന്ന ഗള്‍ഫ് എയര്‍ സര്‍വിസ് കഴിഞ്ഞ നവംബര്‍ മുതലാണ് നാലു ദിവസമാക്കി കുറച്ചത്. ബഹ്‌റൈനില്‍ നിന്ന് കൊച്ചിയിലേക്കും കോഴിക്കോടിനുള്ള സര്‍വിസ് 4 ദിവസമാക്കികുറച്ചത് യാത്രക്കാര്‍ക്ക് വലിയ ബീന്ധിമുട്ട് സൃഷ്‌ച്ചിരുന്നു. ഈ സാഹചര്യത്തിലാണ് കോഴിക്കോട് സര്‍വിസ് പൂര്‍ണ്ണമായി നിര്‍ത്തുന്നത്. കഴിഞ്ഞ വര്‍ഷത്തെ കണക്കുകളനുസരിച്ച് ബഹ്‌റൈന്‍കോഴിക്കോട് റൂട്ടില്‍ 9394% യാത്രക്കാര്‍ ഉണ്ട്.

പലദിവസങ്ങളിലും ബുക്കിങ് ലഭിക്കാത്ത സാഹചര്യവുമുണ്ട്. എന്നിട്ടും സര്‍വിസ് നിര്‍ത്തുന്നതെന്തിനാണെന്ന ചോദ്യം അവശേഷിക്കുകയാണ്. ഗള്‍ഫ് എയര്‍ വിമാന സര്‍വിസുകളില്‍ യാത്രക്കാര്‍ക്ക് കൊണ്ടുപോകാവുന്ന ലഗേജിന്റെ അളവിലും ഒക്ടോബര്‍ 27 മുതല്‍ വ്യത്യാസം വരുത്തിയിരുന്നു.

എക്കണോമി ക്ലാസ്സില്‍ 23+ 23 കിലോ ലഗേജാണ് അനുവദിച്ചിരുന്നത് എക്കണോമി ക്ലാസ്സ് ലൈറ്റ് വിഭാഗത്തില്‍ 25 കിലോ ലഗേജായും എക്കണോമി ക്ലാസ്സ് സ്മാര്‍ട്ട് വിഭാഗത്തില്‍ 30 കിലോയായും ഫെ്‌ലക്‌സ് വിഭാഗത്തില്‍ 35 കിലോയായും വെട്ടിക്കുറച്ചിരുന്നു.

gulf

പയ്യക്കി ചരിത്രം ഉത്തരദേശത്തിന്റെ മുന്നേറ്റത്തിന്‍റേത്: എ.കെ.എം അഷ്‌റഫ്‌

പയ്യക്കി ഉസ്താദ് ഇസ്‌ലാമിക് അക്കാദമി ദുബൈ ചാപ്റ്റർ സംഘടിപ്പിച്ച ദുബൈ മീറ്റപ് പരിപാടിയിൽ മുഖ്യാതിഥിയായി സംബന്ധിച്ച് സംസാരിക്കുകയായിരുന്നു അദ്ദേഹം.

Published

1 week ago

January 11, 2025

webdesk13

പയ്യക്കി പള്ളി ദർസ് കേന്ദ്രീകരിച്ചു തുടക്കംകുറിച്ച ഒരു നൂറ്റാണ്ട് പൂർത്തിയാവുന്ന ഇസ്ലാമിക ചരിത്രം ഉത്തരദേശത്തിന്റെ സാംസ്കാരിക വൈജ്ഞാനിക നവോത്ഥാന മുന്നേറ്റത്തിന്റെ ചരിത്രമായി രേഖപ്പെട്ടുകഴിഞ്ഞെന്ന് എ.കെ.എം. അഷ്‌റഫ് എം.എൽ.എ. പയ്യക്കി ഉസ്താദ് ഇസ്‌ലാമിക് അക്കാദമി ദുബൈ ചാപ്റ്റർ സംഘടിപ്പിച്ച ദുബൈ മീറ്റപ് പരിപാടിയിൽ മുഖ്യാതിഥിയായി സംബന്ധിച്ച് സംസാരിക്കുകയായിരുന്നു അദ്ദേഹം.

യോഗത്തിൽ മഹമൂദ് ഹാജി പൈവളികെ അധ്യക്ഷത വഹിച്ചു. അബ്ദുൽ ഹകീം തങ്ങൾ അൽ ബുഖാരി ഉദ്ഘാടനം ചെയ്തു.

അഷ്‌കർ അലി തങ്ങൾ, അബ്ദുൽ മജീദ് ദാരിമി, ഹാറൂൻ അൽ അഹ്സനി, അസീസ് മരിക്കെ, സ്വാലിഹ് ഹാജി കളായി, അൻസാർ ഹാജി പൈവളികെ, യൂസഫ് ബരെഹിത്ളു, അഡ്വ. ഇബ്രാഹിം ഖലീൽ, അബ്ദുൽ ഖാദർ അസ്അദി, സിദ്ദീഖ് ഫൈസി ഇർഫാനി, ഷാഫി ഹാജി പൈവളികെ, മൊയ്‌ദീൻ ബാവ മഞ്ചേശ്വരം, സലാം കന്യപ്പാടി, അഫ്സൽ മെട്ടമ്മൽ, അശ്രഫ് പാവൂർ, സലാം ചേവാർ, അബ്ദുല്ല മമ്മു ഹാജി പൈവളികെ, അബ്ദുൽ റഹ്മാൻ ഹാജി കമ്പളം, അഷ്‌റഫ്‌ ബായാർ, ഇബ്രാഹിം ബേരികെ, ഫർഷീദ് ഉളുവാർ, യാസർ അറാഫത്ത് അൻസാരി, ശുകൂർ അൻസാരി, ഹമീദ് മുസ്ലിയാർ നീർക്കജെ, കെ.കെ അബ്ദുൽ അസീസ്‌ തുടങ്ങിയവർ സംസാരിച്ചു. അസീസ് ബള്ളൂർ സ്വാഗതവും അലി സാഗ് നന്ദിയും പറഞ്ഞു.