Connect with us

gulf

യു.എ.ഇ രാജകുടുംബാംഗം ശൈഖ് അലി ബിന്‍ ഹുമൈദ് വാഹനാപകടത്തില്‍ മരിച്ചു

Published

on

ഉമ്മുല്‍ഖുവൈന്‍: ഉമ്മുല്‍ഖുവൈന്‍ രാജകുടുംബാംഗം ശൈഖ് അലി ബിന്‍ ഹുമൈദ് ബിന്‍ അഹ്മദ് അല്‍ മുഅല്ല വാഹനാപകടത്തില്‍ അന്തരിച്ചു. ബുധനാഴ്ച രാവിലെയുണ്ടായ വാഹനാപകടത്തിലാണ് മരണം സംഭവിച്ചതെന്ന് റോയല്‍ കോര്‍ട്ട് പുറത്തുവിട്ട അറിയിപ്പില്‍ പറയുന്നു.

ശൈഖ് അലി ബിന്‍ ഹുമൈദിന്റെ നിര്യാണത്തില്‍ യു.എ.ഇ സുപ്രീംകൗണ്‍സില്‍ അംഗവും ഉമ്മുല്‍ഖുവൈന്‍ ഭരണാധികാരിയുമായ ശൈഖ് സൗദ് ബിന്‍ റാഷിദ് അല്‍ മുഅല്ല അനുശോചനം രേഖപ്പെടുത്തി.

കോവിഡ് സുരക്ഷാ നടപടികള്‍ നിലവില്‍ക്കുന്നതിനാല്‍ ബുധനാഴ്ച മുതല്‍ മൂന്ന് ദിവസം ഫോണിലൂടെയും സന്ദേശങ്ങളിലൂടെയും അനുശോചനമറിയിക്കാനുള്ള സംവിധാനങ്ങളാണ് ഒരുക്കിയിരിക്കുന്നതെന്നും പ്രസ്താവനയില്‍ പറയുന്നു.

 

gulf

അബുദാബിയില്‍ പ്രാദേശിക ഉത്പന്നങ്ങള്‍ സംഭരിക്കാന്‍ ലുലു ഗ്രൂപ്പ്

പ്രകൃതി സഹൃദ പാക്കിങ് വ്യാപകമാക്കും.

Published

on

അബുദാബി: അബുദാബിയില്‍ നിന്നുള്ള കാര്‍ഷിക ഉല്‍പ്പന്നങ്ങള്‍ കൂടുതലായി സംഭരിക്കാന്‍ പ്രമുഖ യു എ ഇ സ്ഥാപനമായ സിലാലുമായി ലുലു ഗ്രൂപ്പ് ധാരണ പാത്രത്തില്‍ ഒപ്പ് വെച്ചു.

ഇതനുസരിച്ചു പ്രാദേശിക കാര്‍ഷികോത്പ്പന്നങ്ങള്‍ കൂടുതലായി സംഭരിച്ച് ലുലു ഹൈപ്പര്‍മാര്‍ക്കറ്റുകളില്‍ ലഭ്യമാക്കുന്നതോടൊപ്പം പ്രകൃതി സഹൃദ പാക്കിങ് വ്യാപകമാക്കുകയും ചെയ്യും.

അബുദാബി അന്താരാഷ്ട്ര ഭക്ഷ്യമേളയില്‍ നടന്ന ചടങ്ങില്‍ യു എ ഇ കാലാവസ്ഥ വ്യതിയാന പരിസ്ഥിതി വകുപ്പ് മന്ത്രി മറിയം അല്‍ മെഹെരി, എം എ യൂസഫലി എന്നിവരുടെ സാന്നിധ്യത്തില്‍
സിലാല്‍ ചീഫ് എക്‌സിക്യൂട്ടീവ് ഓഫിസര്‍ സല്‍മീന്‍ ഉബൈദ് അല്‍ അമെരി, ലുലു ഗ്രൂപ്പ് ഡയറക്ടര്‍ എം എ സലിം എന്നിവരാണ് ധാരണാപത്രത്തില്‍ ഒപ്പ് വെച്ചത്.

ലുലു ബ്രാന്‍ഡ് ഉല്‍പ്പന്നങ്ങള്‍ പുറത്തിറക്കി

ലുലു ബ്രാന്‍ഡിലുള്ള വിവിധ ഭക്ഷ്യ ഉല്‍പ്പന്നങ്ങള്‍ ഇതോടനുബന്ധിച്ച് പുറത്തിറക്കി. ലുലു ബ്രാന്‍ഡിലുള്ള പുതിയ ഉല്‍പ്പന്നമായ ലുലു നെയ്യ് ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ മന്ത്രി മറിയം അല്‍ മെഹെരി, എം എ യൂസഫലിയുടെ എന്നിവരുടെ സാന്നിധ്യത്തില്‍ വിപണിയിലിറക്കി.

Continue Reading

gulf

അബുദാബി അന്താരാഷ്ട ഭക്ഷ്യമേള ആരംഭിച്ചു

യു എ ഇ ഉപപ്രധാനമന്ത്രിയും പ്രസിഡന്‍ഷ്യല്‍ കാര്യ മന്ത്രിയും അബുദാബി കാര്‍ഷിക ഭക്ഷ്യ സുരക്ഷാ അതോറിട്ടി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ രക്ഷാകര്‍തൃത്വത്തിലാണ് മൂന്ന് ദിവസത്തെ മേള നടക്കുന്നത്

Published

on

അബുദാബി: അബുദാബി അന്താരാഷ്ട്ര ഭക്ഷ്യമേളക്ക് അബുദാബി എക്‌സിബിഷന്‍ സെന്ററില്‍ തുടക്കമായി. യു എ ഇ സഹിഷ്ണത വകുപ്പ് മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍ മേളയുടെ ഔദ്യോഗിക ഉദ്ഘാടനം നിര്‍വ്വഹിച്ചു.

യു എ ഇ കാലാവസ്ഥ വ്യതിയാന പരിസ്ഥിതി വകുപ്പ് മന്ത്രി മറിയം അല്‍ മെഹെരി, അബുദാബി ചേംബര്‍ വൈസ് ചെയര്‍മാനും ലുലു ഗ്രൂപ്പ് ചെയര്‍മാനുമായ എം എ യൂസഫലി എന്നിവരും സംബന്ധിച്ചു.

യു എ ഇ ഉപപ്രധാനമന്ത്രിയും പ്രസിഡന്‍ഷ്യല്‍ കാര്യ മന്ത്രിയും അബുദാബി കാര്‍ഷിക ഭക്ഷ്യ സുരക്ഷാ അതോറിട്ടി ചെയര്‍മാനുമായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ രക്ഷാകര്‍തൃത്വത്തിലാണ് മൂന്ന് ദിവസത്തെ മേള നടക്കുന്നത്.

വിവിധ രാജ്യങ്ങളില്‍ നിന്നും ഭക്ഷ്യ രംഗത്ത് പ്രവര്‍ത്തിക്കുന്ന സ്ഥാപനങ്ങളുടെ പവിലിയനുകളും മേളയിലുണ്ട്. മേളയോടൊപ്പം എട്ടാമത് അബുദാബി ഡേറ്റ്‌സ് ഫെസ്റ്റിവലും നടത്തുന്നുണ്ട്.

Continue Reading

gulf

കെ.യു കബീര്‍ ഹാജി സ്മാരക പ്രഥമ പുരസ്‌കാരം മുഹമ്മദ് ഫൈസി ഓണമ്പിള്ളിക്ക്

ഷാര്‍ജയില്‍ നടന്ന ചടങ്ങില്‍ ലുലു ഗ്രൂപ്പ് മാനേജിംഗ് ഡയറക്ടറൂം ചെയര്‍മാനുമായ എം.എ യൂസഫലി സമ്മാനിച്ചു.

Published

on

പ്രബോധന മേഖലയിലെ മികവാര്‍ന്ന പ്രവര്‍ത്തനങ്ങള്‍ക്ക് യു എ ഇ നാട്ടിക മഹല്ല് വെല്‍ഫയര്‍ കമ്മിറ്റി ഏര്‍പ്പെടുത്തിയ
കെ.യു കബീര്‍ ഹാജി സ്മാരക പ്രഥമ പുരസ്‌കാരം പ്രമുഖ പ്രഭാഷകനും പണ്ഡിതനുമായ മുഹമ്മദ് ഫൈസി ഓണമ്പിള്ളിക്ക്
ഷാര്‍ജയില്‍ നടന്ന ചടങ്ങില്‍ ലുലു ഗ്രൂപ്പ് മാനേജിംഗ് ഡയറക്ടറൂം ചെയര്‍മാനുമായ എം.എ യൂസഫലി സമ്മാനിച്ചു.

ടി എന്‍ പ്രതാപന്‍ എംപി,പ്രമുഖ പ്രഭാഷകനും എഴുത്തുകാരനുമായ പി എം എ ഗഫൂര്‍,സി.എ.മുഹമ്മദ് റഷീദ്
തുടങ്ങിയവരും ചടങ്ങില്‍ സംബന്ധിച്ചു.

Continue Reading

Trending