kerala
പ്രതീക്ഷയില് യുഡിഎഫ്; നിലമ്പൂരില് 10000 മുതല് 15000 വരെ ഭൂരിപക്ഷത്തില് വിജയിക്കും

നിലമ്പൂര് ഉപതെരഞ്ഞെടുപ്പില് വിജയം ഉറപ്പിച്ച് യുഡിഎഫ്. 10000 മുതല് 15000 വരെ ഭൂരിപക്ഷത്തില് വിജയിക്കുമെന്നാണ് യുഡിഎഫിന്റെ പ്രാഥമിക വിലയിരുത്തല്. ഏറ്റവും അധികം ലീഡ് വഴിക്കടവ് പഞ്ചായത്തില് നിന്ന് ലഭിക്കുമെന്നാണ് യുഡിഎഫിന്റെ പ്രതീക്ഷ. വഴിക്കടവില് നിന്നും 3500 മുതല് 4000 വരെ ഭൂരിപക്ഷം ലഭിക്കുമെന്നാണ് വിലയിരുത്തല്.
മൂത്തേടം പഞ്ചായത്തില് നിന്നും 3000 വോട്ടിന്റെ ലീഡും മുന് ഡിസിസി പ്രസിഡന്റ് വി വി പ്രകാശിന്റെ നാടായ എടക്കരയില് നിന്നും 1500 വോട്ടിന്റെ ലീഡുമാണ് യുഡിഎഫ് പ്രതീക്ഷിക്കുന്നത്.
അതേസമയം എല്ഡിഎഫ് ഭരിക്കുന്ന പോത്തുകല്ല് പഞ്ചായത്തില് നിന്നും 1000 വോട്ടിന്റെ ലീഡും ചുങ്കത്തറ പഞ്ചായത്തില് 1000 മുതല് 1500 വോട്ട് വരെ ലീഡാണ് പ്രതീക്ഷയിലുള്ളത്.
എല്ഡിഎഫ് ഭരിക്കുന്ന നിലമ്പൂര് മുനിസിപ്പാലിറ്റിയില് നിന്നും 1500 വോട്ടിന്റെ ലീഡ് ലഭിക്കുമെന്നും പ്രതീക്ഷ.
kerala
‘പതിനാലാം വയസില് ഞാനൊരാളെ കൊന്നു’; 39 വര്ഷങ്ങള്ക്ക് ശേഷം കുറ്റം ഏറ്റുപറഞ്ഞ് മുഹമ്മദലി പൊലീസ് സ്റ്റേഷനില്
കൊല്ലപ്പെട്ടത് ആരാണെന്ന് അയാള്ക്ക് അറിയാത്തതും പൊലീസിന് പണി കൂടിയിരിക്കുകയാണ്.

മലപ്പുറം: പതിനാലാം വയസില് താനൊരാളെ കൊന്നിട്ടുണ്ടെന്ന് കുറ്റം ഏറ്റുപറഞ്ഞ് മുഹമ്മദലി പൊലീസ് സ്റ്റേഷനില്. 39 വര്ഷങ്ങള്ക്ക് മുന്നുള്ള കൊലപാതക വിവരമാണ് മലപ്പുറം വേങ്ങര പൊലീസ് സ്റ്റേഷനില് എത്തി മുഹമ്മദലി (54) എന്നയാള് കുറ്റം ഏറ്റുപറഞ്ഞത്. എന്നാല്, കൊല്ലപ്പെട്ടത് ആരാണെന്ന് അയാള്ക്ക് അറിയാത്തതും പൊലീസിന് പണി കൂടിയിരിക്കുകയാണ്.
കഴിഞ്ഞ ജൂണ് അഞ്ചിനാണ് മുഹമ്മദലി പൊലീസ് സ്റ്റേഷനിലെത്തി കുറ്റസമ്മതം നടത്തിയത്. 1986ല്, നവംബറിലാണ് സംഭവം. കൂടരഞ്ഞിയിലെ ദേവസ്യ എന്നയാളുടെ പറമ്പില് കൂലിപ്പണി ചെയ്തുകൊണ്ടിരിക്കെ തന്നെ ഉപദ്രവിക്കാന് ശ്രമിച്ചയാളെ അടുത്തുള്ള തോട്ടിലേക്ക് ചവിട്ടി വീഴ്ത്തി. അവിടെ നിന്ന് ഓടിപോയി രണ്ട് ദിവസം കഴിഞ്ഞാണ് തോട്ടില് മുങ്ങി അയാള് മരിച്ചുവെന്ന് അറിയുന്നതെന്നും മുഹമ്മദലി മൊഴി നല്കി.
അപസ്മാരം ഉണ്ടായിരുന്ന ആളുടേത് സ്വാഭാവിക മരണമാകുമെന്നു നാട്ടുകാരും പറഞ്ഞതോടെ പൊലീസ് അങ്ങനെ കേസെടുത്തു. മരിച്ചയാളെ തിരിച്ചറിയാന് ബന്ധുക്കളാരും എത്തിയുമില്ല. തുടര്ന്ന് അജ്ഞാത മൃതദേഹമായി സംസ്കരിച്ച് കേസിലെ നടപടികള് അവസാനിപ്പിച്ചു. മുഹമ്മദലിയുടെ വെളിപ്പെടുത്തല് സ്ഥിരീകരിച്ച പൊലീസ് കഴിഞ്ഞ ദിവസം ഇയാള്ക്കെതിരെ കേസെടുത്ത് റിമാന്ഡ് ചെയ്തു.
മുഹമ്മദലി പൊലീസിനൊപ്പം കൂടരഞ്ഞിയില് എത്തി കൊല നടന്ന സ്ഥലവും കാണിച്ചുകൊടുത്തു. അതേസമയം അക്കാലത്തെ പത്രവാര്ത്തകള് തേടി കൊല്ലപ്പെട്ടത് ആരാണെന്നറിയാനുള്ള ശ്രമത്തിലാണ് പൊലീസ്.
kerala
കോട്ടയം മെഡിക്കല് കോളജ് അപകടം; വ്യാപക പ്രതിഷേധം; ജലപീരങ്കി പ്രയോഗിച്ച് പൊലീസ്

കോട്ടയം മെഡിക്കല് കോളജ് അപകടത്തില് സ്ത്രീ മരിച്ച സംഭവത്തില് സംസ്ഥാനത്ത് വ്യാപക പ്രതിഷേധം. ബിന്ദുവിന്റെ മരണത്തിന്റെ ധാര്മ്മിക ഉത്തരവാദിത്തമേറ്റെടുത്ത് മന്ത്രി വീണാ ജോര്ജ് രാജിവെക്കണമെന്ന് ആവശ്യപ്പെട്ട് കോണ്ഗ്രസ്, യൂത്ത് കോണ്ഗ്രസ്, മഹിളാ കോണ്ഗ്രസ്, യൂത്ത് ലീഗ്, പ്രവര്ത്തകരാണ് പ്രതിഷേധം നടത്തുന്നത്. കോട്ടയം മെഡിക്കല് കോളജിലേക്ക് യൂത്ത് കോണ്ഗ്രസ് പ്രതിഷേധ മാര്ച്ച് നടത്തി. ആരോഗ്യമന്ത്രിയുടെ കോലവുമായി എത്തിയ പ്രതിഷേധക്കാര് ബാരിക്കേഡ് തകര്ക്കാന് ശ്രമിക്കുകയും പൊലീസിന് നേരെ കല്ലേറ് നടത്തുകയും ചെയ്തു. പ്രതിഷേധക്കാര്ക്ക് നേരെ പൊലീസ് ജലപീരങ്കി പ്രയോഗിച്ചു.
സെക്രട്ടറിയേറ്റ് അനക്സ് 2 ലേക്ക് മഹിളാ കോണ്ഗ്രസും മാര്ച്ച് നടത്തി. ഗേറ്റിന് മുകളില് കയറി പ്രതിഷേധിച്ച പ്രവര്ത്തകരും പൊലീസും തമ്മില് ഉന്തും തള്ളുമുണ്ടായി. മന്ത്രി വീണാ ജോര്ജിന്റെ പത്തനംതിട്ടയിലെ വീട്ടിലേക്ക് യൂത്ത് കോണ്ഗ്രസ് പ്രവര്ത്തകര് മാര്ച്ച് നടത്തി. ശവപ്പെട്ടിയും ചുമന്നുകൊണ്ടാണ് മാര്ച്ച് നടത്തിയത്.
ആരോഗ്യമന്ത്രി രാജിവെക്കണമെന്നാവശ്യപ്പെട്ടാണ് സംസ്ഥാനത്ത് വ്യാപക പ്രതിഷേധം നടക്കുന്നത്. അപകടത്തില് ആരോഗ്യമന്ത്രിയുടെ ഭാഗത്ത് നിന്ന് അനാസ്ഥയുണ്ടായെന്നാണ് ആരോപണം.
പത്തനംതിട്ടയിലും കോട്ടയത്തും തൃശ്ശൂരിലും കൊല്ലത്തും കോഴിക്കോടും മലപ്പുറത്തുമെല്ലാം പ്രതിഷേധം സംഘര്ഷത്തില് കലാശിച്ചു. ചിലയിടങ്ങളില് പൊലീസ് ലാത്തിവീശുകയും ജലപീരങ്കി പ്രയോഗിക്കുകയും ചെയ്തു.
അതേസമയം, മെഡിക്കല് കോളജ് അപകടത്തില് പ്രാഥമിക അന്വേഷണം നടത്തി ജില്ലാ കളക്ടര് ജോണ് വി സാമൂവല്. കൂടുതല് പരിശോധനകള് ഉണ്ടാകും. പിഡബ്ല്യുഡി എന്ജിനീയര്മാരുടെ നേതൃത്വത്തില് അടക്കം പരിശോധന നടത്തും.
kerala
വിട നല്കി നാട്; ബിന്ദുവിന്റെ മൃതദേഹം വീട്ടുവളപ്പില് സംസ്കരിച്ചു
. കെപിസിസി പ്രസിഡന്റ് സണ്ണി ജോസഫ്, ചാണ്ടി ഉമ്മന് എംഎല്എ എന്നിവര് വീട്ടിലെത്തി ബിന്ദുവിന്റെ ഭര്ത്താവ് വിശ്രുതനെയും അമ്മ സീതാലക്ഷ്മിയേയും കണ്ടു.

കോട്ടയം മെഡിക്കല് കോളേജ് ആശുപത്രിയില് കെട്ടിടം തകര്ന്നുവീണുണ്ടായ അപകടത്തില് തലയോലപ്പറമ്പ് സ്വദേശിനി ബിന്ദുവിന് വിട നല്കി നാട്. ബിന്ദുവിന്റെ മൃതദേഹം വീട്ടുവളപ്പില് സംസ്കരിച്ചു. കെപിസിസി പ്രസിഡന്റ് സണ്ണി ജോസഫ്, ചാണ്ടി ഉമ്മന് എംഎല്എ എന്നിവര് വീട്ടിലെത്തി ബിന്ദുവിന്റെ ഭര്ത്താവ് വിശ്രുതനെയും അമ്മ സീതാലക്ഷ്മിയേയും കണ്ടു.
മകള് നവമിയുടെ ചികിത്സയുമായി ബന്ധപ്പെട്ട് ആശുപത്രിയിലെത്തിയ ബിന്ദു കഴിഞ്ഞ ദിവസം അപകടത്തില്പ്പെട്ട് മരിക്കുകയായിരുന്നു. രാവിലെ കുളിക്കാനായി ബിന്ദു കെട്ടിടത്തിന്റെ മൂന്നാം നിലയിലേക്ക് പോയ സമയത്തായിരുന്നു അപകടം. ബിന്ദു രണ്ട് മണിക്കൂറോളം കെട്ടിടാവശിഷ്ടത്തില് കുടുങ്ങിക്കിടക്കുകയായിരുന്നു.
രക്ഷാപ്രവര്ത്തനം നേരത്തെ തുടങ്ങിയിരുന്നെങ്കില് ബിന്ദുവിനെ രക്ഷിക്കാന് കഴിയുമായിരുന്നുവെന്ന് ചൂണ്ടിക്കാട്ടി ഭര്ത്താവ് വിശ്രുതന് രംഗത്തുവന്നിരുന്നു. ഉണ്ടായത് കടുത്ത അനാസ്ഥയാണെന്നും മന്ത്രി ഇല്ലാത്ത കാര്യം പറഞ്ഞ് തെറ്റിദ്ധരിപ്പിച്ചെന്നും അദ്ദേഹം പറഞ്ഞു. വീഴ്ച മറച്ചു വയ്ക്കാന് മെഡിക്കല് കോളേജ് അധികൃതര് ശ്രമിച്ചെന്നും കളക്ടറോ അധികാരികളോ മന്ത്രിമാരോ ബന്ധപ്പെട്ടില്ലെന്നും അദ്ദേഹം കൂട്ടിച്ചേര്ത്തു.
-
kerala3 days ago
വിഎസ് അച്യുതാനന്ദൻ്റെ ആരോഗ്യ നില ഗുരുതരമായി തുടരുന്നു; പുതിയ മെഡിക്കൽ ബുള്ളറ്റിൻ പുറത്ത്
-
kerala3 days ago
പരീക്ഷയില് തോറ്റുപോകുമെന്ന് പേടി; എറണാകുളത്ത് വിദ്യാര്ഥിനി ആത്മഹത്യ ചെയ്തു
-
kerala2 days ago
‘ഹേമചന്ദ്രനെ കൊന്നതല്ല, ആത്മഹത്യയായിരുന്നു, ശേഷം കുഴിച്ചിട്ടു: സൗദിയില് നിന്നും ഫേസ്ബുക്ക് വിഡിയോയുമായി മുഖ്യപ്രതി
-
kerala3 days ago
കാര്ഡ് ഉടമകള്ക്ക് ഇനി മുതല് എട്ട് കിലോ അരി വീതം
-
News2 days ago
മമദാനിയുടെ യുഎസ് പൗരത്വം എടുത്തുകളയാനുള്ള സാധ്യത തേടി ട്രംപ് ഭരണകൂടം
-
local2 days ago
മലബാറിന് ഷോപ്പിങ്ങ് ഉത്സവമൊരുക്കി ലുലു: 50 ശതമാനം വിലക്കുറവുമായി ലുലു ഫ്ളാറ്റ് 50 സെയിലിന് നാളെ തുടക്കം
-
kerala3 days ago
കാവിക്കൊടി വിവാദ പരാമര്ശം; ബി.ജെ.പി നേതാവിന് പൊലീസ് നോട്ടീസ്
-
kerala3 days ago
സ്കൂട്ടര് യാത്രികനെ ഇടിച്ചിട്ട് ഒന്പതാം ക്ലാസ് വിദ്യാര്ഥിയുടെ സാഹസികയാത്ര; രക്ഷിതാവിനെതിരെ കേസ്