Football
വാമോസ് അര്ജന്റീന
അര്ജന്റീനയുടെ നീല ജഴ്സിയണിഞ്ഞാണ് ഇരുടീമുകളും കളത്തിലിറങ്ങിയത്. കോതി മിനിസ്റ്റേഡിയത്തില് നടന്ന ആവേശമത്സരത്തില് ഒരുഗോളിന് ഹാവിയറിന്റെ ടീമിനായിരുന്നു ജയം.
ടി.കെ ഷറഫുദ്ദീന്
കോഴിക്കോട്
സോക്കര് സ്നേഹത്തില് ഫിഫയുടെ പോലും അംഗീകാരം നേടിയ നൈനാംവളപ്പില് പന്ത്തട്ടിയും ഗോളടിച്ചും അര്ജന്റീനന് താരങ്ങള്…. അര്ജന്റീനോസ് ജൂനിയേഴ്സ് വൈസ് പ്രസിഡന്റ് ഹാവിയര് പെഡര്സോളിയും ബോര്ഡ് മെമ്പര് കെവിന് ലിബ്സ് ഫ്രെയിന്റുമാണ് നൈനാംവളപ്പില് കുട്ടികള്ക്കൊപ്പം കാല്പന്ത് ആവേശത്തില് പങ്കുചേര്ന്നത്. മുന് ഇന്ത്യന് ക്യാപ്റ്റനും ഗോള്കീപ്പറുമായ ബ്രഹ്മാനന്ദ സങ്വാക്കര് പെഡര്സോളിയുടെ ടീമിനായി ഗോള്വലകാത്തു. അര്ജന്റീനയുടെ നീല ജഴ്സിയണിഞ്ഞാണ് ഇരുടീമുകളും കളത്തിലിറങ്ങിയത്. കോതി മിനിസ്റ്റേഡിയത്തില് നടന്ന ആവേശമത്സരത്തില് ഒരുഗോളിന് ഹാവിയറിന്റെ ടീമിനായിരുന്നു ജയം. ഗോള്നേടിയതും ഈ അര്ജന്റീനയ്ക്കാരനായിരുന്നു. മഴയേയും വകവെക്കാതെ ഇവര് കളിക്കളത്തില്പന്ത്തട്ടി. അര്ജന്റീനയില് നിന്നുള്ളവര് കോതിയിലെ കൊച്ചുമൈതാനത്ത് പന്ത്തട്ടുമ്പോള് ആവേശകടലിരമ്പം തീര്ത്ത് നൈനാംവളപ്പുകാരും കൂടെനിന്നു.
കോഴിക്കോട് ആസ്ഥാനമായി പ്രവര്ത്തിക്കുന്ന ഫുട്ബോള് അക്കാദമിയായ മലബാര് ചലഞ്ചേഴ്സുമായി സഹകരിച്ച് പ്രവര്ത്തിക്കുന്നതിനായാണ് മറഡോണടയടക്കം പ്രമുഖഫുട്ബോള് താരങ്ങളെ വാര്ത്തെടുത്ത ലോകത്തിലേ മുന്നിര അക്കാദമിയായ അര്ജന്റീനന് ജൂനിയേഴ്സ് പ്രതിനിധികള് കോഴിക്കോട്ടെത്തിയത്. ലാറ്റിനമേരിക്കന് ടീമിനോടുള്ള നൈനാംവളപ്പുകാരുടെ സ്നേഹം കേട്ടറിഞ്ഞാണ് ഇരുവരും തീരദേശത്തേക്കെത്തിയത്. നിറകൈയടിയോടെയാണ് അര്ജന്റീനന് ആരാധകകൂട്ടം ഇവരെ വരവേറ്റത്. ജഴ്സിയണിഞ്ഞെത്തിയ ഹാവിയര് പെഡര്സോളിയും കെവിന് ലിബ്സ് ഫ്രെയിന്റും നൈനാംവളപ്പിലെ കുട്ടികള്ക്കൊപ്പം പങ്കുചേര്ന്നു. ആരാധകരോട് ആശയവിനിമയം നടത്താനും ചോദ്യങ്ങള്ക്ക് മറുപടിയായി അര്ജന്റീനന് അനു’വങ്ങള് പങ്കുവെക്കാനും ഇരുവരും സമയംകണ്ടെത്തി. മറഡോണയേയും മെസിയേയും കുറിച്ച് രണ്ട് പുസ്തകങ്ങളുടെ ബുക്ക് കവര് പ്രകാശനവും ചടങ്ങില് നടന്നു. ഇറ്റാലിയന് സ്പോര്ട്സ് ജേണലിസ്റ്റ് ലൂക്കാ കയോലിയുടെ പുസ്തകം മലയാളത്തിലേക്ക് പരിഭാഷപ്പെടുത്തി ചന്ദ്രിക എഡിറ്റര് കമാല് വരദൂര് രചിക്കുന്ന’മെസി, ഡീയാഗോ മറഡോണയെ കുറിച്ച് എ.വി ഫര്ദിസ് രചിച്ച മനോ ദി ദീയോസ് കൃതികളുടെ കവറാണ് പ്രകാശനം ചെയ്തത്. ലിപി അക്ബര്, സജീവ് ബാബു കുറുപ്പ്, ബി വിജയന്, സുബൈര് നൈനാംവളപ്പ് പങ്കെടുത്തു.
വാഷിങ്ടണ്: ഫിഫ ലോകകപ്പ് ഡ്രോ ഡിസംബര് അഞ്ചിന്. ലോകകപ്പ് ആതിഥേയ രാജ്യങ്ങളിലൊന്നായ അമേരിക്കയിലെ വാഷിങ്ടണ് ഡി.സിയിലാണ് 48 ടീമുകളുടെ ആദ്യ വിശ്വമേളയുടെ നറുക്കെടുപ്പ് നടക്കുന്നത്. ലോകകപ്പ് യോഗ്യതാ റൗണ്ടുകള് പൂര്ത്തിയാവുകയും, 42 ടീമുകള് ഇതിനകം യോഗ്യത ഉറപ്പാക്കുകയും ചെയ്തു. ശേഷിക്കുന്ന ആറ് സ്ഥാനങ്ങള്ക്കുള്ള പ്ലേ ഓഫ് മത്സരങ്ങള് അടുത്ത വര്ഷം മാര്ച്ചില് നടക്കാനിരിക്കെയാണ് ഈ മത്സരങ്ങള് കൂടി ഉള്പ്പെടുത്തി ഡിസംബര് അഞ്ചിന് നറുക്കെടുപ്പ് നടക്കുന്നത്.
ടോപ് ഫോര് ഫൈറ്റ് ഒഴിവാക്കി നറുക്കെടുപ്പ്
റാങ്കിങ്ങില് മുന്നിരയിലുള്ള നാല് ടീമുകളായ സ്പെയിന്, അര്ജന്റീന, ഫ്രാന്സ്, ഇംഗ്ലണ്ട് എന്നിവര് സെമി വരെ പരസ്പരം ഏറ്റുമുട്ടുന്നത് ഒഴിവാക്കിയാണ് ഫിഫ സീഡും ഫിക്സ്ചറും തയ്യാറാക്കിയത്. ലോകറാങ്കിങ്ങില് ഒന്നാം സ്ഥാനക്കാരായ സ്പെയിനും രണ്ടാം സ്ഥാനക്കാരായ അര്ജന്റീനയും തമ്മില് ഫൈനലിന് മുമ്പ് മുഖാമുഖമെത്തില്ല. മൂന്നാം സ്ഥാനക്കാരായ ഫ്രാന്സും-നാലാം സ്ഥാനക്കാരായ ഇംഗ്ലണ്ടും തമ്മിലും ഫൈനലിന് മുമ്പൊരു പോരാട്ടവുമുണ്ടാവില്ല.
ഗ്രൂപ്പ് റൗണ്ടിനു ശേഷം രണ്ട് ഭാഗങ്ങളായാവും നോക്കൗട്ട്, പ്രീക്വാര്ട്ടര്, ക്വാര്ട്ടര് ഫൈനല്, സെമി വരെ മത്സരങ്ങള് നടക്കുന്നത്. മുന്നിര ടീമുകള് ഗ്രൂപ്പിലെ മത്സരത്തിനു ശേഷം രണ്ടുവഴിക്കാവും മുന്നോട്ട് കുതിക്കുന്നത് എന്നതിനാല് ഫൈനലിന് മുമ്പ് ഒരു ഏറ്റുമുട്ടല് ഒഴിവാകും.
ലോകകപ്പ് നറുക്കെടുപ്പ് ക്രമം
Pot 1: Canada, Mexico, United States, Spain, Argentina, France, England, Brazil, Portugal, Netherlands, Belgium, Germany
Pot 2: Croatia, Morocco, Colombia, Uruguay, Switzerland, Japan, Senegal, Iran, South Korea, Ecuador, Austria, Australia
Pot 3: Norway, Panama, Egypt, Algeria, Scotland, Paraguay, Tunisia, Ivory Coast, Uzbekistan, Qatar, South Africa
Pot 4: Jordan, Cape Verde, Ghana, Curaçao, Haiti, New Zealand, European playoff winners A-D, Inter-confederation playoff winners 1-2
Football
യുവേഫയില് നിന്ന് ഇസ്രാഈലിനെ വിലക്കണമെന്ന ആവശ്യവുമായി ഐറിഷ് ഫുട്ബോള് അസോസിയേഷന്
എഫ്എഐ അംഗങ്ങള് ശനിയാഴ്ച പാസാക്കിയ പ്രമേയം, യുവേഫ ചട്ടങ്ങളിലെ രണ്ട് വ്യവസ്ഥകള് ഇസ്രാഈലിന്റെ ഫുട്ബോള് അസോസിയേഷന് ലംഘിച്ചതായി ഉദ്ധരിക്കുന്നു
യൂറോപ്യന് മത്സരങ്ങളില് നിന്ന് ഇസ്രാഈലിനെ ഉടന് സസ്പെന്ഡ് ചെയ്യണമെന്ന് അഭ്യര്ത്ഥിച്ച് യുവേഫയ്ക്ക് ഔപചാരിക പ്രമേയം സമര്പ്പിക്കാന് ഐറിഷ് ഫുട്ബോള് ഗവേണിംഗ് ബോഡി അംഗങ്ങള് അതിന്റെ ബോര്ഡിനെ ചുമതലപ്പെടുത്തുന്ന പ്രമേയം അംഗീകരിച്ചതായി ഫുട്ബോള് അസോസിയേഷന് ഓഫ് അയര്ലന്ഡ് (എഫ്എഐ) അറിയിച്ചു.
എഫ്എഐ അംഗങ്ങള് ശനിയാഴ്ച പാസാക്കിയ പ്രമേയം, യുവേഫ ചട്ടങ്ങളിലെ രണ്ട് വ്യവസ്ഥകള് ഇസ്രാഈലിന്റെ ഫുട്ബോള് അസോസിയേഷന് ലംഘിച്ചതായി ഉദ്ധരിക്കുന്നു: ഫലപ്രദമായ വംശീയ വിരുദ്ധ നയം നടപ്പിലാക്കുന്നതിലും അതിന്റെ പരാജയവും ഫലസ്തീന് ഫുട്ബോള് അസോസിയേഷന്റെ സമ്മതമില്ലാതെ അധിനിവേശ ഫലസ്തീന് പ്രദേശത്ത് ഇസ്രാഈലി ക്ലബ്ബുകള് കളിക്കുന്നതും.
പ്രമേയത്തെ 74 വോട്ടുകള് പിന്തുണച്ചു. ഏഴ് പേര് എതിര്ക്കുകയും രണ്ട് പേര് വിട്ടുനില്ക്കുകയും ചെയ്തു, എഫ്എഐ പ്രസ്താവനയില് പറഞ്ഞു.
ഗസ്സയിലെ വംശഹത്യയുടെ പേരില് ഇസ്രാഈലിനെ യൂറോപ്യന് മത്സരങ്ങളില് നിന്ന് സസ്പെന്ഡ് ചെയ്യണമോ എന്ന കാര്യത്തില് കഴിഞ്ഞ മാസം ആദ്യം വോട്ടെടുപ്പ് നടത്താന് യുവേഫ പരിഗണിച്ചിരുന്നു. എന്നാല് യുഎസ് ഇടനിലക്കാരായ വെടിനിര്ത്തല് ഒക്ടോബര് 10 ന് പ്രാബല്യത്തില് വന്നതിന് ശേഷം വോട്ടിംഗ് നടന്നില്ല.
അന്താരാഷ്ട്ര മത്സരങ്ങളില് നിന്ന് ഇസ്രാഈലിനെ സസ്പെന്ഡ് ചെയ്യാനുള്ള തുര്ക്കി, നോര്വീജിയന് ഫുട്ബോള് ഭരണ സമിതികളുടെ തലവന്മാര് സെപ്തംബറില് ആവശ്യപ്പെട്ടതിനെ തുടര്ന്നാണ് ഐറിഷ് പ്രമേയം.
ഗസ്സയിലെ യുദ്ധത്തില് ഇസ്രാഈല് വംശഹത്യ നടത്തിയെന്ന് യുഎന് അന്വേഷണ കമ്മീഷന് റിപ്പോര്ട്ട് ഉദ്ധരിച്ച് അന്താരാഷ്ട്ര ഫുട്ബോളില് നിന്ന് ഇസ്രാഈലിനെ സസ്പെന്ഡ് ചെയ്യണമെന്ന് യുഎന് വിദഗ്ധര് ഫിഫയോടും യുവേഫയോടും അഭ്യര്ത്ഥിച്ചതിന് ശേഷമാണ് ഈ അഭ്യര്ത്ഥനകള് വന്നത്.
Football
സൂപ്പര് കപ്പില് ബ്ലാസ്റ്റേഴ്സിന് സെല്ഫ് ഗോള് തോല്വി; മുംബൈ സെമിയില്
സൂപ്പര് കപ്പില് കേരള ബ്ലാസ്റ്റേഴ്സ് സെമി കാണാതെ പുറത്തേക്ക്.
2025 നവംബര് 6, വ്യാഴാഴ്ച ഗോവയിലെ ഫട്ടോര്ഡയിലെ പണ്ഡിറ്റ് ജവഹര്ലാല് നെഹ്റു സ്റ്റേഡിയത്തില് മുംബൈ സിറ്റി എഫ്സിയും കേരള ബ്ലാസ്റ്റേഴ്സും തമ്മിലുള്ള AIFF സൂപ്പര് കപ്പ് 2025 ഗ്രൂപ്പ് ഡി മത്സരത്തിന്റെ 3-ാം ദിവസത്തില് കേരള ബ്ലാസ്റ്ററിനെ 1-0 ന് തകര്ത്ത് മുംബൈ സിറ്റി എഫ്സി. 88-ാം മിനിറ്റില് ഫ്രെഡി ലല്ലവാവ്മയുടെ സെല്ഫ് ഗോള് മുംബൈ സിറ്റി എഫ്സിയെ വിജയത്തിലേക്ക് തുണയ്ക്കുകയായിരുന്നു. ഇതോടെ ദ്വീപുകാര് ടസ്കേഴ്സിനെ മറികടന്ന് സെമി ഫൈനലിലേക്ക് മുന്നേറി. എന്നാല് സൂപ്പര് കപ്പില് കേരള ബ്ലാസ്റ്റേഴ്സ് സെമി കാണാതെ പുറത്തേക്ക്.
അടുത്ത റൗണ്ടില് എഫ്സി ഗോവയെ നേരിടും.
ഫ്രെഡ്ഡിയുടെ ശരീരത്തില് തട്ടിയ പന്ത് ഗോളിയെയും മറികടന്ന് നേരെ വലയിലേക്ക് തെറിക്കുകയായിരുന്നു. നേരത്തെ 48ാം മിനിറ്റില് രണ്ടാം മഞ്ഞകാര്ഡും വാങ്ങി സന്ദീപ് സിങ് പുറത്തുപോയതോടെ മത്സരത്തിന്റെ പകുതിയും പത്തുപേരുമായാണ് ബ്ലാസ്റ്റേഴ്സ് കളിച്ചത്. ഗ്രൂപ്പില് ബ്ലാസ്റ്റേഴ്സിനും മുംബൈക്കും ആറു പോയന്റാണെങ്കിലും നേര്ക്കുനേര് ഫലം നോക്കിയാണ് മുംബൈ സെമി ബെര്ത്ത് ഉറപ്പിച്ചത്.
ടൂര്ണമെന്റില് ആദ്യമായി ആറ് വിദേശ താരങ്ങളെയും ഉള്പ്പെടുത്തിയാണ് മുഖ്യ പരിശീലകന് ഡേവിഡ് കാറ്റല ടീമിനെ ഇറക്കിയത്. നമത്സരം സമനിലയില് പിരിയുമെന്ന് ഏവരും പ്രതീക്ഷിച്ചിരിക്കെയാണ് ബ്ലാസ്റ്റേഴ്സ് ആരാധകരുടെ ഹൃദയം തകര്ത്ത് സ്വന്തം വലയില് സെല്ഫ് ഗോള് വീഴുന്നത്.
സൂപ്പര് കപ്പ് ഫുട്ബാളിന്റെ ചരിത്രത്തിലാദ്യമായി സെമി ഫൈനലില് കടക്കാനുള്ള അവസരമാണ് ബ്ലാസ്റ്റേഴ്സ് നഷ്ടപ്പെടുത്തിയത്. ആദ്യ രണ്ട് മത്സരങ്ങളില് യഥാക്രമം രാജസ്ഥാന് യുനൈറ്റഡിനെയും സ്പോര്ട്ടിങ് ഡല്ഹിയെയും ബ്ലാസ്റ്റേഴ്സ് തോല്പിച്ചിരുന്നു.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്
-
News1 day ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
entertainment3 days agoമലയാള ചെറുചിത്രങ്ങള്ക്ക് ഗള്ഫിലും ദേശീയ തലത്തിലുമായി മാര്ക്കറ്റ് തുറക്കാന് ശ്രമിക്കുന്നു: ദുല്ഖര് സല്മാന്
-
kerala8 hours agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്

