Auto
ജനപ്രിയ മോഡലുകളുടെ വില വര്ധിപ്പിച്ച് ഫോക്സ് വാഗന്
പോളോവിന്റെ ഹാച്ച്ബാക്ക് വിഭാഗത്തിനാണ് വില വര്ധിക്കുക. അസംസ്കൃത വസ്തുക്കളുടെ വില വര്ധിച്ച പശ്ചാത്തലത്തില് കാറുകളുടെ വിലയില് 2.5 ശതമാനത്തിന്റെ വര്ധന വരുത്താനാണ് കമ്പനിയുടെ തീരുമാനം
മുംബൈ: മാരുതി, നിസാന്, ഹോണ്ട തുടങ്ങിയ കാര് നിര്മ്മാണ കമ്പനികള്ക്ക് പിന്നാലെ പ്രമുഖ ജര്മ്മന് വാഹന നിര്മ്മാതാക്കളായ ഫോക്സ്വാഗനും ഇന്ത്യയില് കാറുകളുടെ വില വര്ധിപ്പിച്ചു. അടുത്തമാസം മുതല് ജനപ്രിയ മോഡലുകളായ പോളോ, സെഡാന് വെന്റോ എന്നി മോഡലുകളുടെ വില വര്ധിപ്പിക്കാനാണ് തീരുമാനം. പോളോവിന്റെ ഹാച്ച്ബാക്ക് വിഭാഗത്തിനാണ് വില വര്ധിക്കുക. അസംസ്കൃത വസ്തുക്കളുടെ വില വര്ധിച്ച പശ്ചാത്തലത്തില് കാറുകളുടെ വിലയില് 2.5 ശതമാനത്തിന്റെ വര്ധന വരുത്താനാണ് കമ്പനിയുടെ തീരുമാനം.
മാരുതി, നിസാന്, ഹോണ്ട എന്നിവയ്ക്ക് പുറമേ റെനോ, മഹീന്ദ്ര, ഫോര്ഡ് ഇന്ത്യ, ബിഎംഡബ്ല്യൂ, ഓഡി ഇന്ത്യ, ഹീറോ മോട്ടോകോര്പ്പ്, എന്നിവയാണ് വാഹനങ്ങളുടെ വില വര്ധിപ്പിച്ച മറ്റു കമ്പനികള്. അസംസ്കൃത വസ്തുക്കളുടെ വില ഉയര്ന്നതാണ് വാഹനങ്ങളുടെ വില വര്ധിപ്പിക്കാന് ഈ കമ്പനികളെയും പ്രേരിപ്പിച്ചത്. ഇതിന്റെ തുടര്ച്ചയായാണ് ഫോക്സ്വാഗണും പ്രമുഖ മോഡലുകളുടെ വില വര്ധിപ്പിച്ചത്.
നിലവില് പോളോയുടെ വില ആരംഭിക്കുന്നത് 5.88 ലക്ഷം മുതലാണ്. വെന്റോവിന് 8.94 ലക്ഷം രൂപ മുതലാണ് വില ആരംഭിക്കുന്നത്.
Auto
റോയല് എന്ഫീല്ഡിന്റെ നാല് പുതിയ കരുത്തുറ്റ മോഡലുകള് ഇന്ത്യയില് എത്താന് ഒരുങ്ങുന്നു
പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു.
അടുത്ത 12 മാസത്തിനുള്ളില് ഇന്ത്യയില് ഇതുവരെയുള്ളതില് വച്ച് ഏറ്റവും വലിയ ലോഞ്ചിംഗ് പദ്ധതിയുമായി എത്തിയിരിക്കുകയാണ് റോയല് എന്ഫീല്ഡ്. പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു. ഇവയില് പുതുതായി വികസിപ്പിച്ച 650 സിസി മോഡലുകളും റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളും ഉള്പ്പെടുന്നു. ബുള്ളറ്റ് 650 ബ്രാന്ഡിന്റെ ഏറ്റവും ശക്തമായ മോഡലുകളില് ഒന്നായി വിപണിയിലെത്തും.
പരമ്പരാഗത മിനിമലിസ്റ്റ് റെട്രോ ഡിസൈന് നിലനിര്ത്തിയെങ്കിലും പാരലല്ട്വിന് എന്ജിനോടാണ് ഇത് വരുന്നത്. 648 സിസി ട്വിന് എന്ജിന് 47 bhp കരുത്തും 52 Nm ടോര്ക്കും വരെ ഉത്പാദിപ്പിക്കുന്നു. ആറുസ്പീഡ് ഗിയര്ബോക്സിനോടൊപ്പം സ്ലിപ്പ്അസിസ്റ്റ് ക്ലച്ചും ലഭിക്കും. വൃത്താകാര ഹെഡ്ലാമ്പ്, പിന്സ്ട്രിപ്പ് ചേര്ത്ത ടാങ്ക്, മെറ്റല് ഫിനിഷ് തുടങ്ങിയ ഘടകങ്ങള് ക്ലാസിക് ബുള്ളറ്റ് സ്റ്റൈലിംഗിനെ നിലനിര്ത്തുന്നു. കൂടുതല് ശക്തിയുള്ള എന്ജിന് കൈകാര്യം ചെയ്യുന്നതിനായി ഫ്രെയിം ശക്തിപ്പെടുത്തിയിട്ടുണ്ട്. അടുത്ത മാസങ്ങളില് പുറത്തിറങ്ങുന്ന ഈ മോഡലിന്റെ എക്സ്ഷോറൂം വില ഏകദേശം 3.5 ലക്ഷം രൂപയായിരിക്കും. റോയല് എന്ഫീല്ഡിന്റെ 125ാം വാര്ഷികത്തോടനുബന്ധിച്ച് EICMA 2025ല് ക്ലാസിക് 650ന്റെ പ്രത്യേക എഡിഷനും അവതരിപ്പിച്ചു.
ഹൈപ്പര്ഷിഫ്റ്റ് കളര് സ്കീമില് ചുവപ്പും സ്വര്ണ്ണവും മാറിമാറി നല്കുന്ന ഈ പ്രത്യേക പതിപ്പിനും 648 സിസി ട്വിന് എന്ജിനാണ് ഹൃദയം. ക്ലാസിക് മോഡലിന്റെ പാരമ്പര്യ സൗന്ദര്യത്തിന് കൂടുതല് പ്രീമിയം ടെച്ചാണ് ഇത് നല്കുന്നത്. റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളായ ഫ്ലൈയിംഗ് ഫ്ളീ C6 ബ്രാന്ഡിന്റെ ചരിത്രപ്രസിദ്ധമായ എയര്ബോണ് പാരാട്രൂപ്പര് ബൈക്കില് നിന്ന് പ്രചോദനം ഉള്ക്കൊണ്ടതാണ്. അലുമിനിയം ഘടകങ്ങളുള്ള അള്ട്രാലൈറ്റ് ആര്ക്കിടെക്ചറും കോംപാക്റ്റ് ബാറ്ററി കേസും ഉള്ക്കൊള്ളുന്ന ഈ മോഡല് നിയോറെട്രോ ഡിസൈനിലാണ് എത്തുന്നത്.
ഗര്ഡര്സ്റ്റൈല് ഫ്രണ്ട് സെറ്റപ്പും സുതാര്യമായ ബോഡി വര്കും ഇതിനെ റോയല് എന്ഫീല്ഡിന്റെ മറ്റു ബൈക്കുകളില് നിന്ന് വ്യത്യസ്തമാക്കുന്നു. 2026 സാമ്പത്തിക വര്ഷാവസാനത്തോടെ ഈ മോഡലിന്റെ ഉത്പാദനം ആരംഭിക്കും. ഫ്ലൈയിംഗ് ഫ്ളീ 56 ഫ്ളീ C6ന്റെ സാഹസിക പതിപ്പാണ്. സ്ക്രാംബ്ലര് ശൈലിയില് രൂപകല്പ്പന ചെയ്ത ഈ മോഡലിന് മികച്ച സസ്പെന്ഷന് സംവിധാനവും നേരായ റൈഡിംഗ് പൊസിഷനും ഇരട്ട ഉപയോഗചക്രങ്ങളും ലഭിക്കുന്നു. കൂടുതല് കരുത്തുറ്റ ഫ്രെയിമും അതിന്റെ rugged ലുക്കിനും പിന്തുണ നല്കുന്നു. 2026 അവസാനത്തോടെ ലോഞ്ച് ചെയ്യപ്പെടുന്ന ഫ്ളീ 56, C6ന്റെ അതേ ബാറ്ററി ഘടകങ്ങള് പങ്കിടും. റോയല് എന്ഫീല്ഡ് ഈ നാല് പുതിയ മോഡലുകളിലൂടെ ഇന്ത്യന് മോട്ടോര്സൈക്കിള് വിപണിയില് വലിയ മാറ്റങ്ങള് സൃഷ്ടിക്കാമെന്നാണ് പ്രതീക്ഷ.
Auto
ജെ.എസ്.ഡബ്ല്യു–എം.ജി വിൻഡ്സർ ഇ.വി. വിൽപ്പനയിൽ റെക്കോർഡ്: 400 ദിവസത്തിൽ 50,000 യൂണിറ്റ്
2024 സെപ്റ്റംബറിൽ പുറത്തിറങ്ങിയ മോഡൽ വെറും 400 ദിവസത്തിനുള്ളിൽ 50,000 യൂണിറ്റ് വിൽപ്പന രേഖപ്പെടുത്തിയതായി കമ്പനി വ്യക്തമാക്കി.
ന്യൂഡൽഹി: ജെ.എസ്.ഡബ്ല്യു എം.ജി മോട്ടോർസ് ഇന്ത്യയുടെ ഇലക്ട്രിക് എസ്.യു.വിയായ വിൻഡ്സർ ഇ.വി. ഇന്ത്യയിലെ ഏറ്റവും കൂടുതൽ വിൽപ്പന നേടിയ ഇ.വി. മോഡലായി ഉയർന്നു. 2024 സെപ്റ്റംബറിൽ പുറത്തിറങ്ങിയ മോഡൽ വെറും 400 ദിവസത്തിനുള്ളിൽ 50,000 യൂണിറ്റ് വിൽപ്പന രേഖപ്പെടുത്തിയതായി കമ്പനി വ്യക്തമാക്കി.
12.65 ലക്ഷം രൂപ മുതൽ ആരംഭിക്കുന്ന മോഡലിന്റെ വില, ബാറ്ററി-ആസ്-എ-സർവീസ് (BaaS) സ്കീമിൽ 9.99 ലക്ഷം രൂപ വരെയും കുറയുന്നു. എക്സൈറ്റ്, എക്സ്ക്ലൂസീവ്, എസ്സൻസ്, എക്സ്ക്ലൂസീവ് പ്രൊ, എസ്സൻസ് പ്രൊ, 300 യൂണിറ്റുകൾ മാത്രം ഉള്ള ഇൻസ്പയർ എഡിഷൻ എന്നിവയാണ് ലഭ്യമായ വേരിയന്റുകൾ.
38 kWh, 52.9 kWh എന്നീ രണ്ട് ബാറ്ററി പാക്കുകളിലായാണ് വിൻഡ്സർ ഇ.വി. ലഭ്യമാകുന്നത്. ആദ്യത്തെ ബാറ്ററി പാക്ക് ഒറ്റ ചാർജിൽ 332 കിമീയും രണ്ടാമത്തെ പാക്ക് 449 കിമീയും റേഞ്ച് വാഗ്ദാനം ചെയ്യുന്നു.
135 ഡിഗ്രി വരെ ചരിയുന്ന എറോ ലൗഞ്ച് സീറ്റുകൾ, 5.6 ഇഞ്ച് ടച്ച്സ്ക്രീൻ, 9 സ്പീക്കറുകൾ, 80-ലധികം കണക്റ്റഡ് ഫീച്ചറുകൾ, 100-ലധികം എ.ഐ. വോയ്സ് കമാൻഡുകൾ എന്നിവയാണ് പ്രധാന സവിശേഷതകൾ. കൂടാതെ പ്രൊ മോഡലുകൾക്ക് V2V, V2L സപ്പോർട്ടും ADAS ലെവൽ 2 സുരക്ഷാ സവിശേഷതയും ലഭിക്കും.
ഇന്ത്യൻ ഇ.വി. വിപണിയിൽ വേഗത്തിൽ മുന്നേറ്റം നടത്തി ഏറ്റവും കൂടുതൽ വിറ്റഴിക്കപ്പെടുന്ന മോഡലായി മാറിയതോടെ വിൻഡ്സർ ഇ.വി. JSW–MG കൂട്ടുകെട്ടിന് വലിയ നേട്ടമായതായി വിദഗ്ധർ വിലയിരുത്തുന്നു.
Auto
മാരുതി സുസുക്കിയുടെ ആദ്യ ഇലക്ട്രിക് എസ്യുവി ”ഇ-വിറ്റാര” ഡിസംബര് 2ന് ഇന്ത്യന് വിപണിയില്
രാജ്യത്തെ ഏറ്റവും വലിയ കാര് നിര്മാതാവായ കമ്പനി തന്റെ ആദ്യ ഇലക്ട്രിക് എസ്യുവിയായ ”ഇ-വിറ്റാര”യെ ഡിസംബര് 2ന് ഇന്ത്യന് വിപണിയില് അവതരിപ്പിക്കും.
ഇന്ത്യയിലെ കാര് വിപണിയില് പുതിയ അധ്യായം തുറക്കാന് ഒരുങ്ങുകയാണ് മാരുതി സുസുക്കി. രാജ്യത്തെ ഏറ്റവും വലിയ കാര് നിര്മാതാവായ കമ്പനി തന്റെ ആദ്യ ഇലക്ട്രിക് എസ്യുവിയായ ”ഇ-വിറ്റാര”യെ ഡിസംബര് 2ന് ഇന്ത്യന് വിപണിയില് അവതരിപ്പിക്കും.
ഗുജറാത്തിലെ മാരുതി സുസുക്കി പ്ലാന്റിലാണ് ഇ-വിറ്റാരയുടെ നിര്മ്മാണം ആരംഭിച്ചത്. ഇവിടെ നിര്മ്മിക്കുന്ന വാഹനങ്ങള് ഇപ്പോള് യൂറോപ്യന് വിപണിയിലേക്കും കയറ്റി അയക്കുന്നു. ഓഗസ്റ്റില് കയറ്റുമതി ആരംഭിച്ചതിനുശേഷം ഏകദേശം 7,000 യൂണിറ്റ് ഇ-വിറ്റാര യൂറോപ്പിലെ വിവിധ രാജ്യങ്ങളിലേക്ക് അയച്ചതായി കമ്പനി അറിയിച്ചു.
യുകെ, ജര്മ്മനി, നോര്വേ, ഫ്രാന്സ്, ഡെന്മാര്ക്ക്, സ്വിറ്റ്സര്ലന്ഡ്, നെതര്ലാന്ഡ്സ്, സ്വീഡന്, ഹംഗറി, ഐസ്ലാന്ഡ്, ഓസ്ട്രിയ, ബെല്ജിയം തുടങ്ങിയ 12 യൂറോപ്യന് രാജ്യങ്ങളിലേക്കാണ് ഇതിനകം 2,900-ലധികം യൂണിറ്റുകള് കയറ്റി അയച്ചത്.
ഇ-വിറ്റാരയുടെ ഡിസൈന് മാരുതി സുസുക്കി ഇവിഎക്സ് കോണ്സെപ്റ്റില് നിന്നാണ് രൂപകല്പ്പന ചെയ്തിരിക്കുന്നത്.
പ്രധാന സവിശേഷതകള്: 10.1 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, 10.25 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, ഓട്ടോ-ഡിമ്മിംഗ് റിയര്വ്യൂ മിറര് (IRVM), സെമി-ലെതറെറ്റ് സീറ്റുകള്, ഇലക്ട്രോണിക് പാര്ക്കിംഗ് ബ്രേക്ക്
ബാറ്ററി ഓപ്ഷനുകളും പ്രകടനവും: 49 kWh ബാറ്ററി – 144 bhp പവര് (ഫ്രണ്ട്-വീല് ഡ്രൈവ്), 61 kWh ബാറ്ററി – 174 bhp പവര് (ഓള്-വീല് ഡ്രൈവ് ഡ്യുവല് മോട്ടോര് കോണ്ഫിഗറേഷന്)
ഇ-വിറ്റാരയുടെ ഇന്ത്യയിലെ വിലയും റേഞ്ച് വിശദാംശങ്ങളും ഡിസംബര് ലോഞ്ച് ദിനത്തില് പ്രഖ്യാപിക്കും. രാജ്യത്തെ ഇലക്ട്രിക് വാഹന വിപണിയില് ടാറ്റ, മഹീന്ദ്ര, ഹുണ്ടായി എന്നിവരോട് മത്സരം കടുപ്പിക്കാനാണ് മാരുതി സുസുക്കിയുടെ നീക്കം.
-
kerala3 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala2 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News3 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
kerala17 hours agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
GULF2 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india3 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india3 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു