Connect with us

Video Stories

തായ്‌ലാന്റിലെ സന്നാഹം ജയിച്ച് ബ്ലാസ്റ്റേഴ്‌സ് ഇന്ന് കൊല്‍ക്കത്തയിലേക്ക്

Published

on

അഷ്‌റഫ് തൈവളപ്പ്
കൊച്ചി: തായ്‌ലാന്റില്‍ വിദേശ പരിശീലനം പൂര്‍ത്തിയാക്കിയ കേരള ബ്ലാസ്റ്റേഴ്‌സ് ടീം ഇന്ന് ഇന്ത്യയിലേക്ക് മടങ്ങും. ഹോം ഗ്രൗണ്ടായ കൊച്ചിക്ക് പകരം കൊല്‍ക്കത്തയിലേക്കാണ് ടീം മടങ്ങിയെത്തുക. കൊല്‍ക്കത്തയിലെ ഈഡന്‍ ഗാര്‍ഡന് സമീപമുള്ള മോഹന്‍ബഗാന്‍ സ്റ്റേഡിയത്തില്‍ അവസാന വട്ട പരിശീലനം നടത്താനാണ് ടീമിന്റെ തീരുമാനം. കൊച്ചിയിലെത്താതെ ആദ്യ മത്സരത്തിനായി ഇവിടെ നിന്ന് തന്നെ നേരിട്ട് ഗുവാഹത്തിയിലേക്ക് ടീം യാത്ര തിരിക്കുമെന്നണ് സൂചന. ഒക്‌ടോബര്‍ ഒന്നിന് ഉദ്ഘാടന മത്സരത്തില്‍ നോര്‍ത്ത് ഈസ്റ്റ് യുണൈറ്റഡാണ് ബ്ലാസ്റ്റേഴ്‌സിന്റെ എതിരാളികള്‍.

വിദേശ പര്യടനത്തിലെ മൂന്ന് സന്നാഹ മത്സരങ്ങളില്‍ രണ്ടു വിജയിച്ചാണ് ടീം മടങ്ങിയെത്തുന്നത്.ഇന്നലെ നടന്ന അവസാന പരിശീലന മത്സരത്തില്‍ എതിരില്ലാത്ത ഒരു ഗോളിനാണ് ബ്ലാസ്റ്റേഴ്‌സ് പട്ടായ യുണൈറ്റഡിനെ തോല്‍പിച്ചത്. 25ാം മിനുറ്റില്‍ ഇംഗ്ലീഷ് താരം മൈക്കിള്‍ ചോപ്രയാണ് കേരള ടീമിന്റെ വിജയ ഗോള്‍ നേടിയത്. പ്രീ സീസണില്‍ ചോപ്രയുടെ രണ്ടാം ഗോള്‍ നേട്ടമാണിത്. ആദ്യ മത്സരത്തിലും ചോപ്ര ഗോള്‍ കണ്ടെത്തിയിരുന്നു. ഗ്രഹാം സ്റ്റാക്ക്, ആരോണ്‍ ഹ്യൂസ്, ഹെങ്ബര്‍ത്ത്, ജിംഗാന്‍, അസ്‌റക് മെഹ്മത്, ഹോസു, പ്രശാന്ത്, ഇഷ്ഫാഖ്, ഫാറൂഖ് ചൗധരി, ഹോകിപ്, ചോപ്ര എന്നിവര്‍ ഇന്നലെ ആദ്യ ഇലവനില്‍ കളത്തിലിറങ്ങി. കാഡിയോ ബോറിസ്, മുഹമ്മദ് റാഫി, മുനീര്‍ അന്‍സാരി, പ്രധിക് ചൗധരി എന്നിവരെ പകരക്കാരായും കോച്ച് സ്റ്റീവ് കോപ്പല്‍ പരീക്ഷിച്ചു.

ടീമിനെ പ്രോത്സാഹനവുമായി ഒരു കൂട്ടം മലയാളികള്‍ സ്റ്റേഡിയത്തിലെത്തിയത് താരങ്ങള്‍ക്കും കൗതുകമായി. കഴിഞ്ഞ മത്സരങ്ങളിലും ടീമിന് പ്രോത്സാഹനവുമായി ആരാധകര്‍ ഗ്രൗണ്ടിലെത്തിയിരുന്നു.

ആദ്യ പരീശീലന മത്സരത്തില്‍ ബിഗ് ബാങ് ചുല യുണൈറ്റഡിനെ ബ്ലാസ്‌റ്റേഴ്‌സ് ഒന്നിനെതിരെ രണ്ടു ഗോളുകള്‍ക്ക് തോല്‍പിച്ചിരുന്നു. തായ് പ്രീമിയര്‍ ലീഗിലെ രണ്ടാം സ്ഥാനക്കാരായ ബാങ്കോക്ക് യുണൈറ്റഡുമായുള്ള രണ്ടാം പരിശീലന മത്സരം ഗോള്‍രഹിത സമനിലയിലാണ് കലാശിച്ചത്. ഒരാഴ്ചയോളം തിരുവനന്തപുരത്ത് പരിശീലനം നടത്തിയ ബ്ലാസ്റ്റേഴ്‌സ് ഈ മാസം എട്ടിനാണ് തായ്‌ലാന്റിലേക്ക് പറന്നത്.

മാര്‍ക്വി താരം ആരോണ്‍ ഹ്യൂസ് അടക്കമുള്ള പ്രമുഖ താരങ്ങളെല്ലാം തായ്‌ലാന്റില്‍ ടീമിനൊപ്പം ചേര്‍ന്നു. അവശേഷിക്കുന്ന മലയാളി താരം സി.കെ വിനീത് അടക്കമുള്ളവര്‍ 21ന് ശേഷം ടീമിനൊപ്പം ചേരുമെന്ന് മാനേജ്‌മെന്റ് വൃത്തങ്ങള്‍ അറിയിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending