Video Stories
യുവനടിയെ തട്ടിക്കൊണ്ടുപോയി ആക്രമിച്ച കേസ് . പ്രതികള്ക്കെതിരെ കുറ്റപത്രം രണ്ടാഴ്ചക്കകം
കൊച്ചി: യുവനടിയെ ആക്രമിച്ച് തട്ടിക്കൊണ്ടുപോയ കേസില് പ്രധാന പ്രതി സുനില്കുമാര് (പള്സര് സുനി) ഉള്പ്പെടെയുള്ള പ്രതികള്ക്കെതിരെ പൊലീസ് കുറ്റപത്രം സമര്പ്പിക്കാനൊരുങ്ങുന്നു. രണ്ടാഴ്ചക്കകം കുറ്റപത്രം കോടതിയില് സമര്പ്പിക്കുമെന്നാണ് പൊലീസ് വൃത്തങ്ങള് നല്കുന്ന സൂചന. അങ്കമാലി ഒന്നാം ക്ലാസ് മജിസ്ട്രേറ്റ് കോടതിയിലാണ് കുറ്റപത്രം നല്കുകയെന്ന് അന്വേഷണത്തിന് നേതൃത്വം നല്കുന്ന ഡിവൈഎസ്പി കെ.ജി ബാബുകുമാര് പറഞ്ഞു. സംഭവത്തില് ഗൂഢാലോചന സംബന്ധിച്ച അന്വേഷണം തുടരുമെന്നും അദ്ദേഹം പറഞ്ഞു.
പ്രധാന പ്രതി സുനില്കുമാര് അങ്കമാലിയിലെ അഭിഭാഷകന് കൈമാറിയ മൊബൈല് ഫോണിന്റെയും മെമ്മറി കാര്ഡിന്റെയും ശാസ്ത്രീയ പരിശോധന ഫലം കോടതിയില് നല്കിയിട്ടുണ്ട്.
എന്നാല് പൊലീസിന് കൈമാറിയിട്ടില്ല. ഇത് വിചാരണവേളയില് തെളിവായി കണക്കാക്കും. നടിയെ ആക്രമിച്ച് പകര്ത്തിയ ദൃശ്യങ്ങളടങ്ങിയ മൊബൈല് ഇതുവരെ കണ്ടെത്താനായിട്ടില്ല. ഇത് അഭിഭാഷകന് പ്രതീഷ് ചാക്കോയെ ഏല്പ്പിച്ചിരുന്നുവെന്നാണ് സുനി പൊലീസില് നല്കിയ മൊഴി. പൊലീസ് രണ്ട് പ്രാവശ്യം പ്രതീഷിനെ വിളിപ്പിച്ചുവെങ്കിലും മൊബൈല് ഫോണ് സംബന്ധിച്ച് സൂചനകളൊന്നും നല്കിയില്ല. കേസില് നിര്ണായകമായേക്കാവുന്ന ഈ ഫോണ് കണ്ടെത്താനായി പ്രതീഷിനെ നിയമപരമായി കസ്റ്റഡിയിലെടുത്ത് ചോദ്യം ചെയ്തേക്കും. കുറ്റപത്രം നല്കുന്നതിന് മുമ്പ്തന്നെ ഇത് നടത്താനാണ് പൊലീസ് തയ്യാറെടുക്കുന്നത്. അങ്കമാലിയിലെ അഭിഭാഷകന് സുനിയുടെ വക്കാലത്ത് ഒഴിയുകയും സാക്ഷിപ്പട്ടികയില് ഉള്പ്പെടുകയും ചെയ്തിരുന്നു. കേരളത്തെ ഞെട്ടിച്ച കേസിലെ മുഖ്യപ്രതിയെ സഹായിക്കുന്ന തരത്തിലാണ് പ്രതീഷ് ചാക്കോയുടെ ഇടപെടലെന്നാണ് പൊലീസ് നിഗമനം.
ഫെബ്രുവരി 17ന് രാത്രിയാണ് പള്സര് സുനിയുടെ നേതൃത്വത്തിലുള്ള ആറംഗ സംഘം യുവനടിയെ ആക്രമിച്ച് കാറില് തട്ടിക്കൊണ്ടുപോയി ഉപദ്രവിച്ചത്. ഇതിന്റെ ദൃശ്യങ്ങള് മൊബൈലില് പകര്ത്തുകയും ചെയ്തു. തുടര്ന്ന് സുനിയും കൂട്ടാളികളും കോയമ്പത്തൂരിലേക്ക് കടന്നു. കേസില് ഇതുവരെ സുനി ഉള്പ്പെടെ എട്ടുപേരെ അറസ്റ്റ് ചെയ്തു. എന്നാല് മതിയായ തെളിവുകള് പൊലീസിന് ശേഖരിക്കാന് കഴിയാത്തത് കുറ്റപത്രത്തെ ദുര്ബലപ്പെടുത്താന് സാധ്യതയുണ്ട്.
kerala
തദ്ദേശ തിരഞ്ഞെടുപ്പ്; കോട്ടയം ജില്ലയില് ഇതുവരെ 65.5 % പോളിങ് രേഖപ്പെടുത്തി
തദ്ദേശ തെരഞ്ഞെടുപ്പ് കോട്ടയം ജില്ലയില് ഇതുവരെ 1074967 പേര് വോട്ട് രേഖപ്പെടുത്തി. ആകെ 16,41,176 വോട്ടര്മാരാണ് ജില്ലയിലുള്ളത്.
തദ്ദേശ തെരഞ്ഞെടുപ്പ് കോട്ടയം ജില്ലയില് ഇതുവരെ 1074967 പേര് വോട്ട് രേഖപ്പെടുത്തി. ആകെ 16,41,176 വോട്ടര്മാരാണ് ജില്ലയിലുള്ളത്.
വോട്ട് ചെയ്ത സ്ത്രീകള്:545970(63.76%; ആകെ : 856321 )
വോട്ട് ചെയ്ത പുരുഷന്മാര് 528994:( 67.4% ; 784842)
വോട്ട് ചെയ്ത ട്രാന്സ്ജെന്ഡേഴ്സ് : 3( 23.08% ; ആകെ :13)
നഗരസഭ
ചങ്ങനാശേരി: 63.54%
കോട്ടയം:63.53%
വൈക്കം: 69.62%
പാലാ :63.05%
ഏറ്റുമാനൂര്: 65.22%
ഈരാറ്റുപേട്ട: 80.04%
ബ്ലോക്ക് പഞ്ചായത്തുകള്
ഏറ്റുമാനൂര്:66.23%
ഉഴവൂര് :63.06%
ളാലം :63.26%
ഈരാറ്റുപേട്ട :66.34%
പാമ്പാടി : 66.26%
മാടപ്പള്ളി :62.36%
വാഴൂര് :65.78%
കാഞ്ഞിരപ്പള്ളി: 64.68%
പള്ളം:64.76 %
വൈക്കം: 72.6%
കടുത്തുരുത്തി: 66.7%
kerala
കൊച്ചി കാലടിയില് പോളിംഗ് ബൂത്തില് വോട്ടര് കുഴഞ്ഞു വീണു മരിച്ചു
പോളിംഗ് ബൂത്തില് വച്ച് ബാബു കുഴഞ്ഞ് വീഴുകയായിരുന്നു.
കൊച്ചി: കൊച്ചി കാലടിയില് പോളിംഗ് ബൂത്തില് വെച്ച് വോട്ടര് കുഴഞ്ഞു വീണു മരിച്ചു. കാലടി ശ്രീമൂലനഗരം സ്വദേശി ബാബു (74) ആണ് മരിച്ചത്. ശ്രീമൂലനഗരം അകവൂര് സ്കൂളിലാണ് ബാബു വോട്ട് ചെയ്യാന് എത്തിയത്.
പോളിംഗ് ബൂത്തില് വച്ച് ബാബു കുഴഞ്ഞ് വീഴുകയായിരുന്നു. ഉടന് സമീപത്തുളള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
കൊല്ലത്തും വോട്ട് ചെയ്യാനെത്തിയ വയോധികന് കുഴഞ്ഞുവീണ് മരിച്ചു. നീരാവില് എസ്എന്ഡിപി സ്കൂളിലെ ബൂത്തിലാണ് സംഭവം. നീരാവില് സ്വദേശി ശശിധരന് (74) ആണ് മരിച്ചത്.
ബൂത്തില് കുഴഞ്ഞുവീണ വയോധികനെ മതിലില് മാതാ ഹോസ്പിറ്റലില് എത്തിച്ചെങ്കിലും മരിച്ചിരുന്നു. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
news
ചെന്നൈയില് ഒളിവില് കഴിഞ്ഞ കലാമണ്ഡലം കനകകുമാര് പിടിയില്; അഞ്ച് പോക്സോ കേസുകളില് പ്രതി
കൂടിയാട്ടം വിഭാഗത്തിലെ അധ്യാപകനായ ഇയാളിനെതിരെ ആദ്യമായി രണ്ട് വിദ്യാര്ത്ഥികളുടെ മൊഴി അടിസ്ഥാനമാക്കി കേസ് എടുത്തിരുന്നു.
പോക്സോ കേസുകളില് പ്രതിയായ കലാമണ്ഡലം അധ്യാപകന് കനകകുമാറിനെ ചെന്നൈയില് നിന്ന് പൊലീസ് അറസ്റ്റ് ചെയ്തു. കൂടിയാട്ടം വിഭാഗത്തിലെ അധ്യാപകനായ ഇയാളിനെതിരെ ആദ്യമായി രണ്ട് വിദ്യാര്ത്ഥികളുടെ മൊഴി അടിസ്ഥാനമാക്കി കേസ് എടുത്തിരുന്നു. തുടര്ന്ന് മൂന്ന് വിദ്യാര്ത്ഥികളും മൊഴി നല്കിയതോടെ മൊത്തം അഞ്ച് പോക്സോ കേസുകളായി.
വിദ്യാര്ത്ഥികള് ഉന്നയിച്ച അപമര്യാദ പെരുമാറ്റ ആരോപണങ്ങളെ തുടര്ന്ന് കലാമണ്ഡലം അധികൃതര് തന്നെയാണ് പത്താം തീയതി ഔദ്യോഗികമായി പരാതി നല്കിയത്. കേസ് രജിസ്റ്റര് ചെയ്തതോടെ ചെറുതുരുത്തി പൊലീസ് അന്വേഷണം ആരംഭിച്ചെങ്കിലും കനകകുമാര് ഒളിവില് പോയിരുന്നു.
പ്രശ്നം വഷളായ സാഹചര്യത്തില് കലാമണ്ഡലം ഇയാളെ സേവനത്തില് നിന്നും പുറത്താക്കി. വിവരം ലഭിച്ചതിനെ തുടര്ന്ന് പൊലീസ് ചെന്നൈയില് നടത്തിയ അന്വേഷണത്തിലാണ് ഇയാളെ പിടികൂടിയത്. തുടര്ന്ന് പ്രതിയെ കോടതിയില് ഹാജരാക്കി റിമാന്ഡ് ചെയ്തു.
-
india2 days agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
india1 day ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി
-
kerala14 hours ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala2 days agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
editorial3 days agoമുന്നാ ഭായ് ഫ്രം സി.പി.എം
-
Sports2 days ago2026 ഫിഫ ലോകകപ്പ് ഫിക്സ്ച്ചര്; മത്സരങ്ങള് 104
-
kerala1 day agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
india1 day agoവന്ദേമാതര ഗാനം ബിജെപി പ്രചരണം ആത്മാര്ത്ഥത ഇല്ലാത്തത്: കെസി വേണുഗോപാല് എംപി