Video Stories
നോട്ട് പിന്വലിക്കല് കൃത്യമായ മുന്നൊരുക്കത്തോടെ; മന്ത്രിമാരെ പുറത്തിറങ്ങാന് അനുവദിച്ചില്ല
ന്യൂഡല്ഹി: കള്ളപ്പണമിടപാടിനു തടയിടാന് സര്ക്കാര് നടത്തിയ നോട്ട് അസാധുവാക്കല് നീക്കം കൃത്യമായ മുന്നൊരുക്കത്തോടെയെന്ന് റിപ്പോര്ട്ട്. മന്ത്രിസഭാ യോഗത്തിനു ശേഷം പ്രധാനമന്ത്രി രാജ്യത്തോടായി നടത്തിയ അഭിസംബോധനയിലാണ് 500ന്റെയും 1000ത്തിന്റെയും നോട്ടുകള് അസാധുവാക്കിയെന്ന അറിയിപ്പ് പുറം ലോകമറിയുന്നത്.
യോഗത്തില് പങ്കെടുത്ത കേന്ദ്ര മന്ത്രിമാര് യോഗം കഴിഞ്ഞ് മണിക്കൂറുകള്ക്ക് ശേഷമാണ് പുറത്തിറങ്ങിയത്. പ്രധാനമന്ത്രി രാഷ്ട്രത്തെ അഭിസംബോധന ചെയ്ത് നോട്ടുകള് അസാധുവാക്കുന്നു എന്ന വാര്ത്ത ചാനലുകള് സംപ്രേഷണം ചെയ്ത ശേഷം മാത്രമാണ് കേന്ദ്ര മന്ത്രിമാര്ക്ക് യോഗ വേദിയില് നിന്ന് പുറത്തിറങ്ങാന് അനുമതി ലഭിച്ചത്.
ഒരു രീതിയിലും നോട്ടുകള് പിന്വലിക്കുന്നു എന്ന വിവരം പുറം ലോകമറിയരുത് എന്ന ലക്ഷ്യമായിരുന്നു ഈ നീക്കങ്ങള്ക്കു പിന്നില്. അറിയിപ്പുകളും നിര്ദേശങ്ങളും പുറത്തു വരും മുന്പ്ആര്ബിഐയിലെ ഉയര്ന്ന ഉദ്യോഗസ്ഥരും ജാഗരൂകരായിരുന്നു. ഇവരും പുറത്ത് പോയില്ല. ജപ്പാനും ഇന്ത്യയും തമ്മിലുള്ള കരാറുകളുടെ മേലുള്ള ചര്ച്ചയില് പങ്കെടുക്കാനായാണ് മന്ത്രിമാര് കാബിനറ്റ് യോഗത്തില് എത്തിയത്. ഉയര്ന്ന മൂല്യമുള്ള നോട്ടുകള് പിന്വലിക്കാന് പോകുന്നുവെന്ന വിഷയം ചര്ച്ചയില് വരുമെന്ന് മുന്കൂട്ടി മന്ത്രിമാരെ അറിയിച്ചിരുന്നില്ല. യോഗം തുടങ്ങുന്നതിന് 10 മിനിറ്റ് മുന്പു മാത്രമാണ് നോട്ടുകള് അസാധുവാക്കുന്ന കാര്യം വെളിപ്പെടുത്തിയത്.
500, 1000 നോട്ടുകള് പിന്വലിക്കുന്നെന്ന വിവരം രാത്രി എട്ടുമണിയോടെയാണ് രാജ്യത്തെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി അറിയിച്ചത്. യോഗം 6.45ന് ആരംഭിച്ചെങ്കിലും പ്രധാനമന്ത്രിയുടെ അഭിസംബോധന അവസാനിച്ചതിനുശേഷം ഒന്പതുമണിയോടെയാണു മന്ത്രിമാര്ക്കു ഹാളില്നിന്നു പുറത്തിറങ്ങാനായത്. മന്ത്രിസഭായോഗവും ആര്ബിഐ ബോര്ഡ് യോഗവും ഒരേ സമയത്തു ചേരുന്നതിനായാണു മന്ത്രിസഭായോഗം വൈകുന്നേരത്തേക്കു മാറ്റിയത്. ആഴ്ചകള്ക്കു മുന്പേ തന്നെ ക്യാബിനറ്റ് യോഗങ്ങളില് മന്ത്രിമാര് മൊബൈല് ഫോണ് കൊണ്ടുവരുന്നത് ഒഴിവാക്കണമെന്ന സര്ക്കുലറും പുറത്തിറക്കിയിരുന്നു. ഇങ്ങനെ വളരെ കൃത്യമായ മുന്നൊരുക്കത്തോടെയും മാര്ഗനിര്ദേശത്തോടെയുമാണ് വലിയൊരു സാമ്പത്തിക മാറ്റത്തിനു രാജ്യം ഒരുങ്ങിയ വിവരം പുറംലോകമറിയുന്നത്.
Video Stories
ജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
ജാതി വിവേചനത്തെ തുടര്ന്ന് ബിജെപിയില് പൊട്ടിത്തെറി. പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
തിരൂര് നഗരസഭയില് ബിജെപി സ്ഥാനാര്ഥിയായി ഉദേഷിനെ പരിഗണിച്ചിരുന്നു. കാലങ്ങളായി ചിലര് സീറ്റുകള് കുത്തകയാക്കി വെച്ചിരിക്കുകയായിരുന്നുവെന്നും അദ്ദേഹം ആരോപിച്ചു. പാര്ട്ടിയില്നിന്ന് ജാതി വിവേചനം നേരിട്ടെന്ന് ഉദേഷ് പറഞ്ഞു. ഉദേഷിനെ പിന്തുണയ്ക്കുന്നവരും രാജിഭീഷണി മുഴക്കി.
News
എഐ തട്ടിപ്പുകളില് കുടുങ്ങരുത്; മുന്നറിയിപ്പുമായി ഗൂഗിള്
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി. വ്യാജ തൊഴില് അവസരങ്ങള്, ക്ലോണ് ചെയ്ത ബിസിനസ് വെബ്സൈറ്റുരള്, യഥാര്ത്ഥ ആപ്ലിക്കേഷനുകളോട് സാമ്യമുള്ള കബളിപ്പിക്കാന് വേണ്ടി നിര്മ്മിക്കുന്ന ആപ്പുകള് എന്നിവ നിര്മ്മിക്കാന് ഇപ്പോള് സൈബര് കുറ്റവാളികള് ജനറേറ്റീവ് എഐ ടൂളുകള് വിനിയോഗിക്കുന്നതായി ഗൂഗുളിന്റെ ട്രസ്റ്റ് ആന്ഡ് സേഫ്റ്റി ടീം വ്യക്തമാക്കി. ഗൂഗിളിന്റെ മുന്നറിയിപ്പ് പ്രകാരം ഈ തട്ടിപ്പുകളില് പ്രധാനമായും തൊഴിലന്വേഷകരെയും ചെറുകിട ബിസിനസ് ഉടമകളെയും ലക്ഷ്യമിടുന്നു. പലപ്പോഴും അറിയപ്പെടുന്ന കമ്പനികളുടെയോ സര്ക്കാര് ഏജന്സികളുടെയോ പേരില് വ്യാജ ജോലി ലിസ്റ്റിംഗുകള് സൃഷ്ടിക്കപ്പെടുന്നു. ഇരകളോട് വ്യക്തിഗത വിവരങ്ങള് പങ്കിടാനും, ജോലി പ്രോസസ്സിംഗ് ഫീസ് എന്ന പേരില് പണം അടയ്ക്കാനും ആവശ്യപ്പെടുന്നതാണ് സാധാരണ രീതി. ചിലര് മാല്വെയര് ഇന്സ്റ്റാള് ചെയ്യാനോ ഡാറ്റ മോഷ്ടിക്കാനോ ലക്ഷ്യമിട്ടുള്ള വ്യാജ അഭിമുഖ സോഫ്റ്റ്വെയറുകളും അയക്കുന്നു. ഇത്തരം തട്ടിപ്പുകള് വ്യക്തികള്ക്കും സ്ഥാപനങ്ങള്ക്കും ഗുരുതരമായ ഭീഷണിയാണെന്ന് ഗൂഗിള് മുന്നറിയിപ്പ് നല്കി. നിയമാനുസൃത തൊഴിലുടമകള് ഒരിക്കലും സാമ്പത്തിക വിവരങ്ങളോ പേയ്മെന്റെ് ആവശ്യങ്ങളോ ഉന്നയിക്കില്ലെന്നും ഉപയോക്താക്കള് ഓണ്ലൈനില് കൂടുതല് ജാഗ്രത പാലിക്കണമെന്നും ഗൂഗിള് വ്യക്തമാക്കി.
Video Stories
കടം വാങ്ങിയ പൈസ കൊണ്ടെടുത്ത ലോട്ടറിക്ക് 11 കോടി സമ്മാനം; സുഹൃത്തിന് 1 കോടി നല്കി പച്ചക്കറി കച്ചവടക്കാരന്
ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്.
ജയ്പൂര്: ജീവിതം മുഴുവന് മാറ്റിമറിച്ച ഭാഗ്യചിരിയിലൂടെ രാജസ്ഥാനിലെ പച്ചക്കറി കച്ചവടക്കാരന് കോടിപതിയായി. കടം വാങ്ങിയ പണത്തില് വാങ്ങിയ ലോട്ടറി ടിക്കറ്റിനാണ് 11 കോടി രൂപയുടെ ജാക്ക്പോട്ട് അടിച്ചത്. അതിലെ ഒരു കോടി രൂപ സുഹൃത്തിന് നല്കി അമിത് സെഹ്റ മനുഷ്യസ്നേഹത്തിന്റെ മാതൃകയായി. ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്. റോഡരികില് ചെറിയ വണ്ടിയില് പച്ചക്കറികള് വിറ്റ് ഉപജീവനം നടത്തുന്നയാളാണ് അദ്ദേഹം. ഒക്ടോബര് 16-ന് സുഹൃത്ത് മുകേഷ് സെന്നിനൊപ്പം പഞ്ചാബിലേക്ക് പോയപ്പോള് ബതിന്ഡയിലെ ചായക്കടക്കരികിലെ സ്റ്റാളില് നിന്നാണ് രണ്ട് ലോട്ടറി ടിക്കറ്റുകള് വാങ്ങിയത്. കയ്യില് പണമില്ലാത്തതിനാല് മുകേഷിനോട് 1000 രൂപ കടം വാങ്ങുകയായിരുന്നു. ഒക്ടോബര് 31ന് രാത്രി 10 മണിക്ക് മുകേഷിന്റെ ഫോണ് കോളിലൂടെയാണ് 11 കോടിയുടെ ജാക്ക്പോട്ട് അടിച്ചതറിയുന്നത്. രണ്ടാമത്തെ ടിക്കറ്റിനും 1000 രൂപ സമ്മാനമായി ലഭിച്ചു. ലോട്ടറി അടിച്ച വിവരം അറിഞ്ഞപ്പോള് ആദ്യം ഓര്ത്തത് സുഹൃത്ത് മുകേഷിനെയായിരുന്നു. അദ്ദേഹത്തിന്റെ രണ്ട് പെണ്മക്കള്ക്ക് 50 ലക്ഷം രൂപ വീതം ആകെ ഒരു കോടി നല്കുമെന്ന് അമിത് പറഞ്ഞു. ‘ പഞ്ചാബിലേക്ക് വരാന്പോലും 8,000 രൂപ കടം വാങ്ങിയിരുന്നു. അത് ഇപ്പോള് തിരിച്ചടക്കും. കോടിപതിയായെങ്കിലും ഞാന് പഴയപോലെ കച്ചവടം തുടരും. ഭാര്യയുടെ ആഗ്രഹം പോലെ സ്ഥലം വാങ്ങി വീട് പണിയും ‘ എന്നതായിരുന്നു അമിതിന്റെ പ്രതികരണം. സാധാരണ മനുഷ്യന്റെ മനോഹരമായ പങ്കുവെക്കലാണ് ഇപ്പോള് സോഷ്യല് മീഡിയയില് ചര്ച്ചയായിരിക്കുന്നത്.
-
GULF5 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories17 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു