india
ഇനി ക്യാമറയുള്ള നോട്ട്, അതാകുമ്പോ വീഡിയോകളും ചെയ്യാമല്ലോ? സമൂഹ മാധ്യമങ്ങളില് ട്രോള് പൂരം
അന്ന് ഏറെ കൊട്ടിയാഘോഷിച്ച് കൊണ്ടുവന്ന 2000 നോട്ടാണ് ഇന്ന് വീണ്ടും നിരോധിച്ചിരിക്കുന്നതെന്ന് പലരും ചൂണ്ടിക്കാട്ടുന്നു.
2000 രൂപ നോട്ട് പിന്വലിച്ചുള്ള റിസര്വ് ബാങ്കിന്റെ പ്രഖ്യാപനത്തിന് പിന്നാലെ സമൂഹമാധ്യമങ്ങളില് കനത്ത പരിഹാസവുമായി ട്രോളന്മാര്. 2016ല് 1000വും 500ഉ െനിരോധിച്ചതിന്റെ ആഘാതത്തില് നിന്ന് കരകയറും മുമ്പ് വീണ്ടും നിരോധനം. അന്ന് ഏറെ കൊട്ടിയാഘോഷിച്ച് കൊണ്ടുവന്ന 2000 നോട്ടാണ് ഇന്ന് വീണ്ടും നിരോധിച്ചിരിക്കുന്നതെന്ന് പലരും ചൂണ്ടിക്കാട്ടുന്നു.
അടുത്തത് ക്യാമറയുള്ള നോട്ടായിരിക്കുമെന്നും അതാകുമ്പോള് വീഡിയോ കോള് ചെയ്യാമല്ലോയെന്നാണ് ഒരു പരിഹാസം. 2000 നോട്ടിലെ ചിപ്പിന്റെ ചാര്ജ് തീര്ന്നതു കൊണ്ടാവാം പിന്വലിക്കുന്നതെന്ന് മറ്റൊന്ന്.
ഇത്തരത്തിലുള്ള നിരവധി ട്രോളുകളാണ് സമൂഹമാധ്യമങ്ങളില് കൊട്ടിയാഘോഷിക്കുന്നത്.
സര്ക്കാറിനെ ട്രോളി കൊണ്ട് വന്ന വിവിധ പ്രതികരണങ്ങള്
പി.പി. രമേഷ്
2016ല്
2000 നോട്ടില് പതിച്ച നാനോ ചിപ്പുകളുടെ ഇന്നത്തെ അന്താരാഷ്ട്ര നിലവാരം
പത്തിരട്ടി കടന്ന് (അന്ന് 800 രൂപ) 8000 രൂപയ്ക്കടുത്താണ്.
ഇന്ത്യയെ ട്രില്യന് ഡോളര് സമ്പദ് വ്യവസ്ഥയ്ക്ക് ഉടമകളാക്കാന് ഇതു തന്നെയാണ് സന്ദര്ഭമെന്ന് കേന്ദ്ര ഭരണാധികാരികള് കാണുന്നു.
2000 രൂപ തിരിച്ചെടുത്ത് ചിപ്പ് വിദേശ രാജ്യങ്ങള്ക്ക് വില്ക്കുക വഴി കോടാനുകോടി വിദേശനാണ്യം നേടാനുള്ള അവസരമാണ്
രാജ്യത്തിന് കൈവന്നിരിക്കുന്നത്. നോട്ട് നിരോധനവും അതുവഴി പൂര്ണ്ണമായി കള്ളപ്പണത്തെ ഒഴിവാക്കുകയും ചെയ്ത് 2000 ഇറക്കാനുള്ള ബുദ്ധി ഉപദേശിച്ച നാഗ്പൂര് സംഘമാണ് ഈ തന്ത്രവും വേണ്ടപ്പെട്ടവരെ അറിയിച്ചത്. 15 ലക്ഷത്തിനു പകരം 30 ലക്ഷം ഓരോ എക്കൗണ്ടിലുമെത്തിക്കാന് ഈ തുക മതിയാകുമെന്നും അവര് കണക്കുകൂട്ടുന്നു.
റിയാസ് സുലൈമാന്
എ ഐ നോട്ടിറക്കാനാണ്
2000 പിന്വലിച്ചത്
കള്ളപ്പണമെല്ലാം പിടിച്ചു.അങ്ങിനെ ഞങ്ങള് എല്ലാ കള്ളപ്പണവും പിടിച്ചിരിക്കുന്നു.ഇനി 2000 രൂപ നോട്ടുകള്ക്ക് വിശ്രമിക്കാം..നല്ലരീതിയില് മുന്നോട്ട് പോയിരുന്ന ഒരു രാജ്യത്തിന്റെ സാമ്പത്തിക ഭദ്രത തകര്ത്ത സൈക്കോ മോഡിക്കിരിക്കട്ടെ കുതിരപ്പവന്.
‘Q’ നിന്ന് കൊണ്ട് രാജ്യത്തെ രക്ഷിക്കാന് സഹായിച്ച 2000 രൂപ നോട്ടില് ചിപ്പ് ഉണ്ടെന്ന് വരെ തള്ളി മറിച്ച സങ്കി കുട്ടന്മാര്ക്കും ഇരിക്കട്ടെ ഒരു കുതിരപ്പവന്..ഓരോരോ ഹിമാറുകള് കാരണം കൊറേ പാവങ്ങള് തല്ല് കൊണ്ടതിനും ജീവന് പോയതിനും ആര് സമാധാനം പറയും.
ഇജ്ജാതി സൈക്കോ പ്രധാന് മന്ത്രിജി. ??
ഫാ. വര്ഗീസ് കോശി
ഭായിയോം ബഹനോം 2000 രൂപ കൈയിലുള്ള മിത്രങ്ങള് എത്രയും വേഗം അതിനുള്ളിലെ ചിപ്പ് ഊരിയെടുത്ത് അടുത്തുള്ള കമ്പ്യൂട്ടര് കടയില് കൊടുക്കേണ്ടതാണ്. 5000 രൂപ വരെ കിട്ടുമെന്നാണ് അറിയാന് കഴിഞ്ഞത്… പക്ഷെ ഇനി വരാന് പോകുന്ന 5000ന്റെ നോട്ടില് ഫ്രീ Wi-Fi വരെ ഉണ്ടെന്നാ കേട്ടത്…
india
പോക്സോ കേസ്; ബിജെപി നേതാവ് ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി
ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്.
പ്രായപൂര്ത്തിയാവാത്ത പെണ്കുട്ടിയെ ലൈംഗികാതിക്രമത്തിനിരയാക്കിയ കേസില് കര്ണാടക മുന്മുഖ്യമന്ത്രിയും ബിജെപി നേതാവുമായ ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി. ഡിസംബര് രണ്ടിന് കേസ് പരിഗണിക്കുമ്പോള് പ്രതികള് ഹാജരാവണമെന്നാണ് സമന്സ്. കേസില് യെദ്യൂരപ്പയെ കൂടാതെ അരുണ് വൈ.എം, രുദ്രേഷ് മരുളസിദ്ധയ്യ, ജി. മാരിസ്വാമി എന്നിവരാണ് മറ്റ് പ്രതികള്.
ബംഗളൂരു സദാശിവനഗര് പൊലീസാണ് അതിജീവിതയുടെ അമ്മ നല്കിയ പരാതിയില് യെദ്യൂരപ്പയുടെ പേരില് പോക്സോ വകുപ്പ് ചുമത്തി കേസെടുത്തത്. 17 വയസുള്ള തന്റെ മകളെ യെദ്യൂരപ്പ വീട്ടില് വെച്ച് ലൈംഗികമായി ഉപദ്രവിച്ചു എന്നാണ് പെണ്കുട്ടിയുടെ അമ്മയുടെ പരാതി. അന്വേഷണം പിന്നീട് സര്ക്കാര് സിഐഡിക്ക് കൈമാറി. കേസ് പരിഗണിക്കുന്ന ബംഗളൂരുവിലെ ജനപ്രതിനിധികളുടെ പ്രത്യേക കോടതി യെദ്യൂരപ്പയോട് ഹാജരാകാന് ആവശ്യപ്പെട്ട് സമന്സ് അയച്ചത് ചോദ്യം ചെയ്ത് യെദ്യൂരപ്പ ഹൈക്കോടതിയെ സമീപിച്ചു. എന്നാല്, കേസ് റദ്ദാക്കണമെന്ന യെദ്യൂരപ്പയുടെ ആവശ്യം ഹൈക്കോടതി തള്ളിയിരുന്നു.
കേസില് യെദ്യൂരപ്പ വിചാരണ നേരിടണമെന്നും ഹൈക്കോടതി വിധിച്ചിരുന്നു. കേസിന്റെ വിചാരണയില് അത്യാവശ്യമല്ലെങ്കില് നേരിട്ട് ഹാജരാകാന് യെദ്യൂരപ്പയെ നിര്ബന്ധിക്കരുതെന്ന് കോടതി ഉത്തരവിട്ടു. ജസ്റ്റിസ് എം.ഐ അരുണിന്റെ സിംഗിള് ബെഞ്ചിന്റെയായിരുന്നു വിധി. ഹൈക്കോടതി വിധിക്ക് പിന്നാലെ സ്പെഷ്യല് പബ്ലിക്ക് പ്രോസിക്യൂട്ടര് അശോക് നായിക് അതിവേഗ കോടതിയെ സമീപിക്കുകയായിരുന്നു.
india
പഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്.
ന്യൂഡല്ഹി: വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് വന്തോതില് വര്ധിപ്പിച്ച് കേന്ദ്ര സര്ക്കാര് സെന്ട്രല് മോട്ടോര് വെഹിക്കിള്സ് നിയമങ്ങളില് ഭേദഗതി വരുത്തി. നിലവിലെ നിരക്കിനെക്കാള് 10 ഇരട്ടി വരെ കൂടുതല് ഫീസാണ് പുതിയ നിയമപ്രകാരം ഈടാക്കുക. ഇതോടൊപ്പം, ഫിറ്റ്നസ് ടെസ്റ്റ് നിര്ബന്ധമാകുന്ന പ്രായപരിധിയും 15 വര്ഷത്തില് നിന്ന് 10 വര്ഷമായി കുറച്ചു. വാഹനങ്ങളുടെ പ്രായം 10-15 വര്ഷം, 15-20 വര്ഷം, 20 വര്ഷത്തിലധികം എന്നിങ്ങനെ മൂന്നു വിഭാഗങ്ങളായി തിരിച്ച് ഫീസ് വര്ധിപ്പിച്ചിട്ടുണ്ട്. വാഹനം പഴക്കമാകുന്നതനുസരിച്ച് ഉയര്ന്ന നിരക്കാണ് ഇനി ബാധകമാകുന്നത്.
20 വര്ഷത്തിലധികം പഴക്കമുള്ള ഹെവി കൊമേഴ്സ്യല് വാഹനങ്ങള്ക്കാണ് ഏറ്റവും വലിയ വര്ധനവ്. ഇതുവരെ 2,500 രൂപയായിരുന്ന ഫിറ്റ്നസ് ടെസ്റ്റ് ഫീസ് ഇനി 25,000 രൂപ ആകും. ഇതേ പ്രായത്തിലുള്ള മിഡിയം കൊമേഴ്സ്യല് വാഹനങ്ങള് 1,800 രൂപയ്ക്ക് പകരം 20,000 രൂപ നല്കണം. ലൈറ്റ് മോട്ടോര് വാഹനങ്ങള്ക്ക് 15,000 രൂപയും മൂന്ന് ചക്രവാഹനങ്ങള്ക്ക് 7,000 രൂപയും ഈടാക്കും. 20 വര്ഷം പഴക്കമുള്ള ടു വീലറുകളുടെ ഫീസ് 600 രൂപയില് നിന്ന് 2,000 രൂപ ആയി ഉയര്ന്നു. പുതുക്കിയ റൂള് 81 പ്രകാരം 15 വര്ഷത്തില് താഴെ പഴക്കമുള്ള വാഹനങ്ങള്ക്കും ഫീസ് വര്ധിച്ചിട്ടുണ്ട്. മോട്ടോര്സൈക്കിളുകള്ക്കായി 400 രൂപ, LMV-കള്ക്കായി 600 രൂപ, മിഡിയം-ഹെവി കൊമേഴ്സ്യല് വാഹനങ്ങള്ക്കായി 1,000 രൂപ എന്നിങ്ങനെയാണ് പുതിയ നിരക്ക്. റോഡുകളില് നിന്ന് പഴയതും സുരക്ഷിതമല്ലാത്തതുമായ വാഹനങ്ങള് നീക്കം ചെയ്യാനും വാഹന സ്ക്രാപ്പേജ് നയത്തെ പ്രോത്സാഹിപ്പിക്കാനുമാണ് ഈ ഫീസ് വര്ധനയെന്ന് സര്ക്കാര് അറിയിച്ചു. ഉയര്ന്ന നിരക്ക് പഴക്കം ചെന്ന വാഹനങ്ങള് ഉപയോഗിക്കുന്നത് ചെലവേറിയതാക്കിയതിനാല്, അവ മാറ്റി പുതിയ മോഡലുകള് വാങ്ങാന് ഉടമകള് നിര്ബന്ധിതരാകുമെന്നും വിലയിരുത്തപ്പെടുന്നു.പുതിയ ഫീസ് രാജ്യത്തുടനീളം ഉടന് പ്രാബല്യത്തില് വന്നു.
india
ആംബുലന്സിന് തീ പിടിച്ചു; പിഞ്ചുകുഞ്ഞും ഡോക്ടറും നേഴ്സുമടക്കം 4 മരണം
പരിക്കേറ്റ മൂന്ന് പേരെയും പൊള്ളലേറ്റ് ആശുപത്രിയില് പ്രവേശിപ്പിച്ചിരിക്കുകയാണ്.
ഗുജറാത്തിലെ മൊദാസയില് ചികിത്സയ്ക്കായി യാത്ര ചെയ്യുകയായിരുന്ന സ്വകാര്യ ആശുപത്രിയുടെ ആംബുലന്സിന് തീപിടിച്ച് നവജാത ശിശുവും ഡോക്ടറും നഴ്സും ഉള്പ്പെടെ നാല് പേര് ദാരുണമായി മരിച്ച സംഭവത്തില് മൂന്ന് പേര്ക്ക് പരിക്കേറ്റു. സംഭവം പുലര്ച്ചെ 12:45ഓടെ മൊദാസ പട്ടണത്തില് നിന്ന് ഒരു കിലോമീറ്റര് മാറിയിടത്താണ് നടന്നത്. മഹിസാഗറിലെ ലുനാവാഡയില് നിന്നെത്തിയ കുടുംബം ആദ്യമായി മൊദാസയിലേക്കാണ് കുഞ്ഞിനെ ചികിത്സയ്ക്കായി കൊണ്ടുവന്നത്. കുഞ്ഞിന്റെ നില വഷളായതിനെ തുടര്ന്ന് അഹമ്മദാബാദിലേക്ക് മാറ്റാന് തീരുമാനിച്ചപ്പോള്, യാത്രാമധ്യേ ആംബുലന്സില് തീപിടിത്തമുണ്ടായി. രോഗബാധിതനായ കുഞ്ഞിനെയും കുടുംബത്തെയും മാറ്റിക്കൊണ്ടുപോകുന്നതിനിടെയായിരുന്നു അപകടമെന്ന് ആരവല്ലി ജില്ലാ പൊലീസ് സൂപ്രണ്ട് മനോഹര്സിങ് ജഡേജ അറിയിച്ചു. തീപിടുത്തത്തിന്റെ കൃത്യമായ കാരണം ഫോറന്സിക് വിദഗ്ധരുടെ പരിശോധനയ്ക്ക് ശേഷം മാത്രമേ വ്യക്തമാകൂവെന്ന് എസ്.പി കൂട്ടിച്ചേര്ത്തു. പരിക്കേറ്റ മൂന്ന് പേരെയും പൊള്ളലേറ്റ് ആശുപത്രിയില് പ്രവേശിപ്പിച്ചിരിക്കുകയാണ്.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india10 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം