Culture
വിന്‍ഡീസിനെതിരായ രണ്ടാം ടെസ്റ്റ് നാളെ
കിംഗ്സ്റ്റണ്‍: വെസ്റ്റ് ഇന്‍ഡീസിനെതിരായ രണ്ടാം ടെസ്റ്റിന് നാളെ തുടക്കമാകും. കിംഗ്സ്റ്റണിലെ സബീന പാര്‍ക്കിലാണ് മത്സരം. ആദ്യ ടെസ്റ്റില്‍ അനായാസ വിജയം സ്വന്തമാക്കിയ ഇന്ത്യ പൂര്‍ണ ആത്മവിശ്വാസത്തിലാണ്. ആദ്യ ടെസ്റ്റില്‍ സമ്പൂര്‍ണ വിജയം സ്വന്തമാക്കിയ ഇന്ത്യന്‍ ടീമില്‍ മാറ്റങ്ങള്‍ സാധ്യതയുണ്ട്.ഏകദിനത്തില്‍ തീര്‍ത്തും നിറം മങ്ങിയ രോഹിത് ശര്‍മയെ ആദ്യ ടെസ്റ്റിനുള്ള ടീമില്‍ ഉള്‍പ്പെടുത്തിയിരുന്നില്ല. വിക്കറ്റ് കീപ്പര്‍ ബാറ്റ്‌സ്മാന്‍ ഋഷഭ് പന്ത് ഫോം വീണ്ടെടുക്കാന്‍ പരുങ്ങുന്നത്‌കൊണ്ട് പകരക്കാരനായി സഹക്ക് അവസരം ലഭിക്കും. ഇന്ത്യ എയുടെ വെസ്റ്റ് ഇന്‍ഡീസ് പരമ്പരയില്‍ രണ്ട് അര്‍ധസെഞ്ചുറികള്‍ കുറിച്ച് വൃദ്ധിമാന്‍ സാഹ മികവുകാട്ടിയ സാഹചര്യത്തില്‍ പന്തിന് പുറത്തേക്കുള്ള വഴി തെളിയും.
ട്വന്റി20 പരമ്പരയിലെ മൂന്ന് മല്‍സരങ്ങളും ജയിച്ച് പരമ്പര തൂത്തുവാരിയ ഇന്ത്യ ഏകദിന പരമ്പരയും നേടിയിരുന്നു. ടെസ്റ്റ് പരമ്പര കൂടി സ്വന്തമാക്കി ചരിത്രത്തിലാദ്യമായി വിന്‍ഡീസ് പര്യടനത്തില്‍ മൂന്ന് ഫോര്‍മാറ്റിലും പരമ്പര വിജയമെന്ന നേട്ടം സ്വന്തമാക്കലാണ് ഇന്ത്യയുടെ ലക്ഷ്യം
പകരക്കാരെത്തും
ആദ്യ ടെസ്റ്റില്‍ ഫോം കണ്ടെത്താന്‍ സാധിക്കാത്തവര്‍ക്ക് പകരക്കരെത്തിയേക്കും. ഏകദിനത്തില്‍ നിറം മങ്ങിയ വിക്കറ്റ് ബാറ്റ്‌സ്മാന്‍ ഋഷഭ് പന്തിന് പകരക്കാരനായി വൃദ്ധിമാന്‍ സാഹ തിരച്ചെത്തിയേക്കും. ഇന്ത്യ എയ്ക്കായി രണ്ട് അര്‍ധസെഞ്ചുറികള്‍ കുറിച്ച താരമാണ് സഹ. ബാറ്റിങ്ങിനൊപ്പം വിക്കറ്റ് കീപ്പറെന്ന നിലയില്‍ സാഹ പന്തിനേക്കാള്‍ മുന്നില്‍ നില്‍ക്കുന്നതും സഹക്ക് ഗുണം ചെയ്യും. ഏകദിന മത്സരങ്ങളില്‍ ഇന്ത്യന്‍ ഓപ്പണറായ രോഹിത്ത് ശര്‍മയെ ടെസ്റ്റിലും കളിപ്പിക്കണമെന്ന് അഭിപ്രായം ഉയരുന്ന സാഹചര്യത്തില്‍ മയങ്ക് അഗര്‍വാളിന് പകരക്കാരനായി രോഹിത്ത് എത്തിയേക്കും.
രക്ഷിക്കുമോ കീമോ
രണ്ടാം ടെസ്റ്റില്‍ വെസ്റ്റ് ഇന്‍ഡീസ് ഓള്‍ റൗണ്ടര്‍ കീമോ പോള്‍ ടീമിലെത്തിയിട്ടുണ്ട്. പരിക്കുകാരണം ആദ്യ ടെസ്റ്റില്‍ താരത്തിനു കളിക്കാനായിരുന്നില്ല. പോള്‍ തിരിച്ചെത്തിയതോടെ ആദ്യ ടെസ്റ്റില്‍ പകരക്കാരായി ഉള്‍പ്പെടുത്തിയ മിഗ്വെല്‍ കമ്മിന്‍സിനെ ഒഴിവാക്കി. ഒന്നാം ടെസ്റ്റില്‍ കളിച്ച കമ്മിന്‍സ് തീര്‍ത്തും നിരാശാജനകമായ പ്രകടനമാണ് നടത്തിയത്. കൂടുതല്‍ സമയം ക്രീസില്‍ നിന്നും ഒരു റണ്‍സ് പോലു നേടാന്‍ കഴിയാത്ത രണ്ടാമത്തെ ബാറ്റ്‌സമാനെന്ന നാണക്കേടിന്റെ റെക്കോര്‍ഡും കമ്മിന്‍സിന്റെ പേരിലായി ആദ്യ ടെസ്റ്റില്‍ തകര്‍ന്നടിഞ്ഞ ടീമിനെ രക്ഷകനായാണ് വിന്‍ഡീസ് ആരാധകര്‍ താരത്തെ കാണുന്നത്.
ലക്ഷ്യം ഒന്നാം സ്ഥാനം
രണ്ട് ടെസ്റ്റുകളുള്ള പരമ്പരയിലെ ആദ്യ ടെസ്റ്റില്‍ 318 റണ്‍സിന്റെ വലിയ വിജയം സ്വന്തമാക്കിയ ഇന്ത്യ ഇതിനകം ലോക ടെസ്റ്റ് ചാമ്പ്യന്‍ഷിപ്പിന്റെ പോയിന്റ് പട്ടികയില്‍ 60 പോയിന്റുമായി ഒന്നാമതെത്തി. രണ്ടാം ടെസ്റ്റിലും വിജയം സ്വന്തമാക്കി ഒന്നാം സ്ഥാനത്ത് തുടരാനാണ് ടീമിന്റെ ലക്ഷ്യം. രണ്ട് മത്സരം കളിച്ച് കീവീസാണ് രണ്ടാമത്. ശ്രീലങ്ക മൂന്നാം സ്ഥാനത്തുണ്ട്.
Film
വാഹനാപകടം; നടന്‍ ഷൈന്‍ ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും.
തമിഴ്നാട്ടിലെ വാഹനാപകടത്തില്‍ മരിച്ച നടന്‍ ഷൈന്‍ ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര്‍ മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില്‍ പൊതുദര്‍ശനത്തിന് വെക്കും. നാളെ മുണ്ടൂര്‍ പരികര്‍മ്മല മാതാ പള്ളിയിലാണ് സംസ്‌കാര ചടങ്ങുകള്‍ നടക്കുക.
വെള്ളിയാഴ്ച ധര്‍മപുരിയെയും ഹൊസൂറിനെയും തമ്മില്‍ ബന്ധിപ്പിക്കുന്ന പുതുതായി നിര്‍മിച്ച അതിവേഗ ദേശീയപാത 844ലൂടെ കാറില്‍ ബെംഗളുരുവിലേക്ക് സഞ്ചരിക്കവെയായിരുന്നു ഇവര്‍ അപകടത്തില്‍പ്പെട്ടത്. അപകടത്തില്‍ നടന്റെ ഷോള്‍ഡറിന് താഴെ മൂന്ന് പൊട്ടലുകള്‍, നട്ടെല്ലിനും ചെറിയ പൊട്ടല്‍ സംഭവിച്ചു. ശസ്ത്രക്രിയ അനിവാര്യമെങ്കിലും സംസ്‌കാര ചടങ്ങുകള്‍ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില്‍ കൂടുതല്‍ പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില്‍ ആശങ്കപ്പെടേണ്ടതില്ലെന്ന് ഡോക്ടര്‍മാര്‍ വ്യക്തമാക്കി.
Film
സാന്ദ്ര തോമസിനെതിരെ വധഭീഷണി; പരാതി നല്‍കിയിട്ടും പൊലീസ് നടപടിയെടുത്തില്ല
പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം.
നിര്‍മാതാവ് സാന്ദ്ര തോമസിനെതിരായ വധഭീഷണിയില്‍ പരാതി നല്‍കിയിട്ടും പൊലീസ് നടപടിയെടുക്കുന്നില്ലെന്ന് ആരോപണം. പരാതി നല്‍കി രണ്ട് മാസം കഴിഞ്ഞിട്ടും കാര്യമായ നടപടികളൊന്നുമുണ്ടായില്ലെന്നാണ് ആരോപണം. പാലാരിവട്ടം പൊലീസിനെതിരെ ഡിജിപിക്ക് പരാതി നല്‍കുമെന്നും നിര്‍മാതാവ് വ്യക്തമാക്കി.
പ്രൊഡക്ഷന്‍ കണ്‍ട്രോളറുടെ വാട്സ്ആപ്പ് ഗ്രൂപ്പില്‍ ആണ് വധഭീഷണി സന്ദേശമെത്തിയത്. ഭീഷണിയുടെ ശബ്ദസന്ദേശമടക്കം പരാതി നല്‍കിയിട്ടും പൊലീസിന്റെ ഭാഗത്ത് നിന്ന് നടപടിയുണ്ടായില്ലെന്ന് സാന്ദ്ര ആരോപിച്ചു. സാന്ദ്രയുടെ പിതാവിനെതിരെയും വധഭീഷണി മുഴക്കിയിരുന്നു.
പൊലീസിനെതിരെ ഡിജിപിക്കും വിജിലന്‍സിനും പരാതി നല്‍കുമെന്നും ഉദ്യോഗസ്ഥരുടെ ഫോണ്‍ പരിശോധിക്കണമെന്നും സാന്ദ്ര ആവശ്യപ്പെടുന്നു.
സാന്ദ്രയെ ‘തല്ലിക്കൊന്ന് കാട്ടിലെറിയും’ എന്നാണ് ശബ്ദസന്ദേശത്തിലുള്ള ഭീഷണി. സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തിലുണ്ട്.
‘എന്തുകൊണ്ടാണ് ഹേമാ കമ്മിറ്റിയിലെ പരാതിക്കാര്‍ മുന്നോട്ട് വന്നില്ലായെന്നത് ഇപ്പോള്‍ മനസ്സിലായില്ലേ. ആരെങ്കിലും ശബ്ദമുയര്‍ത്തിയാല്‍ അവരെ നിശബ്ദമാക്കുന്നതാണ് രീതി. സംഭവത്തില്‍ തൊട്ടടുത്ത ദിവസം പരാതി നല്‍കിയിരുന്നു. സ്ത്രീ ആയതുകൊണ്ടാണ് ഇത്തരത്തില്‍ ആക്രമിക്കുന്നത്. ഇവര്‍ക്കെല്ലാം സ്വാധീനമുള്ളവരുടെ പിന്തുണയുണ്ട്. ഔദ്യോഗിക ഗ്രൂപ്പില്‍ സന്ദേശം എത്തിയിട്ടും ഫെഫ്ക ജനറല്‍ സെക്രട്ടറി നടപടിയെടുത്തില്ല. രണ്ട് മാസമായി പൊലീസിന്റെ ഭാഗത്ത് നിന്നും നടപടിയുണ്ടായിട്ടില്ല. വേദനാജനകമാണ്. ഇതില്‍ നിന്നും പിന്നോട്ടില്ല’, എന്നായിരുന്നു സാന്ദ്രാ തോമസിന്റെ പ്രതികരണം.
രണ്ടുമാസം മുന്‍പ് ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് പ്രൊഡക്ഷന്‍ കണ്‍ട്രോളര്‍മാര്‍ക്കെതിരെ സാന്ദ്ര തോമസ് രംഗത്തെത്തിയത്.
-
kerala3 days agoലക്ഷദ്വീപ് സ്കൂള് ഭാഷാ പരിഷ്കരണം; ഉത്തരവ് ഇറക്കിയത് വിശദമായ പഠനം നടത്താതെ, വിമര്ശനവുമായി ഹൈക്കോടതി
-
india2 days agoകെനിയയില് വാഹനാപകടം; അഞ്ച് വിനോദസഞ്ചാരികള് മരിച്ചു
-
kerala3 days agoപാലക്കാട് പൊലീസ് ഉദ്യോഗസ്ഥനെ ട്രെയിനിടിച്ച് മരിച്ച നിലയില്‍ കണ്ടെത്തി
-
Celebrity1 day ago‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
Football2 days agoപാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്
-
News3 days agoഉപരോധം പുനഃസ്ഥാപിക്കാന് സമ്മര്ദം ശക്തമാകുന്ന സാഹചര്യത്തില്‍ ഇസ്രാഈലിന്റെ ആണവ രഹസ്യങ്ങള് പുറത്തുവിടും; ഇറാന്
-
film3 days agoഒ.ടി.ടി റിലീസിനൊരുങ്ങി ഈ മൂന്ന് ചിത്രങ്ങള് പ്രേക്ഷകരുടെ മുന്നിലേക്ക്
-
kerala2 days agoതീപിടിച്ച ചരക്കുകപ്പല് ചെരിഞ്ഞു; രക്ഷാദൗത്യം പ്രതിസന്ധിയില്