അപൂര്‍വ രോഗങ്ങള്‍ക്കുള്ള മരുന്നുകള്‍ക്ക് കസ്റ്റംസ് ഡ്യൂട്ടിയില്‍ ഇളവ്. ഇറക്കുമതിത്തീരുവ പൂര്‍ണമായും കേന്ദ്ര സര്‍ക്കാര്‍ ഒഴിവാക്കി.

അപൂര്‍വ രോഗങ്ങള്‍ സംബന്ധിച്ച ദേശീയ നയത്തില്‍ പറഞ്ഞിട്ടുള്ള എല്ലാ രോഗങ്ങള്‍ക്കും ഇളവ് ലഭിക്കുമെന്ന് കേന്ദ്രസര്‍ക്കാര്‍ വ്യക്തമാക്കി. 51 മരുന്നുകളാണ് ഈ പട്ടികയിലുള്ളത്. പട്ടികയിലെ ഏത് മരുന്ന് ഇറക്കുമതി ചെയ്യുകയാണെങ്കിലും പൂര്‍ണമായി കസ്റ്റംസ് തീരുവ ഇളവ് ലഭിക്കും. നേരത്തേ സ്പൈനല്‍ മസ്‌കുലാര്‍ അട്രോഫി ഉള്‍പ്പെടെയുള്ള അപൂര്‍വ രോഗങ്ങള്‍ക്കുള്ള മരുന്നുകള്‍ക്ക് ഇറക്കുമതിത്തീരുവ പൂര്‍ണമായി ഒഴിവാക്കിയിരുന്നു.

രാഹുല്‍ ഗാന്ധിക്ക് എതിരെ മാനനഷ്ടക്കേസില്‍ ശിക്ഷ വിധിച്ച സൂറത്ത് മജിസ്‌ട്രേറ്റ് ഹരീഷ് ഹസ്മുഖ് വര്‍മയ്ക്ക് സ്ഥാനക്കയറ്റം. നിലവില്‍ സൂറത്ത് കോടതി സിജെഎം ആയ ഹരീഷ് ഹസ്മുഖ് വര്‍മയ്ക്ക് ജില്ലാ ജഡ്ജിയായാണ് സ്ഥാനക്കയറ്റം ലഭിച്ചത്.

Is it a fact Your Lordship? https://t.co/WVB5Ij8Kme

— digvijaya singh (@digvijaya_28) March 26, 2023

മോദി സമുദായത്തെ അപകീര്‍ത്തിപ്പെടുത്തിയെന്ന കേസിലാണ് രാഹുലിന് സൂറത്ത് കോടതി രണ്ടു വര്‍ഷം തടവിന് ശിക്ഷിച്ചത്. വിധിക്ക് പിന്നാലെ 15,000 രൂപയുടെ ബോണ്ടില്‍ ജാമ്യം ലഭിക്കുകയും ചെയ്തു. 2019ലെ പൊതു തിരഞ്ഞെടുപ്പിനിടെ കര്‍ണാടകയിലെ കോലാറില്‍ വച്ചു നടത്തിയ പരാമര്‍ശമാണ് വിവാദമായത്.

ത്രിപുരയില്‍ നിയമസഭ സമ്മേളിക്കവെ സ്വന്തം മൊബൈലില്‍ അശ്ലീല ദ്യശ്യം കണ്ട എംഎല്‍എക്കെതിരെ പ്രതിഷേധം.
ത്രിപുരയിലെ ബാഗ്ബസ നിയോജക മണ്ഡലത്തില്‍ നിന്ന് എം.എല്‍.എയായ ജാദവ് ലാല്‍ നാഥ് ആണ് സംഭവത്തിന് പിന്നില്‍.

നിയമ സഭയില്‍ ബജറ്റ് സമ്മേള്ളന ചര്‍ച്ച നടക്കുമ്പോഴാണ് ഇയാള്‍ അശ്ലീല ദ്യശ്യം കണ്ടത്. സമീപത്ത് ഇരുന്നയാള്‍ ഇത് വീഡിയോ പകര്‍ത്തി പ്രചരിപ്പിക്കുകയായിരുന്നു. സംഭവം സാമൂഹ്യമാധ്യമം വഴി പ്രചരിച്ചതോടെ വലിയ രീതിയിലുള്ള പ്രതിഷേധത്തിന് വഴിവെച്ചിട്ടുണ്ട്. എന്നാല്‍ എംഎല്‍എ സംഭത്തില്‍ ഇതു വരെ പ്രതികരിച്ചിട്ടില്ല. ഇയാളോട് നേത്വത്യം വിശദീകരണം ചോദിച്ചതയാണ് റിപ്പോര്‍ട്ടുകള്‍.