Connect with us

gulf

മിഡില്‍ ഈസ്റ്റില്‍ 400 കോടി ഡോളര്‍ ടൂറിസം അധികവരുമാന സാധ്യത; ഖത്തര്‍ ലോകകപ്പ് ഗള്‍ഫിലെ ഹോട്ടല്‍ മുറികള്‍ നിറക്കുമെന്നും വിലയിരുത്തല്‍

ഖത്തറില്‍ ഹോട്ടലുകള്‍ക്കും ടൂറുകള്‍ക്കുമായി ലോകമെമ്പാടുമുള്ള ധാരാളം ആരാധകരെ ഇതിനകം മുന്‍കൂര്‍ ബുക്കിംഗ് ലഭിച്ചിട്ടുണ്ടെന്ന് ഔട്ടിംഗ്ഖത്തറിന്റെ സി.ഇ.ഒ മൊസാദ് മുസ്തഫ എലീവ പറഞ്ഞു. വിനോദസഞ്ചാര മേഖലയില്‍ വന്‍ മുന്നേറ്റമാണ് ഇതിനകമുണ്ടായത്. ആഢംബര സൗകര്യങ്ങളും ധാരാളമായി ബുക്ക് ചെയ്യപ്പെട്ടിട്ടുണ്ടെന്നും മുസ്തഫ വിശദീകരിച്ചു.

Published

on

അശ്‌റഫ് തൂണേരി

ദോഹ: മധ്യപൂര്‍വ്വേഷ്യക്കാകെ ഉണര്‍വ്വേകിയെത്തുന്ന ഖത്തര്‍ ഫിഫ ലോകകപ്പ് മേഖലയില്‍ ടൂറിസം മുഖേന 400 കോടി ഡോളര്‍ അധികവരുമാന സാധ്യതയാണ് തുറന്നിട്ടതെന്ന് വിലയിരുത്തല്‍. റെഡ് സീര്‍ സ്ട്രാറ്റജിക് കണ്‍സള്‍ട്ടിംഗ് ആണ് തങ്ങളുടെ പഠനം പുറത്തുവിട്ടതെന്ന് പ്രാദേശിക ഇംഗ്ലീഷ് ദിനപത്രം റിപ്പോര്‍ട്ട് ചെയ്തു. ഗള്‍ഫ് സഹകരണ സമിതി (ജി.സി.സി) രാജ്യങ്ങളിലെ ഹോട്ടല്‍ താമസക്കാരുടെ വര്‍ധനവിന് ഇത് കാരണമാവുമെന്നും കളിക്കിടെ ഹോട്ടല്‍ മുറികളില്‍ 100 ശതമാനവും ബുക്ക് ചെയ്യപ്പെടുമെന്നും വിദഗ്ദ്ധര്‍ അഭിപ്രായപ്പെട്ടു.

കൂടാതെ ഒന്നിലധികം പ്രാദേശിക റിപ്പോര്‍ട്ടുകളനുസരിച്ച് യു.എ.ഇ, സൗദി അറേബ്യ, ഒമാന്‍, ജോര്‍ദാന്‍ എന്നിവയുള്‍പ്പെടെ മേഖലയിലുടനീളമുള്ള ഹോട്ടലുകള്‍ ബുക്കിംഗില്‍ വന്‍ കുതിച്ചുചാട്ടം രേഖപ്പെടുത്തും. ഇത് കോവിഡ് മഹാമാരിക്ക് മുമ്പുള്ള സ്ഥിതിയിലേക്ക് വിനോദസഞ്ചാര മേഖലയെത്തുന്നതാണ് സൂചനയെന്നും വിലയിരുത്തലുണ്ട്. ദുബൈയിലെ ഹോട്ടല്‍ മുറികള്‍ ബുക്ക് ചെയ്യുന്ന സന്ദര്‍ശകരുടെ എണ്ണം ക്രമാതീതമായി വര്‍ധിച്ചുവെന്ന് മാത്രമല്ല ലോകകപ്പ് സമയത്തുള്ള മുന്‍കൂര്‍ ബുക്കിംഗ് വളരെക്കൂടുതലാണെന്നും ടൂറിസം കണ്‍സള്‍ട്ടന്‍സി ഏജന്‍സി അലോഫ്റ്റ് ദുബൈയുടെ സെയില്‍സ് ഡയരക്ടര്‍ വരുണ്‍അഹൂജ പറഞ്ഞു. ഹോട്ടല്‍ മുറികളുടെ വിലകുതിച്ചുയരുന്നുണ്ടെന്നും അദ്ദേഹം വ്യക്തമാക്കി. ഖത്തറില്‍ ഹോട്ടലുകള്‍ക്കും ടൂറുകള്‍ക്കുമായി ലോകമെമ്പാടുമുള്ള ധാരാളം ആരാധകരെ ഇതിനകം മുന്‍കൂര്‍ ബുക്കിംഗ് ലഭിച്ചിട്ടുണ്ടെന്ന് ഔട്ടിംഗ്ഖത്തറിന്റെ സി.ഇ.ഒ മൊസാദ് മുസ്തഫ എലീവ പറഞ്ഞു. വിനോദസഞ്ചാര മേഖലയില്‍ വന്‍ മുന്നേറ്റമാണ് ഇതിനകമുണ്ടായത്. ആഢംബര സൗകര്യങ്ങളും ധാരാളമായി ബുക്ക് ചെയ്യപ്പെട്ടിട്ടുണ്ടെന്നും മുസ്തഫ വിശദീകരിച്ചു.

ലോകകപ്പ് ദിനങ്ങളില്‍ ഫ്‌ളൈദുബായ് ദുബൈയില്‍ നിന്ന് പ്രതിദിനം 60 വിമാനങ്ങള്‍ വരെ സര്‍വീസ് നടത്തും. ഇതിലൂടെ 2,500 ആരാധകരെ ദോഹയിലെത്തിക്കാനാവും. ഒമാന്‍ എയര്‍ 3,400 ആരാധകരുമായി മസ്‌കറ്റില്‍ നിന്ന് പ്രതിദിനം 48 വിമാനങ്ങള്‍ വരെ പറപ്പിക്കും. കുവൈറ്റ് എയര്‍വേയ്‌സിന്റെ 20 വിമാനങ്ങളാണ് പ്രതിദിനം സര്‍വ്വീസ് നടത്തുക. ഇത് വഴി 1,700 ആരാധകരെ വരെ എത്തിക്കാനാവും. സഊദി അറേബ്യയിലെ റിയാദില്‍ നിന്നും ജിദ്ദയില്‍ നിന്നും 10,000 ആരാധകരെ വഹിച്ചുകൊണ്ട് സൗദി പ്രതിദിനം 60 ഓളം വിമാനങ്ങള്‍ ഖത്തറിലേക്ക് പറക്കും. ദുബൈ നിന്ന് ദോഹയിലേക്ക് ഏകദേശം ഒരു മണിക്കൂറും ജിദ്ദയില്‍ നിന്ന് ദോഹയിലേക്കുള്ള വിമാനത്തിന് ഏകദേശം രണ്ട് മണിക്കൂര്‍ മുപ്പത് മിനിറ്റുമാണ് സമയദൈര്‍ഘ്യം. മസ്‌കറ്റില്‍ നിന്ന് ദോഹയിലേക്ക് ഏകദേശം ഒന്നര മണിക്കൂറെടുക്കും.

അമ്മാനില്‍ നിന്ന് ദോഹയിലേക്കാകട്ടെ ഏകദേശം രണ്ട് മണിക്കൂറും നാല്‍പ്പത് മിനിറ്റുമാവും. ലോകകപ്പിനെത്തുന്നവര്‍ക്ക് ഈ നഗരങ്ങളും അനുബന്ധപ്രദേശങ്ങളും സന്ദര്‍ശിക്കാന്‍ കൂടി സൗകര്യപ്രദമാവും. ഹയ്യ കാര്‍ഡ് ഉടമകള്‍ക്ക് സൗജന്യ മള്‍ട്ടിപ്പിള്‍ എന്‍ട്രി വിസയില്‍ 60 ദിവസത്തേക്ക് ഒമാന്‍ സന്ദര്‍ശിക്കാം. 60 ദിവസം വരെ സൗദിഅറേബ്യയില്‍ തങ്ങാന്‍ അനുവദിക്കുന്ന മള്‍ട്ടി എന്‍ട്രി വിസ ഹയ്യ ഉടമകള്‍ക്ക് പ്രയോജനപ്പെടുത്താം. ജോര്‍ദാനും ഇതേ അവസരം സന്ദര്‍ശകര്‍ക്ക് വാഗ്ദാനം ചെയ്തിട്ടുണ്ട്. 100 ദിര്‍ഹത്തിന് ഇഷ്യൂ ചെയ്യുന്ന മള്‍ട്ടിപ്പിള്‍ എന്‍ട്രി വിസയാണ് സന്ദര്‍ശകര്‍ക്കായി യു.എ.ഇ ഒരുക്കിയത്. എത്തുന്ന തീയതി മുതല്‍ 90 ദിവസത്തേക്ക് മള്‍ട്ടിപ്പിള്‍ എന്‍ട്രി വിസകള്‍ പ്രയോജനപ്പെടുത്താനാവും. മസ്‌ക്കറ്റില്‍ ഫുട്‌ബോള്‍ ആരാധകരെ സ്വീകരിക്കുന്നതിന് വലിയ ഒരുക്കങ്ങളാണ് നടത്തുന്നത്. ദുബൈയില്‍ വലിയ സ്‌ക്രീനുകള്‍ ഒരുക്കുന്നു. കൂടാതെ പ്രത്യേക ഫാന്‍ സോണുകള്‍ സജ്ജീകരിക്കുന്നുമുണ്ട്.

ഫിഫ ലോക കപ്പിനോടനുബന്ധിച്ച് ഒമാനിലെ പൈതൃക, ടൂറിസം മന്ത്രാലയം പ്രത്യേക പരിപാടികള്‍ തന്നെ ആസൂത്രണം ചെയ്തിട്ടുണ്ട്. നവംബര്‍ 20 മുതല്‍ ഡിസംബര്‍ 18 വരേയാണ് അറബ് ലോകത്ത് നടക്കുന്ന ആദ്യ ഫിഫ ലോകകപ്പിന് ഖത്തര്‍ ആതിഥ്യം വഹിക്കുന്നത്. 1.2 ദശലക്ഷത്തോളം വിനോദസഞ്ചാരികളെ രാജ്യത്തേക്ക് ആകര്‍ഷിക്കാന്‍ കഴിയുമെന്നാണ് സംഘാടകരുടെ പ്രതീക്ഷ.

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

ലഹരിക്കെതിരെ ബോധവല്‍ക്കരണവുമായി അബുാദബി ഇന്ത്യന്‍ ഇസ്ലാഹി സെന്റര്‍; ഉന്നത ഉദ്യോഗസ്ഥര്‍ സംബന്ധിക്കും

ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.

Published

on

അബുദാബി: ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.ഡിസംബര്‍ രണ്ടിന് രാത്രി എട്ടുമണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കുന്ന പരിപാടിയില്‍ അബുദാബിയിലെ ഉന്നത പൊലീസ് ഉദ്യോഗസ്ഥര്‍ സംബന്ധിക്കും.

വര്‍ത്തമാനകാലത്തെ യുവതികള്‍ പോലും മയക്കുമരുന്നിന് അടിപ്പെട്ടുകൊണ്ടിരിക്കുന്ന വിഷമകരമായ ആഗോള ചുറ്റുപാടില്‍ ഇതിനെതിരെ മതാപിതാക്കളെയും കുട്ടികളെയും ബോധവല്‍ക്കരിക്കുയെന്നതാണ് പരിപാടികൊണ്ട് ലക്ഷ്യമിടുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

‘മാറുന്നലോകം മയങ്ങുന്ന മക്കള്‍’ എന്ന വിഷയം ആസ്പദമാക്കി ഡോ.ജൗഹര്‍ മുനവ്വറും ധാര്‍മ്മികതയുടെവീണ്ടെടുപ്പിന് എന്ന വിഷയത്തില്‍ ഷാര്‍ജ അല്‍അസീസ് മസ്ജിദ് ഇമാം ഹുസൈന്‍ സലഫിയും സംസാരിക്കും.

പ്രവാസികള്‍ തങ്ങളുടെ മക്കളുടെ ജീവിത രീതിയും സൗഹൃദങ്ങളും പരിശോധിക്കുകയും സമൂഹത്തിന് നന്മ പകരുന്ന മക്കളായി വളരുകയും ചെയ്യേണ്ടതിന്റെ ആവശ്യകത പരിപാടിയില്‍ പ്രമുഖര്‍ അവതരിപ്പിക്കും. അബുദാബി പൊലീസിലെ ഉന്നതരും ലഹരിവിരുദ്ധ വിഭാഗം ഉദ്യോഗസ്ഥരും പരിപാടിയില്‍ം സംബന്ധിക്കും.

അബുദാബി ഇസ്ലാഹി സെന്റര്‍ പ്രസിഡണ്ട് ഡോ.ബഷീര്‍, സെക്രട്ടറി അബ്ദുല്‍റഹ്മാന്‍ സെയ്ദുട്ടി, മാലിക് ബിന്‍ അനസ് ഖുര്‍ആന്‍ സെന്റര്‍ പ്രിന്‍സിപ്പള്‍ സായിദ് അല്‍ഹകമി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Continue Reading

gulf

യുഎഇയില്‍ തടവുകാര്‍ക്ക് ശിക്ഷ ഇളവ് നല്‍കി വിട്ടയക്കാന്‍ ഉത്തരവ്

ദുബൈയില്‍നിന്നും 1040 തടവുകാരെ വിട്ടയക്കുവാന്‍ യുഎഇ പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂം ഉത്തരവിട്ടു

Published

on

അബുദാബി: ദേശീയദിനാഘോഷത്തിന്റെ ഭാഗമായി യുഎഇ യില്‍ വിവിധ എമിറേറ്റുകളിലെ ജയിലുകളില്‍ കഴിയുന്ന നിരവധി പേര്‍ക്ക് ശിക്ഷ ഇളവ് നല്‍കി വിട്ടയക്കാന്‍ ഉത്തരവായി.

1530 പേരെ വിട്ടയക്കാന്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്‌യാന്‍ ഉത്തരവിട്ടു. ശിക്ഷയില്‍ ഇളവ് നല്‍കി കുറ്റവാളികളുടെ സ്വഭാവത്തില്‍ മാറ്റം വരികയും അവര്‍ കുടുംബത്തോടൊപ്പം പുതിയ ജീവിതത്തിലേക്ക് പ്രവേശിക്കുകയും ചെയ്യണമെന്നതാണ് ശിക്ഷയില്‍ ഇളവ് നല്‍കുന്നതിലൂടെ ലക്ഷ്യമിടുന്നത്.

ദുബൈയില്‍നിന്നും 1040 തടവുകാരെ വിട്ടയക്കുവാന്‍ യുഎഇ പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂം ഉത്തരവിട്ടു.

റാസല്‍ഖൈമ ജയിലില്‍നിന്നും 417 പേരെ വിട്ടയക്കുവാന്‍ റാസല്‍ഖൈമ ഭരണാധികാരിയും യുഎഇ സുപ്രീംകൗണ്‍സില്‍ അംഗവുമായ ശൈഖ് സഊദ് ബിന്‍ സാഖര്‍ അല്‍ഖാസിമി ഉത്തരവിട്ടു.

ഉമ്മുല്‍ഖുവൈന്‍ ജയിലില്‍ കഴിയുന്ന ഏതാനും പേരെ വി്ട്ടയക്കാന്‍ ഭരണാധികാരി ശൈഖ് സഊദ് ബിന്‍ റാഷിദ് അല്‍മുഅല്ല ഉത്തരവിറക്കി. ഫുജൈറ ജയിലില്‍ കഴിയുന്ന 153 പേര്‍ക്ക് വീടണയാന്‍ ഫുജൈറ ഭരണാധികാരി ശൈഖ് ഹമദ് ബിന്‍ അല്‍ഷര്‍ഖി ഉത്തരവായി.

ഓരോ വര്‍ഷവും ദേശീയദിനാഘോഷ വേളകളിലും ഇരുപെരുന്നാളുകളിലും നിരവധി പേര്‍ക്ക് ശിക്ഷ ഇളവ് നല്‍കി വിട്ടയക്കുന്ന രീതി രാഷ്ട്രപിതാവിന്റെ കാലംതൊട്ടുതന്നെ യുഎഇയില്‍ നിലനില്‍ക്കുന്നുണ്ട്. ഇതിലൂടെ നൂറുകണക്കിന് കുടുംബങ്ങള്‍ക്കാണ് ആശ്വാസം ലഭിക്കുന്നത്.

Continue Reading

gulf

രക്തസാക്ഷികളുടെ ഓര്‍മ്മ പുതുക്കി യുഎഇ; പ്രവാസികള്‍ ഉള്‍പ്പെടെ പ്രാര്‍ത്ഥനയില്‍ പങ്കാളികളായി

യുഎഇ പ്രസിഡണ്ട്് ശൈഖ് മുഹമ്മദ് ബിന്‍ സായിദ് അല്‍നഹ് യാന്‍, പ്രധാനമന്ത്രി ശൈഖ് മുഹമ്മദ് ബിന്‍ റാഷിദ് അല്‍മഖ്തൂം എന്നിവര്‍ രക്തസാക്ഷികളെ അനുസ്മരിച്ചു.

Published

on

അബുദാബി: യുഎഇ രക്തസാക്ഷി ദിനം ആചരിച്ചു. വിവിധ എമിറേറ്റുകളില്‍ രാവിലെ 11.30ന് മൗനപ്രാര്‍ത്ഥനയോടെയാണ് രാജ്യത്തിന്റെ രക്തസാക്ഷികളെ അനുസ്മരിച്ചത്. സര്‍ക്കാര്‍അര്‍ധസര്‍ക്കാര്‍സ്വകാര്യസ്ഥാപനങ്ങളിലെയും ഉദ്യോഗസ്ഥരും ഇതര ജീവനക്കാരും അണിനിരന്നു മൗനപ്രാര്‍ത്ഥന നടത്തുകയും തുടര്‍ന്നു ദേശീയ ഗാനമാലപിക്കുകയും ചെയ്തു. തുടര്‍ന്നു ദേശീയ പതാക ഉയര്‍ത്തി.

നവംബര്‍ 30ന് യുഎഇ രക്തസാക്ഷി ദിനമായി ആചരിക്കുകയാണ്. ഡിസംബര്‍ രണ്ടിനു രാജ്യം ദേശീയദിനമാഘോഷിക്കുമ്പോള്‍ രക്തസാക്ഷികളെ അനുസ്മരിക്കുകയും മൗനപ്രാര്‍ത്ഥന നടത്തുകയും ചെയ്യുന്നതിലൂടെ ജീവന്‍ സമര്‍പ്പിച്ചവര്‍ക്കുള്ള ആദരവാണ് നല്‍കുന്നത്. യുഎഇ പ്രസിഡണ്ട്് ശൈഖ് മുഹമ്മദ് ബിന്‍ സായിദ് അല്‍നഹ് യാന്‍, പ്രധാനമന്ത്രി ശൈഖ് മുഹമ്മദ് ബിന്‍ റാഷിദ് അല്‍മഖ്തൂം എന്നിവര്‍ രക്തസാക്ഷികളെ അനുസ്മരിച്ചു.

Continue Reading

Trending