Culture
എം.എൽ.എ അല്ലാതായെന്നു വിധിക്കാൻ നിയമസഭാ സെക്രട്ടറിക്ക് കൊമ്പുണ്ടോ? കെ.എം ഷാജി
കോഴിക്കോട്: എം.എൽ.എ അല്ലാതായി എന്നു നോട്ടീസിറക്കിയ നിയമസഭാ സെക്രട്ടറിക്കെതിരെ കെ.എം ഷാജി. സുപ്രിം കോടതിയുടെ പരിഗണനയിലുള്ള കേസിൽ നിയമസഭാ സെക്രട്ടറിക്ക് ഉത്തരവിറക്കാൻ അധികാരമില്ല. ധൃതിപിടിച്ച് അനാവശ്യ രാഷ്ട്രീയക്കളിയാണ് അദ്ദേഹം നടത്തിയതെന്നും ഷാജി പറഞ്ഞു. നിയമസഭാ സെക്രട്ടറിക്കെന്താ കൊമ്പുണ്ടോ എന്നു ഷാജി ചോദിച്ചു.
തെരഞ്ഞെടുപ്പ് കമ്മീഷന്റെ ശുപാർശ പ്രകാരമുള്ള ഇന്ത്യൻ പ്രസിഡണ്ടിന്റെ അധികാരമാണ് അദ്ദേഹം പ്രയോഗിച്ചിരിക്കുന്നത്. ഉദ്യോഗസ്ഥരെ കൂട്ടുപിടിച്ച് തനിക്കെതിരെ പ്രവർത്തിച്ച ഓരോരുത്തരെയും നിയമത്തിനു മുന്നിൽ കൊണ്ടുവരുമെന്ന് ഷാജി പറഞ്ഞു. എം.എൽ.എ അല്ലാതായ എന്നെ വീണ്ടും സത്യപ്രതിജ്ഞ ചെയ്യിക്കുമോ? അതോ, എം.എൽ.എ ആയി എന്നു പറഞ്ഞ് വീണ്ടും ഉത്തരവിറക്കുമോ എന്നും ഷാജി ചോദിച്ചു. നിയമസഭാംഗത്വം റദ്ദാക്കിയ ഹൈക്കോടതി വിധി സ്റ്റേ ചെയ്ത സുപ്രിംകോടതി ഉത്തരവു സംബന്ധിച്ച് പ്രതികരിക്കുകയായിരുന്നു അദ്ദേഹം.
കേസ് തീർന്നുവെന്ന് എം.വി നികേഷ്‌കുമാർ കരുതേണ്ട. ഞാൻ കേസ് തുടങ്ങിയിട്ടേ ഉള്ളൂ. ഈ വൃത്തികെട്ട നോട്ടീസിനു പിന്നിൽ പ്രവർത്തിച്ചവർ ആരൊക്കെയായാലും ഓരോരുത്തരെയും പിടിച്ച് നിയമത്തിനു മുന്നിൽ കൊണ്ടുവരും. അതിനായി ഏതറ്റം വരെയും പോകും. സമുദായങ്ങൾക്കിടയിൽ സ്പർദ്ധയുണ്ടാക്കാൻ തുനിഞ്ഞവർ ആരാണെന്ന് സമൂഹം അറിയണം. വെറുതെ ഒരു കേസ് കൊടുത്ത് സുപ്രിം കോടതിയിൽനിന്ന് അങ്ങനെയങ്ങ് ഇറങ്ങിപ്പോകാൻ ആരെയും സമ്മതിക്കില്ല. സ്റ്റേയുടെ ബലത്തിൽ എം.എൽ.എയായി തുടരുന്നതിലല്ല കാര്യം.
കുറ്റക്കാരനാണെങ്കിൽ എന്നെ അയോഗ്യനാക്കട്ടെ. അല്ലെങ്കിൽ കുറ്റം ചെയ്തവരെ പുറത്തുകൊണ്ടു വന്നേ പറ്റൂ. ജനാധിപത്യക്രമത്തെ അട്ടിമറിക്കുന്ന തരത്തിൽ ഈ തരികിട നോട്ടീസ് അടിച്ചവർ എത്ര വലിയ തമ്പുരാനായാലും പുറത്തുകൊണ്ടുവരും. അതിനു കൂട്ടുനിന്ന ഉദ്യോഗസ്ഥന്മാരെയും പുറത്തെത്തിക്കും- അദ്ദേഹം പറഞ്ഞു. കേസിലെ സ്റ്റേ എന്നതിനേക്കാൾ കേസ് പരിഗണിച്ചു എന്നതിലാണ് തന്റെ സന്തോഷമെന്നും നിയമ വ്യവസ്ഥയിലുള്ള വിശ്വാസം വർദ്ധിച്ചെന്നും ഷാജി പറഞ്ഞു.
Film
ജനപ്രിയ താരങ്ങളുടെ പക്കാ ഫൺ എന്റെർറ്റൈനെർ; “ധീരൻ” വരുന്നു ഈ ജൂലൈയിൽ..
പോസ്റ്ററിൽ മാല പടക്കം പിടിച്ചു നിൽക്കുന്ന നായകൻ രാജേഷ് മാധവനും കൂടാതെ സഹതാരങ്ങളായ ജഗദീഷ്, സുധീഷ്, മനോജ് കെ ജയൻ, അശോകൻ എന്നിവരെയും കാണാം.
‘ജാൻ.എ.മൻ’, ‘ജയ ജയ ജയ ജയ ഹേ’, ‘ഫാലിമി’ എന്നീ ബ്ലോക്ക് ബസ്റ്റർ ചിത്രങ്ങൾക്ക് ശേഷം ചീയേഴ്സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യരും ഗണേഷ് മേനോനും ചേർന്ന് നിർമിക്കുന്ന “ധീരൻ” സിനിമയുടെ റിലീസ് അപ്ഡേറ്റ് അണിയറപ്രവർത്തകർ പുറത്തുവിട്ടു. ജൂലൈയിൽ ചിത്രം പ്രദർശനത്തിനെത്തുമെന്ന അപ്ഡേറ്റ് പോസ്റ്ററാണ് പുറത്തിറങ്ങിയത്. പോസ്റ്ററിൽ മാല പടക്കം പിടിച്ചു നിൽക്കുന്ന നായകൻ രാജേഷ് മാധവനും കൂടാതെ സഹതാരങ്ങളായ ജഗദീഷ്, സുധീഷ്, മനോജ് കെ ജയൻ, അശോകൻ എന്നിവരെയും കാണാം. ഇതിന് മുൻപ് ഇറങ്ങിയ ഫസ്റ്റ് ലുക്ക് പോസ്റ്ററും ഏറെ ശ്രദ്ധ നേടിയിരുന്നു. ചിത്രത്തിന്റെ പോസ്റ്ററുകൾ സൂചിപ്പിക്കുന്നത് തീർത്തും പക്കാ ഫൺ എന്റെർറ്റൈനെർ തന്നെയാകും ‘ധീരൻ’ എന്നാണ്. ഭീഷ്മപർവം എന്ന ഒറ്റ മെഗാഹിറ്റ് ചിത്രത്തിലൂടെ മലയാളികൾക്ക് സുപരിചിതനായ ദേവദത്ത് ഷാജി സംവിധായകനാകുന്നു എന്ന സവിശേഷതയും ധീരനുണ്ട്. ചിത്രത്തിന്റെ രചനയും ദേവദത്ത് തന്നെയാണ്.
രാജേഷ് മാധവൻ നായകനാകുന്ന ധീരനിൽ ജഗദീഷ്, മനോജ് കെ ജയൻ, ശബരീഷ് വർമ്മ, അശോകൻ, വിനീത്, സുധീഷ്, അഭിരാം രാധാകൃഷ്ണൻ എന്നിവരാണ് മറ്റ് താരങ്ങൾ. അശ്വതി മനോഹരനാണ് നായിക. ഇവരെ കൂടാതെ സിദ്ധാർഥ് ഭരതൻ, അരുൺ ചെറുകാവിൽ, ശ്രീകൃഷ്ണ ദയാൽ (ഇൻസ്പെക്ടർ ഋഷി, ജമ, ദ ഫാമിലി മാൻ ഫെയിം), ഇന്ദുമതി മണികണ്ഠൻ (മെയ്യഴകൻ, ഡ്രാഗൺ ഫെയിം), വിജയ സദൻ, ഗീതി സംഗീത, അമ്പിളി (പൈങ്കിളി ഫെയിം) എന്നിവരും ധീരനിലെ മുഖ്യ താരങ്ങളാണ്.
അർബൻ മോഷൻ പിക്ചർസും, UVR മൂവീസ്, JAAS പ്രൊഡക്ഷൻസ് എന്നിവരാണ് സഹനിർമ്മാതാക്കൾ. സംവിധായകനും തിരക്കഥാകൃത്തുമായിരുന്ന ലോഹിതദാസിന്റെ മകൻ ഹരികൃഷ്ണൻ ലോഹിതദാസ് ആണ് ധീരന്‍റെ ഛായാഗ്രഹണം നിർവഹിക്കുന്നത്. സംഗീതം: മുജീബ് മജീദ്, എഡിറ്റിംഗ്: ഫിൻ ജോർജ്ജ് വർഗീസ്, പ്രൊഡക്ഷൻ കൺട്രോളർ- പ്രണവ് മോഹൻ, പ്രൊഡക്ഷൻ ഡിസൈനർ- സുനിൽ കുമാരൻ, ലിറിക്‌സ്- വിനായക് ശശികുമാർ, കോസ്റ്യൂംസ്- സമീറ സനീഷ്, മേക്കപ്പ്- സുധി സുരേന്ദ്രൻ, ആക്ഷൻ ഡയറക്ടർസ്- മഹേഷ് മാത്യു, മാഫിയ ശശി, അഷ്‌റഫ് ഗുരുക്കൾ, സൗണ്ട് ഡിസൈൻ- വിക്കി, ചീഫ് അസ്സോസിയേറ്റ് ഡയറക്ടർ- സുധീഷ് രാമചന്ദ്രൻ, പിആർഒ- വൈശാഖ് വടക്കേവീട്, ജിനു അനിൽകുമാർ, സ്റ്റീൽസ്- റിഷാജ് മുഹമ്മദ്, ഡിസൈൻസ്- യെല്ലോ ടൂത്ത്സ്, ഡിസ്ട്രിബൂഷൻ- ഐക്കൺ സിനിമാസ് റിലീസ്.
Film
മാനേജറെ മര്‍ദിച്ചെന്ന കേസ്; നടന്‍ ഉണ്ണി മുകുന്ദൻ്റെ മുന്‍കൂര്‍ ജാമ്യ ഹര്‍ജി കോടതി തീര്‍പ്പാക്കി
വിവാദങ്ങളിൽ പ്രതികരിക്കാൻ ഉണ്ണി മുകുന്ദൻ ഇന്ന് വൈകിട്ട് 4:30ന് കൊച്ചിയിൽ മാധ്യമങ്ങളെ കാണും
-
kerala3 days agoരാജ്യത്ത് കോവിഡ് കേസുകള്‍ വര്‍ധിക്കുന്നു; 4000 കടന്നു
-
india3 days agoസിക്കിമിലെ സൈനിക ക്യാമ്പിലുണ്ടായ മണ്ണിടിച്ചിലില്‍; കാണാതായ സൈനികര്‍ക്കായുള്ള തിരച്ചില്‍ തുടരുന്നു
-
india2 days agoമുസ്‌ലിംകള്‍ക്കെതിരെ വിദ്വേഷ പരാമര്‍ശം; ഇന്‍സ്റ്റഗ്രാം ഇന്‍ഫ്ളുവന്‍സറുടെ ജാമ്യാപേക്ഷ ഹൈക്കോടതി തള്ളി
-
kerala1 day agoമലപ്പുറത്തെക്കുറിച്ച് നിരന്തരം വര്‍ഗീയ പ്രസ്താവനകള്‍ നടത്തിയ എ.വിജയരാഘവന് എല്‍ഡിഎഫ് നിലമ്പൂരിന്റെ തെരഞ്ഞെടുപ്പ് ചുമതല നല്‍കിയത് ബോധപൂര്‍വ്വം: വിഡി സതീശന്‍
-
kerala3 hours agoബലി പെരുന്നാള്; സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി
-
kerala3 days agoമാറ്റമില്ലാതെ തുടര്ന്ന് മലബാറിലെ സീറ്റ് പ്രതിസന്ധി; ഒരു ലക്ഷത്തിലേറെ വിദ്യാര്ഥികള് ആദ്യഘട്ട അലോട്ട്മെന്റില് പുറത്ത്
-
kerala3 days agoഇറക്കിവിടാനാകില്ല; ഭര്ത്താവിന്റെ മരണശേഷവും പങ്കാളിക്ക് ഭര്തൃവീട്ടില് താമസിക്കാം; ഹൈക്കോടതി
-
india3 days agoപ്രണയാഭ്യര്ഥന നിരസിച്ചു; പൊള്ളാച്ചിയില് മലയാളി പെണ്കുട്ടിയെ യുവാവ് കുത്തി കൊലപ്പെടുത്തി