Culture
യൂട്യൂബ് റെക്കോര്ഡുകള് തകര്ത്ത് ബിടിഎസ് “ഡൈനാമൈറ്റ്”; 24 മണിക്കൂറില് 101.1 ദശലക്ഷം കാഴ്ചക്കാര്
കെ-പോപ്പ് ബാന്ഡ് ഇതാദ്യമായല്ല ഈ നേട്ടം കൈവരിക്കുന്നത്. നേരത്തെ, 2019 ഏപ്രിലില് പുറത്തിറങ്ങിയ ”ബോയ് വിത്ത് ലവ്” എന്ന ഗാനം ഒറ്റ ദിവസം കൊണ്ട് കൂടുതല് കാഴ്ചക്കാരെ നേടിയ ഗാനമെന്ന് റെക്കോര്ഡ് നേടിയിരുന്നു. അന്ന് ഒറ്റദിവസം 74.6 ദശലക്ഷം വ്യൂകളാണ് ലഭിച്ചത്.

ന്യൂഡല്ഹി: 24 മണിക്കൂറിനുള്ളില് യൂട്യൂബില് ഏറ്റവും കൂടുതല് പേര് കണ്ട വീഡിയോയുടെ റെക്കോര്ഡ് സ്വന്തമാക്കി കൊറിയന് വീഡിയോ സോങ്. കൊറിയന് പോപ് ബാന്റായ ബിടിഎസ് പുറത്തിക്കിയ അവരുടെ പുതിയ ഗാനം ഡൈനാമൈറ്റാണ് 24 മണിക്കൂറിനുള്ളില് ഏറ്റവും കൂടുതല് കണ്ട വീഡിയോയുടെ യൂട്യൂബ് റെക്കോര്ഡ് തകര്ത്തിരിക്കുന്നത്. ബിടിഎസ് ടീം അവരുടെ ആദ്യത്തെ ഇംഗ്ലീഷ് സിംഗിള് ”ഡൈനാമൈറ്റ്”വെള്ളിയാഴ്ച രാവിലെ 9.30 നാണ് പുറത്തിറക്കിയത്. ഇന്ന് രാവിലെ 6.05 ഓടെ 86.4 ദശലക്ഷം വ്യൂകള് നേടിയ ഗാനം 24 മണിക്കൂറിനുള്ളില് 101.1 മില്ല്യന് കാഴ്ചക്കാരെയാണ് നേടിയെടുത്തിരിക്കുന്നത്. ഇതോടെ യൂട്യൂബിലെ എല്ലാ റെക്കോര്ഡുകളും തകര്ത്ത് ഒന്നാം സ്ഥാനത്തെത്തിയിരിക്കുകയാണ് ‘ഡൈനാമൈറ്റ്’.
"Dynamite" Official MV achieved a record-breaking 101.1 MILLION views in the first 24 hours of release #Dynamite100MViewsIn24Hrs @BTS_twt pic.twitter.com/BM6OLoGlRK
— BTS Voting Board⁷ (SLOW) (@BTSVotingBoard) August 23, 2020
മറ്റൊരു കൊറിയന് പോപ്പ് ബാന്ഡായ ബ്ലാക്ക്പിങ്കിന്റെ ”ഹൗ യു ലൈക്ക് ദാറ്റ്” ട്രാക്ക് സോങായിരുന്നു നേരത്തെ ഒരു ദിവസം 86.3 ദശലക്ഷം വ്യൂകള് എന്ന റെക്കോര്ഡുമായി മുന്നിലുണ്ടായികുന്നത്. ഇതിനെ ഏറെ പിന്നാലാക്കിയാണ് ”ഡൈനാമൈറ്റ്” ഥീൗഠൗയല ല് ഒന്നാം സ്ഥാനത്തെത്തിയിക്കുന്നത്. ലോകമെമ്പാടുമുള്ള ജനപ്രീതി നേടിയ ഗാനം ഇതിനകം 155 ദശലക്ഷത്തിലധികം ആളുകളാണ് കണ്ടിരിക്കുന്നത്. ആരാധകരുടെ ആവേശം കണക്കിലെടുക്കുമ്പോള് പാട്ടിനും ഇനിയും നിരവധി റെക്കോര്ഡുകള് തകര്ക്കാന് കഴിയുമെന്നാണ് വിലയിരുത്തല്.
കെ-പോപ്പ് ബാന്ഡ് ഇതാദ്യമായല്ല ഈ നേട്ടം കൈവരിക്കുന്നത്. നേരത്തെ, 2019 ഏപ്രിലില് പുറത്തിറങ്ങിയ ”ബോയ് വിത്ത് ലവ്” എന്ന ഗാനം ഒറ്റ ദിവസം കൊണ്ട് കൂടുതല് കാഴ്ചക്കാരെ നേടിയ ഗാനമെന്ന് റെക്കോര്ഡ് നേടിയിരുന്നു. അന്ന് ഒറ്റദിവസം 74.6 ദശലക്ഷം വ്യൂകളാണ് ലഭിച്ചത്. 2017 ല് പുറത്തിറങ്ങിയ ”ഡെസ്പാസിറ്റോ” എന്ന പാട്ട് 6.9 ബില്ല്യണ് കാണികളെ നേ്ടി യൂട്യൂബില് റെക്കോര്ഡ് സൃഷ്ടിച്ചിരുന്നു. എന്നാല് ഇതിനെയല്ലാം കവച്ചുവക്കുന്ന നേട്ടമാണ് ഇപ്പോള് ഡൈനാമൈറ്റ് നേടിയിരിക്കുന്നത്..
കോവിഡ് മഹാമാരിയുടെ കാലത്ത് ലോകം വളരെയധികം സമ്മര്ദ്ദമനുഭവിക്കുന്ന വേള എന്നനിലയില് ഒരു ഇംഗ്ലീഷ് ഗാനം പുറത്തിറക്കാനുള്ള പദ്ധതിയില് നിന്നാണ് ഡൈനാമൈറ്റിന്റെ പിറവിയെന്ന്, ബിടിഎസ് ടീമിലെ സുഗ അമേരിക്കന് മാധ്യമപ്രവര്ത്തകരോട് പ്രതികരിച്ചു.
Film
മാത്യു തോമസ് നായകനാകുന്ന ‘നൈറ്റ് റൈഡേഴ്സ്’; നെല്ലിക്കാംപൊയിൽ എന്ന ഗ്രാമത്തിലെ കഥ; ഫസ്റ്റ് ലുക്ക് പോസ്റ്റർ പുറത്തിറങ്ങി
ഹൊറർ കോമഡി ജോണറിൽ ഒരുങ്ങിയ “നൈറ്റ് റൈഡേഴ്സ്” രചിച്ചത് “പ്രണയവിലാസം” എന്ന ചിത്രത്തിലൂടെ ശ്രദ്ധേയരായ ജ്യോതിഷ് എം, സുനു എ.വി. എന്നിവരാണ്.

എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന “നൈറ്റ് റൈഡേഴ്സ്” ൻ്റെ ഫസ്റ്റ് ലുക്ക് പുറത്ത്. പ്രശസ്ത ചിത്രസംയോജകനായ നൗഫൽ അബ്ദുള്ള ആദ്യമായി സംവിധാനം ചെയ്യുന്ന ചിത്രമാണിത്. ഹൊറർ കോമഡി ജോണറിൽ ഒരുങ്ങിയ “നൈറ്റ് റൈഡേഴ്സ്” രചിച്ചത് “പ്രണയവിലാസം” എന്ന ചിത്രത്തിലൂടെ ശ്രദ്ധേയരായ ജ്യോതിഷ് എം, സുനു എ.വി. എന്നിവരാണ്. വമ്പൻ പ്രേക്ഷക – നിരൂപക പ്രശംസ നേടിയ നീലവെളിച്ചം, അഞ്ചക്കള്ളകോക്കാൻ, ഹലോ മമ്മി തുടങ്ങിയ ചിത്രങ്ങളുടെ സഹനിർമാണത്തിനു ശേഷം എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ നിർമിക്കുന്ന സിനിമ കൂടിയാണിത്. വിമൽ ടി.കെ, കപിൽ ജാവേരി, ഗുർമീത് സിംഗ് എന്നിവരാണ് ചിത്രത്തിന്റെ സഹനിർമ്മാണം.
യുവതാരം മാത്യു തോമസ് ആണ് ചിത്രത്തിലെ നായകൻ. മീനാക്ഷി ഉണ്ണികൃഷ്ണൻ, അബു സലിം, റോണി ഡേവിഡ് രാജ്, വിഷ്ണു അഗസ്ത്യ, റോഷൻ ഷാനവാസ്, ശരത് സഭ, മെറിൻ ഫിലിപ്പ്, സിനിൽ സൈനുദ്ധീൻ, നൗഷാദ് അലി, നസീർ സംക്രാന്തി, ചൈത്ര പ്രവീൺ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Film
ഇരുപതാം ദിവസം പിന്നിട്ട് പ്രേക്ഷകഹൃദയങ്ങൾ കവർന്ന് ‘നരിവേട്ട’ മുന്നോട്ട്

ടൊവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരെ പ്രധാന കഥാപാത്രങ്ങളാക്കി അബിൻ ജോസഫിന്റെ തിരക്കഥയിൽ അനുരാജ് മനോഹർ സംവിധാനം ചെയ്ത നരിവേട്ട ഗംഭീര പ്രദർശന വിജയം നേടി മുന്നേറുന്നു. ഇതിനോടകം മൂന്നാം ആഴ്ച പിന്നിട്ടിരിക്കുന്ന നരിവേട്ടയുടെ പ്രദർശനം ഭാഷാഭേദമില്ലാതെ ഏവർക്കും ആസ്വദിക്കാവുന്ന വിധത്തിലാണ് ഒരുക്കിയിരിക്കുന്നത്. അതോടൊപ്പം ആഗോള ബോക്സ് ഓഫീസില് 22 കോടിയിലധികം നരിവേട്ട നേടി എന്നാണ് ട്രേഡ് അനലിസ്റ്റുകളുടെ റിപ്പോര്ട്ടുകള് സൂചിപ്പിക്കുന്നത്.
ഒന്നിലധികം യഥാർത്ഥ സംഭവങ്ങളെ അടിസ്ഥാനമാക്കി തയ്യാറാക്കിയിരിക്കുന്ന ചിത്രത്തിൽ വർഗീസ് പീറ്റർ എന്ന ചെറുപ്പക്കാരന്റെ ജീവിതയാത്ര കൂടിയാണ് പറയുന്നത്. മലയാള സിനിമയിലെ തന്നെ ഏറ്റവും മികച്ച പൊളിറ്റിക്കല് സോഷ്യോ ത്രില്ലർ ഗണത്തിൽ പെടുത്താവുന്ന നരിവേട്ട നോണ് ലീനിയറായാണ് ആവിഷ്കരിച്ചിരിക്കുന്നത്. മികച്ച പ്രേക്ഷക – നിരൂപക പ്രശംസയും അതോടൊപ്പം ഓസ്ട്രേലിയയിൽ നടന്ന പ്രീമിയർ ഷോയിൽ മികച്ച പ്രതികരണവും കരസ്ഥമാക്കിയ ചിത്രമിപ്പോൾ ടോവിനോ തോമസ് എന്ന നടന്റെയും സ്റ്റാറിന്റെയും കരിയർ ഗ്രാഫ് വളർച്ചയുടെയും കാരണമായി മാറിയിരിക്കുകയാണ്.
ആദിവാസി ഭൂമി പ്രശ്നം എന്ന സാമൂഹിക വിഷയത്തെ മുന്നില് നിര്ത്തി തന്നെ 2003 ഫെബ്രുവരി 19ന് വയനാട്ടിലെ മുത്തങ്ങയില് നടന്ന സംഭവങ്ങളെ കഥാകാരന്റെ ഭാവന കൂടി ചേര്ത്തുവെച്ച് അവതരിപ്പിക്കുകയാണ് നരിവേട്ട. മുത്തങ്ങ സമര കാലത്ത് പരക്കെ പറയപ്പെട്ടിരുന്ന സംശയങ്ങളാണ് സിനിമയുടെ അടിത്തട്ടിലൂടെ സഞ്ചരിക്കുന്നത്. അതോടൊപ്പം ചെങ്ങര സമരം, പൂയംകുട്ടി സമരം തുടങ്ങിയ സകല സമരങ്ങളോടും ഐക്യപ്പെടുന്ന തരത്തില് അതിലെ കണ്ടെന്റുകളെയെല്ലാം നീതിപൂര്വമായി സമീപിച്ചിരിക്കുന്ന സിനിമ കൂടിയാണിത്. ചിത്രത്തിൽ ബഷീറായി എത്തിയ സുരാജ് വെഞ്ഞാറമൂട്, ഡിഐജി കേശവദാസ് എന്ന കഥാപാത്രത്തെ അവതരിപ്പിച്ച ചേരൻ, ആര്യ സലീം, പ്രിയംവദ കൃഷ്ണൻ എന്നിവർ ശ്രദ്ധേയമായ പ്രകടനമാണ് കാഴ്ച വെച്ചിരിക്കുന്നത്.
ഇന്ത്യൻ സിനിമ കമ്പനിയുടെ ബാനറിൽ ഷിയാസ് ഹസ്സൻ, ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിചിരിക്കുന്നത്. ഇഷ്ഖില് നിന്നും നരിവേട്ടയിലെത്തുമ്പോഴുള്ള അനുരാജ് മനോഹറെന്ന സംവിധായകന്റെ സംവിധാന മികവും , ജേക്സ് ബിജോയുടെ സംഗീത മികവുമാണ് ചിത്രത്തെ ഏറെ ആകർഷകമാക്കിയത്. അബിൻ്റെ എഴുത്തിനും അനുരാജിന്റെ മേക്കിങ്ങിനും ഒപ്പംനിന്നുകൊണ്ട് ഒരു സിംഫണിതന്നെ തീർക്കുകയായിരുന്നു ജേക്സ് ബിജോയ്. ഛായാഗ്രഹണം നിർവഹിച്ച വിജയ്, സംഗീതം നൽകിയ ജേക്സ് ബിജോയ്, എഡിറ്റർ ഷമീർ മുഹമ്മദ്, ആർട്ട് ചെയ്ത ബാവ എന്നിവരുടെ സംഭാവനകളും ഗംഭീരമായി തന്നെ പ്രതിഫലിക്കുന്നുണ്ട്.
Film
വാഹനാപകടം; നടന് ഷൈന് ടോം ചാക്കോയുടെ പിതാവിന്റെ മൃതദേഹം വീട്ടിലെത്തിച്ചു
മൃതദേഹം ഇന്ന് വീട്ടില് പൊതുദര്ശനത്തിന് വെക്കും.

തമിഴ്നാട്ടിലെ വാഹനാപകടത്തില് മരിച്ച നടന് ഷൈന് ടോം ചാക്കോയുടെ പിതാവ് സി പി ചാക്കോയുടെ മൃതദേഹം തൃശൂര് മുണ്ടൂരിലെ വീട്ടിലെത്തിച്ചു. മൃതദേഹം ഇന്ന് വീട്ടില് പൊതുദര്ശനത്തിന് വെക്കും. നാളെ മുണ്ടൂര് പരികര്മ്മല മാതാ പള്ളിയിലാണ് സംസ്കാര ചടങ്ങുകള് നടക്കുക.
വെള്ളിയാഴ്ച ധര്മപുരിയെയും ഹൊസൂറിനെയും തമ്മില് ബന്ധിപ്പിക്കുന്ന പുതുതായി നിര്മിച്ച അതിവേഗ ദേശീയപാത 844ലൂടെ കാറില് ബെംഗളുരുവിലേക്ക് സഞ്ചരിക്കവെയായിരുന്നു ഇവര് അപകടത്തില്പ്പെട്ടത്. അപകടത്തില് നടന്റെ ഷോള്ഡറിന് താഴെ മൂന്ന് പൊട്ടലുകള്, നട്ടെല്ലിനും ചെറിയ പൊട്ടല് സംഭവിച്ചു. ശസ്ത്രക്രിയ അനിവാര്യമെങ്കിലും സംസ്കാര ചടങ്ങുകള്ക്ക് ശേഷം തിങ്കളാഴ്ച ശസ്ത്രക്രിയ നടത്താനാണ് തീരുമാനം.
അപകടത്തില് കൂടുതല് പരുക്ക് മാതാവിനാണെങ്കിലും ഇരുവരുടെയും ആരോഗ്യസ്ഥിതിയില് ആശങ്കപ്പെടേണ്ടതില്ലെന്ന് ഡോക്ടര്മാര് വ്യക്തമാക്കി.
-
india3 days ago
അഹമ്മദാബാദില് വിമാനം തകര്ന്ന് വീണ മെഡിക്കല് കോളജ് ഹോസ്റ്റലിലെ അഞ്ച് വിദ്യാര്ഥികള് മരിച്ചു
-
india3 days ago
അഹമ്മദാബാദിലെ വിമാനദുരന്തം; ഒരാള് അത്ഭുതകരമായി രക്ഷപ്പെട്ടു
-
india3 days ago
അഹമ്മദാബാദിലെ വിമാനാപകടം; സമൂഹമാധ്യമങ്ങളില് പ്രൊഫൈല് ചിത്രം മാറ്റി എയര് ഇന്ത്യ
-
kerala2 days ago
മുതലപ്പൊഴിയില് വീണ്ടും വള്ളം മറിഞ്ഞു; രണ്ടുപേര്ക്ക് പരിക്ക്
-
india3 days ago
അഹമ്മദാബാദ് വിമാനദുരന്തം; മരിച്ചവരുടെ കുടുംബാംഗങ്ങള്ക്ക് ഒരു കോടി ധനസഹായം പ്രഖ്യാപിച്ച് ടാറ്റാ
-
india3 days ago
അഹമ്മദാബാദ് വിമാനാപകടം; മരിച്ചവരില് തിരുവല്ല സ്വദേശിയും
-
kerala2 days ago
കാട്ടാന ആക്രമണത്തില് വീണ്ടും മരണം; പീരുമേട് സ്ത്രീ കൊല്ലപ്പെട്ടു
-
india2 days ago
മുംബൈയില് നിന്നും ലണ്ടനിലേക്കുള്ള എയര് ഇന്ത്യ വിമാനം തിരിച്ചിറക്കി