india
തനിഷ്ക് പരസ്യ സംവിധായകക്കെതിരേയും ഹിന്ദുത്വവാദികള്; ജോയീത പൗരത്വഭേദഗതിക്കെതിരെ ശബ്ദിച്ച അഹിന്ദുവെന്ന് പ്രചാരണം
സ്വാതന്ത്ര്യം നേടിയിട്ട് വര്ഷങ്ങള് കഴിഞ്ഞെന്നും നമ്മള് ഒരുപാട് മുന്നോട്ടുപോയെന്നുമാണ് ഞങ്ങള് വിചാരിച്ചിരുന്നത്. ഈ പരസ്യത്തെ ചുറ്റിപ്പറ്റി ചെറിയ രീതിയിലുള്ള ചര്ച്ചകള് ഉണ്ടാവുമെന്നൊക്കെ പ്രതീക്ഷിച്ചിരുന്നു. എന്നാല് പുറത്തുവരുന്ന വിദ്വേഷത്തിന്റെയും വെറുപ്പിന്റെയും തോത് ഇത്രക്ക് ഉണ്ടെന്നറിഞ്ഞപ്പോള് ഞെട്ടിപ്പോയെന്നും, ദി ക്യുന്റിന് നല്കിയ അഭിമുഖകത്തില് സംവിധായക കൂട്ടിച്ചേര്ത്തു.
മുബൈ: ഹിന്ദു-മുസ്ലിം മതമൈത്രി കാണിക്കുന്ന പരസ്യത്തിന്റെ പേരില് തനിഷ്ക് ജ്വല്ലറിക്കെതിരെ ഹിന്ദുത്വവാദികള് നടത്തുന്ന സംഘടിതാക്രമണത്തിന് പിന്നാലെ പരസ്യ ചിത്രത്തിന്റെ സംവിധായികക്കെതിരേയും സംഘ് അനുകൂലികളുടെ ആക്രമണം. കമ്പനി പരസ്യം പില്വലിച്ചിട്ടും വിഷയത്തില് സോഷ്യല് മീഡിയയില് ഇപ്പോഴും ഹിന്ദുത്വവാദികളുടെ വിദ്വേഷ പ്രചാരണം തുടരുകയാണ്.
ഇതിനിടെയാണ് പരസ്യത്തിന്റെ സംവിധായികയായ ജോയീത പട്പാട്യയ്ക്കെതിരെ സംഘപരിവാര് അനുകൂലികളുടെ സംഘടിക നീക്കവും നടന്നത്.
തനിഷ്കിന്റെ പരസ്യത്തിന് പിന്നില് പ്രവര്ത്തിച്ച ജോയീതയുടെയും സഹപ്രവര്ത്തകരുടേയും മതം പറഞ്ഞുകൊണ്ടുള്ള വര്ഗീയ ക്യാമ്പയിനടക്കം രൂക്ഷമായ രീതിയിലാണ് ട്വിറ്റര് ഉള്പ്പെടെയുള്ള സോഷ്യല് മീഡിയയില് ഹിന്ദുത്വ വാദികള് വിദ്വേഷം പ്രചരിപ്പിക്കുന്നത്. അക്രമണ പ്രചരണിത്തിനായി മുന്നിലുള്ളവരില് ഭൂരിഭാഗവും ബി.ജെ.പി-സംഘപരിവാര് അനുകൂല പ്രവര്ത്തകരും പ്രധാനമന്ത്രി നരേന്ദ്രമോദിയടക്കം ബിജെപി നേതാക്കളെ പിന്തുടരുന്നവരുമാണ്.
കേന്ദ്രസര്ക്കാരിന്റെ പൗരത്വ ഭേദഗതി നിയമത്തിനെതിരെ ജോയീത സ്വീകരിച്ച നിലപാടുകളുള്പ്പെടെ ഇവര് ആക്രമണത്തിന് വിഷയമാക്കുന്നുണ്ട്. ജോയീത പൗരത്വ ഭേദഗതിക്കെതിരാണെന്നും ഷര്ജില് ഇമാം ഉള്പ്പെടെയുള്ള ‘തുക്കഡേ തുക്കഡേ ഗ്യാങി’ നെ പിന്തുണയ്ക്കുന്ന ആളാണെന്നും പറഞ്ഞുകൊണ്ടാണ് ഇവര്ക്കെതിരെയുള്ള പ്രചരണം.
ജോയീത അഹിന്ദുവാണെന്നും പരസ്യത്തിന് പിന്നില് പ്രവര്ത്തിച്ച ബ്രാന്റ് മാനേജര് തൊട്ട് അസിസ്റ്റന്റ് ഡയരക്ടര്വരെയുള്ള ആളുകള് ഹിന്ദുമതത്തിന് പുറത്തുള്ളവരുമാണെന്നും പ്രചരിപ്പിച്ചാണ് ഹിന്ദുത്വവാദികളുടെ വര്ഗീയ ആക്രമണം. തനിഷ്ക് പരസ്യത്തിനെതിരെ വിദ്വേഷ ക്യാമ്പയിന് ആരംഭിച്ചതിന് പിന്നാലെ നിരവധിപേര് ജോയീതയുടെ മതം ഗൂഗിളില് തെരഞ്ഞിരുന്നു. നേരത്തെ, തനിഷ്കിനെതിരെ ഹിന്ദുത്വവാദികള് രംഗത്തെത്തിയത് പിന്നാലെ തനിഷ്കിന്റെ സ്റ്റോര് ആക്രമിക്കുന്നതിലേക്കുവരെ കാര്യങ്ങള് എത്തിച്ചേര്ന്നു.
അതേസമയം, പരസ്യ ചിത്രത്തിന്റെ പിന്നണി പ്രവര്ത്തകര്ക്കെതിരെ നടക്കുന്ന ആസൂത്രിത ആക്രമണത്തില് പ്രതിഷേധിച്ച് കോണ്ഗ്രസ് നേതാവ് ശശി തരൂര് അടക്കം നിരവധി പേര് രംഗത്തെത്തി.
“I am the unborn baby in that Tanishq ad” — brilliant, heart-warming piece by a daughter of a Hindu-Muslim marriage, Sameena Dalwai. Let us celebrate the richness of our common humanity, &the infinite possibilities that life offers those who shed bigotry: https://t.co/hiEK9uF7Oo
— Shashi Tharoor (@ShashiTharoor) October 15, 2020
തനിക്കെതിരെ നടക്കുന്ന ആക്രണത്തില് നിലപാട് വ്യക്തമാക്കി സംവിധായക ജോയീതയും രംഗത്തെത്തി. ”സോഷ്യല് മീഡിയയില് എന്റെ നേരെ വളരെ മോശമായ ധാരാളം പ്രചരണങ്ങള് വരുന്നുണ്ട്, പക്ഷേ അതൊന്നും ഇന്സ്റ്റാഗ്രാമില് നിരന്തരം പങ്കിടാന് ഞാന് ആഗ്രഹിക്കുന്നില്ല. അതിനേക്കാളേറെ മനോഹരം ഞങ്ങളുടെ ക്യാംപെയ്നെ പിന്തുണച്ചുവരുന്ന കലാസൃഷ്ടികളും വാക്കുകളും സ്നേഹവുമൊക്കെ പങ്കുവെയ്ക്കുന്നതാണെന്ന് ഞാന് കരുതുന്നു,” ജോയീത പറഞ്ഞു.
നിരന്തരമായ വേട്ടയാടലിനും ആക്രമണങ്ങള്ക്കും ഒടുവില് തനിഷ്കിന് തങ്ങളുടെ പരസ്യം പിന്വലിക്കേണ്ടി ഗതി വന്നിരുന്നു. തനിഷ്ക് പരസ്യം പിന്വലിച്ചെങ്കിലും താന് ചെയ്ത പരസ്യത്തില് ഉറച്ചുനില്ക്കുകയാണ് ഈ സംവിധായിക.
സ്വാതന്ത്ര്യം നേടിയിട്ട് വര്ഷങ്ങള് കഴിഞ്ഞെന്നും നമ്മള് ഒരുപാട് മുന്നോട്ടുപോയെന്നുമാണ് ഞങ്ങള് വിചാരിച്ചിരുന്നത്. ഈ പരസ്യത്തെ ചുറ്റിപ്പറ്റി ചെറിയ രീതിയിലുള്ള ചര്ച്ചകള് ഉണ്ടാവുമെന്നൊക്കെ പ്രതീക്ഷിച്ചിരുന്നു. എന്നാല് പുറത്തുവരുന്ന വിദ്വേഷത്തിന്റെയും വെറുപ്പിന്റെയും തോത് ഇത്രക്ക് ഉണ്ടെന്നറിഞ്ഞപ്പോള് ഞെട്ടിപ്പോയെന്നും, ദി ക്യുന്റിന് നല്കിയ അഭിമുഖകത്തില് സംവിധായക കൂട്ടിച്ചേര്ത്തു.
india
ബെംഗളൂരുവില് വന്ദേ ഭാരത് തട്ടി രണ്ട് മലയാളി വിദ്യാര്ത്ഥികള് മരിച്ചു
ഇന്നലെ വൈകിട്ട് നടന്ന അപകടത്തില് ബെംഗളൂരുവിലെ സപ്തഗിരി കോളേജ് വിദ്യാര്ത്ഥികളായ സ്റ്റെര്ലിന് എലിസ ഷാജി (19), ജസ്റ്റിന് ജോസഫ് (20) എന്നിവര് സംഭവ സ്ഥലത്ത് തന്നെ മരിച്ചു.
ബെംഗളൂരു: കേരളത്തില് നിന്നുള്ള രണ്ട് നഴ്സിങ് വിദ്യാര്ത്ഥികള് വന്ദേ ഭാരത് ട്രെയിന് തട്ടി മരണപ്പെട്ട ദാരുണ സംഭവത്തില് അന്വേഷണം പുരോഗമിക്കുന്നു. ചിക്കബനവര റെയില്വെ സ്റ്റേഷനില് ഇന്നലെ വൈകിട്ട് നടന്ന അപകടത്തില് ബെംഗളൂരുവിലെ സപ്തഗിരി കോളേജ് വിദ്യാര്ത്ഥികളായ സ്റ്റെര്ലിന് എലിസ ഷാജി (19), ജസ്റ്റിന് ജോസഫ് (20) എന്നിവര് സംഭവ സ്ഥലത്ത് തന്നെ മരിച്ചു. ഉച്ചയ്ക്ക് 2.35ഓടെ ബെംഗളൂരുവില് നിന്ന് ബെലഗാവിയിലേക്ക് പോയിക്കൊണ്ടിരുന്ന വന്ദേ ഭാരത് ട്രെയിന് ഇരുവരെയും ഇടിക്കുകയായിരുന്നു. ട്രെയിന് സമയക്രമം പാലിക്കാന് അതിനിയിലവേഗത്തില് ഓടിച്ചിരുന്നതായാണ് ലഭിക്കുന്ന പ്രാഥമിക വിവരം. വിദ്യാര്ത്ഥികള് തങ്ങളുടെ താമസസ്ഥലത്തേക്ക് പോകുന്നതിനിടെ റെയില്പാത മുറിച്ചുകടക്കുമ്പോള് ട്രെയിന് ഇടിച്ചതാകാമെന്നു പൊലീസ് പ്രാഥമികമായി കരുതുന്നു. എന്നിരുന്നാലും, ഇത് അപകടമരണമായിരുന്നോ എന്ന കാര്യത്തില് വ്യക്തത ലഭിച്ചിട്ടില്ല.സംഭവത്തെ തുടര്ന്ന് ബെംഗളൂരു റൂറല് റെയില്വെ പൊലീസ് അസ്വാഭാവിക മരണത്തിന് കേസ് എടുത്തിട്ടുണ്ട്. മൃതദേഹങ്ങള് എം. എസ്. രാമയ്യ ആശുപത്രിയിലേക്ക് മാറ്റി.
india
ഇന്ത്യാ ഗേറ്റിലെ മലിനീകരണ പ്രതിഷേധത്തില് സംഘര്ഷം; പെപ്പര് സ്പ്രേയുമായി 15 പേര് അറസ്റ്റില്
റോഡ് ഉപരോധത്തിലേര്പ്പെട്ട പ്രതിഷേധക്കാരില് നിന്ന് പൊലീസ് ഉദ്യോഗസ്ഥര്ക്ക് നേരെ പെപ്പര് സ്പ്രേ പ്രയോഗിച്ചതിനെത്തുടര്ന്ന് സ്ഥിതി നിയന്ത്രണാതീതമായി.
ന്യൂഡല്ഹി: ഡല്ഹിയിലെ വായു മലിനീകരണ നില ഭീഷണിപരമായി ഉയര്ന്നതിനെതിരെ ഇന്ത്യാ ഗേറ്റില് നടന്ന പ്രതിഷേധം ഗുരുതര സംഘര്ഷത്തിലേക്ക് നീങ്ങി. റോഡ് ഉപരോധത്തിലേര്പ്പെട്ട പ്രതിഷേധക്കാരില് നിന്ന് പൊലീസ് ഉദ്യോഗസ്ഥര്ക്ക് നേരെ പെപ്പര് സ്പ്രേ പ്രയോഗിച്ചതിനെത്തുടര്ന്ന് സ്ഥിതി നിയന്ത്രണാതീതമായി. തുടര്ന്ന് 15 പേരെ പൊലീസ് അറസ്റ്റ് ചെയ്തു. മുതിര്ന്ന പൊലീസ് ഉദ്യോഗസ്ഥരുടെ വിശദീകരണപ്രകാരം, പ്രതിഷേധം ആംബുലന്സുകളുടെയും മെഡിക്കല് ടീമുകളുടെയും സഞ്ചാരത്തിന് തടസം സൃഷ്ടിച്ചിരുന്നു. ഇത് പ്രതിഷേധക്കാരോട് ശ്രദ്ധിപ്പിച്ചതിനെത്തുടര്ന്ന് വാക്കുതര്ക്കവും പിന്നീട് ഏറ്റുമുട്ടലും ഉണ്ടായി. അതിനിടയില് ചിലര് ഉദ്യോഗസ്ഥര്ക്കെതിരെ പെപ്പര് സ്പ്രേ ഉപയോഗിച്ചതായി പൊലീസ് ആരോപിച്ചു. ഡല്ഹിയിലെ വായു ഗുണനിലവാരം പൊതുജനാരോഗ്യത്തിനും ഗുരുതര ഭീഷണിയായി മാറിയിരിക്കുകയാണെന്ന് Delhi Coordination Committee for clean Air വ്യക്തമാക്കുന്നു. മലിനീകരണത്തിന്റെ അടിസ്ഥാന കാരണങ്ങള് പരിഹരിക്കുന്നതില് സര്ക്കാര് പരാജയപ്പെട്ടുവെന്നും സംഘടന ആരോപിച്ചു. ദീര്ഘകാല നയങ്ങളേക്കാള് വാട്ടര് സ്പ്രിങ്ക്ളറുകള്, ക്ലൗഡ് സീഡിംഗ് പോലുള്ള താല്ക്കാലിക നടപടികളിലാണ് അധികാരികള് ആശ്രയിക്കുന്നതെന്നും അവര് ചൂണ്ടിക്കാട്ടി.
entertainment
ബോളിവുഡ് ഇതിഹാസം ധര്മേന്ദ്ര അന്തരിച്ചു
മരണം സ്ഥിരീകരിച്ച് കരണ് ജോഹര് എക്സില് കുറിപ്പ് പങ്കുവെച്ചിട്ടുണ്ട്.
മുംബൈ: ബോളിവുഡ് ഇതിഹാസം ധര്മേന്ദ്ര (ധരം സിങ് ഡിയോള്) അന്തരിച്ചു. മുംബൈയിലായിരുന്നു അന്ത്യം. മരണം സ്ഥിരീകരിച്ച് കരണ് ജോഹര് എക്സില് കുറിപ്പ് പങ്കുവെച്ചിട്ടുണ്ട്. മുംബൈയിലെ വസതിയില് ഉച്ചക്ക് ഒരുമണിയോടെയായിരുന്നു മരണം.
രണ്ടാഴ്ച മുമ്പ് മുംബൈയിലെ ആശുപത്രിയില് ചികിത്സയില് കഴിഞ്ഞ വേളയില് ധര്മേന്ദ്ര മരിച്ചുവെന്ന അഭ്യൂഹം പ്രചരിച്ചിരുന്നു. എന്നാല് മരണവാര്ത്ത തെറ്റാണെന്ന് കുടുംബം സ്ഥിരീകരിച്ചതോടെ മാധ്യമങ്ങള് ഖേദം പ്രകടിപ്പിക്കുകയും ചെയ്തു. ശ്വാസസംബന്ധമായ ബുദ്ധിമുട്ടുകളെ തുടര്ന്ന് ഒക്ടോബര് 31നാണ് ധര്മേന്ദ്രയെ മുംബൈയിലെ ബ്രീച്ച് കാന്ഡി ആശുപത്രിയില് പ്രവേശിപ്പിച്ചിരുന്നത്. പിന്നീട് ആശുപത്രി വിടുകയും ചെയ്തു.
ലുധിയാനയില് ജനിച്ച ധര്മേന്ദ്ര 1960ല് ‘ദില് ഭീ തേരാ ഹം ഭീ തേരെ’ എന്ന ചിത്രത്തിലൂടെയാണ് തന്റെ കരിയര് ആരംഭിച്ചത്. 2012ല് ഭാരത സര്ക്കാരിന്റെ മൂന്നാമത്തെ പരമോന്നത സിവിലിയന് ബഹുമതിയായ പത്മഭൂഷണ് നല്കി അദ്ദേഹത്തെ ആദരിച്ചു. ആറ് പതിറ്റാണ്ട് നീണ്ട കരിയറില് യാദോന് കി ബാരാത്ത്, മേരാ ഗാവ് മേരാ ദേശ്, നൗക്കര് ബീവി കാ, ഫൂല് ഔര് പത്ഥര്, ബേതാബ്, ഘായല് തുടങ്ങിയ അവാര്ഡ് നേടിയ നിരവധി ചിത്രങ്ങളില് അദ്ദേഹം അഭിനയിച്ചു. പഞ്ചാബിലെ ലുധിയാനയില് ജനിച്ച ധര്മേന്ദ്ര കേവല് കൃഷന് ഡിയോള് പിന്നീട് സിനിമയിലെ മിന്നും താരമാകുകയായിരുന്നു.
1960കളില് ലളിതവും റൊമാന്റിക്കുമായ കഥാപാത്രങ്ങളിലൂടെയാണ് അദ്ദേഹം സിനിമാ ജീവിതം ആരംഭിച്ചത്. 1970കളില് അദ്ദേഹം ആക്ഷന് സിനിമകളിലേക്ക് തിരിയുകയും ബോളിവുഡിലെ ഏറ്റവും വലിയ ആക്ഷന് താരങ്ങളില് ഒരാളായി മാറുകയും ചെയ്തു. ആക്ഷന് രംഗങ്ങളിലും കോമഡി, റൊമാന്സ്, നാടകം എന്നിങ്ങനെയുള്ള എല്ലാത്തരം റോളുകളിലും അദ്ദേഹം ഒരുപോലെ തിളങ്ങി. ഷോലെ എന്ന എക്കാലത്തെയും വലിയ ഹിറ്റ് ചിത്രത്തിലെ വീരു എന്ന കഥാപാത്രം അദ്ദേഹത്തിന്റെ കരിയറിലെ ഒരു നാഴികക്കല്ലാണ്. നൂറിലധികം സിനിമകളില് അദ്ദേഹം അഭിനയിച്ചിട്ടുണ്ട്.
-
world22 hours agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
india3 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
kerala3 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
world2 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala24 hours ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
india3 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala3 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
Health23 hours agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം