kerala
വിദ്യാര്ഥിനിക്ക് കഞ്ചാവ് നല്കി പീഡനം; കൂടുതല് ഇരകളെന്ന് പൊലീസ്
കൊച്ചി: സ്കൂള് വിദ്യാര്ത്ഥിനിക്ക് കഞ്ചാവ് നല്കി പീഡിപ്പിച്ച കേസില് അറസ്റ്റിലായ യുവാക്കളുടെ രണ്ട് ആഴ്ചത്തെ ഫോണ് കോള് വിവരങ്ങള് (സി.ഡി.ആര്) കേന്ദ്രീകരിച്ച് അന്വേഷണം. തൃപ്പൂണിത്തുറ അരഞ്ഞാണിയില് വീട്ടില് ജിത്തുവും (29), തൃപ്പൂണിത്തുറ പെരുമ്പള്ളിയില് വീട്ടില് സോണിയും (25) സമാനമായി കൂടുതല് പെണ്കുട്ടികളെ വലയില് വീഴ്ത്തിയിട്ടുണ്ടാകുമെന്ന് സംശയിക്കുന്നുണ്ട്.
ഈ സാഹചര്യത്തിലാണ് പോക്സോ കേസ് പ്രതികളുടെ സി.ഡി.ആര് എറണാകുളം നോര്ത്ത് പൊലീസ് ശേഖരിച്ചിട്ടുള്ളത്. രണ്ടാഴ്ചക്കിടെ ഇവര് ആരെല്ലാമായി ബന്ധപ്പെട്ടു, ലഹരിമരുന്നുകള് ലഭിച്ചത് ആരില് നിന്ന്, ഇവരുടെ സുഹൃത്തുക്കളും ഇതേ രീതി പ്രയോഗിക്കുന്നുണ്ടോ തുടങ്ങിയ കാര്യങ്ങളാണ് അന്വേഷിക്കുന്നത്. സി.ഡി.ആര് വിവരങ്ങള് ശേഖരിച്ചതിന് ശേഷം പ്രതികളെ കസ്റ്റഡിയില് വാങ്ങും. അതേസമയം, മൂന്ന് കുട്ടികളെയാണ് പ്രതികള് വലയിലാക്കിയത്. ഇതില് രണ്ടുപേര് ലൈംഗിക ഉപദ്രവങ്ങളില് നിന്ന് തലനാരിഴയ്ക്ക് രക്ഷപ്പെട്ടവരാണ്. ഇവരിതുവരെ പരാതി നല്കിയിട്ടില്ല. ഒരു പെണ്കുട്ടി മാത്രമാണ് പരാതി നല്കിയിട്ടുള്ളത്. ഇവരുടെ വൈദ്യപരിശോധന നടത്തിയിട്ടുണ്ട്. രഹസ്യമൊഴി രേഖപ്പെടുത്തിയേക്കും.
കഴിഞ്ഞ ദിവസം കലൂര് പാവക്കുളം ക്ഷേത്രത്തിന് സമീപം പ്രതികള് ഓടിച്ചിരുന്ന കാര് ഇടിച്ച് കൊച്ചി നഗരത്തിലെ ശുചീകരണ തൊഴിലാളി മരിക്കുകയും ഒരാള്ക്ക് ഗുരുതരമായി പരിക്കേല്ക്കുകയും ചെയ്തിരുന്നു. ഓട്ടോയും സ്കൂട്ടറുമടക്കം ഇടിച്ചുതെറിപ്പിച്ച ശേഷം നിര്ത്താതെ പോയ ഇവരെ കലൂര് ദേശാഭിമാനി ജംഗ്ഷനില് വച്ച് തടഞ്ഞു നിര്ത്തിയാണ് പിടികൂടിയത്. കാറില് സ്കൂള് വിദ്യാര്ത്ഥിനികളുണ്ടായിരുന്നെന്ന വിവരത്തെ തുടര്ന്ന് നടത്തിയ അന്വേഷണത്തില് പെണ്കുട്ടികളെ കണ്ടെത്തി ചോദ്യം ചെയ്തപ്പോഴാണ് പീഡനവിവരം പുറത്തറിഞ്ഞത്. സി.സി.ടിവികള് പരിശോധിച്ചാണ് പെണ്കുട്ടികള് കാറിലുണ്ടായിരുന്നുവെന്ന് പൊലീസ് സ്ഥിരീകരിച്ചത്. ഇവരെ കണ്ടെത്തി വനിതാ പൊലീസ് ഉദ്യോഗസ്ഥര് വിവരങ്ങള് ചോദിച്ചറിഞ്ഞപ്പോഴാണ് കഞ്ചാവ് നല്കി പീഡിപ്പിച്ചതായി മൊഴി നല്കിയത്. ജിത്തു മെഡിക്കല് റെപ്രസെന്റേറ്റീവാണ്. സോണി കൊച്ചി കപ്പല്ശാലയിലെ കരാര് ജീവനക്കാരാനാണ്. ഇയാളാണ് ലഹരിമരുന്നും മറ്റും സംഘടിപ്പിച്ചിരുന്നത്.
kerala
രാജ്യാന്തര ചലച്ചിത്രമേളയ്ക്ക് തുടക്കം; വേദിയില് അവള്ക്കൊപ്പം പ്ലക്കാര്ഡ് ഉയര്ത്തി കാണികള്
ചിലി സംവിധായകന് പാബ്ലോ ലാറോ, ഫലസ്തീര് അംബാസിഡര് അബ്ദുള്ള എം. അബു ഷവേഷ്, ജര്മന് അംബാസിഡര് ഡോ.ഫിലിപ് അക്കര്മെന് എന്നിവര് വേദിയില് അതിഥികളായി.
മുപ്പതാമത് രാജ്യാന്തര ചലച്ചിത്രമേളയ്ക്ക് തലസ്ഥാനത്ത് തുടക്കം. എട്ടു ദിവസം നീണ്ടുനില്ക്കുന്ന സിനിമാ സംവാദങ്ങള്ക്കാണ് തലസ്ഥാനത്ത് തുടക്കമായത്. നിശാഗന്ധിയില് സാംസ്കാരിക വകുപ്പ് മന്ത്രി സജി ചെറിയാന് മേള ഉദ്ഘാടനം ചെയ്തു. ഉദ്ഘാടന വേദിയില് ഡെലിഗേറ്റുകളില് ചിലര് അവള്ക്കൊപ്പം പ്ലക്കാര്ഡ് ഉയര്ത്തി.
ചിലി സംവിധായകന് പാബ്ലോ ലാറോ, ഫലസ്തീര് അംബാസിഡര് അബ്ദുള്ള എം. അബു ഷവേഷ്, ജര്മന് അംബാസിഡര് ഡോ.ഫിലിപ് അക്കര്മെന് എന്നിവര് വേദിയില് അതിഥികളായി. പൊരുതുന്ന ജനതയ്ക്ക് ഐക്യദാഢ്യം പ്രഖ്യാപിക്കുന്നതാണ് ഇത്തവണത്തെ ചലചിത്ര മേളയുടെ സന്ദേശം. ഈ മാസം 19 വരെയാണ് മേള. നിശാഗന്ധി ഓപ്പണ് തീയറ്റര് ഉള്പ്പെടെ 16 വേദികളിലാ മാണ് സിനിമകള് പ്രദര്ശിപ്പിക്കുക.
kerala
ഇത്രയുംനാള് പോരാടിയിട്ടും അതിജീവിതയ്ക്ക് അതിനുള്ള മറുപടി ലഭിച്ചില്ല; ഉമാ തോമസ് എംഎല്എ
ഏറ്റവും കുറഞ്ഞ ശിക്ഷയാണ് കൊടുത്തിരിക്കുന്നത്. ജീവപര്യന്തമെങ്കിലും പ്രതികള്ക്ക് ലഭിക്കുമെന്ന് വിചാരിച്ചിരുന്നു.
നടി ആക്രമിക്കപ്പെട്ട കേസില് ഇത്രയുംനാള് പോരാടിയ അതിജീവിതയ്ക്ക് അതിനുള്ള മറുപടി പോലും കോടതിയില് നിന്ന് ലഭിച്ചില്ലെന്ന് ഉമാ തോമസ് എംഎല്എ. ഏറ്റവും കുറഞ്ഞ ശിക്ഷയാണ് പ്രതികള്ക്ക് ലഭിച്ചിരിക്കുന്നത്. സെന്ഷേണല് കേസില് വിധിവരുമ്പോള് സമൂഹത്തിന് ഒരു സന്ദേശം ഉണ്ടാകേണ്ടതായിരുന്നുവെന്നും ഉമാ തോമസ് എംഎല്എ കൂട്ടിച്ചേര്ത്തു.
നിര്ഭയ കൊലക്കേസുമായി ബന്ധപ്പെട്ട് പാര്ലമെന്റ് പാസാക്കിയ പുതിയ നിയമം അനുസരിച്ച് ഇതിനേക്കാള് കുറഞ്ഞ ശിക്ഷ കൂട്ടബലാത്സംഗത്തിന് കൊടുക്കാന് പറ്റില്ല. സെന്ഷേണല് കേസില് വിധിവരുമ്പോള് സമൂഹത്തിന് ഒരു സന്ദേശം കൊടുക്കണം. ഏറ്റവും കുറഞ്ഞ ശിക്ഷയാണ് കൊടുത്തിരിക്കുന്നത്. ജീവപര്യന്തമെങ്കിലും പ്രതികള്ക്ക് ലഭിക്കുമെന്ന് വിചാരിച്ചിരുന്നു.
കോടതിയെ മാനിക്കാതെയല്ല. സങ്കടമാണ് പറയുന്നത്. ഒരു കുട്ടി വഴിയില് അപമാനിക്കപ്പെട്ടിട്ട് ഇത്രയും നാള് ഇതിനും വേണ്ടി പോരാടിയിട്ടും അതിനുള്ള മറുപടി പോലും ആ കുട്ടിക്ക് ലഭിച്ചില്ല. നാടിനുവേണ്ടി സന്ദേശം നല്കാന്, എട്ട് വര്ഷമായി ദുഃഖം മുഴുവന് സഹിക്കുന്ന അവള്ക്ക് നീതി ലഭിച്ചില്ല. ആലോചിച്ചുറച്ച് വളരെ ആസൂത്രണത്തോടെ നടത്തിയിരിക്കുന്ന ക്രിമിനല് ഗൂഢാലോചനയാണ് എന്ന കാര്യത്തില് സംശയമില്ല,- ഉമാ തോമസ് എംഎല്എ പറഞ്ഞു.
kerala
അമ്മയില് ദിലീപിനെ തിരിച്ചെടുക്കുന്നതില് യാതൊരു ചര്ച്ചയും നടന്നിട്ടില്ല; ശ്വേത മേനോന്
പ്രതികള്ക്ക് ലഭിച്ച ശിക്ഷ പോരെന്നും സംഘടന അതിജീവിതയ്ക്കൊപ്പമാണെന്നും ശ്വേത പ്രതികരിച്ചു
താരസംഘടനയായ അമ്മയില് ദിലീപിനെ തിരിച്ചെടുക്കുന്നതില് യാതൊരു ചര്ച്ചയും നടന്നിട്ടില്ലെന്ന് അമ്മ പ്രസിഡന്റ് ശ്വേത മേനോന്. പ്രതികള്ക്ക് ലഭിച്ച ശിക്ഷ പോരെന്നും സംഘടന അതിജീവിതയ്ക്കൊപ്പമാണെന്നും ശ്വേത പ്രതികരിച്ചു. കേസില് പ്രതികളുടെ ശിക്ഷാവിധി പ്രഖ്യാപിച്ചതിന് പിന്നാലെയാണ് ശ്വേത മേനോന്റെ പ്രതികരണം.
കേസില് അപ്പീല് പോകണമെന്നാണ് വ്യക്തിപരമായ അഭിപ്രായമെന്നും ശ്വേത മേനോന് പറഞ്ഞു. വിഷയത്തില് അമ്മ പ്രതികരിക്കാന് വൈകിയെന്ന ബാബുരാജിന്റെ വിമര്ശനത്തെപറ്റിയുള്ള ചോദ്യത്തിന് അത് ബാബുരാജിന്റെ മാത്രം അഭിപ്രായമാണെന്നും സംഘടനാകാര്യങ്ങള് അറിയാത്തയാളല്ല ബാബുരാജ് എന്നും ശ്വേത പറഞ്ഞു.
-
india3 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala3 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
Sports1 day agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
india2 days ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി
-
kerala1 day agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി
-
india1 day agoഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
-
kerala2 days agoതദ്ദേശ തെരഞ്ഞെടുപ്പ് രണ്ടാം ഘട്ടം; ഏഴു ജില്ലകള് നാളെ പോളിംഗ് ബൂത്തിലേക്ക്
-
kerala2 days agoവ്യാജരേഖ ചമച്ച് വോട്ടര് പട്ടികയില് പേര് ചേര്ത്തു; സിപിഎം സ്ഥാനാര്ഥി ഉള്പ്പെടെ മൂന്നുപേര്ക്കെതിരെ കേസ്