Career
career chandrika: സ്‌കോളര്‍ഷിപ്പോടെ ശാസ്ത്ര പഠനം; മുന്നേറാന്‍ ‘നെസ്റ്റ് ‘
മികവിന്റെ കേന്ദ്രങ്ങളായ ശ്രേഷ്ഠസ്ഥാപനങ്ങളില്‍ സ്‌കോളര്‍ഷിപ്പോടെ ശാസ്ത്രപഠനം നടത്താനുള്ള അസുലഭാവസരമാണ് ‘നെസ്റ്റ്’ എന്ന ചുരുക്കപ്പേരിലറിയപ്പെടുന്ന നാഷണല്‍ എന്‍ട്രന്‍സ് സ്‌ക്രീനിങ്ങ് ടെസ്റ്റ് വഴി ലഭിക്കുന്നത്.
മികവിന്റെ കേന്ദ്രങ്ങളായ ശ്രേഷ്ഠസ്ഥാപനങ്ങളില്‍ സ്‌കോളര്‍ഷിപ്പോടെ ശാസ്ത്രപഠനം നടത്താനുള്ള അസുലഭാവസരമാണ് ‘നെസ്റ്റ്’ എന്ന ചുരുക്കപ്പേരിലറിയപ്പെടുന്ന നാഷണല്‍ എന്‍ട്രന്‍സ് സ്‌ക്രീനിങ്ങ് ടെസ്റ്റ് വഴി ലഭിക്കുന്നത്. കേന്ദ്ര സര്‍ക്കാറിന്റെ അറ്റോമിക ഊര്‍ജ്ജ വകുപ്പിന് കീഴിലുള്ള സ്വയംഭരണ സ്ഥാപനങ്ങളായ ഭുവനേശ്വറിലുള്ള നാഷണല്‍ ഇന്‍സ്റ്റിറ്റ്യൂട്ട് ഓഫ് സയന്സ് എജ്യുക്കേഷന്‍ ആന്റ് റിസര്‍ച്ച് (നൈസര്‍), മുംബൈ സര്‍വകലാശാലയിലെ അറ്റോമിക് എനര്‍ജി ഡിപ്പാര്‍ട്ടുമെന്റിന്റെ ഭാഗമായ സെന്റര്‍ ഫോര്‍ എക്‌സലന്‍സ് ഇന്‍ ബേസിക് സയന്സ് (സിഇബിസി) എന്നീ സ്ഥാപനങ്ങളിലാണ് ബയോളജി, ഫിസിക്‌സ്, കെമിസ്ട്രി, മാത്തമാറ്റിക്‌സ് എന്നിവയില്‍ ഇന്റഗ്രേറ്റഡ് എം.എസ്.സി കോഴ്സിന് പഠനാവസരം ലഭിക്കുന്നത്.
ശാസ്ത്രാഭിരുചിയുള്ള വിദ്യാര്‍ത്ഥികള്‍ക്ക് തിരഞ്ഞെടുക്കാവുന്ന തിളക്കമാര്‍ന്ന കരിയര്‍ പാതയാണിത്. ‘നെസ്റ്റ്’ പ്രവേശന കടമ്പ കടന്ന് ‘നൈസര്‍’, ‘സിഇബിസി’ എന്നിവിടങ്ങളില്‍ പഠനാവസരം നേടുന്ന വിദ്യാര്‍ഥികള്‍ക്ക് കേന്ദ്ര ആണവോര്‍ജ്ജ മന്ത്രാലയത്തിന്റെ ‘ദിശ’ ശാസ്ത്ര സാങ്കേതിക വിഭാഗത്തിന്റെ, ‘ഇന്‍സ്പയര്‍ ഷി’ എന്നീ പദ്ധതികളുടെ ഭാഗമായി പ്രതിവര്‍ഷം 60,000 രൂപ സ്‌കോളര്‍ഷിപ്പായും 20,000 രൂപ സമ്മര്‍ ഇന്റേണ്‍ഷിപ്പായും ലഭിക്കാന വസരമുണ്ടെന്ന സവിശേഷതയുണ്ട്. പഠനശേഷം ഇന്ത്യക്കകത്തും പുറത്തുമുള്ള പ്രശസ്ത സ്ഥാപനങ്ങളില്‍ ഗവേഷണ സാധ്യതകളും കണ്ടെത്താം.
+1 , +2 വിന് സയന്സ് വിഷയങ്ങളില്‍ 60 ശതമാനം (SC, ST വിഭാഗക്കാര്‍ക്ക് 55 ശതമാനം) മാര്‍ക്ക് നേടിയവര്‍ക്ക് അപേക്ഷിക്കാം. 2020, 2021 വര്‍ഷങ്ങളില്‍ പരീക്ഷ വിജയിച്ചവര്‍ക്കും 2022 ല്‍ പ്ലസ്ടു പരീക്ഷ അഭിമുഖീകരിക്കുന്നവര്‍ക്കും അപേക്ഷിക്കാം. 2002 ആഗസ്ത് 01 നു ശേഷം ജനിച്ചവരായിരിക്കണം. ‘നൈസര്‍’, ‘സിഇബിസി’ എന്നിവിടങ്ങളില്‍ യഥാക്രമം 200, 57 സീറ്റുകളാണുള്ളത്. നിയമാനുസരണം സംവരണമുണ്ടാവും. എല്ലാ ജില്ലകളിലും പരീക്ഷാ കേന്ദ്രങ്ങളുണ്ട്. മുന്‍ഗണനാടിസ്ഥാനത്തില്‍ 5 കേന്ദ്രങ്ങള്‍ തിരഞ്ഞെടുക്കണം.
ജൂണ്‍ 18 നു നടക്കുന്ന കമ്പ്യൂട്ടറധിഷ്ഠിത പരീക്ഷയില്‍ ഒബ്ജക്ടീവ് രീതിയിലുള്ള ചോദ്യങ്ങളുള്ള 4 വിഭാഗങ്ങളുണ്ടാവും. ബയോളജി, കെമിസ്ട്രി, മാത്തമാറ്റിക്‌സ്, ഫിസിക്‌സ് എന്നിവക്ക് 50 മാര്‍ക്ക് വീതമുള്ള ചോദ്യങ്ങളാണ് ഓരോ വിഭാഗത്തിലുമുണ്ടാവുക. കൂടുതല്‍ മാര്‍ക്ക് ലഭിക്കുന്ന മൂന്ന് സെക്ഷനുകളാണ് റാങ്കിങ്ങിനായി പരിഗണിക്കുക. ഓരോ വിഭാഗത്തിലും തെറ്റുത്തരത്തിനു നെഗറ്റീവ് മാര്‍ക്കുകളുള്ള ചോദ്യങ്ങളും ഒന്നിലധികം ഉത്തരങ്ങളുള്ള ചോദ്യങ്ങളുമുണ്ടാവും. ഒന്നിലധികം ഉത്തരങ്ങളുള്ള ചോദ്യങ്ങള്‍ക്ക് മുഴുവന്‍ ശരിയുത്തരങ്ങളും രേഖപ്പെടുത്തിയാല്‍ മാത്രമേ മാര്‍ക്ക് ലഭിക്കുകയുള്ളൂ. പരീക്ഷക്ക് ശേഷം ‘നൈസര്‍’, ‘സിഇബിസി’ എന്നിവക്കായി പ്രത്യേക മെറിറ്റ് ലിസ്റ്റ് തയ്യാറാക്കുന്നതായിരിക്കും.
https://www.nestexam.in/ എന്ന വെബ്‌സൈറ്റ് വഴി മേയ് 18 നകം അപേക്ഷിക്കണം. മുന്‍ വര്‍ഷങ്ങളില്‍ ചോദ്യപ്പേപ്പറുകള്‍, സിലബസ്, വിശദമായ ബ്രോഷര്‍ എന്നിവ വെബ്‌സൈറ്റില്‍ ലഭ്യമാണ്.
ആകാശത്തില്‍ പാറിനടക്കാന്‍ പൈലറ്റ് പരിശീലനം
കേന്ദ്ര സിവില്‍ വ്യോമയാന മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ ഉത്തര്‍പ്രദേശിലെ അമേത്തിയില്‍ പ്രവര്‍ത്തിക്കുന്ന ഇന്ദിരാഗാന്ധി രാഷ്ട്രീയ ഉറാന്‍ അക്കാദമിയില്‍ കമേഴ്‌സ്യല്‍ പൈലറ്റ് ലൈസന്‍സ് കോഴ്‌സിലേക്ക് മേയ് 18 വരെ ഓണ്‍ലൈനായി അപേക്ഷിക്കാം. 2022 സെപ്തംബറില്‍ ആരംഭിക്കുന്ന നാലു ബാച്ചുകളിലേക്കാണ് അഡ്മിഷന്‍ നടക്കുന്നത്. കുറച്ചധികം ചിലവുവരുന്ന കോഴ്‌സാണിത് എന്നതോര്‍ക്കണം.ട്രെയിനിങ് ഫീസുതന്നെ 45 ലക്ഷം രൂപ വരും. യൂണിഫോം, പഠനോപകരണങ്ങള്‍, താമസം ഭക്ഷണം തുടങ്ങിയ മറ്റുചിലവുകള്‍ വേറെയുമുണ്ട്. രണ്ട് വര്‍ഷമാണ് കോഴ്‌സ് ദൈര്‍ഘ്യം. ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേകം ഹോസ്റ്റല്‍ സൗകര്യമുണ്ട്. ഹോസ്റ്റല്‍ ചെലവ് പ്രതിമാസം ഏകദേശം 12,000 രൂപ വരും.
മാത്തമാറ്റിക്‌സ്, ഫിസിക്‌സ് എന്നിവയ്ക്ക് 50 ശതമാനത്തില്‍ കുറയാത്ത മാര്‍ക്കോടെ (പിന്നാക്ക വിഭാഗക്കാര്‍ക്ക് 45 ശതമാനം) പ്ലസ്ടു വിജയിക്കണം. കോഴ്‌സിനു ചേരുമ്പോള്‍ 17 വയസ് പൂര്‍ത്തിയായിരിക്കണം. മൊത്തം 120 സീറ്റാണുള്ളത്. പൈലറ്റ് ലൈസന്‍സിനൊപ്പം താല്‍പര്യമുണ്ടെങ്കില്‍ 3 വര്‍ഷം നീണ്ടു നില്‍ക്കുന്ന ബി.എസ്.സി (എവിയേഷന്‍) ബിരുദവും നേടാനാവസരമുണ്ട്. പൂര്‍ണ ആരോഗ്യവും ആവശ്യത്തിന് പൊക്കം, വണ്ണം, തൂക്കം എന്നിവ ഉണ്ടാവണം. 12,000 രൂപ ഫീസുണ്ട്. ജൂണ്‍ 12 ന് നടക്കുന്ന ഓണ്‍ലൈന്‍ പരീക്ഷക്ക് തിരുവനന്തപുരമടക്കം 18 കേന്ദ്രങ്ങളുണ്ട്. മുന്‍ഗണനാക്രമത്തില്‍ 3 സെന്ററുകള്‍ തിരഞ്ഞെടുക്കണം. വിവരങ്ങള്‍ക്കും ഓണ്‍ലൈനായി അപേക്ഷ സമര്‍പ്പിക്കുന്നതിനും https://igrua.gov.in/ എന്ന വെബ്‌സൈറ്റ് സന്ദര്‍ശിക്കുക.
Career
പി.ടി. സഫ്‌വാൻ ഹുദവിക്ക് ഡോക്ടറേറ്റ്; അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാ വിവരണങ്ങളുടെ താരതമ്യ പഠനത്തിലാണ് ഡോക്ടറേറ്റ്
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്.
റഹൂഫ് കൂട്ടിലങ്ങാടി
മലപ്പുറം: പി.ടി.സഫ് വാൻ ഹുദവി ഹൈദരാബാദ് ഇഫ്ളു സർവകലാശാലയിൽ നിന്ന് ഡോക്ടറേറ്റ് നേടി. ദി വേ ആൻ്റ് ദ വോയേജ്, എ കംപാരറ്റീവ് എൻക്വയറി ഇൻ ടു ജിയോ പൊയറ്റിക്സ് ആൻ്റ് ഇൻ്റർ സ്‌പെഷ്യാലിറ്റി ഇൻ ദ ട്രാവലോഗ്സ് ഓൺ മെക്ക (പഥവും സഞ്ചാരവും: അഞ്ച് ഭൂഖണ്ഡങ്ങളിൽ നിന്ന് മക്കയിലേക്കുള്ള യാത്രാവിവരണങ്ങളിലെ വൈവിധ്യങ്ങൾ സബന്ധിച്ചുള്ള താരതമ്യ പഠനം ഒരു അന്വേഷണം എന്ന വിഷയത്തിലാണ് ഹൈദരാബാദിലെ ഇംഗ്ലീഷ് ആൻ്റ് ഫോറിൻ ലാംഗ്വേജ് യൂണിവേഴ്സിറ്റി (ഇഫ്ളു)
യിൽ നിന്ന് ഡോക്ടറേറ്റ് ലഭിച്ചത്.
ചെമ്മാട് ദാറുൽ ഹുദാ ഇസ്ലാമിക് യൂനിവേഴ്‌സിറ്റിയിൽ നിന്ന് 2012 ൽ ഹുദവി ബിരുദം നേടിയ സഫ്‌വാൻ അതേ വർഷം തന്നെ കാലിക്കറ്റ് യൂനിവേഴ്‌സിറ്റിയിൽ നിന്ന് ഇംഗ്ലീഷ് ലാംഗ്വേജ് ആൻ്റ് ലിറ്ററേച്ചറിൽ ബിരുദവും നേടിയ ശേഷം ഇഫ്ളുവിൽ നിന്ന് ഇംഗ്ലീഷിൽ ബിരുദാനന്തര ബിരുദവും ഹൈദരാബാദ് സർവകലാശാലയിൽ നിന്ന് കംപാരറ്റീവ് ലിറ്ററേച്ചറിൽ എം ഫില്ലും നേടി. നേരത്തെ ഇഫ്ളുവിൽ നിന്ന് തന്നെ അറബിക് ഇംഗ്ലീഷ് ട്രാൻസലേഷനിൽ ഡിപ്ലോമയും നേടിയിട്ടുണ്ട്. തുടർന്നാണ് ഇഫ്ളുവിലെ ഡിപ്പാർട്മെൻ്റ് ഓഫ് കംപാരറ്റീവ് ലിറ്ററേച്ചറിൽ പി.എച്ച്.ഡിക്ക് ചേർന്നത്.
നിലവിൽ നിലമ്പൂർ അമൽകോളേജ് ഓഫ് അഡ്വാൻസ്ഡ് സ്റ്റഡീസിൽ അസിസ്റ്റൻ്റ് പ്രൊഫസറായ സഫ്‌വാൻ ദേശീയ അന്തർദേശീയ കം പാരറ്റീവ് അസോസിയേഷൻ അംഗമാണ്. ഐ.സി.എസ്.എസ്.ആർ ഡോക്ടറൽ ഫെലോഷിപ്പ്, മൗലാനാ ആസാദ് നാഷണൽ ഫെലോഷിപ് എന്നിവക്ക് അർഹത നേടിയിട്ടുണ്ട്.
നിലമ്പൂർ അമൽ കോളേജ് ഇഗ്നോ സ്റ്റഡി സെൻ്റർ അസിസ്റ്റൻ്റ് കോർഡിനേറ്റർ, ശ്രീനാരായണഗുരു ഓപ്പൺ സർവകലാശാല അക്കാഡമിക് കൗൺസിലർ, ന്യൂനപക്ഷ വിദ്യാർത്ഥികൾക്കുള്ള യു.ജി.സി.നെറ്റ് ഇംഗ്ലീഷ് പരിശീലനത്തിൻ്റെ സംസ്ഥാനതല കോർഡിനേറ്റർ, കോളേജ് അധ്യാപക സംഘടനയായ സി.കെ.സി.ടി മലപ്പുറം ജില്ലാ ജോ: സെക്രട്ടറി എന്നീ നിലകളിൽ പ്രവർത്തിക്കുന്നു.
നേരത്തെ, ഹൈദരാബാദ് മൗലാനാ ആസാദ് നാഷണൽ ഉർദു യൂനിവേഴ്‌സിറ്റി, മൗലാനാ ആസാദ് നാഷണൽ ഉറുദു സർവകലാശാല, മലപ്പുറം ഗവണ്‍മെന്റ് ആർട്സ് ആൻ്റ് സയന്സ് കോളേജ്, കുറ്റ്യാടി ഐഡിയൽ ആർട്സ് ആൻ്റ് സയൻസ് കോളേജ് എന്നിവിടങ്ങളിൽ
ഗസ്റ്റ് അധ്യാപകനായി ജോലി ചെയ്തിട്ടുണ്ട്.
ദേശീയ തലത്തിൽ ശ്രദ്ധേയമായ എജ്യുക്കേഷൻ ആൻ്റ് സൊസൈറ്റി ജേർണലിൽ ഫാദർ ഫിഗർ ഇൻ മാട്രിലിനി, ഹിസ് റ്റോ റൈസിംഗ് ഫാദർഹുഡ് ഇൻ ദ സോഷ്യോ കൾച്ചറൽ മില്യു ഓഫ് കേരള, ഇൻ്ററോഗേറ്റിംഗ് ദ ന്യു ട്രെൻഡ്സ് ഇൻ ട്രാൻസ് ലേഷൻ സ്റ്റഡീസ്, ദി ഷിഫ്റ്റ് ഫ്രം ലിംഗ്വിസ്റ്റിക് ടേൺ ഇൻ ടു കൾച്ചറൽ ടേൺ തുടങ്ങി ഇരുപതോളം പഠന പ്രബന്ധങ്ങൾ പ്രസിദ്ധീകരിക്കുകയും ദേശീയ അന്തർദേശീയ സെമിനാറുകളിലും ശിൽപ്പശാലകളിലും അവതരിപ്പിക്കുകയും ചെയ്തിട്ടുണ്ട്.
മലപ്പുറം കൂട്ടിലങ്ങാടി ചെലൂരിലെ പുളിക്കത്തൊടി മോയിൻ കുട്ടിയുടെയും കുട്ടശ്ശേരി നഫീസയുടെയും മകനാണ്. ഭാര്യ: കാട്ടിൽ പീടികക്കൽ ശഫ്ന. (മങ്കട പള്ളിപ്പുറം ഹൈസ്കൂൾ അധ്യാപിക). മകൻ: അയ്മൻ അഹമ്മദ് (മൂന്ന് വയസ്). നസീമ, ഫസീന, സുനീറ, നസീറ എന്നിവർ സഹോദരങ്ങളാണ്.
Career
ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് കോഴ്സിന് അപേക്ഷിക്കാം
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്.
സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്സ് സെന്ററിന്റെ നേതൃത്വത്തില്‍ പ്രവര്‍ത്തിക്കുന്ന എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റിന് (DAM) പ്രോഗ്രാമിലേക്ക് പ്ലസ്ടു അഥവാ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം.
അംഗീകൃത പഠന കേന്ദ്രങ്ങളുടെ നേതൃത്വത്തിലാണ് സമ്പര്‍ക്ക ക്ലാസ്സുകള്‍ ക്രമീകരിച്ചിട്ടുള്ളത്. വിവിധ എയര്‍പോര്‍ട്ടുകളില്‍ ഇന്റേണ്‍ഷിപ്പ് ഉള്‍പ്പെടുത്തിയിട്ടുണ്ട്. https://app.srccc.in/register എന്ന ലിങ്കിലൂടെ ഓണ്‍ലൈനായി അപേക്ഷിക്കാം. https://srccc.in/download എന്ന ലിങ്കില്‍ നിന്നും അപേക്ഷാഫാറം ഡൗണ്‍ലോഡ് ചെയ്തും അപേക്ഷിക്കാം. ആഗസ്റ്റ് പത്തിനുള്ളില്‍ അപേക്ഷ സമര്‍പ്പിക്കണം. വിശദ വിവരങ്ങള്‍ തിരുവനന്തപുരം നന്ദാവനത്തുള്ള എസ്.ആര്‍.സി ഓഫീസില്‍ നിന്ന് നേരിട്ടും ലഭിക്കും. വിലാസം: ഡയറക്ടര്‍, സ്റ്റേറ്റ് റിസോഴ്സ് സെന്റര്‍, നന്ദാവനം, വികാസ് ഭവന്‍ പി.ഒ, തിരുവനന്തപുരം-33. ഫോണ്‍: 0471 2570471, 9846033009. വിശദാംശങ്ങള്‍ www.srccc.in എന്ന വെബ്സൈറ്റിലും ലഭിക്കും.
Career
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയും
ചന്ദ്രിക തൊണ്ണൂറാം വാർഷികാഘോഷത്തിൻ്റെ ഭാഗമായി സംഘടിപ്പിക്കുന്ന വിദ്യഭ്യാസ പ്രദർശനവും സെമിനാറുകളും Edu Excel Education Expo ഇന്നും നാളെയുമായി കോട്ടക്കൽ പിഎം ഓഡിറ്റോറിയത്തിൽ നടക്കും. മലപ്പുറം ജില്ലയിൽ നിന്ന് ഈ വർഷം എസ്.എസ്.എൽ.സി, പ്ലസ്.ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളെ ആദരിക്കുന്ന വിജയമുദ്ര 2023 പരിപാടിയും ഈ അവസരത്തിൽ നടക്കും. പങ്കെടുക്കാൻ മുകളിൽ നൽകിയ QR code scan ചെയ്യുകയോ,https://chandrikanavathi.in/ ഈ ലിങ്ക് ഉപയോഗിച്ച് രജിസ്റ്റർ ചെയ്യുകയോ ചെയ്യുക.
-
News3 days agoഗസ്സയില് ഇസ്രാഈല് ആക്രമണം; 62,192 ഫലസ്തീനികള് കൊല്ലപ്പെട്ടു
-
india3 days agoപാക്കിസ്ഥാനുമായി ഉഭയകക്ഷി ബന്ധമില്ലെന്ന് സര്ക്കാര്; ഏഷ്യാ കപ്പിന് പച്ചക്കൊടി
-
india3 days ago‘ഞാന് ജീവിച്ചിരിക്കുന്നിടത്തോളം കാലം എന്റെ മകന് വേണ്ടി ശബ്ദിക്കും’: കാണാതായ ജെഎന്യു വിദ്യാര്ത്ഥി നജീബിന്റെ ഉമ്മ
-
kerala3 days agoഭിന്നശേഷി കുട്ടികള് നടത്തുന്ന കട സാമൂഹ്യ വിരുദ്ധര് അടിച്ച് തകര്ത്ത നിലയില്
-
News3 days agoകൊളംബിയയില് രണ്ടിടങ്ങളിലായി ബോംബ് ആക്രമണം; 12 പൊലീസുകാര് ഉള്പ്പടെ 17 പേര് മരിച്ചു
-
india3 days agoതെരുവ് നായകളെ വന്ധ്യംകരണത്തിനും പ്രതിരോധ കുത്തിവെപ്പിനും ശേഷം തുറന്നുവിടാം; സുപ്രീംകോടതി
-
kerala2 days agoമോഷണം ആരോപിച്ച് ആളുമാറി പൊലീസ് മര്ദനം
-
kerala3 days agoമഞ്ചേശ്വരം പൊലീസ് സ്റ്റേഷനിലെ എഎസ്ഐയെ പൊലീസ് ക്വാര്ട്ടേഴ്സില് മരിച്ച നിലയില് കണ്ടെത്തി