india
കോവിഡ് വ്യാപനം: വിമാനയാത്ര നിയന്ത്രിക്കണമെന്ന് കോണ്ഗ്രസ്; മാനദണ്ഡം പാലിച്ചില്ലെങ്കില് ജോഡോയാത്ര നിര്ത്തണമെന്ന് കേന്ദ്രം
രോഗബാധ കൂടുതലുള്ള രാജ്യങ്ങളില് നിന്നും ആളുകള് എത്തുന്നത് നിയന്ത്രിക്കണമെന്നും കോണ്ഗ്രസ് ആവശ്യപ്പെട്ടിട്ടുണ്ട്

ന്യൂഡല്ഹി: ചൈന, അമേരിക്ക അടക്കമുള്ള വിവിധ രാജ്യങ്ങളില് കോവിഡ് വ്യാപനം വീണ്ടും രൂക്ഷമാവുകയാണ്. വിദേശ വിമാനസര്വീസില് നിയന്ത്രണം വേണമെന്ന് കോണ്ഗ്രസ് കേന്ദ്രത്തിനോട് ആവശ്യപ്പെട്ടു. രോഗബാധ കൂടുതലുള്ള രാജ്യങ്ങളില് നിന്നും ആളുകള് എത്തുന്നത് നിയന്ത്രിക്കണമെന്നും കോണ്ഗ്രസ് ആവശ്യപ്പെട്ടിട്ടുണ്ട്. കോവിഡ് വ്യാപനം രൂക്ഷമായതോടെ ചൈനയില് ആശുപത്രികളും ശ്മശാനങ്ങളും കടുത്ത പ്രതിസന്ധിയാണ് നേരിടുന്നത്.
കോണ്ഗ്രസ് ആവശ്യം ഉന്നയിച്ചതിന് തൊട്ടുപിന്നാലെ മാനദണ്ഡം പാലിച്ചില്ലെങ്കില് ജോഡോയാത്ര നിര്ത്തണമെന്ന് ആവശ്യപ്പെട്ടിരിക്കുകയാണ് കേന്ദ്ര ആരോഗ്യമന്ത്രാലയം. കേന്ദ്ര ആരോഗ്യമന്ത്രി മന്സുഖ് മാണ്ഡവ്യ കോണ്ഗ്രസ് നേതാക്കളായ രാഹുല്ഗാന്ധി, അശോക് ഗെഹലോട്ട് എന്നിവര്ക്ക് ആവശ്യം ഉന്നയിച്ച് കത്തു നല്കി.
മാസ്കും സാനിറ്റൈസറും കൃത്യമായി ഉപയോഗിക്കണം. കോവിഡ് മാര്ഗനിര്ദേശങ്ങള് കര്ശനമായി പാലിക്കണം. വാക്സിന് എടുത്തവരെ മാത്രമേ യാത്രയില് പങ്കെടുപ്പിക്കാന് പാടുള്ളൂ. മാര്ഗനിര്ദേശങ്ങള് കര്ശനമായി പാലിക്കാന് കഴിയില്ലെങ്കില് യാത്ര നീട്ടിവെക്കണമെന്നുമാണ് കത്തില് കേന്ദ്രമന്ത്രി ആവശ്യപ്പെട്ടത്.
വിദേശ രാജ്യത്ത് കോവിഡ് വീണ്ടും പടര്ന്നുപിടിക്കുന്നത് കണക്കിലെടുത്ത് കേന്ദ്ര ആരോഗ്യമന്ത്രി മന്സുഖ് മാണ്ഡവ്യ ഇന്ന് ഉന്നതതലയോഗം വിളിച്ചു. ആരോഗ്യവിദഗ്ധര്, കേന്ദ്ര ആരോഗ്യമന്ത്രാലയ ഉദ്യോഗസ്ഥര്, നീതി ആയോഗ്, കോവിഡ് സമിതി അംഗങ്ങള് തുടങ്ങിയവര് യോഗത്തില് പങ്കെടുക്കും. കോവിഡ് പോസിറ്റീവ് ആകുന്ന രോഗികളുടെ സാംപിളുകള് ജനിതക ശ്രേണീകരണം നടത്തണമെന്ന് കേന്ദ്ര ആരോഗ്യസെക്രട്ടറി കഴിഞ്ഞ ദിവസം സംസ്ഥാനങ്ങള്ക്ക് നിര്ദേശം നല്കിയിരുന്നു.
india
ഉത്തരേന്ത്യയില് ഗ്രീഷ്മ തരംഗം മുറുകുന്നു
രാജസ്ഥാനിലെ ശ്രീഗംഗാനഗറില് താപനില, 49.4 ഡിഗ്രി സെല്ഷ്യസിലെത്തി.

ഗ്രീഷ്മ തരംഗത്തില് ഉരുകി ഉത്തരേന്ത്യ. മേഘലയില് ഉയര്ന്ന താപനില അന്പത് ഡിഗ്രി സെല്ഷ്യസിനോട് അടുക്കുന്നു. കിഴക്കന് രാജസ്ഥാന്, ജമ്മു, ഹരിയാന, മധ്യപ്രദേശ് എന്നിവിടങ്ങളില് കടുത്ത ഉഷ്ണ തരംഗമുണ്ടായി. തീവ്രമായത് പടിഞ്ഞാറന് രാജസ്ഥാനിലായിരുന്നു. രാജസ്ഥാനിലെ ശ്രീഗംഗാനഗറില് താപനില, 49.4 ഡിഗ്രി സെല്ഷ്യസിലെത്തി.
ഡല്ഹി സഫ്ദര്ജംഗില് ഏറ്റവും ഉയര്ന്ന താപനില, 41 ദശാംശം 4 ഡിഗ്രി സെല്ഷ്യസ് രേഖപ്പെടുത്തി. ചൂട് ഇനിയും ഉയരാന് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
india
ജമ്മുകശ്മീരിനെ പാകിസ്താന്റെ ഭാഗമാക്കി ഇന്ത്യയുടെ ഭൂപടം പോസ്റ്റ് ചെയ്ത് ഇസ്രഈല് പ്രതികരിക്കാതെ ഇന്ത്യ
വിവാദമായതോടെ ക്ഷമാപണം നടത്തി ഇസ്രാഈല് സൈന്യം രംഗത്തെത്തിയിരുന്നു.

ഇന്ത്യയുടെ ഭൂപടം തെറ്റായി ചിത്രീകരിച്ച് ഇസ്രഈല്. ജമ്മുകശ്മീരിനെ പാകിസ്താന്റെ ഭാഗമാക്കിയാണ് ഇസ്രാഈല് സൈന്യം ഭൂപടം പോസ്റ്റ് ചെയ്തത്. ഇതിന് പിന്നാലെ ഐഡിഎഫ് എക്സില് പോസ്റ്റ് ചെയ്ത ഭൂപടത്തിനെതിരെ സമൂഹമാധ്യമങ്ങളില് വലിയ പ്രതിഷേധം ഉയര്ന്നുവന്നിരുന്നു. വിവാദമായതോടെ ക്ഷമാപണം നടത്തി ഇസ്രാഈല് സൈന്യം രംഗത്തെത്തിയിരുന്നു.
ഭൂപടത്തില് അന്താരാഷ്ട്ര അതിര്ത്തികളെ കൃത്യമായി ചിത്രീകരിക്കുന്നതില് വീഴ്ച്ചയുണ്ടായെന്നും, തങ്ങള് പങ്കുവെച്ച പോസ്റ്റ് ആ പ്രദേശത്തിന്റെ ഒരു ചിത്രീകരണം മാത്രമാണെന്നും ഈ ചിത്രം മൂലമുണ്ടായ എല്ലാ പ്രശ്നങ്ങള്ക്കും ഞങ്ങള് ക്ഷമ ചോദിക്കുന്നുവെന്നും ഇസ്രഈല് പ്രതിരോധ സേന എക്സില് കുറിച്ചു.
എന്നാല്, ഐഡിഎഫിന്റെ തെറ്റായ ഭൂപടത്തോട് ഇന്ത്യ ഇതുവരെ പ്രതികരിച്ചിട്ടില്ല. ഇറാന് ഒരു ആഗോള ഭീഷണിയാണെന്ന് ചൂണ്ടിക്കാട്ടി അതിന്റെ ചുറ്റുമുള്ള പ്രദേശങ്ങളെ ഉള്ക്കൊള്ളിച്ചുള്ള മാപ്പിലാണ് ഇസ്രയേല് സേന ഇന്ത്യന് പ്രദേശത്തെ തെറ്റായി ചിത്രീകരിച്ചത്.
india
നീറ്റ് യുജി 2025; പരീക്ഷ ഫലം പ്രസിദ്ധീകരിച്ചു
നാഷണല് ടെസ്റ്റിങ് ഏജന്സിയുടെ ഔദ്യോഗിക വെബ്സൈറ്റായ neet.nta.nic.in-ല് ഫലം ലഭ്യമാണ്.

നീറ്റ് യുജി 2025 പരീക്ഷ ഫലം എന് ടി എ പ്രസിദ്ധീകരിച്ചു. മെയ് 4-നാണ് നീറ്റ് യുജി 2025 പരീക്ഷ നടന്നത്. നാഷണല് ടെസ്റ്റിങ് ഏജന്സിയുടെ ഔദ്യോഗിക വെബ്സൈറ്റായ neet.nta.nic.in-ല് ഫലം ലഭ്യമാണ്.
ലക്ഷക്കണക്കിന് മെഡിക്കല് വിദ്യാര്ഥികളാണ് രാജ്യത്തുടനീളമുള്ള എംബിബിഎസ്, ബിഡിഎസ് പ്രോഗ്രാമുകളിലെ സീറ്റുകള്ക്കായി പരീക്ഷയെഴുതിയത്. 22.7 ലക്ഷത്തിലധികം വിദ്യാര്ഥികള് പരീക്ഷ എഴുതി. ഏകദേശം 12.5 ലക്ഷം വിദ്യാര്ഥികള് യോഗ്യത നേടുമെന്നായിരുന്നു പ്രതീക്ഷ.
-
Celebrity3 days ago
‘എന്നെ വേടന് എന്ന് സ്നേഹത്തോടെ ആദ്യം വിളിച്ചത് അവരാണ്’; പേരിന് പിന്നിലെ കഥ പറഞ്ഞ് വേടന്
-
kerala2 days ago
പടിയൂര് ഇരട്ടക്കൊലപാതകം; പ്രതി പ്രേംകുമാറിനെ മരിച്ച നിലയില് കണ്ടെത്തി
-
kerala3 days ago
പ്ലസ്ടു വിദ്യാര്ഥിനിയെ പീഡിപ്പിച്ച് ഗര്ഭിണിയാക്കി; എസ്.എഫ്.ഐ നേതാവിനെതിരെ പോക്സോ കേസ്
-
kerala3 days ago
ഞാൻ ആർക്കും എതിരല്ല ; എതിർപ്പ് സിസ്റ്റത്തിനോട്; വേടൻ
-
kerala3 days ago
കേരള സര്വകലാശാല സെനറ്റിലേക്ക് ആര്എസ്എസ് അനുകൂലിയെ നിയമനം നടത്തി ഗവര്ണര്
-
india2 days ago
അഹമ്മദാബാദില് വിമാനം തകര്ന്ന് വീണ മെഡിക്കല് കോളജ് ഹോസ്റ്റലിലെ അഞ്ച് വിദ്യാര്ഥികള് മരിച്ചു
-
gulf2 days ago
പ്രവാസി മലയാളി ഹൃദയാഘാതം മൂലം മരിച്ചു
-
More3 days ago
‘വിദ്യാർത്ഥികൾ ചൂഷണവിധേയമാകുന്നതിൽ ജാഗ്രത പാലിക്കണം’: ഇന്ത്യൻ ഹൈക്കമീഷണർ