kerala
മുസ്ലിം ലീഗ് ദേശീയ സമ്മേളനം: സംസ്ഥാന തല രജിസ്ട്രേഷന് സയ്യിദ് സാദിഖലി തങ്ങള് ഉദ്ഘാടനം ചെയ്തു
ഓണ്ലൈന് ആപ്പ് മുഖേനയായിരുന്നു ഉദ്ഘാടനം
മലപ്പുറം: മാര്ച്ച് 9 ,10 തിയതികളില് ചെന്നൈയില് നടക്കുന്ന മുസ്ലിം ലീഗ് പ്ലാറ്റിനം ജൂബിലി സമ്മേളനത്തില് കേരളത്തില് നിന്ന് പങ്കെടുക്കുന്ന പ്രതിനിധികളുടെ സംസ്ഥാന തല രജിസ്ട്രേഷന് ഉത്ഘാടനം പാര്ട്ടി സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള് നിര്വ്വഹിച്ചു. പ്രതിനിധി രജിസ്ട്രേഷനു വേണ്ടി പ്രത്യേകം തയ്യാറാക്കിയ ഓണ്ലൈന് ആപ്പ് മുഖേന പ്രതിനിധിയായി രജിസ്ട്രര് ചെയ്തു കൊണ്ടാണ് തങ്ങള് ഉദ്ഘാടനം നിര്വ്വഹിച്ചത്.
‘ഉത്തരവാദിത്വരാഷ്ട്രീയത്തിന്റെ എഴര പതിറ്റാണ്ടുകള് ‘ എന്ന പ്രമേയം ഉയര്ത്തി നടക്കുന്ന പ്ലാറ്റിനം ജൂബിലി സമ്മേളനത്തിന്റെ ഭാഗമായി നടക്കുന്ന പ്രതിനിധി സമ്മേളനത്തില് തെരഞ്ഞെടുക്കപ്പെട്ട പ്രതിനിധികളാണ് പങ്കെടുക്കുക. മാര്ച്ച് 9 ന് പാണക്കാട് സയ്യിദ് ഹൈദരലി ശിഹാബ് തങ്ങള് നഗറില് നടക്കുന്ന പ്രതിനിധി സമ്മേളനം വര്ത്തമാന കാല ഇന്ത്യയുടെ രഷ്ട്രീയത്തെ ആഴത്തില് വിശകലനം ചെയ്യുന്ന വിവിധ സെഷനുകള് കൊണ്ട് സമ്പന്നമായിരിക്കും.
മുസ്ലിം ലീഗ് ദേശീയ നേതാക്കളെ കൂടാതെ രാജ്യത്തെ പ്രമുഖ മാധ്യമ പ്രവര്ത്തകരും ആക്ടിവിസ്റ്റുകളും സാംസ്കാരിക നായകരും വിവിധ സെഷനുകളില് പ്രതിനിധികളോട് സംവദിക്കും. തുടര്ന്ന് മാര്ച്ച് 10 ന് രാവിലെ പാര്ട്ടി പിറവി കൊണ്ട ചരിത്രപ്രസിദ്ധമായ രാജാജി ഹാളില് ദേശീയ കൗണ്സില് മീറ്റില് ദേശീയ രാഷ്ട്രീയ പ്രമേയങ്ങള്ക്ക് രൂപം നല്കും. തുടര്ന്ന് വൈകിട്ട് നാലുമണിമുതല് ഖാഇദെ മില്ലത്ത് നഗറില് (കൊട്ടിവക്കം വൈ എം സി എ ഗ്രൗണ്ടില്) നടക്കുന്ന മഹാറാലിയില് ലക്ഷക്കണക്കിന് പ്രവര്ത്തകര് അണിനിരക്കും. തമിള് നാട് മുഖ്യമന്ത്രി എം കെ സ്റ്റാലിന് റാലിയില് മുഖ്യാതിഥിയായി പങ്കെടുക്കും.
മുസ്ലിം ലീഗ് ദേശീയ പ്രതിനിധി സമ്മേളനം
കേരളത്തില് നിന്നുള്ള പ്രതിനിധികള്
മുസ്ലിം ലീഗിന്റെ നിലവിലുള്ള സംസ്ഥാന ഭാരവാഹികള്,പ്രവര്ത്തക സമിതി അംഗങ്ങള്, യൂത്ത് ലീഗ്, എം എസ് എഫ് ,എ സ് റ്റി യു, വനിതാ ലീഗ്, കര്ഷക സംഘം ,ലോയേഴ്സ് ഫോറം, എ ഐ കെ എം സി സി ദേശീയ ഭാരവാഹികള്, യൂത്ത് ലീഗ്, എസ് റ്റി യു, വനിതാ ലീഗ്, ദളിത് ലീഗ് കേരള സംസ്ഥാന ഭാരവാഹികള്, യൂത്ത് ലീഗ് ദേശീയ എക്സിക്യൂട്ടീവ് അംഗങ്ങള്, പുതുതായി തിരഞ്ഞെടുക്കപ്പെട്ട മുസ്ലിം ലീഗ് നിയോജക മണ്ഡലം പ്രസിഡണ്ട് ജനറല് സെക്രട്ടറിമാര് എന്നിവരാണ് പ്രതിനിധികളായി രജിസ്റ്റര് ചെയ്യേണ്ടത്.ഇവരുടെ രജിസ്ട്രേഷന് നടപടികള് പൂര്ത്തിയാക്കാനാവശ്യമായ പാസ്വേഡ് സംസ്ഥാന മുസ്ലിം ലീഗ് കമ്മിറ്റി മുഖേന ലഭ്യമാകും. ഫെബ്രുവരി 20 നുള്ളില് രജിസ്ട്രേഷന് പൂര്ത്തിയാക്കണം.
പാണക്കാട് ഹാദിയ സെന്ററില് നടന്ന റജിസ്ട്രേഷന് ഉദ്ഘാടന ചടങ്ങില് മുസ്ലിം ലീഗ് ദേശീയ ജന:സെക്രട്ടറി പി കെ കുഞ്ഞാലിക്കുട്ടി അദ്ധ്യക്ഷത വഹിച്ചു.ദേശീയ ഓര്ഗനൈസിംഗ് സെക്രട്ടറി ഇ ടി മുഹമ്മദ് ബഷീര് എം പി സമ്മേളന പരിപാടികള് വിശദീകരിച്ചു.ദേശീയ അസി: സെക്രട്ടറി സി കെ സുബൈര് സ്വാഗതം പറഞ്ഞു . സംസ്ഥാന ജന:സെക്രട്ടറി ഇന് ചാര്ജ് അഡ്വ: പി എം എ സലാം, മലപ്പുറം ജില്ലാ പ്രസിഡന്റ് സയ്യിദ് അബ്ബാസലി ശിഹാബ് തങ്ങള് ,യൂത്ത് ലീഗ് സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങള്, എം എല് എ മാരായ കെ പി എ മജീദ്, ആബിദ് ഹുസൈന് തങ്ങള്, പി ഉബൈദുല്ല, കുറുക്കോളി മൊയ്തീന്,സംസ്ഥാന വൈസ് പ്രസിഡണ്ട് എം സി മായിന്ഹാജി, സെക്രട്ടറി അബ്ദുള് റഹ്മാന് രണ്ടത്താണി, യൂത്ത് ലീഗ് ദേശീയ ജന:സെക്രട്ടറി അഡ്വ: വി കെ ഫൈസല് ബാബു, ഓര്ഗനൈസിംഗ് സെക്രട്ടറി റ്റി പി അഷ്റഫലി, വൈസ് പ്രസിഡണ്ട് ഷിബു മീരാന്, സെക്രട്ടറി സാജിദ് നടുവന്നൂര്, എം എസ് എഫ് ദേശീയ പ്രസിഡണ്ട് പി വി അഹമ്മദ് സാജു, യൂത്ത് ലീഗ് ദേശീയ എക്സിക്യൂട്ടീവ് അംഗം സി കെ ഷാക്കിര് എന്നിവര് സംസാരിച്ചു.
kerala
കൊച്ചിയില് തെരുവില് കിടന്നുറങ്ങിയ ആളിനെ തീകൊളുത്താന് ശ്രമം; ഒരാള് കസ്റ്റഡിയില്
കൊച്ചി കടവന്ത്രയിലാണ് സംഭവം. പിറവം സ്വദേശിയായ ജോസഫാണ് ആക്രമിക്കപ്പെട്ടത്. കഴിഞ്ഞ ദിവസം രാത്രിയിലാണ് സംഭവം റിപ്പോര്ട്ട് ചെയ്യപ്പെട്ടത്.
കൊച്ചി: തെരുവില് കിടന്നുറങ്ങിയിരുന്ന ആളിനെ പെട്രോള് ഒഴിച്ച് തീകൊളുത്തി കൊലപ്പെടുത്താന് ശ്രമിച്ചു. കൊച്ചി കടവന്ത്രയിലാണ് സംഭവം. പിറവം സ്വദേശിയായ ജോസഫാണ് ആക്രമിക്കപ്പെട്ടത്. കഴിഞ്ഞ ദിവസം രാത്രിയിലാണ് സംഭവം റിപ്പോര്ട്ട് ചെയ്യപ്പെട്ടത്.
സംഭവവുമായി ബന്ധപ്പെട്ട് പ്രതി ആന്റപ്പനെ കടവന്ത്ര പൊലീസ് കസ്റ്റഡിയിലെടുത്തു. ജോസഫും ആന്റപ്പനും പരിചയക്കാരാണെന്നും, ജോസഫിന്റെ പണം നേരത്തെ ആന്റപ്പന് കവര്ന്നതിനെ തുടര്ന്ന് ഉണ്ടായ തര്ക്കമാണ് ആക്രമണത്തിലേക്ക് നയിച്ചതെന്നാണ് പൊലീസ് പ്രാഥമിക നിഗമനം.
പരിക്ക് പറ്റിയ ജോസഫ് ആശുപത്രിയില് ചികിത്സയില് കഴിയുന്നു. സംഭവവുമായി ബന്ധപ്പെട്ട് കൂടുതല് അന്വേഷണം പുരോഗമിക്കുന്നതായി പൊലീസ് അറിയിച്ചു.
kerala
എസ്.ഐ.ആറിനെതിരെ മുസ്ലീം ലീഗ് സുപ്രീം കോടതിയില്
നടപടികള് നിര്ത്തിവയ്ക്കണമെന്ന് ആവശ്യപ്പെട്ട് മുസ്ലീം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി സുപ്രീം കോടതിയില് ഹര്ജി നല്കി.
തീവ്ര വോട്ടര്പട്ടിക പരിഷ്കരണം (എസ്.ഐ.ആര്) നടപടികള് നിര്ത്തിവയ്ക്കണമെന്ന് ആവശ്യപ്പെട്ട് മുസ്ലീം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി സുപ്രീം കോടതിയില് ഹര്ജി നല്കി. എസ്.ഐ.ആര് നിര്ത്തിവെക്കണമെന്ന് ആവശ്യപ്പെട്ട് കേരളത്തില്നിന്ന് സുപ്രിംകോടതിയെ സമീപിക്കുന്ന ആദ്യ രാഷ്ട്രീയ പാര്ട്ടിയാണ് മുസ്ലിംലീഗ്. ബി.എല്.ഒമാരുടെ അടക്കം ജോലി സമ്മര്ദം ചൂണ്ടിക്കാണിച്ചുകൊണ്ടാണ് ഹര്ജി നല്കിയത്. കഴിഞ്ഞ ദിവസം ബിഎല്ഒ ആത്മഹത്യ ചെയ്തതിന് പിന്നില് എസ്ഐആര് നടപടികള് കൂടി വന്നതിലെ അമിത ജോലി ഭാരമാണെന്ന് അറിയിച്ചിരുന്നു. തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് എസ്ഐആര് നടപടികളുമായി മുന്നോട്ട് പോകുന്നത് ഭരണ പ്രതിസന്ധിയുണ്ടാക്കുമെന്ന് സംസ്ഥാന സര്ക്കാരും ഹൈക്കോടതിയെ അറിയിച്ചിരുന്നു.
kerala
എസ്.ഐ.ആര് സമ്മര്ദ്ദത്തെ തുടര്ന്ന് രാജസ്ഥാനില് ബി.എല്.ഒ ജീവനൊടുക്കി
ജയ്പൂരിലെ നാരി കാ ബാസിലെ പ്രൈമറി സ്കൂള് അധ്യാപകനായ മുകേഷ് ജാന്ഗിഡ് (45) ആണ് ഞായറാഴ്ച വൈകീട്ട് ട്രെയിനിന് മുന്നില് ചാടി ആത്മഹത്യ ചെയ്തത്.
ജയ്പൂര്: വോട്ടര് പട്ടിക തീവ്ര പരിഷ്കരണ (എസ്.ഐ.ആര്) ജോലിയിലെ കടുത്ത സമ്മര്ദ്ദം രാജസ്ഥാനിലും ഒരു ബി.എല്.ഒയുടെ ജീവനെടുത്തു. ജയ്പൂരിലെ നാരി കാ ബാസിലെ പ്രൈമറി സ്കൂള് അധ്യാപകനായ മുകേഷ് ജാന്ഗിഡ് (45) ആണ് ഞായറാഴ്ച വൈകീട്ട് ട്രെയിനിന് മുന്നില് ചാടി ആത്മഹത്യ ചെയ്തത്.
മുകേഷിന്റെ വസ്ത്രത്തില് നിന്ന് കണ്ടെത്തിയ ആത്മഹത്യക്കുറിപ്പില് എസ്.ഐ.ആര് ജോലിയിലെ അമിത സമ്മര്ദ്ദവും, സൂപ്പര്വൈസറുടെ സമ്മര്ദ്ദവും, സസ്പെന്ഷന് ഭീഷണിയും മൂലം താന് ജീവിതം അവസാനിപ്പിക്കുകയാണെന്ന് വ്യക്തമാക്കുന്നു. കണ്ണൂരില് ബി.എല്.ഒ അനീഷ് ജോര്ജ് ആത്മഹത്യ ചെയ്തതിന് പിന്നാലെയാണ് രാജസ്ഥാനിലും സമാന സംഭവം റിപ്പോര്ട്ട് ചെയ്യുന്നത്.
ജയ്പൂര് കല്വാഡ് ധര്മപുര സ്വദേശിയായ മുകേഷ് പതിവുപോലെ എസ്.ഐ.ആര് ജോലിക്ക് പോകുകയാണെന്ന് പറഞ്ഞാണ് ഞായറാഴ്ച രാവിലെ വീട്ടില് നിന്ന് ഇറങ്ങിയത്. വൈകീട്ട് ബിന്ദായക് റെയില്വേ ക്രോസിന് സമീപം അദ്ദേഹത്തിന്റെ ഇരുചക്രവാഹനം നിര്ത്തിയ നിലയില് കണ്ടെത്തി. ട്രെയിന് തട്ടി മരിച്ച നിലയിലാണ് മൃതദേഹം കണ്ടെത്തിയത്. പോസ്റ്റ്മോര്ട്ടത്തിനുശേഷം മൃതദേഹം ബന്ധുക്കള്ക്ക് കൈമാറി.
മുകേഷ് കടുത്ത മാനസിക സമ്മര്ദ്ദത്തിലായിരുന്നുവെന്ന് സഹോദരന് ഗജാനന്ദ് വെളിപ്പെടുത്തി. മേലധികാരികളില് നിന്ന് സസ്പെന്ഷന് ഭീഷണിയും ഉണ്ടായിരുന്നുവെന്ന് പറയുന്നു.
കെറളം കണ്ണൂര് പയ്യന്നൂര് രാമന്തളി കുന്നരു എയുപി സ്കൂളിലെ പ്യൂണായ അനീഷ് ജോര്ജ് (45) ആണ് ഞായറാഴ്ച രാവിലെ വീട്ടില് തൂങ്ങി മരിച്ചത്. വോട്ടര് പട്ടിക തീവ്രപരിഷ്കരണവുമായി ബന്ധപ്പെട്ട ജോലിയില് കടുത്ത സമ്മര്ദ്ദം അനുഭവിച്ചിരുന്നുവെന്നാണ് കുടുംബത്തിന്റെ ആരോപണം. പുലര്ച്ചെ ഒന്നുവരെ ജോലി ചെയ്തിരുന്നതായുംകുടുംബം പള്ളിയില് പോയിരിക്കെ ജീവന് അവസാനിപ്പിച്ചതായും പറയപ്പെടുന്നു.
-
GULF5 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories17 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്