kerala
സി.എച്ച്.സെന്റര് ചൂലൂര് ഓഡിറ്റോറിയം ഉദ്ഘാടനം ചെയ്തു
സെന്റര് ഉപദേശക സമിതി ചെയര്മാനും മുസ്ലിം യൂത്ത് ലീഗ് പ്രസിഡണ്ടുമായ ബഹു:പാണക്കാട് സയ്യിദ് മുനവ്വറലി ശിഹാബ് തങ്ങളാണ് ഉദ്ഘാടന കര്മ്മം നിര്വ്വഹിച്ചത്
ചൂലൂര് സി.എച്ച് .സെന്ററില് പുതുതായി നിര്മ്മിച്ച ഓഡിറ്റോറിയം ഉദ്ഘാടനം ചെയ്തു.സെന്റര് ഉപദേശക സമിതി ചെയര്മാനും മുസ്ലിം യൂത്ത് ലീഗ് പ്രസിഡണ്ടുമായ ബഹു:പാണക്കാട് സയ്യിദ് മുനവ്വറലി ശിഹാബ് തങ്ങളാണ് ഉദ്ഘാടന കര്മ്മം നിര്വ്വഹിച്ചത്.
സെന്റര് പ്രസിഡണ്ടും മുസ്ലിം ലീഗ് ദേശീയ ഓര്ഗനൈസിംഗ് സെക്രട്ടറിയുമായ ഇ.ടി.മുഹമ്മദ് ബഷീര് അദ്ധ്യക്ഷത വഹിച്ചു. ജനറല് സിക്രട്ടരി കെ.എ.ഖാദര് മാസ്റ്റര് സ്വാഗതം പറഞ്ഞു. പ്രമുഖ പ്രവാസി വ്യവസായി അയ്യൂബ് കല്ലടയാണ് ഓഡിറ്റോറിയം നിര്മ്മിച്ചു നല്കിയത്. മുസ്ലിം ലീഗ് ദേശീയ ട്രഷറര് പി.വി.അബ്ദുല്വഹാബ് എം.പി.പൊതുസമ്മേളനം ഉദ്ഘാടനം ചെയ്തു. സ്പോണ്സര്ക്കുള്ള ഉപഹാരം പി.വി.അബ്ദുല്വഹാബ് എം.പി.നല്കി. വനിതാ വളണ്ടിയര്മാര്ക്കുള്ള ഐഡന്റിറ്റി കാര്ഡിന്റെ വിതരണ ഉദ്ഘാടനം സ്റ്റേറ്റ് മുസ്ലിം ലീഗ് വൈസ് പ്രസിഡണ്ട് എം.സി.മായിന്ഹാജി നിര്വ്വഹിച്ചു.
ഓഡിറ്റോറിയത്തില് സംവിധാനിച്ച സൗണ്ട് സിസ്റ്റം സ്പോണ്സര് ചെയ്തത് റാസല്ഖൈമയിലെ കെഎംസിസി കോഴിക്കോട് ജില്ലാ കമ്മിറ്റിയാണ്. അതിലേക്കുള്ളഫണ്ട് കെ.എം.സി.സി നേതാക്കളായ നിയാസ് മുട്ടുങ്ങല്,നൗഷാദ് കീഴല്, അശ്റഫ് തങ്ങള് എന്നിവരില് നിന്ന് മുനവ്വറലി തങ്ങള് ഏറ്റുവാങ്ങി.കെ.പി.യു.അലി(പി.ആര്.ഒ)പ്രോജക്ട് വിശദീകരിച്ചു. സ്റ്റേറ്റ് മുസ്ലിം ലീഗ് സിക്രട്ടരി യു.സി.രാമന് മുന് എം.എല്.എ, അയ്യൂബ് കല്ലട,അഡ്വ:പി.കുല്സു ടീച്ചര്, എന്.സി.അബൂബക്കര്, മുഹമ്മദലി അമ്പലക്കണ്ടി (ഖത്തര് ചാപ്റ്റര് കമ്മിറ്റി), എ.പി.മൊയ്തീന്കോയഹാജി (ദുബൈ ചാപ്റ്റര്), ടി.മൊയ്തീന്കോയ,സറീന ഹസീബ്,ഷറഫുന്നിസ ടീച്ചര്,എന്.പി.ഹംസ മാസ്റ്റര്, സി.കെ.ഖാസിം, പി.ജി.മുഹമ്മദ്,മുഹമ്മദലി കല്ലട തുടങ്ങിയവര് പ്രസംഗിച്ചു.ഓഡിറ്റോറിയത്തിലേക്കുള്ള കസേലകള് നല്കിയത തിരുവമ്പാടി നിയോജക മണ്ഡലം ഖത്തര് ഗങഇഇയും ഫ്രന്റ്സ് ക്രഷര് (ലുലുക്കാസ്)കമ്പനിയുമാണ്.പ്രശസ്ത മാപ്പിളപ്പാട്ടുഗായകന് ബാപ്പു എടപ്പാള്ടീമിന്റെ ഗാനവിരുന്നും ഉണ്ടായി. ട്രഷറര് പി.പി.മൊയ്തീന് ഹാജി നന്ദി പറഞ്ഞു.
kerala
ടി പി വധക്കേസ്;പ്രതി ജ്യോതിബാബുവിന് ജാമ്യം നല്കാനാകില്ല: സുപ്രീംകോടതി
കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി.
ടി പി ചന്ദ്രശേഖരന് വധക്കേസ് പ്രതി ജ്യോതി ബാബുവിന് എളുപ്പത്തില് ജാമ്യം നല്കാന് സാധിക്കില്ലെന്ന് സുപ്രീംകോടതി. കൊലപാതക കേസ് ആയതുകൊണ്ട് വിചാരണക്കോടതിയിലെ രേഖകള് പരിശോധിക്കണമെന്ന് കോടതി വ്യക്തമാക്കി. രേഖകള് പരിശോധിച്ച ശേഷം ജാമ്യാപേക്ഷയില് തീരുമാനമെടുക്കാമെന്നും കോടതി അറിയിച്ചു. ആവശ്യമായ നടപടി സ്വീകരിക്കാന് രജിസ്ട്രാര്ക്ക് സുപ്രീംകോടതി നിര്ദ്ദേശം നല്കി. ഡയാലിസിസിന് വിധേയനാകണമെന്നും വിദഗ്ധ ചികിത്സ ആവശ്യമാണെന്നുമായിരുന്നു ജ്യോതി ബാബുവിന്റെ വാദം.
ടി പി ചന്ദ്രശേഖരന്റെ ഭാര്യ കെ കെ രമ എംഎല്എയും ജാമ്യം നല്കുന്നതിനെ എതിര്ത്തു. ജ്യോതിബാബുവിന് ജാമ്യം നല്കുന്നത് അപകടകരമെന്ന് വ്യക്തമാക്കി കെ കെ രമ സുപ്രീം കോടതിയില് സത്യവാങ്മൂലം നല്കിയിരുന്നു.
kerala
വെള്ളാപ്പള്ളിയുടെ നോമിനിയെ സ്ഥാനാര്ത്ഥിയാക്കി; മാരാരിക്കുളത്ത് സിപിഎമ്മില് പൊട്ടിത്തെറി
മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി
ആലപ്പുഴ: മാരാരിക്കുളത്ത് സിപിഎമ്മില് പൊട്ടിത്തെറി. മൂന്ന് ലോക്കല് കമ്മിറ്റി അംഗങ്ങള് രാജിക്കത്ത് നല്കി. മാരാരിക്കുളം ചെത്തി ലോക്കല് കമ്മിറ്റിയിലാണ് തര്ക്കം. വാര്ഡ് കമ്മിറ്റി തെരഞ്ഞെടുത്ത ആളെ സ്ഥാനാര്ത്ഥി ആക്കിയില്ലെന്നും എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്റെ നോമിനിയെ സ്ഥാനാര്ത്ഥിയാക്കിയെന്നുമാണ് ആരോപണം.
kerala
മൂവാറ്റുപുഴയില് ബൈക്ക് നിയന്ത്രണം വിട്ട് മറിഞ്ഞ് രണ്ട് പേര് മരിച്ചു
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം
മൂവാറ്റുപുഴ: മൂവാറ്റുപുഴകൂത്താട്ടുകുളം എം.സി. റോഡില് മിങ്കുന്നത്ത് ഞായറാഴ്ച രാത്രി നടന്ന അപകടത്തില് രണ്ട് യുവാക്കളുടെ ജീവന് നഷ്ടമായി. ആറൂര് മൂഞ്ഞേലിലെ ആല്ബിന് (16), കൈപ്പം തടത്തില് ശ്യാംജിത്ത് (21) എന്നിവരാണ് മരിച്ചത്.
മൂവാറ്റുപുഴയില് നിന്ന് മടങ്ങുകയായിരുന്ന ഇവര് സഞ്ചരിച്ച ബൈക്ക് മിങ്കുന്നം പള്ളിക്കു സമീപം നിയന്ത്രണം വിട്ട് റോഡിലേക്ക് മറിഞ്ഞുവീണതാണ് അപകട കാരണം. സ്ഥലത്തേക്ക് ഓടിയെത്തിയ നാട്ടുകാര് ഇരുവരെയും ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
-
GULF8 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
Video Stories20 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം