kerala
‘പുരുഷ പൊലീസ് വനിതാ പ്രവർത്തകയുടെ വസ്ത്രം വലിച്ചുകീറി’; നടപടിയെടുക്കണമെന്ന് വിഡി സതീശൻ
‘പൊലീസ് വളരെ മോശമായിട്ടാണ് യൂത്ത് കോണ്ഗ്രസ് പ്രവര്ത്തകരോടു പെരുമാറിയത്. പെണ്കുട്ടിയുടെ വസ്ത്രം വരെ ഒരു എസ.്ഐ വലിച്ചുകീറി. ആ എസ്ഐയ്ക്കെതിരെ നടപടി വേണം.

നവകേരള സദസുമായി ബന്ധപ്പെട്ടു പൊലീസും ഡി.വൈ.എഫ്.ഐയും യൂത്ത് കോണ്ഗ്രസ് പ്രവര്ത്തകരെ മര്ദിച്ചതിനെതിരെ യൂത്ത് കോണ്ഗ്രസ് സെക്രട്ടേറിയറ്റ് മാര്ച്ചില് വനിതാ പ്രവര്ത്തകരെ പുരുഷ പൊലീസുകാര് നേരിട്ടതില് കടുത്ത വിമര്ശനം ഉന്നയിച്ച് പ്രതിപക്ഷ നേതാവ് വിഡി സതീശന്.
പെണ്കുട്ടികള്ക്കു പരുക്കേറ്റിട്ടും അവരെ പൊലീസ് തടഞ്ഞുവച്ചിരിക്കുകയാണ് എന്ന് ആരോപിച്ച സതീശന്, അവരെ മോചിപ്പിച്ചു കൊണ്ടുപോകുകയാണെന്നും പ്രഖ്യാപിച്ചു. ഗവര്ണര്ക്കെതിരെ സമരം ചെയ്ത എസ്.എഫ്.ഐ പെണ്കുട്ടികളെ ‘മോളേ കരയല്ലേ’ എന്നു പറഞ്ഞു കൂട്ടിക്കൊണ്ടുപോയ പൊലീസുകാര്, യൂത്ത് കോണ്ഗ്രസ് പ്രവര്ത്തകയുടെ വസ്ത്രം വരെ വലിച്ചുകീറിയതായി സതീശന് പറഞ്ഞു.
‘പൊലീസ് വളരെ മോശമായിട്ടാണ് യൂത്ത് കോണ്ഗ്രസ് പ്രവര്ത്തകരോടു പെരുമാറിയത്. പെണ്കുട്ടിയുടെ വസ്ത്രം വരെ ഒരു എസ.്ഐ വലിച്ചുകീറി. ആ എസ്ഐയ്ക്കെതിരെ നടപടി വേണം. വനിതാ പൊലീസല്ലാത്ത ഒരു എസ്.ഐ യൂത്ത് കോണ്ഗ്രസ് വനിതാ നേതാവിന്റെ വസ്ത്രം വലിച്ചുകീറി. വളരെ മോശമായ പെരുമാറ്റമാണ് അത്.
പെണ്കുട്ടികളെയും സ്ത്രീകളെയും പുരുഷ പൊലീസുകാര് വടിവച്ചു കുത്തുകയായിരുന്നു. അവരെ ഉപദ്രവിക്കുകയായിരുന്നു. പെണ്കുട്ടികള്ക്കു പരുക്കേറ്റിട്ടും അവരെ പൊലീസ് തടഞ്ഞുവച്ചിരിക്കുകയായിരുന്നു. ഞാന് അവരെ മോചിപ്പിച്ചു കൊണ്ടുപോകുകയാണ്.
പൊലീസ് അനാവശ്യമായി പെണ്കുട്ടികള്ക്കെതിരെ ആക്രമണം നടത്തിയതാണ് ഇത്രയും വലിയ സംഘര്ഷത്തിലേക്കു പോകാന് കാരണം. ആ പെണ്കുട്ടിയെ ദേഹോപദ്രവം ചെയ്ത എസ്.ഐയ്ക്കെതിരെ നടപടി വേണമെന്ന് ഞങ്ങള് ആവശ്യപ്പെടുകയാണ്. ഒരു യൂത്ത് കോണ്ഗ്രസ് സമരവും പൊലീസിനൊന്നും അടിച്ചൊതുക്കാനാകില്ല. ഇതിനേക്കാള് വലിയ സമരം കാണേണ്ടി വരും. ഞങ്ങളുടെ കുട്ടികളെ കല്യാശേരി മുതല് കൊല്ലം വരെ ക്രൂരമായി മര്ദ്ദിച്ചവര്ക്ക് എതിരായിട്ടുള്ള വലിയ പ്രതിഷേധമാണിത്. ഈ പ്രതിഷേധം കേരളം മുഴുവനും ഉണ്ടാകും’
മുഖ്യമന്ത്രിയായിരുന്ന ഉമ്മന്ചാണ്ടിയെ കൊല്ലാന് കരിങ്കല്ലെറിഞ്ഞപ്പോള് അതിനെ ന്യായീകരിച്ച പാര്ട്ടി സെക്രട്ടറിയാണ് പിണറായി വിജയന്. ഞങ്ങള് പിണറായി വിജയന്റെ പാരമ്പര്യത്തിലുള്ളവരല്ല. ഒരു കടലാസ് പോലും ചുരുട്ടിയെറിയരുതെന്ന് കെഎസ്യു- യൂത്ത് കോണ്ഗ്രസ് പ്രവര്ത്തകരോട് പറഞ്ഞവരാണ് ഞങ്ങള്. അത് മാറ്റിപ്പറയാന് വേണ്ടിയാണ് ഇന്നത്തെ മാര്ച്ചില് പങ്കെടുക്കുന്നത്.
പൊലീസിനോടാണ്, ഡിജിപിയോടാണ്, കേരളത്തിന്റെ ആഭ്യന്തരവകുപ്പിന്റെ ചുമതലയുള്ള മുഖ്യമന്ത്രിയോടാണ്, കല്യാശ്ശേരി മുതല് കൊല്ലം വരെ ഞങ്ങളെ ഉപദ്രവിച്ച കേസുകളില് ശരിയായ വകുപ്പുകള് ചേര്ത്ത് ക്രിമിനലുകളെ അറസ്റ്റ് ചെയ്ത് ജയിലിലടയ്ക്കണം. നിങ്ങളുടെ ഗണ്മാന്മാരും ടിഎസ്ഒമാരും ക്രിമിനലുകളാണ്. അവരെ ആ സ്ഥാനത്തുനിന്ന് പുറത്താക്കണം. ഇതുരണ്ടും ചെയ്തില്ലെങ്കിലും തിരിച്ചടിക്കണം, തിരിച്ചടിക്കും. ഒരു സംശയവും വേണ്ട. എണ്ണിയെണ്ണി അടിക്കും’- സതീശന് പറഞ്ഞു.
kerala
മീനച്ചിലാറ്റില് ഒഴുക്കില്പ്പെട്ട വിദ്യാര്ഥിനി മരിച്ചു
കോട്ടയം ഈരാറ്റുപേട്ടയില് മീനച്ചിലാറ്റില് ഒഴുക്കില്പ്പെട്ട വിദ്യാര്ഥിനി മരിച്ചു.

കോട്ടയം: കോട്ടയം ഈരാറ്റുപേട്ടയില് മീനച്ചിലാറ്റില് ഒഴുക്കില്പ്പെട്ട വിദ്യാര്ഥിനി മരിച്ചു. അരുവിത്തുറ കൊണ്ടൂര് പാലാത്ത് ജിമ്മിയുടെയും അനുവിന്റെയും മകളാണ് ഐറിന് ജിമ്മി (18) ആണ് മരിച്ചത്.
ഇന്ന് ഉച്ചകഴിഞ്ഞ് മൂന്ന് മണിയോടെ വീടിനു പുറകുവശത്തെ കടവില് സഹോദരിയ്ക്കൊപ്പം കുളിക്കാനിറങ്ങിയ ഐറിന് ഒഴുക്കില്പ്പെടുകയായിരുന്നു.
ഫയര്ഫോഴ്സ്, എമര്ജന്സി ടീം, റെസ്ക്യൂ ഫോഴ്സ്, നന്മകൂട്ടം പ്രവര്ത്തകര് എന്നിവര് രക്ഷപ്പെടുത്തി ഈരാറ്റുപേട്ട സണ്റൈസ് ഹോസ്പിറ്റലില് എത്തിച്ചെങ്കിലും രക്ഷിക്കാനായില്ല. വൈകുന്നേരത്തോടെ മരണം സംഭവിക്കുകയായിരുന്നു. അമല് ജ്യോതി എഞ്ചിനീയറിങ് കോളജ് വിദ്യാര്ഥി എഡ്വിന്, പ്ലസ്ടു വിദ്യാഥിനിയായ മെറിന് എന്നിവര് സഹോദരങ്ങള്.
film
മഞ്ഞുമ്മല് ബോയ്സ് സാമ്പത്തിക തട്ടിപ്പ്; പ്രതികള്ക്ക് ജാമ്യം നല്കിയതിനെതിരെ അപ്പീല്
മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസില് പ്രതികള്ക്ക് ജാമ്യം നല്കിയതിനെതിരെ സുപ്രീംകോടതിയില് അപ്പീല്.

മഞ്ഞുമ്മല് ബോയ്സ് സാമ്പത്തിക തട്ടിപ്പ് കേസില് പ്രതികള്ക്ക് ജാമ്യം നല്കിയതിനെതിരെ സുപ്രീംകോടതിയില് അപ്പീല്. പരാതിക്കാരന് സിറാജാണ് അപ്പീല് നല്കിയത്. നടന് സൗബിന് ഷാഹിറടക്കമുള്ളവര്ക്ക് ഹൈക്കോടതി നല്കിയ മുന്കൂര് ജാമ്യം റദ്ദാക്കണമെന്നാവശ്യപ്പെട്ടാണ് അപ്പീല്.
സൗബിന് ഉള്പ്പടെയുള്ളവര് കേസിന്റെ ഭാഗമായി മരട് പൊലീസ് സ്റ്റേഷനില് ചോദ്യം ചെയ്യലിന് ഹാജരായിരുന്നു. സിനിമയുടെ ലാഭവിഹിതം നല്കാന് താന് തയ്യാറാണെന്നും അതിനായി താന് പണം മാറ്റി വച്ചിട്ടുണ്ടെന്നും ചോദ്യം ചെയ്യലിനെത്തിയ സൗബിന് പ്രതികരിച്ചിരുന്നു.
പരാതിക്കാരന് പണം മുഴുവന് നല്കിയിരുന്നെന്നും എന്നാല് ലാഭവിഹിതം നല്കിയിരുന്നില്ലെന്നും അതിനായി പണം മാറ്റി വെച്ചിരുന്നെന്നും സൗബിന് പറഞ്ഞു. അത് നല്കാനിരിക്കുന്നതിനിടയിലാണ് തനിക്കെതിരായി പരാതിക്കാരന് കേസ് കൊടുത്തതെന്നും നടന് പറഞ്ഞു.
കേസ് റദ്ദാക്കണമെന്ന് ആവശ്യപ്പെട്ട് നിര്മാതാക്കാള് ഹൈക്കോടതിയെ സമീപിച്ചിരുന്നെങ്കിലും അന്വേഷണം തുടരാനായിരുന്നു ഹൈക്കോടതിയുടെ നിര്ദേശം. ലാഭവിഹിതം നല്കിയില്ലെന്ന പരാതിയിലാണ് പൊലീസ് കേസെടുത്തത്. സിനിമയുടെ നിര്മാണത്തിനായി പലഘട്ടങ്ങളിലായി ഏഴുകോടി രൂപ കൈയില്നിന്ന് വാങ്ങിയെന്നും ലാഭവിഹിതം നല്കാതെ വിശ്വാസ വഞ്ചന കാണിച്ചുവെന്നുമാണ് പരാതി.
അതേസമയം ഇയാള് വാഗ്ദാനം നല്കിയ പണം കൃത്യസമയത്ത് നല്കിയില്ലെന്ന് നിര്മാതാക്കള് ആരോപിക്കുന്നു. ഇതുമൂലം ഷൂട്ടിങ് ഷെഡ്യൂളുകള് മുടങ്ങിയെന്നും അത് വലിയ നഷ്ടത്തിന് കാരണമായെന്നും നിര്മാതാക്കള് ആരോപിക്കുന്നു.
kerala
പീച്ചി ഡാമില് കാണാതായ ജീവനക്കാരന്റെ മൃതദേഹം കണ്ടെത്തി

തൃശൂര്: തൃശൂര് പീച്ചി ഡാമില് കാണാതായ ജീവനക്കാരന്റെ മൃതദേഹം കണ്ടെത്തി. പമ്പിങ് സ്റ്റേഷനിലെ കരാര് ജീവനക്കാരനായ അനിയാണ് മരിച്ചത്. പമ്പിങ് സ്റ്റേഷനില് അറ്റകുറ്റപ്പണികള് നടത്തുന്നതിനിടെയാണ് അപകടത്തില്പ്പെട്ടത്.
-
Health3 days ago
നിപ: കോഴിക്കോട് മെഡിക്കൽ കോളേജിലെ വൈറോളജി ലാബ് നിര്മാണം അനിശ്ചിത്വത്തിൽ
-
kerala1 day ago
കൊച്ചി റിഫൈനറിയില് അപകടം; 45ഓളം കുടുംബങ്ങളെ ഒഴിപ്പിച്ചു
-
film2 days ago
സാന്ദ്രാ തോമസിനെതിരെ മാനനഷ്ട കേസ് നല്കി നിര്മാതാവ് ലിസ്റ്റിന് സ്റ്റീഫന്
-
kerala3 days ago
ലഹരിക്കെതിരെ റാലി നടത്തിയ സിപിഎം നേതാവ് എം.ഡി.എം.എയുമായി പിടിയില്
-
kerala2 days ago
ഹിറ്റാച്ചിക്ക് മുകളിലേക്ക് പാറ ഇടിഞ്ഞുവീണു; രണ്ടുപേര് കുടുങ്ങി
-
kerala3 days ago
സാമ്പത്തിക തട്ടിപ്പ് കേസ്: സൗബിൻ ഷാഹിർ ചോദ്യം ചെയ്യലിന് ഹാജരായി
-
kerala3 days ago
ഉരുള് ദുരന്തത്തില് ഉറ്റബന്ധുക്കളെ നഷ്ടമായ നൗഫലിനെ ചേര്ത്തുപിടിച്ച് മസ്കറ്റ് കെഎംസിസി
-
GULF3 days ago
ഒമാനിൽ ചുഴലിക്കാറ്റിൽപെട്ട വാഹനത്തിൽനിന്ന് പുറത്തേക്ക് തെറിച്ചുവീണ് മലയാളി ബാലിക മരിച്ചു