kerala
വിരലിന് പകരം നാവിന് ശസ്ത്രക്രിയ; കോഴിക്കോട് മെഡിക്കല് കോളജിലെ ഡോക്ടര്ക്കെതിരെ കേസ്
നാലുവയസുകാരിയുടെ ആറാം വിരല് ശസ്ത്രക്രിയയ്ക്ക് പകരം നാവില് ശസ്ത്രക്രിയ സംഭവത്തില് കോഴിക്കോട് മെഡിക്കല് കോളജിലെ ഡോക്ടര്ക്കെതിരെ കേസ്. ഡോ. ബിജോണ് ജോണ്സനെതിരെയാണ് കേസെടുത്തിരിക്കുന്നത്.

കോഴിക്കോട്: ചെറുവണ്ണൂര് സ്വദേശിയായ നാലുവയസുകാരിയുടെ ആറാം വിരല് ശസ്ത്രക്രിയയ്ക്ക് പകരം നാവില് ശസ്ത്രക്രിയ സംഭവത്തില് കോഴിക്കോട് മെഡിക്കല് കോളജിലെ ഡോക്ടര്ക്കെതിരെ കേസ്. ഡോ. ബിജോണ് ജോണ്സനെതിരെയാണ് കേസെടുത്തിരിക്കുന്നത്. ഡോക്ടറെ സസ്പെന്ഡ് ചെയ്തിരുന്നു. മെഡിക്കല് നെഗ്ലിജന്സ് ആക്ട് പ്രകാരമാണ് കേസ്.
ആറാം വിരല് ശസ്ത്രക്രിയയ്ക്കെത്തിയ കുട്ടിയുടെ നാവിനാണ് ശസ്ത്രക്രിയ നടത്തിയിരിക്കുന്നത്. കഴിഞ്ഞ ദിവസമാണ് നാല് വയസുകാരിയുടെ ആറാം വിരല് നീക്കം ചെയ്യാന് ആശുപത്രിയിലെത്തിയത്. ശസ്ത്രക്രിയയ്ക്ക് ശേഷം കുഞ്ഞിനെ പുറത്തിറക്കിയപ്പോഴാണ് കുഞ്ഞിന്റെ വായില് പഞ്ഞിയുള്ള വിവരം വീട്ടുകാര് അറിയുന്നത്. പിന്നീട് കൈയില് ആറാം വിരല് ഉള്ളതായും കണ്ടെത്തി. തുടര്ന്ന് നടത്തിയ പരിശോധനയിലാണ് കുഞ്ഞിന്റെ നാവില് ശസ്ത്രക്രിയ നടത്തിയതായി കണ്ടെത്തിയത്.
സംഭവത്തെപ്പറ്റി അടിയന്തരമായി അന്വേഷണം നടത്തി റിപ്പോര്ട്ട് സമര്പ്പിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കിയിരുന്നു. ഇതിന് പിന്നാലെയായിരുന്നു സസ്പെന്ഷന് നടപടി
kerala
തിരുവനന്തപുരത്ത് 10 കിലോ കഞ്ചാവുമായി യുവാക്കള് പിടിയില്
നേമം സ്വദേശി വിഷ്ണു രാജ്, കരമന സ്വദേശി സനോജ് എന്നിവരാണ് പിടിയിലായത്.

തിരുവനന്തപുരം പാറശ്ശാലയില് ആന്ധ്രാ പ്രദേശില് നിന്നും ബസില് കടത്തിയ 10 കിലോ കഞ്ചാവുമായി രണ്ട് യുവാക്കള് പിടിയില്. നേമം സ്വദേശി വിഷ്ണു രാജ്, കരമന സ്വദേശി സനോജ് എന്നിവരാണ് പിടിയിലായത്.
ആന്ധ്രയില് നിന്ന് ആദ്യം നാഗര്കോവിലേക്കെത്തിച്ച കഞ്ചാവ് പിന്നീട് തിരുവനന്തപുരത്തേക്ക് എത്തിക്കവെയാണ് പാറശ്ശാലയില്വെച്ച് പിടികൂടിയത്, പാറശ്ശാല പൊലീസും ഡാന്സാഫും നടത്തിയ പരിശോധനയിലാണ് യുവാക്കളെ പിടികൂടിയത്. പിടിയിലായ വിഷ്ണു രാജ ഒരു കൊലപാതക കേസില് പ്രതിയാണെന്നും പൊലീസ് പറഞ്ഞു
kerala
കാസര്ഗോഡ് എട്ടുവയസുകാരന് തോട്ടില് വീണ് മരിച്ചു
വീട്ടു പരിസരത്ത് കളിച്ചുകൊണ്ടിരുന്ന കുട്ടിയെ കാണാത്തതിനെ തുടര്ന്ന് സമീപത്തുള്ള തോട്ടില് തിരച്ചില് നടത്തുകയായിരുന്നു.

കാസര്ഗോഡ് ബന്തിയോട് കൊക്കച്ചാലില് എട്ടുവയസുകാരന് തോട്ടിലെ വെള്ളത്തില് ഒഴുക്കില്പ്പെട്ട് മരിച്ചു. കൊക്കച്ചാലിലെ സാദാത്തിന്റെ മകന് സുല്ത്താനാണ് മുങ്ങി മരിച്ചത്. ഇന്ന് ഉച്ചയോടെയാണ് അപകടം. വീട്ടു പരിസരത്ത് കളിച്ചുകൊണ്ടിരുന്ന കുട്ടിയെ കാണാത്തതിനെ തുടര്ന്ന് സമീപത്തുള്ള തോട്ടില് തിരച്ചില് നടത്തുകയായിരുന്നു.
നാട്ടുകാരും ഫയര്ഫോഴ്സും ചേര്ന്ന് നടത്തിയ തിരച്ചിലില് ഒന്നര കിലോമീറ്റര് അകലെ കുടുങ്ങിക്കിടക്കുന്ന നിലയില് കുട്ടിയെ കണ്ടത്തുകയായിരുന്നു. പുറത്തെടുക്കുമ്പോള് വളരെ അവശനിലയില് ആയിരുന്നു കുട്ടി. ഉടന് തന്നെ ബന്ധോട്ടെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
kerala
സമൂഹ മാധ്യമത്തിലൂടെ അപകീര്ത്തിപ്പെടുത്തി; കെഎസ്ആര്ടിസി ജീവനക്കാരനെ സര്വീസില് നിന്ന് പിരിച്ച് വിട്ടു
കാസര്കോട് യൂണിറ്റിലെ ഡ്രൈവറായ ഹരിദാസ് വിയെയാണ് സര്വീസില് നിന്ന് പിരിച്ച് വിട്ടത്.

സമൂഹ മാധ്യമത്തിലൂടെ കെഎസ്ആര്ടിസിയെ അപകീര്ത്തിപ്പെടുത്തിയ കേസില് കെഎസ്ആര്ടിസി ഡ്രൈവര്ക്കെതിരെ നടപടി. കാസര്കോട് യൂണിറ്റിലെ ഡ്രൈവറായ ഹരിദാസ് വിയെയാണ് സര്വീസില് നിന്ന് പിരിച്ച് വിട്ടത്. യൂട്യൂബ് ചാനലിലൂടെയാണ് ജീവനക്കാരന് കെഎസ്ആര്ടിസിയെ അപകീര്ത്തിപ്പെടുത്താന് ശ്രമിച്ചത്. ഇയാളെ അച്ചടക്ക നടപടിയുടെ ഭാഗമായി പിറവത്തേക്ക് സ്ഥലം മാറ്റിയിരുന്നു. സ്ഥലം മാറ്റത്തിന് പിന്നാലെയാണ് യൂട്യൂബ് ചാനലിലൂടെ ഇയാള് കെഎസ്ആര്ടിസിയെ രൂക്ഷമായി വിമര്ശിച്ച് വീഡിയോ പ്രചരിപ്പിച്ചത്. തുടര്ന്ന് നടത്തിയ പ്രാഥമിക അന്വേഷണത്തില് ഹരിദാസ് കുറ്റക്കാരനാണെന്ന് കണ്ടെത്തി. പിന്നാലെയാണ് നടപടിയുണ്ടായത്.
-
india3 days ago
ദേശീയപാത തകര്ന്ന സംഭവം; ദേശീയപാതാ അതോറിറ്റി ശരിയായ ദുരന്ത നിവാരണ പദ്ധതി തയ്യാറാക്കണം: അമികസ് ക്യൂറി
-
News3 days ago
ഇസ്രാഈല് ആക്രമണം; ഇറാന് സൈനിക മേധാവി മുഹമ്മദ് ബഗേരി കൊല്ലപ്പെട്ടു
-
film3 days ago
കുടുംബസമേതം രസിപ്പിക്കാന് പൊട്ടിച്ചിരിപ്പിക്കാന് ‘വ്യസനസമേതം ബന്ധുമിത്രാദികള്’
-
kerala3 days ago
ഇറാനെതിരായ ആക്രമണം; ലോക പൊലീസ് ചമയുന്ന ഇസ്രാഈലിനെതിരെ ഇന്ത്യ ശക്തമായ നിലപാട് സ്വീകരിക്കണം: ഇ.ടി മുഹമ്മദ് ബഷീര് എംപി
-
News3 days ago
ഇറാനില് വീണ്ടും ഇസ്രാഈല് ആക്രമണം; ടെഹ്റാനില് സ്ഫോടന ശബ്ദങ്ങള് കേട്ടതായി റിപ്പോര്ട്ട്
-
kerala2 days ago
നീറ്റ് യുജി 2025; ആദ്യ നൂറില് കേരളത്തില് നിന്നും ആരുമില്ല
-
More2 days ago
ലോക ടെസ്റ്റ് ചാമ്പ്യൻഷിപ്പ് കിരീടം ദക്ഷിണാഫ്രിക്കയ്ക്ക്
-
kerala22 hours ago
കനത്ത മഴ; എട്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി