തിരുവനന്തപുരം: ജൂലൈ ഒന്നിന് പ്രസിദ്ധീകരിച്ച സംസ്ഥാനത്തെ തദ്ദേശസ്ഥാപനങ്ങളുടെ വോട്ടര്‍പട്ടികയിലുള്ളത് 2,66,72,979 വോട്ടര്‍മാര്‍. സ്ത്രീ വോട്ടര്‍മാരാണ് കൂടുതല്‍, 1,40,43,026. പുരുഷ വോട്ടര്‍മാര്‍ 1,26,29,715. വോട്ടര്‍ പട്ടികയിലുള്ള ട്രാന്‍സ്ജെന്‍ഡറുകളുടെ എണ്ണം 238. കഴിഞ്ഞ ജനുവരി ഒന്നാം തീയതിയോ അതിന് മുന്‍പോ 18 വയസ്സ് പൂര്‍ത്തിയായവരെ ഉള്‍പ്പെടുത്തിയാണ് പട്ടിക തയ്യാറാക്കിയത്.

സംക്ഷിപ്ത പുതുക്കലിനായി ജൂണ്‍ ആറിന് പ്രസിദ്ധീകരിച്ച കരട് വോട്ടര്‍പട്ടികയില്‍ 2,68,57,023 വോട്ടര്‍മാരുണ്ടായിരുന്നു. അവരില്‍ മരണമോ , താമസം മാറിയതോ മൂലം അനര്‍ഹരായ 4,52,951 പേരെ ഒഴിവാക്കിയും അര്‍ഹരായ 2,68,907 പേരെ പുതുതായി ചേര്‍ത്തുമാണ് അന്തിമപട്ടിക പ്രസിദ്ധീകരിച്ചത്. കരട് വോട്ടര്‍പട്ടിക സംബന്ധിച്ച് ജൂണ്‍ 21 വരെ ലഭിച്ച അപേക്ഷകളും ആക്ഷേപങ്ങളും പരിശോധിച്ചാണ് ഇലക്ടറല്‍ രജിസ്ട്രേഷന്‍ ഓഫീസര്‍മാര്‍ (ഇ.ആര്‍.ഒ) അന്തിമ വോട്ടര്‍പട്ടിക തയ്യാറാക്കിയത്. ഇ.ആര്‍.ഒയുടെ തീരുമാനത്തിനെതിരെ തദ്ദേശ വകുപ്പ് ജില്ലാ ജോയിന്റ് ഡയറക്ടര്‍ക്ക് അപ്പീല്‍ നല്‍കാവുന്നതാണ്. ഇ.ആര്‍.ഒയുടെ ഉത്തരവ് തീയതി മുതല്‍ 15 ദിവസത്തിനകമാണ് അപ്പീല്‍ നല്‍കേണ്ടത്.

14 ജില്ലകളിലായി 941 ഗ്രാമപഞ്ചായത്തുകളിലെ 15962 വാര്‍ഡുകളിലെയും 87 മുനിസിപ്പാലിറ്റികളിലെ 3113 വാര്‍ഡുകളിലെയും ആറ് കോര്‍പ്പറേഷനുകളിലെ 414 വാര്‍ഡുകളിലെയും അന്തിമ വോട്ടര്‍പട്ടികയാണ് പ്രസിദ്ധീകരിച്ചത്. വോട്ടര്‍പട്ടിക കമ്മീഷന്റെ ലെര.സലൃമഹമ.ഴീ്.ശി വെബ്സൈറ്റിലും അതാത് തദ്ദേശസ്ഥാപനങ്ങളിലും താലൂക്ക്, വില്ലേജ് ഓഫീസുകളിലും പരിശോധനയ്ക്ക് ലഭ്യമാണ്.

വോട്ടര്‍മാരുടെ ജില്ല തിരിച്ചുള്ള കണക്ക് ചുവടെ. ജില്ല, പുരുഷന്‍, സ്ത്രീ, ആകെ എന്ന ക്രമത്തില്‍.

തിരുവനന്തപുരം-12,72,003-14,61,073-27,33,099.

കൊല്ലം-9,86,999-11,37,896-21,24,915.

പത്തനംതിട്ട-4,71,052-5,49,257-10,20,312.

ആലപ്പുഴ-7,92,212-9,02,724-16,94,947.

കോട്ടയം-7,39,020-8,00,015-15,39,044.

ഇടുക്കി-4,23,337-4,43,595-8,66,937.

എറണാകുളം-12,02,445-12,94,606-24,97,084.

തൃശൂര്‍-12,14,497-13,78,231-25,92,752.

പാലക്കാട്-10,71,563-11,77,073-22,48,655.

മലപ്പുറം-15,84,709-16,84,178-32,68,932.

കോഴിക്കോട്-11,77,645-13,02,125-24,79,793.

വയനാട്-2,92,765-3,10,146-6,02,917.

കണ്ണൂര്‍-9,15,365-10,66,266-19,81,641.

കാസര്‍കോട്-4,86,103-5,35,841-10,21,951.