EDUCATION
ഇനി എസ്എസ്എല്സി പരീക്ഷ കൂടുതല് എളുപ്പമാകും; പഴയ ചോദ്യപേപ്പര് സമഗ്ര പ്ലസില് ലഭിക്കും
പഴയ ചോദ്യപേപ്പറുകള് പരിശോധിച്ച് പഠനം സമഗ്രമാക്കുന്നതിന് വിദ്യാർഥികള്ക്ക് ഇനി വീട്ടിലിരുന്ന് സാധിക്കും.
എസ്എസ്എല്സി പരീക്ഷയ്ക്ക് തയ്യാറെടുക്കുന്നവർക്ക് കൂടുതല് സൗകര്യങ്ങള് ഒരുക്കുകയാണ്. പരീക്ഷയ്ക്ക് തയ്യാറെടുക്കുന്നവർ പഴയ ചോദ്യപേപ്പർ വിശകലനം ചെയ്യുന്നത് പതിവാണ്.
ഇത്തരത്തില് പഴയ ചോദ്യപേപ്പറുകള് വിശകലനം ചെയ്യുന്നതിലൂടെ വിദ്യാർഥികള്ക്ക് പരീക്ഷയെ കുറിച്ചുള്ള ഭീതി അകറ്റുന്നതിനും സഹായിക്കാറുണ്ട്. പഴയ ചോദ്യപേപ്പറുകള് പരിശോധിച്ച് പഠനം സമഗ്രമാക്കുന്നതിന് വിദ്യാർഥികള്ക്ക് ഇനി വീട്ടിലിരുന്ന് സാധിക്കും.
കൈറ്റ് പാഠ്യപദ്ധതി പരിഷ്കരണത്തിന്റെ ഭാഗമായി സമഗ്ര പോർട്ടലിന്റെ പരിഷ്കരിച്ച രൂപമായ ‘സമഗ്ര പ്ലസ്’ പോർട്ടലിലാണ് മുൻകാല എസ്എസ്എല്സി പരീക്ഷകളുടെ ചോദ്യപേപ്പറുകള് ലഭ്യമാക്കിയിരിക്കുന്നത്. വിദ്യാർഥികളെ പഠനത്തിന് സഹായിക്കുന്നതോടൊപ്പം രക്ഷിതാക്കളെ കൂടി സഹായിക്കുന്ന വിധത്തിലാണ് ഡിജിറ്റല് വിഭവങ്ങളും പ്രവർത്തനങ്ങളും സമഗ്ര പ്ലസില് ഉള്ക്കൊള്ളിച്ചിട്ടുള്ളത്. ഇതുകൂടാതെ കുട്ടികള്ക്കുള്ള പ്രത്യേക പഠന മുറി സംവിധാനവും ലഭ്യമാക്കിയിരിക്കുന്ന സമഗ്ര പ്ലസില് 2017 മുതലുള്ള എസ്എസ്എല്സി ചോദ്യങ്ങളും അവയുടെ ഉത്തരസൂചകങ്ങളും ലഭ്യമാകും.
സമഗ്ര പ്ലസില് പുതിയ പാഠപുസ്തകങ്ങള്ക്കനുസരിച്ച് 5, 7, 9 ക്ലാസുകളിലേക്കുള്ള ഡിജിറ്റല് വിഭവങ്ങളാണ് ഉള്പ്പെടുത്തിയിട്ടുള്ളത്.
ഇതനുസരിച്ച് അധ്യാപകർക്കുള്ള പരിശീലനവും സമഗ്ര പ്ലസ് പോർട്ടലില് ആരംഭിച്ചിട്ടുണ്ട്. ഒന്നു മുതല് 12 വരെ ക്ലാസ്സുകളിലേക്കുള്ള മുഴുവൻ പാഠപുസ്തകങ്ങളും പോർട്ടലില് ലഭ്യമാക്കിയിട്ടുണ്ട്. ഒമ്ബതാം ക്ലാസില് പഠിപ്പിക്കുന്ന അധ്യാപകർ ഈ മാസം പരിശീലനം പൂർത്തിയാക്കും. ചോദ്യപേപ്പറുകളും പാഠപുസ്തകങ്ങളും ലഭിക്കുന്നതിന് സമഗ്ര പ്ലസ് പോർട്ടലിന്റെ ഔദ്യോഗിക വെബ്സൈറ്റ് ആയ www.samagra.kite.kerala.gov.in സന്ദർശിക്കാവുന്നതാണ്.
EDUCATION
പത്താംതരാം തുല്യതാ പരീക്ഷയ്ക്ക് ഷാർജയിലും സെന്റർ, യുഎഇയിൽ പരീക്ഷ നടക്കുന്നത് അഞ്ച് വർഷത്തിന് ശേഷം
കേരള സംസ്ഥാന സാക്ഷരതാമിഷന്റെ നേതൃത്വത്തിൽ നടത്തിവരുന്ന പത്താംതരം തുല്യതാ കോഴ്സിലെ പതിനെട്ടാം ബാച്ചിന്റെ പരീക്ഷ നവംബർ എട്ട് മുതൽ പതിനെട്ട് വരെ വിവിധ പരീക്ഷാകേന്ദ്രങ്ങളിൽ നടക്കും.
മലയാളം, തമിഴ്, കന്നഡ മീഡിയങ്ങളിൽ ആകെ 8,252 പേരാണ് ഗ്രേഡിങ് രീതിയിലുള്ള പരീക്ഷ എഴുതുന്നത്. അഞ്ച് വർഷങ്ങൾക്ക് ശേഷം യു എ ഇ യിലെ പഠിതാക്കൾ തുല്യതാപഠനത്തിന്റെ ഭാഗമാകുന്നു എന്ന പ്രത്യേകതയും ഈ വർഷത്തെ പത്താംതരാം തുല്യതാപരീക്ഷയ്ക്കുണ്ട്.
കേരളത്തിലും യുഎഇയിലുമായി 181 പരീക്ഷാകേന്ദ്രങ്ങളാണ് ക്രമീകരിച്ചിരിക്കുന്നത്. ഷാർജയിലെ അജ്മാനിലുള്ള ന്യൂ ഇന്ത്യൻ മോഡൽ സ്കൂളാണ് യുഎഇയിലെ ഏക പരീക്ഷാകേന്ദ്രം. 24 പഠിതാക്കളാണ് ഇവിടെ പരീക്ഷ എഴുതുന്നത്.
ഒമ്പത് പേപ്പറുകൾ ഉൾപ്പെടുന്ന പരീക്ഷയിൽ എല്ലാ പേപ്പറുകൾക്കും എഴുത്തുപരീക്ഷയും തുടർമൂല്യനിർണ്ണയവും ഉണ്ടായിരിക്കും. 2025ൽ ആദ്യമായി പരീക്ഷ എഴുതുന്ന വിദ്യാർത്ഥികൾ മുഴുവൻ പേപ്പറുകളും എഴുതണം.
കേരളസർക്കാരിന്റെ തുടർ സാക്ഷരതാ പ്രവർത്തനത്തിന്റെ ഭാഗമായി സംസ്ഥാന സാക്ഷരതാമിഷന്റെ നേതൃത്വത്തിൽ 2005ലാണ് തുല്യതാപഠനം ആരംഭിക്കുന്നത്. 2024-25 അധ്യയന വർഷത്തെ പഠിതാക്കൾക്കുള്ള പരീക്ഷയാണ് നിലവിൽ നടക്കാൻ പോകുന്നത്.
ഉപരിപഠനത്തിനോ മറ്റു ജോലി ആവശ്യങ്ങൾക്കോ പത്താംതരാം തുല്യതാ പരീക്ഷ സർട്ടിഫിക്കറ്റ് എസ് എസ് എൽ സിക്ക് തുല്യമായി കേരളസർക്കാർ അംഗീകരിച്ചിട്ടുണ്ട്.
തിരുവനന്തപുരം: ആയൂര്വേദ, ഹോമിയോ, സിദ്ധ, യുനാനി, മെഡിക്കല് അനുബന്ധ കോഴ്സുകളിലേക്കുള്ള മൂന്നാംഘട്ട അലോട്ട്മെന്റിനുശേഷം ഒഴിവുള്ള സീറ്റുകളിലേക്ക് സ്ട്രേ വേക്കന്സി ഫില്ലിങ് അലോട്ട്മെന്റ് നടത്തുന്നു. നവംബര് 10ന് ഉച്ചക്ക് 12.30 വരെ ഓണ്ലൈനായി ഓപ്ഷനുകള് രജിസ്റ്റര് ചെയ്യാം. വിശദ വിജ്ഞാപനം www.cee.kerala.gov.in ല്. ഹെല്പ് ലൈന് നമ്പര്: 0471-2332120, 2338487.
EDUCATION
സെറ്റ് ജനുവരി 2026; നവംബര് 28 വരെ അപേക്ഷിക്കാം
ഓണ്ലൈനില് നവംബര് 28 വൈകീട്ട് അഞ്ചുമണിവരെ രജിസ്റ്റര് ചെയ്യാം.
ഹയര്സെക്കന്ഡറി, നോണ് വൊക്കേഷനല് ഹയര്സെക്കന്ഡറി അധ്യാപക നിയമനത്തിനുള്ള സംസ്ഥാനതല യോഗ്യതാ നിര്ണയ പരീക്ഷയായ ‘സെറ്റ് ജനുവരി 2026’ന് ഇപ്പോള് അപേക്ഷിക്കാം. എല്.ബി.എസ്. സെന്ററിനാണ് പരീക്ഷാ ചുമതല. പരീക്ഷാതീയതി പിന്നീട് അറിയിക്കും. വിജ്ഞാപനവും വിശദവിവരങ്ങളുമടങ്ങിയ പ്രോസ്പെക്ടസ് https://www.lbscentre.kerala.gov.in ല് ലഭിക്കും. ഫീസ് 1300 രൂപ. എസ്.സി/എസ്.ടി/ഭിന്നശേഷി വിഭാഗത്തിന് 750 രൂപ മതി. ഓണ്ലൈനില് നവംബര് 28 വൈകീട്ട് അഞ്ചുമണിവരെ രജിസ്റ്റര് ചെയ്യാം.
വിഷയങ്ങള്: സെറ്റ് പേപ്പര് രണ്ടില് 31 വിഷയങ്ങള് ഉള്ക്കൊള്ളിച്ചിട്ടുണ്ട്. അറബിക്, ബോട്ടണി, കെമിസ്ട്രി, കോമേഴ്സ്, ഇക്കണോമിക്സ്, ഇംഗ്ലീഷ്, ഫ്രഞ്ച്, ജ്യോഗ്രഫി, ജിയോളജി, ജര്മന്, ഹിന്ദി, ഹിസ്റ്ററി, ഹോം സയന്സ്, ജേണലിസം, ലാറ്റിന്, മലയാളം, മാത്തമാറ്റിക്സ്, മ്യൂസിക്, ഫിലോസഫി, ഫിസിക്സ്, പൊളിറ്റിക്കല് സയന്സ്, സൈക്കോളജി, റഷ്യന്, സംസ്കൃതം, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക്, ഉര്ദു, സുവോളജി, ബയോടെക്നോളജി എന്നീ വിഷയങ്ങളിലാണ് പരീക്ഷ. 14 ജില്ലകളിലും പരീക്ഷാ കേന്ദ്രങ്ങളുണ്ടാവും.
പരീക്ഷ: സെറ്റില് രണ്ട് പേപ്പറുകളാണുള്ളത്. പേപ്പര് ഒന്ന് എല്ലാവര്ക്കും പൊതുവാണ്. പൊതുവിജ്ഞാനം, അധ്യാപന അഭിരുചി അളക്കുന്ന ചോദ്യങ്ങളുണ്ടാവും. പേപ്പര് രണ്ടില് പരീക്ഷാര്ഥി തിരഞ്ഞെടുക്കപ്പെടുന്ന വിഷയത്തെ ആസ്പദമാക്കിയിട്ടുള്ള ചോദ്യങ്ങളാണുണ്ടാവുക. ഓരോ പേപ്പറിനും രണ്ട് മണിക്കൂര് വീതം ലഭിക്കും. പേപ്പര് ഒന്നില് 120 ചോദ്യങ്ങള്. ഓരോ മാര്ക്കുവീതം. പേപ്പര് രണ്ടിലും 120 ചോദ്യങ്ങള്. ഇതില് 80 ചോദ്യങ്ങള് മാത്തമാറ്റിക്സിലും സ്റ്റാറ്റിസ്റ്റിക്സിലും. ഒന്നര മാര്ക്ക് വീതം. മറ്റ് വിഷയങ്ങള്ക്കുള്ള ചോദ്യങ്ങള്ക്ക് ഓരോ മാര്ക്ക് വീതം. പരീക്ഷാഘടനയും സിലബസും മൂല്യനിര്ണയ തീയതിയും പ്രോസ്പെക്ടസിലുണ്ട്.
സെറ്റില് യോഗ്യത നേടുന്നതിന് ജനറല് വിഭാഗത്തില്പ്പെടുന്നവര് പേപ്പര് ഒന്നിലും രണ്ടിലും 40 മാര്ക്ക് വീതവും മൊത്തത്തില് 48 മാര്ക്കും നേടണം. ഒ.ബി.സി, നോണ് ക്രീമിലെയര് വിഭാഗത്തിന് യഥാക്രമം 35, 45 മാര്ക്ക് വീതവും എസ്.സി/എസ്.ടി/ഭിന്നശേഷി വിഭാഗങ്ങളില്പ്പെടുന്നവര്ക്ക് 35, 40 മാര്ക്ക് വീതവും നേടേണ്ടതുണ്ട്. ഇങ്ങനെ യോഗ്യത നേടുന്നവര്ക്ക് ‘സെറ്റ് പാസ് സര്ട്ടിഫിക്കറ്റ്’ ലഭിക്കും.
യോഗ്യത: ബന്ധപ്പെട്ട വിഷയത്തില് 50 ശതമാനം മാര്ക്കില്/ തത്തുല്യ ഗ്രേഡില് കുറയാതെ മാസ്റ്റേഴ്സ് ബിരുദവും ഏതെങ്കിലും വിഷയത്തില് ബി.എഡും ഉള്ളവര്ക്ക് സെറ്റിന് അപേക്ഷിക്കാം.
മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി വിഷയത്തില് എം.എസ്.സി.എഡ് (50 ശതമാനം മാര്ക്കില് / തത്തുല്യ ഗ്രേഡില് കുറയരുത്) ഉള്ളവര്ക്കും അപേക്ഷിക്കാം.
കോമേഴ്സ്, ഫ്രഞ്ച്, ജര്മന്, ജിയോളജി, ഹോംസയന്സ്, ജേണലിസം, ലാറ്റിന്, മ്യൂസിക്, ഫിലോസഫി, സൈക്കോളജി, റഷ്യന്, സോഷ്യല് വര്ക്ക്, സോഷ്യോളജി, സ്റ്റാറ്റിസ്റ്റിക്സ്, സിറിയക് പി.ജികള്ക്ക് ബി.എഡ് വേണമെന്നില്ല.
അറബിക്, ഉര്ദു, ഹിന്ദി വിഷയങ്ങളില് ഡി.എല്.എഡ്/ എല്.ടി.ടി.സി ഉള്ളവര്ക്ക് ബി.എഡ് ഇല്ലെങ്കിലും അപേക്ഷിക്കാന് അര്ഹതയുണ്ട്. ബയോളജി പി.ജിക്കാര്ക്ക് നാച്വറല് സയന്സില് ബി.എഡ് മതിയാകും. പി.ജി നേടി അവസാനവര്ഷം ബി.എഡ് പഠിക്കുന്നവര്ക്കും ബി.എഡ് നേടി അവസാനവര്ഷം പി.ജിക്ക് പഠിക്കുന്നവര്ക്കും നിബന്ധനകള്ക്ക് വിധേയമായി അപേക്ഷിക്കാം. സെറ്റ് എഴുതുന്നതിന് പ്രായപരിധിയില്ല. രണ്ടാം വര്ഷ പി.ജി/ബി.എഡ് വിദ്യാര്ഥികള് സെറ്റിന് അപേക്ഷിക്കാന് അര്ഹരല്ല.
-
india4 hours agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF16 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
News5 hours agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala1 day agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്