Culture
ഗവര്ണറുടെ പക്ഷപാതം വെളിപ്പെട്ടു; വാജുഭായ് വാല രാജിവെക്കണമെന്ന ആവശ്യം ശക്തം
ഭൂരിപക്ഷം തെളിയിക്കാനാവാതെ ബി.എസ് യെദ്യൂരപ്പ രാജിവെച്ചൊഴിഞ്ഞതിനു പിന്നാലെ, കര്ണാടകയില് തെരഞ്ഞെടുപ്പാനന്തരം രാഷ്ട്രീയ സ്ഥിതിഗതികള് സങ്കീര്ണമാക്കിയ ഗവര്ണര് വാജുഭായ് വാല രാജിവെച്ചു പുറത്തു പോകണമെന്ന ആവശ്യം ശക്തമാകുന്നു. മുന് ബി.ജെ.പി നേതാവ് യശ്വന്ത് സിന്ഹ, വിഖ്യാത ജേണലിസ്റ്റ് ശേഖര് ഗുപ്ത, സി.പി.എം ദേശീയ നേതാവ് സീതാറാം യെച്ചൂരി, മാധ്യമപ്രവര്ത്തകരായ വീര് സിങ്വി, പ്രിതീഷ് നന്ദി, ഷുജാഉല് ഹഖ് തുടങ്ങിയവര് സാമൂഹ്യ മാധ്യമമായ ട്വിറ്ററില് വാജുഭായ് വാല രാജിവെച്ച് പുറത്തുപോകണമെന്ന് ആവശ്യപ്പെട്ടു.
Karnataka shows there is still some morality left in politics but alas not in the BJP. Now the governor should also resign.
— Yashwant Sinha (@YashwantSinha) May 19, 2018
‘രാഷ്ട്രീയത്തില് ധാര്മികത ഇനിയും ശേഷിക്കുന്നുണ്ടെന്ന് കര്ണാടക – ബി.ജെ.പിയല്ല – തെളിയിച്ചിരിക്കുന്നു. ഇനി ഗവര്ണര് രാജിവെക്കണം.’ വാജ്പെയ് മന്ത്രിസഭയില് ധനകാര്യ മന്ത്രിയായിരുന്ന യശ്വന്ത് സിന്ഹ അഭിപ്രായപ്പെട്ടു. നരേന്ദ്ര മോദി സര്ക്കാറിന്റെ തെറ്റായ നയങ്ങളില് പ്രതിഷേധിച്ച് ഇക്കഴിഞ്ഞ ഏപ്രിലിലാണ് യശ്വന്ത് സിന്ഹ ബി.ജെ.പിയില് നിന്ന് രാജിവെച്ചത്.
If Governor Vajubhai Vala has a conscience, he should quit and go home, if not to Kashi for prayaschit. Of course he’ll do no such thing. Wonder if RSS thinks he is the kind of brand ambassador it needs
— Shekhar Gupta (@ShekharGupta) May 19, 2018
‘വാജുഭായ് വാലയ്ക്ക് അല്പമെങ്കിലും മനഃസാക്ഷിയുണ്ടെങ്കില് അദ്ദേഹം രാജിവെച്ച് വീട്ടില് പോകണം – അല്ലെങ്കില് പ്രായശ്ചിത്തം ചെയ്യാന് കാശിയിലേക്ക്. അത്തരം കാര്യങ്ങളൊന്നും അദ്ദേഹം ചെയ്യില്ലെന്നുറപ്പാണ്. തങ്ങള്ക്ക് ആവശ്യമായ ബ്രാന്ഡ് അംബാസഡറാണ് അദ്ദേഹം എന്നാണ് ആര്.എസ്.എസ് കരുതുന്നത്.’ – ദി പ്രിന്റ് എഡിറ്ററും കോളമിസ്റ്റുമായ ശേഖര് ഗുപ്ത പറയുന്നു.
If the Governor of Karnataka has any shame left, he should submit his resignation as well. The Union Ministers sitting in Bangalore, facilitating and enabling corrupt deals, are equally culpable.
— Sitaram Yechury (@SitaramYechury) May 19, 2018
‘കര്ണാടക ഗവര്ണര്ക്ക് അല്പമെങ്കിലും നാണമുണ്ടെങ്കില് അദ്ദേഹം രാജി സമര്പ്പിക്കണം. ബാംഗ്ലൂരിലിരുന്ന് അഴിമതി ഇടപാടുകള്ക്ക് സൗകര്യമൊരുക്കുന്ന കേന്ദ്രമന്ത്രിമാരും ഒരേപോലെ കുറ്റക്കാരാണ്.’ – സീതാറാം യെച്ചൂരി ട്വീറ്റ് ചെയ്തു.
Should the Governor now resign on moral grounds because his partisanship has been exposed?
Yes. But his behaviour suggests that he does not know what ‘moral grounds’ means ….— vir sanghvi (@virsanghvi) May 19, 2018
‘തന്റെ പക്ഷംപിടിക്കല് തുറന്നുകാട്ടപ്പെട്ടതിനാല് ധാര്മികതയുടെ പേരില് ഗവര്ണര് രാജിവെക്കണോ? അതെ. പക്ഷേ, അദ്ദേഹത്തിന്റെ പേരുമാറ്റം കണ്ടാല് ധാര്മികതയുടെ അര്ത്ഥം അദ്ദേഹത്തിനറിയില്ലെന്നാണ് മനസ്സിലാവുക.’ മാധ്യമപ്രവര്ത്തകനും ടെലിവിഷന് അവതാരകനുമായ വീര് സങ്വി.
Time now for the Karnataka Governor to go. Resign. Vajubhai Vala has shamed his office.
— Pritish Nandy (@PritishNandy) May 19, 2018
‘കര്ണാടക ഗവര്ണര്ക്ക് പോകാന് സമയമായിരിക്കുന്നു. രാജിവെക്കുക. വാജുഭായ് വാല തന്റെ പദവി കളങ്കപ്പെടുത്തിയിരിക്കുന്നു.’ – മാധ്യമപ്രവര്ത്തകനും പാര്ലമെന്റ് അംഗവും കവിയുമായ പ്രിതീഷ് നന്ദി.
Forget Yeddyurappa shouldn’t the Governor of Karnataka resign for letting all this happen when the truth was wide open for everyone to see.
— Shuja-ul-haq (@ShujaUH) May 19, 2018
Film
വാരണാസിയുടെ ബ്രഹ്മാണ്ഡ ട്രെയിലര് റിലീസ്; മഹേഷ് ബാബുവിനെ രുദ്രയായി കാണിച്ച് രാജമൗലി
ഹൈദരാബാദിലെ റാമോജി ഫിലിം സിറ്റിയില് നടന്ന അതിവിശാലമായ ചടങ്ങിലാണ് ട്രെയിലര് റിലീസ് ചെയ്തത്.
പ്രേക്ഷകര് ആകാംക്ഷയോടെ കാത്തിരുന്ന എസ്.എസ്. രാജമൗലിമഹേഷ് ബാബു ചിത്രം ‘വാരണാസി’യുടെ ഭര്തൃസന്ദര്ശനം നിറഞ്ഞ ട്രെയിലര് വിസ്മയമായി പുറത്തുവന്നു. ഹൈദരാബാദിലെ റാമോജി ഫിലിം സിറ്റിയില് നടന്ന അതിവിശാലമായ ചടങ്ങിലാണ് ട്രെയിലര് റിലീസ് ചെയ്തത്.
ചിത്രത്തില് രുദ്ര എന്ന കഥാപാത്രമായി മഹേഷ് ബാബു എത്തുന്നു. മഹേഷ് ബാബു, പ്രിയങ്ക ചോപ്ര, പൃഥ്വിരാജ് സുകുമാരന് എന്നിവര് കേന്ദ്ര കഥാപാത്രങ്ങളായി എത്തുന്ന ചിത്രം ശ്രീ ദുര്ഗ ആര്ട്സ്, ഷോവിങ് ബിസിനസ് ബാനറുകളില് കെ. എല്. നാരായണ, എസ്.എസ്. കര്ത്തികേയ എന്നിവര് നിര്മ്മിക്കുന്നു.
കീരവാണിയാണ് സംഗീതം ഒരുക്കുന്നത്. പുറത്തിറങ്ങിയ മണിക്കൂറുകള്ക്കുള്ളില് തന്നെ 5 മില്യണിലധികം കാഴ്ചകളുമായി ട്രെയിലര് ലോകവ്യാപകമായി ട്രെന്ഡിങ് പട്ടികയില് മുന്നിലാണ്. 130ണ്മ100 അടി വലുപ്പത്തിലുള്ള പ്രത്യേക സ്ക്രീനില് പ്രേക്ഷകര്ക്ക് മുന്നില് ട്രെയിലര് പ്രദര്ശിപ്പിച്ചു.
ട്രെയിലര് സി.ഇ. 512-ലെ വാരണാസിയുടെ ദൃശ്യങ്ങളോടെ തുടങ്ങുന്നു. തുടര്ന്ന് 2027ല് ഭൂമിയിലേക്ക് വരുന്നു എന്നു കാണിക്കുന്ന ‘ശാംഭവി’ എന്ന ഛിന്നഗ്രഹം, അന്റാര്ട്ടിക്കയിലെ റോസ് ഐസ് ഷെല്ഫ്, ആഫ്രിക്കയിലെ അംബോസെലി വനം, ബി.സി.ഇ 7200-ലെ ലങ്കാനഗരം, വാരണാസിയിലെ മണികര്ണികാ ഘട്ട് തുടങ്ങിയ ഭീമാകാര ദൃശ്യവിശേഷങ്ങള് അതിശയത്തോടെ അവതരിപ്പിക്കുന്നു.
കയ്യില് ത്രിശൂലം പിടിച്ച് കാളയുടെ പുറത്ത് സവാരിയുമായി എത്തുന്ന രുദ്രയായി മഹേഷ് ബാബുവിന്റെ എന്ട്രിയാണ് ട്രെയിലറിന്റെ ഹൈലൈറ്റ്. അതേപോലെ, വേദിയിലേക്കും മഹേഷ് ബാബു കാളപ്പുറത്ത് സവാരിയായി എത്തിയപ്പോള് 60,000-ത്തിലധികം പ്രേക്ഷകര് കൈയ്യടി മുഴക്കി വരവേറ്റു.
ഐമാക്സ് ഫോര്മാറ്റിലാണ് ഈ ചിത്രം ഒരുക്കുന്നത്. അതിനാല് തന്നെ തിയേറ്ററുകളില് അത്ഭുതകരമായ കാഴ്ചാനുഭവം സമ്മാനിക്കുമെന്നുറപ്പ്. ബാഹുബലി, ഞഞഞ എന്നിവയുടെ സംവിധായകന് രാജമൗലിയുടെ ഈ ബ്രഹ്മാണ്ഡ പ്രോജക്റ്റ് 2027-ല് തിയേറ്ററുകളിലേക്ക് എത്തും.
Film
RRR കാണാത്ത അമേരിക്കക്കാര് ഇല്ല; രാജമൗലിയെ പ്രശംസിച്ച് ഹോളിവുഡ് താരം ജെസി ഐസന്ബെര്ഗ്
പുതിയ ചിത്രം ‘നൗ യു സീ മീ: നൗ യു ഡോണ്ട്’ എന്നതിന്റെ പ്രമോഷന്റെ ഭാഗമായി ബോംബെ ടൈംസിന് നല്കിയ അഭിമുഖത്തിലാണ് ജെസി ഐസന്ബെര്ഗ് രാജമൗലിയെയും ചിത്രത്തെയും കുറിച്ച് അഭിപ്രായം പ്രകടിപ്പിച്ചത്.
ഹോളിവുഡ് താരം ജെസി ഐസന്ബെര്ഗ് എസ്.എസ്. രാജമൗലിയുടെ സംവിധാനത്തില് റാം ചരണ്, ജൂനിയര് എന്.ടി.ആര് എന്നിവര് അഭിനയിച്ച RRR ചിത്രത്തെ പുകഴ്ത്തി. ‘RRR കാണാത്ത അമേരിക്കക്കാര് ഇല്ല” എന്നാണ് താരം പറഞ്ഞത്.
തന്റെ പുതിയ ചിത്രം ‘നൗ യു സീ മീ: നൗ യു ഡോണ്ട്’ എന്നതിന്റെ പ്രമോഷന്റെ ഭാഗമായി ബോംബെ ടൈംസിന് നല്കിയ അഭിമുഖത്തിലാണ് ജെസി ഐസന്ബെര്ഗ് രാജമൗലിയെയും ചിത്രത്തെയും കുറിച്ച് അഭിപ്രായം പ്രകടിപ്പിച്ചത്.
‘അവിശ്വസനീയമായ മേക്കിങ്ങാണ് RRR ന്റെത്. ഹോളിവുഡിന്റെയും ഇന്ത്യന് സിനിമയുടെയും ശൈലിയുടെ അതുല്യമായ സംയോജനമാണ് ആ ചിത്രം. RRR കാണാത്ത അമേരിക്കക്കാര് ഇല്ലെന്നതാണ് എന്റെ വിശ്വാസം,” – ജെസി ഐസന്ബെര്ഗ് പറഞ്ഞു.
താന് ഇതുവരെ ഇന്ത്യ സന്ദര്ശിച്ചിട്ടില്ല എങ്കിലും നേപ്പാളില് എത്തിയിട്ടുണ്ടെന്നും, നേപ്പാളിന് ഇന്ത്യയോട് സാമ്യമുണ്ടെന്ന് തോന്നിയെന്നും താരം കൂട്ടിച്ചേര്ത്തു.
രാജമൗലിയുടെ മുമ്പത്തെ ഹിറ്റ് ചിത്രങ്ങളായ ബാഹുബലി 1, 2 എന്നിവ ഇന്ത്യന് സിനിമയുടെ പുതിയ ചരിത്രം രചിച്ചതാണ്. എന്നാല് RRR അതിനെ മറികടന്ന് ലോകമൊട്ടാകെ ഇന്ത്യന് സിനിമയുടെ മാനം ഉയര്ത്തിയ ചിത്രമായി മാറി. ജെയിംസ് കാമറൂണ്, സ്റ്റീഫന് സ്പില്ബെര്ഗ്, ക്രിസ് ഹെംസ്വര്ത്ത് തുടങ്ങിയ ഹോളിവുഡ് പ്രതിഭകളും ചിത്രത്തെ പുകഴ്ത്തിയിരുന്നു.
ഇതിനിടെ, രാജമൗലി ഇപ്പോള് മഹേഷ് ബാബു നായകനായും പൃഥ്വിരാജ് സുകുമാരന് വില്ലനായും എത്തുന്ന പുതിയ ചിത്രത്തിന്റെ ഒരുക്കങ്ങളിലാണ്. അതേസമയം, ബാഹുബലി ഒന്നും രണ്ടും ഭാഗങ്ങളും ചേര്ത്ത ‘ദി എപ്പിക്ക്’ തിയറ്ററുകളില് ആവേശം സൃഷ്ടിച്ചുകൊണ്ടിരിക്കുകയാണ്.
Film
“നിലാ കായും”; മമ്മൂട്ടി ചിത്രം കളങ്കാവലിലെ ആദ്യ ഗാനം പുറത്ത്, ചിത്രം നവംബർ 27ന്…
ഏഴു മാസത്തെ ഇടവേളക്ക് ശേഷം തീയേറ്ററുകളിൽ എത്തുന്ന മമ്മൂട്ടി ചിത്രമെന്ന നിലയിൽ വലിയ ആവേശത്തോടെയാണ് ആരാധകരും സിനിമാ പ്രേമികളും കളങ്കാവൽ കാത്തിരിക്കുന്നത്.
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവൽ എന്ന ചിത്രത്തിലെ ആദ്യ ഗാനം പുറത്ത്. “നിലാ കായും” എന്ന വരികളോടെ ആരംഭിക്കുന്ന ഗാനത്തിന്റെ ലിറിക്കൽ വീഡിയോ ആണ് റിലീസ് ചെയ്തത്. മുജീബ് മജീദ് സംഗീതം നൽകിയ ഈ ഗാനം രചിച്ചത് വിനായക് ശശികുമാറാണ്. ഗാനം ആലപിച്ചത് സിന്ധു ഡെൽസൺ. അന്ന റാഫിയാണ് ഈ ലിറിക്കൽ വീഡിയോ ഒരുക്കിയത്. നവംബർ 27 നാണ് ചിത്രം ആഗോള റിലീസായി എത്തുന്നത്. മമ്മൂട്ടി കമ്പനി നിർമ്മിക്കുന്ന ഈ ചിത്രം വേഫറർ ഫിലിംസാണ് കേരളത്തിൽ വിതരണത്തിനെത്തിക്കുന്നത്. ഏഴു മാസത്തെ ഇടവേളക്ക് ശേഷം തീയേറ്ററുകളിൽ എത്തുന്ന മമ്മൂട്ടി ചിത്രമെന്ന നിലയിൽ വലിയ ആവേശത്തോടെയാണ് ആരാധകരും സിനിമാ പ്രേമികളും കളങ്കാവൽ കാത്തിരിക്കുന്നത്. ജിഷ്ണു ശ്രീകുമാറും ജിതിൻ കെ ജോസും ചേർന്ന് തിരക്കഥ രചിച്ച കളങ്കാവൽ മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഏഴാമത്തെ ചിത്രമാണ്.
ചിത്രത്തിന്റെ ട്രെയ്ലർ ഉടൻ പുറത്തു വരുമെന്നാണ് സൂചന. ഒരു ക്രൈം ഡ്രാമയായി ഒരുക്കിയ ചിത്രത്തിന്റെ ടീസറിന്, വമ്പൻ പ്രേക്ഷക പ്രതികരണമാണ് സമൂഹ മാധ്യമങ്ങളിൽ നിന്ന് ലഭിച്ചത്. ചിത്രത്തിന്റെ പോസ്റ്ററുകളും പ്രേക്ഷകർക്കിടയിൽ സൂപ്പർ ഹിറ്റാണ്. ദുൽഖർ സൽമാൻ നായകനായെത്തിയ സൂപ്പർഹിറ്റ് ചിത്രം ‘കുറുപ്പ്’ന്റെ കഥ ഒരുക്കി ശ്രദ്ധ നേടിയ ജിതിൻ കെ ജോസ് ആദ്യമായ് സംവിധാനം ചെയ്യുന്ന ചിത്രമാണ് കളങ്കാവൽ.
മമ്മൂട്ടി എന്ന മഹാനടൻ്റെ ഗംഭീര അഭിനയ മുഹൂർത്തങ്ങൾ നിറഞ്ഞ ചിത്രമായിരിക്കും കളങ്കാവൽ എന്നാണ് ചിത്രത്തിന്റെ ഓരോ അപ്ഡേറ്റുകളും നൽകുന്ന സൂചന. സെൻസറിങ് പൂർത്തിയാക്കിയ ചിത്രത്തിന് U/A 16+ സർട്ടിഫിക്കറ്റ് ആണ് ലഭിച്ചത്. ഒരിടവേളക്ക് ശേഷം മമ്മൂട്ടിയെ ബിഗ് സ്ക്രീനിൽ വരവേൽക്കാനുള്ള ആവേശത്തിലാണ് ആരാധകരും സിനിമാ പ്രേമികളും. വലിയ പ്രതീക്ഷയും ആകാംഷയുമാണ് ചിത്രത്തെ കുറിച്ച് പ്രേക്ഷകർക്കുള്ളത്.
എക്സിക്യൂട്ടീവ് പ്രൊഡ്യൂസർ – ജോർജ് സെബാസ്റ്റ്യൻ, ഛായാഗ്രഹണം- ഫൈസൽ അലി, സംഗീതം – മുജീബ് മജീദ്, എഡിറ്റർ – പ്രവീൺ പ്രഭാകർ, ലൈൻ പ്രൊഡ്യൂസർ- സുനിൽ സിംഗ്, പ്രൊഡക്ഷൻ കൺട്രോളർ- അരോമ മോഹൻ, പ്രൊഡക്ഷൻ ഡിസൈനർ- ഷാജി നടുവിൽ, ഫൈനൽ മിക്സ് – എം ആർ രാജാകൃഷ്ണൻ, ചീഫ് അസോസിയേറ്റ് ഡയറക്ടർ- ബോസ്, മേക്കപ്പ്- അമൽ ചന്ദ്രൻ, ജോർജ് സെബാസ്റ്റ്യൻ, വസ്ത്രാലങ്കാരം- അഭിജിത്ത് സി, വരികൾ – വിനായക് ശശികുമാർ, ഹരിത ഹരി ബാബു, കളറിസ്റ്റ് – ലിജു പ്രഭാകർ, സംഘട്ടനം – ആക്ഷൻ സന്തോഷ്, സൗണ്ട് ഡിസൈൻ – കിഷൻ മോഹൻ, വിഎഫ്എക്സ് സൂപ്പർവൈസർ – എസ് സന്തോഷ് രാജു, വിഎഫ്എക്സ് കോഓർഡിനേറ്റർ – ഡിക്സൻ പി ജോ, വിഎഫ്എക്സ് – വിശ്വ എഫ് എക്സ്, സിങ്ക് സൗണ്ട് – സപ്ത റെക്കോർഡ്സ്, സ്റ്റിൽസ്- നിദാദ്, ടൈറ്റിൽ ഡിസൈൻ – ആഷിഫ് സലീം, പബ്ലിസിറ്റി ഡിസൈൻസ്- ആൻ്റണി സ്റ്റീഫൻ, ആഷിഫ് സലീം, ഡിജിറ്റൽ മാർക്കറ്റിംഗ്- വിഷ്ണു സുഗതൻ, ഓവർസീസ് ഡിസ്ട്രിബൂഷൻ പാർട്ണർ- ട്രൂത് ഗ്ലോബൽ ഫിലിംസ്, പിആർഓ – വൈശാഖ് സി വടക്കേവീട്, ജിനു അനിൽകുമാർ.
-
GULF9 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
Video Stories21 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം