Video Stories
വയനാട്ടില്‍ ഇന്ത്യന്‍ ബാറ്റിംഗ്, ഡല്‍ഹിക്ക് മേല്‍ക്കൈ
കൃഷ്ണഗിരിയില്‍ നടക്കുന്ന രഞ്ജി ട്രോഫി ഗ്രൂപ്പ് ബി മത്സരത്തില്‍ രാജസ്ഥാനെതിരെ ഡല്‍ഹിക്ക് മേല്‍ക്കൈ. ടോസ് നഷ്ടപ്പെട്ട് ബാറ്റിംഗിനിറങ്ങിയ രാജസ്ഥാന് 71.3 ഓവറില്‍ 238 റണ്‍സിന് പുറത്തായി. മറുപടി ബാറ്റിംഗിനിറങ്ങിയ ഡല്‍ഹി ആദ്യദിനം സ്റ്റംപെടുക്കുമ്പോള്‍ 11 ഓവറില്‍ വിക്കറ്റ് നഷ്ടപ്പെടാതെ 37 റണ്‍സെന്ന നിലയിലാണ്. രാജസ്ഥാന്റെ ഒന്നാം ഇന്നിംഗ്‌സ് സ്‌കോര്‍ മറികടക്കാന്‍ ഡല്‍ഹിക്ക് ഇനിയും 201 റണ്‍സ് കൂടി വേണം. രാജസ്ഥാന് വേണ്ടി അമിത് കുമാര്‍ ഗൗതവും ഡല്‍ഹിക്കായി ശിഖര്‍ ധവാനും മികച്ച പ്രകടനം പുറത്തെടുത്തു. സ്‌കോര്‍ ചുരുക്കത്തില്‍. രാജസ്ഥാന് 238/10. (എ.ഗൗതം 106, നവ്ദീപ് സൈനി 28/3, വികാസ് ടോകസ് 48/3. ഡല്‍ഹി: 37/0 . ധവാന്‍ 29*, ഗൗതം ഗംഭീര്‍ 6*
നേരത്തേ ടോസ് നേടിയ ഡല്‍ഹി ക്യാപ്റ്റന്‍ ഗൗതം ഗംഭീര്‍ ഫീല്‍ഡിംഗ് തെരഞ്ഞെടുക്കുകയായിരുന്നു. പിച്ചിലെ ഈര്‍പ്പം മുതലെടുത്ത് പന്തെറിഞ്ഞ ഡല്‍ഹി പേസര്‍മാര്‍ ക്യാപറ്റന്റെ തീരുമാനം ശരിവെക്കുകയും ചെയ്തു. കൃത്യമായ ഇടവേളകളില്‍ വിക്കറ്റ് വീഴ്ത്തിയ ഡല്‍ഹിയുടെ വരുതിയിലായിരുന്നു മത്സരത്തിലെ ആദ്യദിനം മുഴുവന്‍. ആദ്യ സെഷന് ശേഷം പിച്ച് ബാറ്റിംഗിന് അനുകൂലമായിട്ടും ഏഴ് രാജസ്ഥാന് ബൗളര്‍മാര്‍ക്ക് രണ്ടക്കം കടക്കാനായില്ല. ലഞ്ചിന് പിരിയുമ്പോള്‍ നാല് വിക്കറ്റ് നഷ്ടത്തില്‍ 93 റണ്‍സെന്ന നിലയിലായിരുന്നു രാജസ്ഥാന്. ലഞ്ചിന് ശേഷവും വിക്കറ്റ് വീഴ്ച തുടര്‍ന്നതോടെ ടീം സ്‌കോള്‍ 200 കടക്കില്ലെന്ന നിലയില്‍ പതറുകയായിരുന്ന ടീമിനെ ഓപ്പണറായിറങ്ങി മികച്ച ബാറ്റിംഗ് പുറത്തെടുത്ത അമിത് കുമാര്‍ ഗൗതം സെഞ്ച്വറി പ്രകടനവുമായി ഒറ്റക്ക് തോളിലേറ്റുകയായിരുന്നു. 15 ബൗണ്ടറിയും 2 സിക്‌സുമുള്‍പ്പെടെ 182 പന്തുകളില്‍ നിന്നാണ് ഗൗതം ഡല്‍ഹിക്കെതിരെ ആദ്യ സെഞ്ച്വറി ആഘോഷിച്ചത്. ഗൗതം പുറത്തായതോടെ ചടങ്ങ് തീര്‍ക്കല്‍ മാത്രമായി രാജസ്ഥാന്റെ ആദ്യ ഇന്നിംഗ്‌സ്. ഡല്‍ഹിക്ക് വേണ്ടി നവ്ദീപ് സൈനിയും വികാസ് ടോകസും മൂന്ന് വിക്കറ്റ് വീതം വീഴ്ത്തി. സുമിത് സര്‍വാളിനും മനന്‍ ശര്‍മ്മയ്ക്കുമാണ് അവശേഷിച്ച വിക്കറ്റുകള്‍ ലഭിച്ചത്.
മറുപടി ബാറ്റിംഗിനിറങ്ങിയ ഡല്‍ഹിക്ക്് വേണ്ടി ഇന്ത്യന്‍ ടീമിലേക്ക് വിളി കാത്ത് കഴിയുന്ന ഗൗതം ഗംഭീറും ശിഖര്‍ ധവാനുമാണ് ഇന്നിംഗ്‌സ് ഓപ്പണ്‍ ചെയ്തത്. പതുക്കെ തുടങ്ങിയ ഇരുവരും പതിയെ ടോപ് ഗിയറിലേക്ക് മാറുകയായികുന്നു. ധവാനായിരുന്നു കൂടുതല്‍ അക്രമണകാരി. കളിയവസാനിക്കുമ്പോള്‍ 39 പന്തില്‍ ആറ് ബൗണ്ടറികളോടെ 29 റണ്‍സുമായി ധവാനും 28 പന്തില്‍ 6 റണ്‍സുമായി ഗംഭീറുമാണ് ക്രീസില്‍. ഒരേ സമയം ദേശീയ ടീമിലിടവും രാജസ്ഥാന് മേല്‍ സമ്മര്‍ദവും എന്ന ഇരട്ട ലക്ഷ്യത്തിലേക്കായിരിക്കും ഇന്ന് ഡല്‍ഹിയുടെ ഓപ്പണിംഗ് ജോഡി ബാറ്റേന്തുക.
Video Stories
അസമിലെ കുടിയൊഴിപ്പിക്കല്‍; അധികൃതർ നടത്തിയ നിയമ വിരുദ്ധ പ്രവര്‍ത്തനം; സമദാനി
ന്യൂനപക്ഷ വേട്ടക്കെതിരെ പാര്‍ലമെന്റില്‍ സമദാനിയുടെ ശക്തമായ ഇടപെടല്‍
Video Stories
ട്രെയിന്‍ അട്ടിമറി ശ്രമം; പാലക്കാട് ഒറ്റപ്പാലത്ത് റെയില്‍പാളത്തില്‍ ഇരുമ്പ് ക്ലിപ്പുകള്‍ കണ്ടെത്തി
ഒറ്റപ്പാലം ലക്കിടി റെയില്‍വേ സ്‌റ്റേഷനുകള്‍ക്കിടയില്‍ പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള്‍ കണ്ടെത്തിയത്.
പാലക്കാട് ഒറ്റപ്പാലത്ത് റെയില്‍പാളത്തില്‍ ഇരുമ്പ് ക്ലിപ്പുകള്‍ നിരത്തി ട്രെയിന്‍ അട്ടിമറിക്കാന്‍ ശ്രമം. ഒറ്റപ്പാലം ലക്കിടി റെയില്‍വേ സ്‌റ്റേഷനുകള്‍ക്കിടയില്‍ പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള്‍ കണ്ടെത്തിയത്.
മായന്നൂര്‍ മേല്‍പ്പാലത്തിന് സമീപമാണ് ഇരുമ്പ് ക്ലിപ്പുകള്‍ കണ്ടെത്തിയത്. ആര്‍പിഎഫും കേരള പൊലീസും സ്ഥലത്ത് പരിശോധന നടത്തി.
kerala
ആലപ്പുഴയില്‍ സ്‌കൂള്‍ കെട്ടിടത്തിന്റെ മേല്‍ക്കൂര തകര്‍ന്നു വീണു; ഉപയോഗശൂന്യമായ കെട്ടിടമാണ് പൊളിഞ്ഞതെന്ന് പ്രധാനാധ്യാപകന്‍
അവധി ദിവസമായതിനാല്‍ വന്‍ അപകടം ഒഴിവായി.
ആലപ്പുഴ കാര്‍ത്തികപ്പള്ളിയില്‍ ശക്തമായ മഴയില്‍ കാഞ്ഞിരപ്പള്ളി യു.പി സ്‌കൂളിന്റെ മേല്‍ക്കൂര തകര്‍ന്നു വീണു. അവധി ദിവസമായതിനാല്‍ വന്‍ അപകടം ഒഴിവായി. 50 വര്‍ഷത്തോളം പഴക്കമുള്ള കെട്ടിടമാണ് തകര്‍ന്നു വീണത്.
അതേസമയം കെട്ടിടത്തിന് ഒരു വര്‍ഷമായി ഫിറ്റ്‌നസ് ഇല്ലെന്നാണ് ലഭിക്കുന്ന വിവരം. ഉപയോഗ ശൂന്യമായ കെട്ടിടത്തിന്റെ മേല്‍ക്കൂരയാണ് തകര്‍ന്നു വീണതെന്ന് പ്രധാനാധ്യാപകന്‍ ബിജു പറഞ്ഞു. എന്നാല്‍ മൂന്ന് ദിവസം മുമ്പ് വരെ ഇവിടെ ക്ലാസ് നടന്നിരുന്നതായി വിദ്യാര്‍ഥികള്‍ പറയുന്നു.
നിലവില്‍ 14 മുറി കെട്ടിടം കിഫ്ബി അനുവദിച്ചിട്ടുണ്ടെന്നും അടുത്തയാഴ്ച കുട്ടികളെ മാറ്റാന്‍ സാധിക്കുമെന്നാണ് അധികൃതരില്‍ നിന്നും ലഭിക്കുന്ന വിവരമെന്നും പ്രധാനാധ്യാപകന്‍ പറഞ്ഞു.
-
kerala3 days agoവഞ്ചനാക്കേസ്; നിവിന് പോളിക്ക് ചോദ്യം ചെയ്യലിന് ഹാജരാകാന് നോട്ടീസ്
-
kerala3 days agoകന്യാ സ്ത്രീകളുടെ അറസ്റ്റ് : ചട്ടം 267 പ്രകാരം രാജ്യസഭയിൽ നോട്ടീസ് നൽകി
-
kerala3 days agoകന്യാസ്ത്രീകള്ക്കെതിരെ ചുമത്തിയത് ഗുരുതര വകുപ്പുകള്; പത്തുവര്ഷം വരെ തടവു ലഭിക്കാവുന്ന കുറ്റം, എഫ്ഐആര് പുറത്ത്
-
india3 days ago‘ബിജെപി ഭരണത്തിന് കീഴില് ന്യൂനപക്ഷങ്ങളെ ആസൂത്രിതമായി പീഡിപ്പിക്കുന്നു’ ; കന്യാസ്ത്രീകളുടെ അറസ്റ്റില് അപലപിച്ച് രാഹുല് ഗാന്ധി
-
india3 days agoനിയമ സാധുതയില്ല; ബിഹാര് വോട്ടര് പട്ടികയിലെ തീവ്രപരിശോധനക്കെതിരെ മുസ്ലിം ലീഗ് സുപ്രിംകോടതിയില്
-
india3 days agoവനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
-
kerala23 hours agoമലപ്പുറത്ത് മാലിന്യ സംസ്കരണ യൂണിറ്റില് അപകടം; മൂന്ന് അതിഥി തൊഴിലാളികള് മരിച്ചു
-
GULF2 days agoസൗദി അറേബ്യയിലെ ദമ്മാമിൽ പുതിയ ഹൈപ്പർമാർക്കറ്റ് തുറന്ന് ലുലു