അബുദാബി: അബുദാബി അന്താരാഷ്ട്ര വിമാനത്താവളം ആസ്ഥാനമായി ഫ്രീ സോണ്‍ വരുന്നു. ചെറുകിട-ഇടത്തരം നിക്ഷേപകരെ ആകര്‍ഷിക്കുംവിധമാണ് അബുദാബി വിമാനത്താവള അധികൃതര്‍ പുതിയ വ്യവസായ മേഖലക്ക് തുടക്കം കുറിക്കുന്നത്.

വിമാനത്താവളത്തിന് തെക്ക് ഭാഗത്തായി രണ്ടുലക്ഷം ചതുരശ്ര അടി വിസ്തീര്‍ണ്ണത്തിലാണ് ഇതിനായി സൗകര്യമൊരുക്കുന്നത്. ആദ്യഘട്ടമെന്ന നിലയില്‍ നൂറിലധികം വ്യവസായ യൂണിറ്റുകളാണ് ഇവിടെ ഉണ്ടാകുക.

റിയല്‍എസ്റ്റേറ്റ്, ലോജിസ്റ്റിക് മേഖലകളില്‍ ഇതിലൂടെ പുതിയ മുന്നേറ്റമുണ്ടാകുമെന്ന അബുദാബി എയര്‍പോര്‍ട്ട് ചീഫ് കൊമേഴ്ഷ്യല്‍ ഓഫീസര്‍ മൗറിന്‍ ബന്നര്‍മെന്‍ വ്യക്തമാക്കി.

ലോകത്തിലെ ഏറ്റവും വലിയ വിമാനത്താവളങ്ങളിലൊന്നായി അബുദാബി പുതിയ അന്താരാഷ്ട്ര വിമാനത്താവളം ഏതാനും ആഴ്ചകള്‍ക്കുമുമ്പാണ് വ്യോമഗതാഗതത്തിന് തുറന്നുകൊടുത്തത്.

അബുദാബി: ഗള്‍ഫ് നാടുകളില്‍ വാണിജ്യരംഗത്ത് മുന്നേറ്റം ആഗ്രഹിക്കുന്നവര്‍ക്കായി പരിശീലനമൊരുക്കി എഡോക്‌സി. കോഴിക്കോട് ജില്ലക്കാരനായ ഷറഫുദ്ദീന്‍ മംഗലാടിന്റെ നേതൃത്വത്തിലുള്ള സ്ഥാപനമാണ് ബിസ്‌നസ് മേഖലയിലുള്ളവര്‍ക്ക് ഈ മാസം 9ന് പ്രത്യേക പരിശീലന പരിപാടി ഒരുക്കുന്നത്.

വാണിജ്യമേഖലയില്‍ പുതിയ മേച്ചില്‍പുറം തേടുന്നവര്‍ക്കും നിലവിലുള്ള ബിസ്‌നസ്സ് പുരോഗമിപ്പിക്കുന്നതിനും ആവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുന്നതുള്‍പ്പെടെയുള്ള കാര്യങ്ങളാണ് പരിശീലനത്തില്‍ ഉള്‍പ്പെടുത്തിയിട്ടുള്ളതെന്ന മാനേജിംഗ് ഡയറക്ടര്‍ ഷറഫുദ്ദീന്‍ മംഗലാട് വാര്‍ത്താസമ്മേളനത്തില്‍ വ്യക്തമാക്കി.

ബിസ്‌നസ് രംഗത്ത് പുതിയ കാല്‍വെപ്പ നടത്തിയവര്‍ക്ക എങ്ങിനെ ഉയരാനും അഭിവൃദ്ധിയിലേക്ക് എത്തിപ്പെടാനും സാധ്യമാകുമെന്നതിനെക്കുറിച്ച് മനസ്സിലാക്കാനുള്ള അവസരമാണ് ഇതിലൂടെ സാധ്യമാകുന്നതെന്ന അേേദ്ദഹം പറഞ്ഞു.

9ന് കാലത്ത് 9മുതല്‍ വൈകീട്ട 5 വരെ ദുബൈ ഡബ്ള്‍ ട്രീ ഹോട്ടലില്‍ നടക്കുന്ന പരിപാടിയില്‍ പ്രമുഖ വ്യാവസായിക പരിശീലകന്‍ ഷമീം റഫീഖ് ക്ലാസ്സെടുക്കും. പ്രവാസി ചെറുകിട-ഇടത്തരം നിക്ഷപകര്‍ക്ക് ഇതൊരു വഴികാട്ടിയായിരിക്കുമെന്ന് ഷറഫുദ്ദീന്‍ പറഞ്ഞു.

ഇന്ത്യക്കും സൗദിക്കുമിടയിൽ കൂടുതൽ വിമാന സർവീസ് തുടങ്ങാൻ തീരുമാനം. സൗദി ഹജ് ഉംറ മന്ത്രി ഡോ.തൗഫീഖ് അൽ റബീഅ ഇന്ത്യയിലെത്തി നടത്തിയ ചർച്ചയിലാണു തീരുമാനം. ഹജ് തീർഥാടകർക്കുള്ള വീസ നടപടി ലംഘൂകരിക്കാനും ചർച്ചയിൽ തീരുമാനമായി. ഹജ് വിസ അപേക്ഷകൾക്കായി ഇന്ത്യയിൽ മൂന്ന് പ്രത്യേക കേന്ദ്രങ്ങൾ ആരംഭിക്കും.

എല്ലാ പിന്തുണയ്ക്കും നന്ദിപറയുന്നതായി കേന്ദ്രമന്ത്രി സ്മ‍ൃതി ഇറാനി പറഞ്ഞു. ഉംറ നിർവഹിക്കുന്നവർക്കുള്ള സേവനങ്ങൾ കാര്യക്ഷമമാക്കുന്നതിന്റെ ഭാഗമായാണു സൗദി ഹജ് ഉംറ മന്ത്രി ഡോ. തൗഫീഖ് അൽ റബീഅ ഇന്ത്യയിലെത്തിയത്.