Connect with us

More

കൊക്കൈന്‍ കേസ്; സംഭവിച്ചതെന്തെന്ന് വെളിപ്പെടുത്തി നടന്‍ ഷൈന്‍ ടോം ചാക്കോ

Published

on

വ്യത്യസ്ഥമായ പ്രമേയം കൊണ്ട് ശ്രദ്ധിക്കപ്പെട്ട ചിത്രമായിരുന്നു ഇതിഹാസ. ചിത്രം മികച്ച രീതിയില്‍ വിജയം നേടിയ സമയത്താണ് ചിത്രത്തില്‍ മുഖ്യവേഷം ചെയ്ത ഷൈന്‍ ടോം ചാക്കോ മയക്കുമരുന്നുകേസില്‍ അറസ്റ്റിലാകുന്നത്. രണ്ടു മാസത്തെ ജയില്‍വാസത്തിനുശേഷം പുറത്തുവന്ന ഷൈന്‍ പിന്നീടും നിരവധി സിനിമകളിലൂടെ പ്രേക്ഷകര്‍ക്ക് മുന്നിലേക്കെത്തി. ആ സംഭവത്തെക്കുറിച്ച് ഒരു മാധ്യമത്തിനോട് വെളിപ്പെടുത്തുകയാണ് ഷൈന്‍.

ഒരിക്കലും ഇത്തരത്തിലുള്ള ഒരു കൊക്കൈന്‍ കേസ് ഉണ്ടാകുമെന്ന് ചിന്തിച്ചിരുന്നില്ലെന്ന് ഷൈന്‍ പറയുന്നു. എന്നാല്‍ അന്ന് താന്‍ തളര്‍ന്നില്ല. കാരണം പെട്ടെന്നൊരു ദിവസം വെള്ളിവെളിച്ചത്തിലേക്ക് വന്നയാളായിരുന്നില്ല താനെന്നും വര്‍ഷങ്ങളോളം കഷ്ടപ്പാടുകള്‍ അറിഞ്ഞുകൊണ്ടാണ് വളര്‍ന്നതെന്നും താരം പറയുന്നു. ഇപ്പോഴും കേസ് നടക്കുന്നുണ്ട്. അന്ന് മാധ്യമങ്ങളിലൂടെ വന്ന കഥയൊന്നുമല്ല സംഭവിച്ചത്. എന്നാല്‍ ഇപ്പോഴത്തെ ചില സംഭവവികാസങ്ങള്‍ പോലെ ആരെയാ വിശ്വസിക്കുക എന്നൊരു സംശയം തോന്നാം. ആരൊക്കെയോ ചേര്‍ന്ന് ഉണ്ടാക്കിയ കഥ പൊളിയുമെന്നല്ലാതെ വേറെ ഒന്നും നടക്കില്ല. കേസിന്റെ അവസാനം ആര് പറഞ്ഞതാണ് സത്യം എന്ന് എല്ലാവര്‍ക്കും ബോധ്യപ്പെടുമെന്ന ഒരു പ്രതീക്ഷ തനിക്കുണ്ടായിരുന്നുവെന്നും ഷൈന്‍ കൂട്ടിച്ചേര്‍ത്തു.

താനുമായി ആര്‍ക്കും പ്രശ്‌നമില്ല. അതുകൊണ്ടുതന്നെ തന്നെ കുടുക്കിയതാണെന്ന് പറയാനാവില്ല. വേറെ എന്തൊക്കെയോ പൊതു ജനത്തില്‍ നിന്ന് മറക്കാന്‍വേണ്ടി തന്നെ കരുവാക്കുകയായിരുന്നുവെന്ന് പറഞ്ഞ ഷൈന്‍ അതിനുള്ള സൂചനകള്‍ കിട്ടിയിട്ടുണ്ടെന്നും വ്യക്തമാക്കി. ‘എന്നാല്‍ ആരേയോ കുറ്റപ്പെടുത്താനോ ചൂണ്ടിക്കാണിക്കുവാനോ എന്റെ കയ്യില്‍ തെളിവില്ല. അതുകൊണ്ട് അതിനുനില്‍ക്കുന്നില്ല. ആര്‍ക്കുവേണ്ടിയാണോ അത് ചെയ്തത് അതിന്റെ ഫലം അവര്‍ക്ക് കിട്ടിയിട്ടുണ്ട്. കിട്ടിയവര്‍ അത് മനസ്സിലാക്കിക്കൊള്ളട്ടെ. ഞാനതിന്റെ പുറകെ പോകുന്നില്ല. കാരണം, അതല്ല എന്റെ ജോലി. അത് ദൈവത്തിന്റെ ശിക്ഷയൊന്നുമല്ല. അവരുടെ കയ്യിലിരിപ്പിന്റെ ഫലം അവര്‍ അനുഭവിക്കുന്നുവെന്നേയുള്ളൂ’- ഷൈന്‍ പറയുന്നു.

kerala

1000 ലിറ്റര്‍ കുടിവെള്ളം നല്‍കുമ്പോള്‍ വാട്ടര്‍ അതോറിറ്റിക്ക് നഷ്ടം11.93 രൂപ

അറ്റകുറ്റപ്പണികള്‍ ചെയ്ത വകയില്‍ കരാറുകാര്‍ക്ക് 137.06 കോടി രൂപ കൊടു തീര്‍ക്കാനുണ്ട്

Published

on

1000 ലിറ്റര്‍ കുടിവെള്ളം നല്‍കുമ്പോള്‍ വാട്ടര്‍ അതോറിറ്റിക്ക് നഷ്ടം11.93 രൂപ. 1000 ലിറ്റര്‍ കുടിവെള്ളത്തിന് ഉല്‍പ്പാദന പ്രസരണ ചെലവ് 22.85 രൂപയാണ്.1000 ലിറ്റര്‍ കുടിവെള്ളത്തിന് വരുമാനം 10.92 രൂപയുമാണ്. അതായത് 1000 ലിറ്റര്‍ കുടിവെള്ളം ഉപഭോക്താവിന് നല്‍കുമ്പോള്‍ വാട്ടര്‍ അതോറിറ്റിക്ക് 11.93 രൂപ നഷ്ടം ഉണ്ടാകുന്നുവെന്നാണ് കണക്ക്.

ഇങ്ങനെ കുടിവെള്ളം വിതരണം ചെയ്യുന്നത് വഴി വാട്ടര്‍ അതോറിറ്റിക്ക് ഭീമായ നഷ്ടമാണ് വര്‍ഷംപ്രതിയുണ്ടാകുന്നത്. വര്‍ഷാവര്‍ഷം വര്‍ധിച്ചു വരുന്ന വൈദ്യുതി ചാര്‍ജ്ജ്, കെമിക്കല്‍സിന്റെ വില വര്‍ദ്ധനവ്, അറ്റകുറ്റ പണികളുടെ ചെലവ്, വായ്പ തിരിച്ചടവ്, ശമ്ബളം, പെന്‍ഷന്‍ ചെലവ് എന്നിവക്ക് അനുസൃതമായി വാട്ടര്‍ ചാര്‍ജ്ജില്‍ വര്‍ധനവ് ഉണ്ടാകുന്നില്ല. അതോറിറ്റിക്ക് 2021-22 സാമ്പത്തിക വര്‍ഷത്തെ വാര്‍ഷിക കണക്കുകള്‍ എ.ജി ഓഡിറ്റ് നടത്തിയിരുന്നു. അത് പ്രകാരം 4911.42 കോടി രൂപയാണ് സഞ്ചിത നഷ്ടം. വൈദ്യുതി ചാര്‍ജ്ജ് ഇനത്തില്‍ കെ.എസ്.ഇ.ബിക്കു 1263.64 കോടി രൂപ വാട്ടര്‍ അതോറിറ്റി നല്‍കാനുണ്ട്.

2018 മുതല്‍ക്കുള്ള പെന്‍ഷന്‍ ആനുകൂല്യങ്ങളും, പി.എഫ് ഉള്‍പ്പെടെയുള്ള മറ്റു ആനുകൂല്യങ്ങളും ജീവനക്കാര്‍ക്ക് നല്‍കിയിട്ടില്ല. അറ്റകുറ്റപ്പണികള്‍ ചെയ്ത വകയില്‍ കരാറുകാര്‍ക്ക് 137.06 കോടി രൂപ കൊടു തീര്‍ക്കാനുണ്ട്.വാട്ടര്‍ അതോറിറ്റിക്ക് വിവിധ സ്ഥാപനങ്ങളില്‍ നിന്ന് ലഭിക്കേണ്ടത് 1591.80 കോടി രൂപയാണ്. എന്നാല്‍ നിലവില്‍ വാട്ടര്‍ അതോറിറ്റിയുടെ സഞ്ചിത നഷ്ടം 2021-22 പ്രകാരം 4911.42 കോടി രൂപയാണ്. ഇതു കൂടാതെ വിവിധ കാര്യങ്ങളിലായി വാട്ടര്‍ അതോറിറ്റി കൊടുക്കാനുള്ള ബാദ്ധ്യത എന്നു പറയുന്നത് 2,567.05 കോടി രൂപയാണ്. അതിനാല്‍ മറ്റ് ഓഫീസുകളില്‍ നിന്നുള്ള കുടിശ്ശിക പിരിച്ചെടുത്താല്‍ പോലും വാട്ടര്‍ അതോറിറ്റിയുടെ സഞ്ചിത നഷ്ടം നികത്താനോ ഭാവിയില്‍ നഷ്ടം ഉണ്ടാകാതിരിക്കാന്‍ കഴിയുകയോ ഇല്ല

 

Continue Reading

More

നിമിഷനേരം കൊണ്ട് നിലംപതിച്ച് കെട്ടിടങ്ങള്‍; തുര്‍ക്കിയില്‍ നിന്നുള്ള ഞെട്ടിക്കുന്ന ദൃശ്യങ്ങള്‍

ആയിരത്തി എഴുന്നൂറിലേറെ കെട്ടിടങ്ങള്‍ ഭൂകമ്പത്തില്‍ നിലം പൊത്തി

Published

on

തുര്‍ക്കിയില്‍ 500ലധികം പേരുടെ മരണത്തിനും നിരവധി നാശനഷ്ടങ്ങളും സൃഷ്ടിച്ച ഭൂകമ്പത്തിന്റെ ഞെട്ടിക്കുന്ന ദൃശ്യങ്ങള്‍ പുറത്ത്. വലിയ കെട്ടിടങ്ങള്‍ നിമിഷനേരം കൊണ്ട് നിലംപതിക്കുന്ന ദൃശ്യങ്ങളാണ് സാമൂഹ്യമങ്ങളില്‍ പ്രചരിക്കുന്നത്.

ആയിരത്തി എഴുന്നൂറിലേറെ കെട്ടിടങ്ങള്‍ ഭൂകമ്പത്തില്‍ നിലം പൊത്തി. ഇവയില്‍ പലതിലും ആളുകള്‍ കുടുങ്ങിക്കിടക്കുന്നുണ്ടെന്നാണ് റിപ്പോര്‍ട്ട്. റിക്ടര്‍ സ്‌കെയിലില്‍ 7.8 തീവ്രത രേഖപ്പെടുത്തിയ ഭൂചലനമാണ് തെക്കു കിഴക്കന്‍ തുര്‍ക്കിയില്‍ അനുഭവപ്പെട്ടത്. 15 മിനിറ്റിന് ശേഷം റിക്ടര്‍ സ്‌കെയിലില്‍ 6.7 രേഖപ്പെടുത്തിയ തുടര്‍ചലനവുമുണ്ടായി. പ്രാദേശിക സമയം പുലര്‍ച്ചെ 4.17 നാണ് ഭൂചലനമുണ്ടായത്. ആളുകള്‍ ഉറങ്ങിക്കിടക്കുന്നതിനിടെ, ഭൂകമ്പം ഉണ്ടായതാണ് മരണസംഖ്യ വര്‍ധിക്കാന്‍ ഇടയാക്കിയത്.

തുര്‍ക്കിയുടെ തെക്കുകിഴക്കന്‍ മേഖലയായ ഗാസിയാന്‍ടെപ്പിന് സമീപം പസാര്‍സിക്കിലാണ് ആദ്യ ഭൂചലനം ഉണ്ടായത്. തുടര്‍ന്ന് 80 കിലോമീറ്റര്‍ തെക്കു പടിഞ്ഞാറുള്ള നുര്‍ദാഗി നഗരത്തിലാണ് രണ്ടാം തുടര്‍ചലനത്തിന്റെ പ്രഭവകേന്ദ്രമെന്ന് യുഎസ് ജിയോളജിക്കല്‍ സര്‍വീസ് അറിയിച്ചു.അയല്‍രാജ്യങ്ങളായ ലെബനന്‍, സിറിയ, സൈപ്രസ് എന്നിവിടങ്ങളിലും പ്രകമ്പനം അനുഭവപ്പെട്ടു.

 

Continue Reading

crime

കൊച്ചിയില്‍ രണ്ട് കണ്ടെയ്‌നര്‍ പഴകിയ മത്സ്യം പിടികൂടി

ആന്ധ്രാപ്രദേശില്‍ നിന്നെത്തിയ രണ്ട് ലോഡ് മീനുകള്‍ പുഴുവരിച്ച നിലയിലാണ് കണ്ടെത്തിയത്

Published

on

കൊച്ചി മരടില്‍ രണ്ട് കണ്ടെയ്‌നര്‍ പഴകിയ മീന്‍ പിടികൂടി. ആന്ധ്രാപ്രദേശില്‍ നിന്നെത്തിയ രണ്ട് ലോഡ് മീനുകള്‍ പുഴുവരിച്ച നിലയിലാണ് കണ്ടെത്തിയത്. മത്സ്യത്തില്‍ നിന്ന് വലിയ രീതിയിലുള്ള ഗന്ധം വരുന്നുണ്ടായിരുന്നു. തുടര്‍ന്ന് നാട്ടുകാര്‍ വിവരം പൊലീസിനെ അറിയിച്ചു. മരട് നഗരസഭ ആരോഗ്യ വിഭാഗം നടത്തിയ പരിശോധനയിലാണ് പഴകിയ മീന്‍ പിടിച്ചെടുത്തത്.

പഴകിയ മീന്‍ വിവിധ ഇടങ്ങളില്‍ വികരണം ചെയ്തുവെന്നാണ് വിവരം. പ്രാഥമിക പരിശോധനയില്‍ തന്നെ ചീഞ്ഞ മീനുകളാണെന്ന് കണ്ടത്തിതായി നഗരസഭാ അധികൃതര്‍ അറിയിച്ചു. തുടര്‍ന്ന് ഒരു കണ്ടെയ്‌നറിലെ മുഴുവന്‍ ലോഡ് മീനും നശിപ്പിക്കാനും അധികൃതര്‍ നിര്‍ദേശം നല്‍കി. കൂടുതല്‍ പരിശോധനയ്ക്കായി ഭക്ഷ്യസുരക്ഷ പരിശോധനാവിഭാഗം സാമ്പിളുകള്‍ ശേഖരിച്ചു.

Continue Reading

Trending