ആലപ്പുഴ എസ്എഫ്‌ഐലും വ്യാജ ഡിഗ്രി സര്‍ട്ടിഫിക്കറ്റ് വിവാദം. ജില്ലാ കമ്മിറ്റി അംഗം നിഖില്‍ തോമസിനെതിരെയാണ് ജില്ലാ കമ്മിറ്റിയിലെ മറ്റൊരു അംഗം പരാതി നല്‍കിയത്. എം കോമിന് ചേരാന്‍ ഹാജരാക്കിയത് വ്യാജ സര്‍ട്ടിഫിക്കറ്റ് ആണെന്നാണ് ആക്ഷേപം.
2018-20 കാലയളവില്‍ നിഖില്‍ കായംകുളം എംഎസ്എം കോളേജില്‍ ബികോം പഠിച്ചെങ്കിലും പാസായില്ല. എന്നാല്‍ 2021ല്‍ ഇതേ കോളേജില്‍ എം കോമിന് ചേര്‍ന്നു. ഈ സമയം അഡ്മിഷന്‍ എടുക്കാന്‍ വേണ്ടി ഹാജരാക്കിയത് കല്ലിങ്ക സര്‍വ്വകലാശാലയുടെ ഡിഗ്രി സര്‍ട്ടിഫിക്കറ്റാണ്. ഒരേസമയം എങ്ങനെ രണ്ടു കോളേജില്‍ ഒരുമിച്ചു പഠിച്ചു എന്ന ചോദ്യവും പരാതിയില്‍ ഉണ്ട്.
പരാതി വ്യാപകമായി ഉയര്‍ന്നതോടെ ജില്ലാ കമ്മിറ്റിയില്‍ നിന്നും നിഖിലിനെ മാറ്റി നിര്‍ത്തിയിട്ടുണ്ട്.