News
അമേരിക്കയിലെ ഭാവി തലമുറ ഇസ്രാഈലിനെ തള്ളിപ്പറഞ്ഞേക്കാം; മുന്നറിയിപ്പുമായി ഇസ്രാഈലിലെ യു.എസ് അംബാസിഡര്
നിലവില് ഇസ്രാഈലിനെ അനുകൂലിക്കുന്നവരാണ് അമേരിക്കക്കാരില് ഭൂരിഭാഗമെങ്കിലും ഗസയിലെ യുദ്ധത്തിന്റെ പശ്ചാത്തലത്തില് അവയില് മാറ്റമുണ്ടാകുമെന്നും ജാക്ക് ല്യൂ പറഞ്ഞു.
ഗസ്സ-ഇസ്രാഈല് സംഘര്ഷത്തിനിടയില് വളര്ന്ന് വരുന്ന അമേരിക്കന് യുവതലമുറക്കാരില് ഭാവിയില് ഇസ്രാഈല് വിരുദ്ധ മനോഭാവം ഉണ്ടാവാന് സാധ്യതയുണ്ടെന്ന് യു.എസിലെ ഇസ്രാഈല് അംബാസിഡര് ജാക്ക് ല്യൂ. നിലവില് ഇസ്രാഈലിനെ അനുകൂലിക്കുന്നവരാണ് അമേരിക്കക്കാരില് ഭൂരിഭാഗമെങ്കിലും ഗസയിലെ യുദ്ധത്തിന്റെ പശ്ചാത്തലത്തില് അവയില് മാറ്റമുണ്ടാകുമെന്നും ജാക്ക് ല്യൂ പറഞ്ഞു.
ഇസ്രാഈല് അംബാസിഡര് സ്ഥാനത്ത് നിന്ന് ഈ ആഴ്ച്ച വിരമിക്കാനിരിക്കവെ ടൈംസ് ഓഫ് ഇസ്രാഈലിന് അനുവദിച്ച അഭിമുഖത്തിലാണ് ജാക്ക് ല്യൂ ഇക്കാര്യം വ്യക്തമാക്കിയത്. ഈ യുദ്ധത്തിന്റെ സമയത്ത് 25 മുതല് 45 വയസ് വരേയുള്ളവര് ഭാവിയില് നയതന്ത്ര ഉദ്യോഗസ്ഥരായി നയങ്ങള് രൂപീകരിക്കുമ്പോള് അവരില് ഈ യുദ്ധം ചെലുത്തുന്ന സ്വാധീനം വലുതായിരിക്കുമെന്നും അത് പോളിസി മേക്കിങ്ങിലടക്കം വലിയ സ്വാധീനം ചെലുത്തുമെന്നും ജാക്ക് ല്യൂ പറഞ്ഞു.
സയണിസ്റ്റ് എന്ന് സ്വയം വിശേഷിപ്പിക്കുന്ന യു.എസ് പ്രസിഡന്റ് ജോ ബൈഡന്, തന്റെ തലമുറയിലെ ഇസ്രാഈലിനെ പിന്തുണയ്ക്കുന്ന അവസാന പ്രസിഡന്റാണെന്നും ലെവ് കൂട്ടിച്ചേര്ത്തു. ഡെമോക്രാറ്റിക് പ്രസിഡന്റ് ഹാരി.എസ്.ട്രൂമാന്റെ കീഴിലാണ് ഇസ്രാഈലിനെ അംഗീകരിക്കുന്ന ആദ്യ രാജ്യമായി യു.എസ് മാറുന്നത്. എന്നാല് അന്ന് ആ തീരുമാനത്തിന്റെ പേരില് യു.എസ് സ്റ്റേറ്റ് ഡിപ്പാര്ട്ട്മെന്റിലും രഹസ്യാന്വേഷണ ഏജന്സികളിലും അറബ് സമൂഹത്തെ പിന്തുണയ്ക്കുന്നവര്ക്കിടയില് നിന്ന് വലിയ എതിര്പ്പ് നേരിടേണ്ടി വന്നിരുന്നെന്നും അദ്ദേഹം പറഞ്ഞു.
ഗസ്സയില് ഇസ്രാഈല് വംശഹത്യ ആരംഭിച്ചത് മുതല് അമേരിക്കന് ജനതയ്ക്കിടയില് ഇസ്രാഈല് വിരുദ്ധ മനോഭാവം വളര്ന്ന് വരുന്നതായി വിവിധ സര്വെ ഫലങ്ങളില് കണ്ടെത്തിയിരുന്നു. അമേരിക്കന് ജൂതര്ക്കിടയിലും ഫലസ്തീന് അനുകൂല മനോഭാവം വളര്ന്ന് വരുന്നതായി റിപ്പോര്ട്ടുകളുണ്ടായിരുന്നു.
അമേരിക്കയിലെ ജൂതന്മാരായ കൗമാരക്കാരില് ഭൂരിഭാഗം പേര്ക്കും ഇസ്രാഈല് ഗസയില് നടത്തുന്ന കൂട്ടക്കൊലയില് ശക്തമായ വിയോജിപ്പും ഹമാസിനോട് അനുഭാവം ഉള്ളതായി ഇസ്രാഈല് സര്ക്കാരിന്റെ കീഴിലുള്ള ഡയസ്പോറ അഫേഴ്സ് ആന്ഡ് കോമ്പാറ്റിങ് ആന്റി സെമിറ്റിസം മന്ത്രാലയം നടത്തിയ സര്വെയില് കണ്ടെത്തിയിരുന്നു
സര്വെയില് പങ്കെടുത്ത 14നും 18നും ഇടയില് പ്രായമുള്ള അമേരിക്കയിലെ ജൂത കൗമാരക്കാര്ക്കിടയില് 36.7 ശതമാനം പേരും ഗസയിലെ സായുധ സംഘടനയായ ഹമാസിനോട് ആഭിമുഖ്യം പുലര്ത്തുന്നവരാണെന്നാണ് സര്വെയില് വെളിപ്പെടുത്തിയിരുന്നു. ഈ സര്വെയില് ഇസ്രാഈല് ഗസയില് നടത്തുന്ന വംശഹത്യയില് ഇവരില് 41.3 ശതമാനം പേരും ശക്തമായ വിയോജിപ്പ് രേഖപ്പെടുത്തുന്നുണ്ട്.
ഇസ്രാഈല് ഗസയില് നടത്തുന്നത് വംശഹത്യയാണെന്നും ഇവര് സമ്മതിക്കുന്നുണ്ട്. അമേരിക്കയിലെ ജൂത കൗമാരക്കാരില് 66% പേര്ക്കും ഫലസ്തീന് ജനതയുടെ നിലവിലെ അവസ്ഥയില് സഹതാപമുണ്ടെന്നും സര്വെയില് പറയുന്നു.
kerala
വിദ്യാഭ്യാസ ഓഫീസുകളിലെ മിന്നല്പ്പരിശോധന; വ്യാപക ക്രമക്കേട് കണ്ടെത്തി വിജിലന്സ്
വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്.
പൊതുവിദ്യാഭ്യാസ വകുപ്പിനു കീഴിലെ വിദ്യാഭ്യാസ ഓഫീസുകളില് വിജിലന്സ് നടത്തിയ മിന്നല്പ്പരിശോധനയില് വ്യാപക ക്രമക്കേട് കണ്ടെത്തി. വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയതായാണ് കണ്ടെത്തല്. അധ്യാപകര്ക്കും അനധ്യാപകര്ക്കും സര്വീസ് ആനുകൂല്യം അനുവദിക്കുന്നതിനാണ് വിദ്യാഭ്യാസ വകുപ്പ് ഉദ്യോഗസ്ഥര് ഗൂഗിള് പേ വഴി കൈക്കൂലി കൈപ്പറ്റിയത്.
ആലപ്പുഴ വിദ്യാഭ്യാസ ഓഫീസിലെ ഒരു ഉദ്യോഗസ്ഥന്റെ ഗൂഗിള് പേ അക്കൗണ്ടിലേക്ക് സംശയാസ്പദമായി എത്തിയത് 1,40,000 രൂപയാണ്. കുട്ടനാട് വിദ്യാഭ്യാസ ഓഫീസിലെ എയ്ഡഡ് നിയമനാംഗീകാരവുമായി ബന്ധപ്പെട്ട സെക്ഷനിലെ സീനിയര് ക്ലര്ക്കിന്റെ ഗൂഗിള് പേ അക്കൗണ്ടിലേക്ക് രണ്ട് എയ്ഡഡ് സ്കൂളുകളിലെ ക്ലര്ക്കുമാരുടെ അക്കൗണ്ടില്നിന്ന് 77,500 രൂപ ലഭിച്ചതിന്റെ തെളിവാണ് വിജിലന്സ് കണ്ടെത്തിയത്.
മലപ്പുറം മേഖലാ ഡെപ്യൂട്ടി ഡയറക്ടര് ഓഫീസിലെ ഒരു ഉദ്യോഗസ്ഥന് എയ്ഡഡ് സ്കൂള് അധ്യാപകനില്നിന്ന് 2000 രൂപ ഗൂഗിള് പേ വഴി വാങ്ങി. ഇതുകൂടാതെ 20,500 രൂപയുടെ ഇടപാടുകളും കണ്ടെത്തി. തിരുവനന്തപുരം മേഖലാ ഡെപ്യൂട്ടി ഡയറക്ടറുടെ കീഴിലെ സ്കൂളില് ഭിന്നശേഷി സംവരണം പാലിക്കാതെ 11 അധ്യാപകരെ നിയമിച്ചു.
തളിപ്പറമ്പ് ജില്ലാ വിദ്യാഭ്യാസ ഓഫീസിന് കീഴിലെ എയ്ഡഡ് സ്കൂളില് അധ്യാപക തസ്തിക നലനിര്ത്താന് അവിടെയില്ലാത്ത മൂന്നുകുട്ടികള്ക്ക് പ്രവേശനം എടുത്തതായി കാണിച്ച് ഹാജര് അനുവദിച്ചു. ഇതില് ഒരു കുട്ടി കേന്ദ്രീയവിദ്യാലയത്തില് പഠിക്കുകയാണ്. തലശ്ശേരി വിദ്യാഭ്യാസ ഓഫീസിനു കീഴിലെ എയ്ഡഡ് സ്കൂളില് സമാനരീതിയില് ഒരു ക്ലാസില് 28 കുട്ടികള് പഠിക്കുന്നതായി കാണിച്ച് ഹാജര് അനുവദിച്ചിരുന്നു. പരിശോധനയില് ഈ ക്ലാസില് ഒന്പത് കുട്ടികള് മാത്രമാണുള്ളതെന്നും പുറമേയുള്ള 19 കുട്ടികള് പ്രവേശനം നേടിയതായി കാണിച്ച് ഹാജര് നല്കുകയായിരുന്നെന്നും കണ്ടെത്തി.
kerala
അമീബിക് മസ്തിഷ്ക ജ്വരം; ഒരാള് കൂടി മരിച്ചു, ഒരു മാസത്തിനിടെ 7 മരണം
ഈ വര്ഷം ഇതുവരെ 40 പേരാണു മരിച്ചത്.
സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് ഒരു മരണം കൂടി. 40 ദിവസമായി ചികിത്സയിലായിരുന്ന ആനാട് ഇരിഞ്ചയം കുഴിവിള അശ്വതി ഭവനില് എന്.ജെ.വിഷ്ണുവിന്റെ ഭാര്യ കെ.വി.വിനയയാണ് (26) മരിച്ചത്. ഇന്നലെ രാത്രിയോടെയാണ് മരണം. പനി ബാധിച്ചതിനെ തുടര്ന്ന് ആദ്യം നെടുമങ്ങാട് ജില്ലാ ആശുപത്രിയില് ചികിത്സ തേടിയിരുന്നു. രോഗ ഉറവിടം കണ്ടെത്താനായിട്ടില്ല. വിനയയുടെ വീട്ടില് നിന്നു ശേഖരിച്ച ജല സാംപിളിന്റെ പരിശോധനാ ഫലം ലഭിച്ചിട്ടില്ല.
സംസ്ഥാനത്ത് മസ്തിഷ്കജ്വരം ബാധിച്ച് ഈ മാസം ചികിത്സ തേടിയ 17 പേരില് 7 പേരും മരിച്ചു. ഈ വര്ഷം ഇതുവരെ 40 പേരാണു മരിച്ചത്. രോഗം ബാധിച്ചത് 170 പേര്ക്ക്. തിരുവനന്തപുരം ജില്ലയില് ഇതിനകം 8 പേര് മരിച്ചു. രോഗം പെട്ടെന്നു തിരിച്ചറിയാന് സാധിക്കാത്തതാണു പ്രധാന വെല്ലുവിളിയെന്ന് ഡോക്ടര്മാര് പറഞ്ഞു. ഇതിനാല് രോഗം സ്ഥിരീകരിക്കാനും മതിയായ ചികിത്സ ലഭിക്കാനും വൈകും.
ധ്യാന് ശ്രീനിവാസന്, ഇന്ദ്രന്സ്,അപര്ണ്ണ ദാസ് എന്നിവരെ പ്രധാന കഥാപാത്രങ്ങളാക്കി അഖില് കാവുങ്ങല് തിരക്കഥയെഴുതി സംവിധാനം ചെയ്യുന്ന ‘ഡിയര് ജോയി ‘ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. ജോണി ആന്റണി, ബിജു സോപാനം, നിര്മ്മല് പാലാഴി, കലാഭവന് നവാസ്, മീരാ നായര് തുടങ്ങിയവരാണ് മറ്റു പ്രമുഖ താരങ്ങള്.
എക്ത പ്രൊഡക്ഷന്സിന്റെ ബാനറില് അമര് പ്രേം നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം റോജോ തോമസ് നിര്വഹിക്കുന്നു. സന്ദൂപ് നാരായണന്, അരുണ് രാജ്,ഡോക്ടര് ഉണ്ണികൃഷ്ണന് വര്മ, സല്വിന് വര്ഗീസ് എന്നിവര് എഴുതിയ വരികള്ക്ക് ധനുഷ് ഹരികുമാര്,വിമല്ജിത് വിജയന് എന്നിവര് സംഗീതം പകരുന്നു. സംഗീതത്തിന് വളരെ അധികം പ്രാധാന്യമുള്ള ഈ ചിത്രത്തില് കെ. എസ്. ചിത്ര, വിനീത് ശ്രീനിവാസന്,വൈക്കം വിജയലക്ഷ്മി എന്നിവരാണ് ഗായകര്.
അഡിഷണല് സോങ്- ഡോക്ടര് വിമല് കുമാര് കാളിപുറയത്ത്, എഡിറ്റര്- രാകേഷ് അശോക, കോ പ്രൊഡ്യൂസര്- സുഷില് വാഴപ്പിള്ളി, എക്സിക്യൂട്ടീവ് പ്രൊഡ്യൂസര്-ജി കെ ശര്മ,ക്രീയേറ്റീവ് പ്രൊഡ്യൂസര്-റയീസ് സുമയ്യ റഹ്മാന്, പ്രൊഡക്ഷന് കണ്ട്രോളര്-നിജില് ദിവാകരന്,ആര്ട്ട്-മുരളി ബേപ്പൂര്, വസ്ത്രലങ്കാരം-സുകേഷ് താനൂര്,മേക്കപ്പ്-രാജീവ് അങ്കമാലി, സ്റ്റില്സ്-റിഷാദ് മുഹമ്മദ്,ഡിസൈന്- ഡാവിഞ്ചി സ്റ്റുഡിയോസ്, പ്രൊഡക്ഷന് എക്സിക്യൂട്ടീവ്-സുനില് പി സത്യനാഥ്, പി ആര് ഒ-എ എസ് ദിനേശ്.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala14 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala13 hours agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala11 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala2 days agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala1 day agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്